Jeremías 14:12 - Chuj San Sebastian Bible

¹² Wach'xam tz'och eb' 'a c'ajb'c'ojlal, palta ma'oj in ta'w 'a eb'. Wach'xam caw niwn xajmb'al tzyac' tz'a eb', wach'xam pax caw niwn sat 'awb'en tzyij cot eb' ofrendail 'ayin, palta ma'oj in tzalj yet' eb'. 'Oj wac' satl eb' yuj owal, yuj wejel, yuj yab'il, xchi 'ayin.

Chuj San Mateo Bible

¹² Vach'chom tz'och eb' d'a tzec'ojc'olal, palta man̈ ol in tac'voclaj d'a eb'. Vach'chom tzijtum silab' sn̈us eb' yed' jantac sat avb'en syic'cot eb' ofrendail, palta man̈ ol in tzalaj yed' eb'. Ol in satel eb' yuj oval, yuj vejel yed' pax yuj ilya, xchi d'ayin.

Jeremías 14:12 Iomraidhean Croise

Job 27:9

A yic 'ayx 'och syailal eb', man̈x 'oj scha Dios yab' tas 'oj yal eb'.

Pr 1:28

A wal 'a jun c'ul cha, 'ojt cob' e c'an in colwal, palta man̈x 'oj in ta'w 'ayex; 'ojt cob' eyal e b'a 'ayin, palta man̈x 'oj wab' tas tzeyala,

Pr 15:8

A eb' maysch'olnil sb'eyb'al, matz chaj sc'ojl Jehová xajmb'al eb', ax pax eb' tojl snab'en, caw tzchaj sc'ojl yab'n slesl eb'.

Pr 21:27

A Jehová matz chaj sc'ojl yofrenda eb' maysch'olnil, ocxom wal eb' tzyac' yofrenda yet' stu nab'enal.

Pr 28:9

Toto 'ay junc mach matz nib'j yab' sley Dios, an̈jtona ma'oj yab' pax Dios slesal.

Is 58:3

Yuj cha, xyaln eb' 'ixtic: Nab'an̈ej tzon̈ cob' 'och 'a c'ajb'c'ojlal 'aych on̈, toc tzela. Nab'an̈ej tzon̈ cob' 'och 'emmquilal 'aych on̈, toc tzach 'och 'il cuj on̈, xchi eb'. Yuj cha tzwaln 'ixtc 'a eb': Yel toni, a yic tzex 'och 'a c'ajb'c'ojlal cha, cojn tas tze nib'j e b'o', a chi tze b'o'o, tzlaj eyixtn eb' eyit 'anmal tzmunlj 'ayex.

Jeremías 11:11

Yuj cha, an Jehová in, an tzwala, to 'oj wa' cot yailal 'a yib'n̈ eb', man̈x 'oj stac' s'at eb' 'elc 'a 'a. Wach'xam 'oj 'el yaw eb', ax sc'ann eb' in colwal, palta man̈x 'oj in ta'w 'a eb'.

Jeremías 11:14

Yuj cha, ach Jeremías, man̈ ach leslwoc yuj jun chon̈b' tic, man̈ ach tewoc 'ayn yuj eb', yujto ma'oj in ta'wc 'ayach. Wach'xam 'oj sc'an eb' in colwal 'a scal syailal, wal yel, ma'oj in ta'w 'a eb', xchi.

Jeremías 15:1

'Ix ta'w Jehová 'ayn 'ixtic: Man̈x 'oj 'o'ch in c'ojl 'a eb' in chon̈b' tic. Wach'xam caw a Moisés mto a Samuel tzjapx tewc 'a wojltac yuj eb' 'icha yutjnac eb' 'a yic pecti', man̈x 'oj in ta'w 'a eb'. Yuj cha, al 'a eb' chon̈b' cha, to tz'el eb' 'a wojltac, sayt cab' sb'a eb'.

Jeremías 16:4

'Oj cham eb' yuj tzann̈j yab'ilal, may mach 'oj 'oc' yuj eb', man̈x 'a mach 'oj mucnc eb'. T'ocquixtac 'oj 'ajcn sniwnal eb' 'a sat lum 'icha tzyac' stza no noc'. A owal yet' wejel, a 'oj milnc eb'. 'Oj chixc sniwnal eb' yuj no 'usej, yet' yuj no calte'al noc', xchi 'ayin.

Jeremías 21:6

'Oj in mil cham smasnil 'anma cajn 'a jun chon̈b' tic. Smasnil eb' 'anma', yet' smasnil no noc', 'oj cham smasnil yuj jun niwn yab'il 'oj jawoc.

Jeremías 24:10

'Oj wa' cot owal, wejel, yet' yab'il 'a scal eb'. Man̈x 'a junc eb' 'oj can 'a sat lum lum 'ix wac' 'a eb', yet' 'a eb' smam yichm eb', xchi Dios.

Jeremías 32:24

Ax ticnec, tox 'ix sb'o chan̈ eb' caldeo jun tzo'n̈ b'achte 'a spatquil 'el chon̈ab', yic tzya'n eb' owl yet' jun chon̈b' tic, yuj cha, 'ay wejel yet' yab'il. 'Oj 'ajxoc ganar jun chon̈b' tic yuj eb' 'a'm owl cha. Mamin, 'in wan yuj 'icha wal yaj alni.

Jeremías 6:20

Ex in chon̈ab', ¿tas to yuj tzeyij cot incienso yic chon̈b' Sabá 'ayin, yet' jun tzo'n̈ xo te c'ultc caw su'q'ui sjab' tzcot 'a jun tzo'n̈ nacion̈ 'ay 'a caw najat? A jun tzo'n̈ e xajmb'al tzeyac' tz'a'oc, caw man̈xtzac schaj in c'ojol, yet' jun tzo'n̈ xo xajmb'al tzeyac'a, xin chi, xchi Dios.

Jeremías 8:13

Tzyaln pax Jehová 'ixtic: 'Oj wi'l eb' in chon̈b' tic 'icha tz'aj spolx 'el 'ixm trigo, yujto lajn eb' 'icha junc te snun uva, mto 'icha junc te snun higo may sat, wan stacj pax 'el xi'il, 'ixta 'eb'. Yuj cha, a tas wa'jnac 'a eb', 'oj can 'a yol sc'ab' jun tzo'n̈ chuc chon̈b'al, xchi.

Jeremías 9:16

Ax wa'n sactzic can 'at eb' 'a scal jun tzo'n̈ nacion̈ to man̈ 'ojcab'ilc yuj eb', man̈ 'ojc'ab'ilc pax yuj smam yichm eb'. Ax wa'n pechxoc b'eyc'oc eb' yet' q'uen espada, masnto 'oj satl eb' smasnil, xchi Dios.

Ez 14:19

Toto tzwa't yab'il 'a yib'n̈ junc nacion̈ cha, yet' wal yowl in c'ojol, ax wa'n cham eb' 'anma yet' no noc'.

Ez 14:21

Yuj cha, an Jehová Yajl in, an tzwal 'ixtic: A yic 'oj wa'noc cot chan̈e niwc yailal 'a yib'n̈ chon̈b' Jerusalén, caw wal 'ay smay tas 'oj ujc cha. 'Oj jawc owal, wejel, no chiwjum noc' yet' yab'il. 'Oj cham eb' 'anma', yet' no noc'.

Ez 8:18

'Oj wa' cot wal yowl in c'ojl 'a yib'n̈ eb', man̈x 'a in niwnc'ojlal 'a eb'. Wach'xam 'oj cob' 'el yaw eb' yaln sb'a 'ayin, palta ma'oj wab' tas tzyal eb' cha, xchi Dios 'ayin.

Os 5:6

'Oj eyac' e calnelu yet' e wacx xajmb'al-l 'ayn an Jehová in yuj e c'ann in colwal, palta man̈x 'oj wab' tas tzeyala, 'oj wi'l in b'a 'a e cal.

Am 5:21

Yuj cha xyaln Dios 'ixtic: Caw tzin yaj jun tzo'n̈ e q'uin̈ tzlaj eya'chi. Matz in nib'j jun tzo'n̈ eyamnil to caw niwn yel'ch eyalni.

Miqueas 3:4

'Ay wal jun c'ual, 'oj cob' to eyawtc Jehová, palta man̈x 'oj ta'wc 'ayex. A wal 'a yic jun c'ul cha, 'oj sc'ub'c 'el sb'a 'ayx yuj tas maysch'olnil 'ix e b'o'o, xin chi 'a eb' yajl cha.

Zacarías 7:13

'Ix waln 'ixtic: 'Icha wal 'ix yutj sb'a eb', ma'ix schaj eb' yab' 'ayn an Jehová in, yic in paxtin 'a eb', an̈jtona 'ixta 'in pax jun xo, a yic 'ix tew eb' 'ayin, ma'in ta'w 'a eb'.

Malaquías 1:10

Comnoc wal a junc ex tze mac spuertail watut, sec wach' man̈xtzac 'och sc'a'l jun yet'l xajmb'al to wic yaji yujto man̈x 'a yel'chi, an Jehová in, tztac' wuj smasnil, caw wal matz in tzalj eyet'oc, man̈x 'oj in cha pax eyofrenda cha.

Malaquías 2:13

Ax tic, 'ay wal junx tas tze b'o'o: Caw wal tzlojx 'el yet'l xajmb'al yuj yal e sat eyoq'ui, tzex 'oc' wal si'mb'il yujto man̈xtzac schaj Jehová eyofrenda 'a tzaljc'ojlal.

Apoc 6:8

Ax xwilni, 'ayc' junx chej caw c'an. A jun 'ay q'ue 'a yib'an̈, atn Chamel. Ax jun lugar 'aj 'ay spixn eb' chamnac, 'icha to a tza'n 'och yu'uj. A jun cha, 'ix 'ajx spoder 'a yib'n̈ eb' 'anma 'a yolyib'n̈q'uinal. Chan̈c'aj 'oj 'el eb'. Palta 'ay junc'aj eb' 'oj milxc chamoc. 'Oj cham eb' yuj owal, mto yuj wejel, mto yuj yab'il, mto yuj jun tzo'n̈ no chiwjum noc' 'ay smay.