Jeremías 13:27 - Chuj San Sebastian Bible

²⁷ 'Ix wila, jantc wal eyajmulal, atn wal jun tzo'n̈ 'ajmulal caw q'uixweltac xlaj e b'o'. Caw yajb'entac tas xlaj e b'o 'a lum tzalctac, yet' 'a calc te'. 'Oltacx wal ex 'aj Jerusalén. ¿Jantcto wal tiempo 'ayx 'ec' 'a scal e maysch'olnilal? xchi Dios.

Chuj San Mateo Bible

²⁷ Ix vil jantac eyajmulal, aton juntzan̈ q'uixvelaltac tze c'ulej. Yajb'entac tas tze c'ulej d'a lum jolomtac vitz yed' d'a yichtac te te' c'ayum xiil. Ex aj Jerusalén, ob'iltac ex, ¿b'aq'uin̈ ol eyactejcan e c'ulan chucal chi'? xchi Jehová.

Jeremías 13:27 Iomraidhean Croise

Salmos 94:4

Smasnil eb' maysch'olnil tzyutj sb'a cha, tzlaj sb'an̈ sb'a eb', tzyi'n chan̈ sb'a eb' yuj tas tzlaj sb'o'.

Salmos 94:8

'Ab'c ex wit chon̈ab', caw may e nab'en, caw pit ex. ¿B'a'n̈ to wal 'oj nachjoc 'el eyu'uj?

Pr 1:22

Ex quelm to mant 'a e nab'en, ton̈j tzex laj b'uchwji. ¿B'a'n̈ wal 'oj eyactc e tzalj yet' e man̈ nab'enal cha? ¿B'a'n̈ 'oj eyactc can e b'uchwji? ¿B'a'n̈ wal 'oj eyactc e patquiln can 'el jelnal?

Is 57:7

Ex q'ue'ch wayc 'a lum jolm witz caw wal chan̈ yajb't yet' ste'al, ata tzex q'ue'ch pax eyac' tz'a e xajmb'al.

Is 65:7

'Oj stuplajwc eb' smul cha, yet' pax smul smam yichm eb'. Caw wal tenmtac eb', 'ix laj sn̈usn eb' incienso 'a lum jolmctac witz. 'Oj in b'eyc'ojloc eb' b'ab'el, ax wa'n spac yic junjn eb'.

Jeremías 11:15

'Ix yaln pax Jehová 'a eb' wit chon̈b' chi 'ixtic: Ex in chon̈b' chamc'ojlb'il wu'uj, caw may eyaln eyic e jaw 'a in cajnub', yujto til wal tas yajb'entac tze b'o'o. A jun tzo'n̈ xajmb'al tzeyac' 'ayin, ma'oj stac' ex scoln 'el 'a jun yailal 'oj jawc 'a eyib'an̈, 'in tzex tzalj e b'on maysch'olnil.

Jeremías 3:6

A 'a yic stiempoal win rey Josías, 'ix yaln Jehová 'ayn 'ixtic: ¿'Ix el am wal tas sb'o eb' et chon̈b' cha? Lajn wal xyutj sb'a eb' 'icha eb' 'ix 'ajmul 'ix. Caw tz'at eb' 'at sb'o mul 'a smasnil lum tzalctac, yet' 'a yich eb' te te pim xi'il.

Ez 16:23

An Jehová Yajl in, an tzwal 'ixtic: 'Oltac wal jun chon̈b' tic yuj jun tzo'n̈ maysch'olnil tz'el sb'on tic.

Ez 2:10

'Ix xuyn 'at jun ch'an̈ un̈ chi 'a wojltac, tz'ib'b'il jun un̈ chi 'a schapaq'uil, ax tas tz'ib'b'il 'a ch'an̈, atn yab'xil cusc'ojlal, yailal yet' 'el-l 'aw.

Ez 20:28

A yic xwi'n 'och eb' 'a sat lum lum 'aj wa'jnac in ti wa'n 'a eb', cojn wal yic x'och eb' 'a lu'um, 'ix yiln 'och eb' lum tzalctac, eb' te te pim xi'il. Axta 'ix laj sn̈us eb' xajmb'al, xlaj ya'nc eb' yofrenda 'a jun tzo'n̈ sdiosal, atn jun tzo'n̈ chi tzuntzn cot yowl in c'ojl 'a yib'n̈ eb'. 'Ix ya'n tz'a eb' jun tzo'n̈ incienso, xlaj stob'n q'ue eb' jun tzo'n̈ yal uva 'a yib'n̈ jun tzo'n̈ cha.

Ez 24:12

Nab'an̈ej xcob' wixtc in b'a in b'icn 'el jun chen cha, wach'xam xcob' wac' q'ue 'a yib'n̈ c'ac', palta ma'ix 'el xon sc'uxmtacl cha.

Ez 24:13

Ach Jerusalén, xin nib'j ach in sacb'tzej yuj tas maysch'olnil tza b'o'o, palta ma'ix yal a c'ojl 'ix a sacb'tzej a b'a. Man̈x 'oj a b'o'i, masnto 'oj wi'l yowl in c'ojl 'a eb'an̈.

Ez 24:6

An Jehová Yajl in, an tzwal 'ixtic: ¡'Ay, 'oltac wal jun chon̈b' tic, caw milm 'anma'! Lajn wal 'icha junc chen c'uxmtac, a yic tzb'icx 'eli, matz 'el jun sc'uxmtacl cha, xin chi. Ach xo tic, junjnal tzotj e'n q'uet no chib'j cha, man̈ a si'loc.

Ez 36:25

'Oj ex in sacb'tzoc can yuj smasnil tas maysch'olnil 'ix e b'o'o, 'icha tzyac' junc tas tzb'icx 'el yet' a a caw wal yaxt'ujnac yilxi. 'Oj wi'cn 'el e mul 'aych 'ayex, atn yic xeya'n 'ejm e b'a 'a jun tzo'n̈ comn dios.

Ez 36:37

An Jehová Yajl in, an tzwal 'ixtic: A tas 'oj e c'an 'ayin, 'oj wa'x 'ayex, ax wa'n niwtjoc e b'isl 'icha no calnelu.

Ez 6:13

A yic 'oj yilnc eb', t'occtac yaj eb' 'anma chi scham 'a scal jun tzo'n̈ yechl comn dios cha, 'a stz'ey yet'l xajmb'al eb', 'a lum tzalctac, 'a lum jolmctac witz, 'a yich eb' te ma'ach', atn 'aj tzlaj sn̈us eb' incienso 'a sdiosal cha, ata 'oj yojcoc 'el eb' to an Jehová in tic, to cojn in ton Dios in.

Os 1:2

'Ix schan 'eln̈ej Jehová yich spaxtin 'ayin, xyaln 'ixtic: 'A eb' et israelal tic, 'ix ya'ch eb' smul 'a wojltac, xyi'n 'el sb'a eb' 'ayin, in yactn can eb' 'icha junc 'ix 'ajmul 'ix. Yuj cha, 'ij junc 'ix 'ajmul 'ix estziloc, ax yalj yune 'ix 'a scal yajmulal cha, xchi.

Os 4:2

Caw tzniwtj eb' laj sjelnc tas tzyala, tzlaj ya'nc eb' 'es. Tzmilw cham 'anma eb', tz'elc'w eb', cojxn̈ej 'ajmulal tzlaj sb'o eb', tzlaj yixtn eb' yit 'anma'il, jab'jb' scal tzlaj milw 'anma eb'.

Os 8:5

Caw wal tzin yaj jun yechl wacx b'ob'il yuj eb', atn jun 'aj tzyac' eb' 'aj Samaria 'emmquilal, yuj cha, caw wal 'oj cot wowl 'a eb'. ¿B'a'n̈ wal 'oj yactn can eb' israel jun maysch'olnil cha?

Sofonías 3:1

'Oltac wal eb' 'aj Jerusalén, yujto caw wal tenmtac eb', man̈ wach'c eb', 'ixtm 'anma pax eb'.

Mt 11:21

—A wal ex 'aj Corazín, caw 'oltac ex. Yet' ex 'aj Betsaida, caw 'oltacx paxi. Octom a 'a Tiro yet' 'a Sidón b'ob'il jun tzo'n̈ milagro 'icha xb'o 'a e cal. Toto 'ixta', pectix snajnac sb'a eb'. Tox 'ix ya'ch eb' jun tzo'n̈ pichl n̈achtac. Tox am 'ix yac' q'ue eb' stan̈l c'ac' 'a sjolom, sec tzcheclji, to caw tzcus eb' yuj smul.

2 Co 12:21

Tzin xiw in 'at 'ayx jun 'ejm xo, toq'ue a qui Diosal 'oj 'a'nc in q'uixwloc eyu'uj. Toq'ue caw 'oj woc' eyu'uj, yujto 'a yictax yalan̈, caw niwn ex tze b'o maysch'olnil. Caw matz eyactj can e b'on jun tzo'n̈ maysch'olnil yet' e niwnal, atn 'ajmulal yet' jun tzo'n̈ xo tas caw q'uixweltac.

2 Co 7:1

Ex chamc'ojlb'il wu'uj, atn jun tzo'n̈ tic yaljnac can Dios, yic ya'n can sti 'ayn̈ec. Yuj cha, caw qui wach' 'actquec can jantcn̈ej tas tz'i'n 'at qui niwnal yet' qui nab'enec 'a maysch'olnil. Yowlal tzqui wach' tojlb'tzejc qui nab'en si'mb'il, yuj qui xiwc'ojlalec 'a 'a.

Santiago 4:4

'Ay ex, 'icha junc 'ix, cojxn 'ajmulal tzsayq'ui, 'ixta 'ex 'a sat Dios. ¿Tom mant eyojcoc, to a yic tzqui chamc'ojlanec qui b'a yet' yolyib'n̈q'uinl tic, ax 'a Dios tzon̈ 'ochc 'ajc'ojlal? Yuj cha, tzann̈j mach tznib'j tz'och swach'c'ojloc yolyib'n̈q'uinl tic, ax 'a Dios tz'och 'ajc'ojlal.

Apoc 8:13

Xlajw cha, xwilni, 'ay jun ángel tzjen̈n̈ 'ec' 'a snan̈l satcha'an̈. Ax xwab'ni, caw 'ip x'awj 'ixtic: —¡'Ay, 'ay, 'ay! 'Oltac wal eb' 'anma 'a yolyib'n̈q'uinal, yujto 'ayt 'oxwn̈ xo eb' ángel tot 'oj yutz'c strompeta, xchi.