Jeremías 13:18 - Chuj San Sebastian Bible

¹⁸ 'Ix yaln Jehová 'ixtc 'ayin: Al 'a win rey yet' 'a 'ix snun winac, to an tzwal 'ixtic: 'Emn̈ect 'a e despacho. Tzlajw cha, ax 'a sat lum tzex 'em wocan, yujto a jun e corona man̈x jantcoc swach'l yilxi, caw 'oj 'ijxoc 'el 'a e jolom.

Chuj San Mateo Bible

¹⁸ Ix yalanxi Jehová d'ayin: Al d'a vin̈ a reyal yed' d'a ix snun vin̈: Eman̈eccot d'a xilail e reyal, tzex em c'ojan d'a sat luum, yujto ol ic'chajel e corona man̈ jantacoc svach'il yilji ayq'ue d'a e jolom.

Jeremías 13:18 Iomraidhean Croise

A Ch'an̈ Schab'il Libro Yic Yab'ixal Eb' Rey 24:12

Yajn̈ej 'ix ya'n 'och sb'a Joaquín sreyl Judá yet' snun, yet' eb' yit yajlil, yet' eb' schecb' 'a yol sc'ab' win rey cha. 'Ix ya'n win rey chi yamchjoc eb'. 'Ix uj jun tic 'a yic swajxquil xo ab'il yoch win Nabucodonosor reyl 'a Babilonia.

A Ch'an̈ Schab'il Libro Yic Yab'ixal Eb' Rey 24:15

'Ix ya'n pax win 'ijxoc 'at win rey Joaquín yet' snun, yet' eb' yistzil, yet' eb' 'aych 'a yopiso yet'oc, yet' pax eb' niwn yel'ch 'a jun nacion̈ cha. 'Ix 'ijx 'at eb' 'a Babilonia cha.

2 Cr 33:12

Palta ax yic xyab'n wal syal cha, 'ix leslwi 'a Jehová sDiosal, xyi'n 'ejm sb'a si'mb'il 'a yojltac sDiosal yet' eb' smam yicham.

2 Cr 33:19

Tz'ib'b'il pax slesal, yet' tas x'aj yo'ch sc'ojl Dios 'a yuj slesl cha. An̈jtona', tz'ib'b'il smasnil smul yet' stenmtaquil, yet' jun tzo'n̈ macsej sb'o chan̈ 'a jolmctac witz yet' 'a 'aj sb'o 'ejm yechl comn dios tzcuch Aserá yet' jun tzo'n̈ xo yechl comn dios, yic mantzac yij 'ejm sb'a 'a Dios. A jun tzo'n̈ cha, ata tz'ib'b'il can 'a ch'an̈ libro yic yab'xil eb' schecb' Dios.

2 Cr 33:23

Palta may xon 'aj 'ix yij 'ejm sb'a 'a yojltac Jehová jun 'ejmoc, 'icha yutjnac yi'n 'ejm sb'a smam.

Ex 10:3

Xlajw cha, 'ix 'atx Moisés yet' Aarón 'at yil win rey chi jun 'ejm xo, 'ix yaln pax eb' 'a win 'ixtic: —A Jehová qui Diosal an̈ israel on̈ tic on̈, a tzaln 'ixtc 'ayach: ¿Jantcto wal tiempo 'oj ac' pitb'oc a b'a, yic matz ej 'ejm a b'a 'ayin? 'A'l eb' in chon̈b' tic 'a libre, yic tz'at ya'nc eb' 'emmquilal 'ayin.

Ex 39:28

An̈jtona', 'ix b'o pax te sc'oxl sjolom, yet' jun tzo'n̈ xo sc'oxl sjolm eb', yet' pax te cutin wex, 'ix b'o eb' te 'a te lino ch'al ch'umb'il.

Pr 27:24

yujto a ricoal yet' 'opiso, lemb'il man̈ najtloc tzyac'a, ax slajw paxi.

Is 3:26

Ax smasnil eb' 'aj Jerusalén, 'oj 'oc' eb' yuj scusc'ojlal, yujto sch'ocxoj eb' 'oj canoc.

Is 47:1

Tzyal Dios 'ixtc 'a Babilonia: 'Emn̈ta 'a a despacho, 'emn̈ wocn 'a scal pococ. Yujto a 'a yic pecti', lajn wal elx 'icha junc 'ix cob's mant 'a yichmil. Ax ticnec, man̈x 'oj alxoc 'aych 'ixtic: 'Ix cob's 'unn ya'ilb'il.

Jeremías 22:24

A Jehová tzaln 'ixtc 'a Jeconías sreyl Judá win yunnal Joacim: Wach'xam ach tic, caw 'ay tzach 'och wu'uj, 'icha junc colc'ab' 'aych 'a swach' c'ab' eb' niwc winac, palta tzwac' in ti', to 'oj ach in julcn 'eli.

Jeremías 22:26

'Oj ach wac' 'ijxoc 'at yet' a nun 'a jun lum lum to man̈oc ta ex 'alji, ata 'oj e cham e chawn̈il.

Jeremías 36:16

A wal yic xyab'n ewin jun tzo'n̈ cha, caw wal 'ix xiw ewinac, 'ix 'och q'ueln junjn ewin 'a 'a, xyaln eb' 'ixtic: —Yowlal 'oj cal jun tzo'n̈ tic 'a win rey, xchi eb'.

Lm 1:6

'Ix sat 'ejm swach'l yilx chon̈b' Jerusalén. A eb' 'aych yajlil 'a 'a, caw wal tz'el yip eb' 'icha no c'ultquil chej matz 'ilchj tas tzc'uxu, ch'umchnixn̈ej sb'ey 'a yojltac eb' pechjnac.

Lm 1:9

A smul eb' 'anma cha, caw wal checl yaji; palta may tas tzna eb' toto 'ay tas wan sjaw 'a yib'n̈ eb'. Caw wal satjub'tac x'aj slajw 'el schon̈b' eb'; may xon mach x'a'n sniwnal sc'ojl eb'. Yuj cha, tzyaln eb' 'ixtic: Mamin Jehová, 'ilt on̈ cot yet' wal qui yailal on̈, a eb' 'ajc'ojl yajch 'ayn̈ on̈, caw wal xyac' eb' sgana on̈ satn 'el on̈, xchi eb'.

Lm 2:10

A eb' yichm wincal chon̈b' Sión, sictac xoj yaj eb', wocn 'ejm eb' 'a sat lu'um. Tzlaj sjopn q'ue eb' pococ 'a sjolom, tzya'n 'och eb' jun tzo'n̈ pichl n̈achtac sat. Ax eb' 'ix cob'stac 'ix 'aj Jerusalén, c'uxn tzlaj 'em quiln sat eb' 'ix 'a sat lu'um.

Lm 5:16

Man̈xtzac on̈ b'inax 'icha 'a yic yalan̈, caw 'oltac tzon̈ 'aj on̈, yujto 'ix 'och qui mul on̈.

Ez 16:12

Xwa'n 'och jun q'uen 'icha colc'ab' 'a sn̈i', xwa'n 'och syumchiquin, xwa'n q'ue jun corona caw wach' yilx 'a sjolom.

Ez 21:26

An tzwal 'ixtic: 'Oj 'ijxoc 'ec' te sc'oxl sjolm win sat ya'mal 'och sti eb' 'anma', ax yijx 'ec' a corona, 'oj 'ijxoc q'ue'ch eb' 'emmquilal yeq'ui, ax yijx 'ejm can eb' niwc winac, yowlal 'ixta 'oj 'ajoc.

Ez 24:17

Tza c'ultac 'ab'j syail, palta man̈ a ch'oxl a cusc'ojlal chi 'icha tzyac' eb' 'anma yuj mach tzcham 'a 'a. Man̈ e'l sc'oxl a jolom, man̈ e'l a xan̈ab', man̈ a mac a sat yic tza ch'oxn 'el a cusc'ojlal, man̈ a c'ux jun tzo'n̈ tas tzc'uxx yuj cusc'ojlal, xchi 'ayin.

Ez 24:23

Man̈ eyi'l sc'oxl e jolom, man̈ eyi'l e xan̈ab', man̈ e ch'oxl e cusc'ojlal cha, man̈ ex 'oc'oc. Mun 'oj c'un 'el eyip yuj jun tzo'n̈ e mul cha, ax scus chan̈ e c'ojl junjn ex.

Ez 44:18

Lino cab' sc'oxl sjolm eb' 'ay q'ue'i, lino cab' pax scutin wex eb' tzya'chi, may cab' sjal-l snan̈l eb' tzya'chi, sec matz 'el yalil eb'.

Dn 5:20

Palta caw spitj sb'a yet' sb'an̈quinal, yuj cha, x'ijx 'ec' yopiso 'a sreyal, yet' sb'inab'ilal.

Jonás 3:6

A yic xc'och yab'xil jun tic 'a win sreyl Nínive cha, 'ix q'ue wan win 'a sdespacho, xyi'n 'el spichl yic sreyl 'aych yu'uj, ax te n̈achtac sat xya'chi, x'em wocn win 'a scal stan̈l c'ac'.

Mt 18:4

Yuj cha, a eb' 'emmquil tzyutj sb'a 'icha jun 'unn tic, an̈j eb' caw niwn yel'ch 'a scal eb' 'aych 'a yol sc'ab'.

Santiago 4:10

Tzeyij 'ejm e b'a 'a sat Cajlil. Toto 'ixta', a 'oj eyi'n cha'an̈.

A Sb'ab'el Carta San Pedro 5:6

Yuj cha, 'emmquilal tzcutjec qui b'a 'a yol sc'ab' Dios, yujto caw niwn spoder. Toto 'ixta', niwn xo 'oj cajc 'el'ch yu'uj, yic 'oj jawc stiempoal.