Jeremías 13:13 - Chuj San Sebastian Bible

¹³ 'Oj lajwc cha, ax aln 'a eb' to an Jehová in, an 'ix wal 'ixtic: Smasnil eb' cajn 'a jun nacion̈ tic, caw 'oj wac' sat sc'ojl eb' yuj yowl in c'ojol, eb' yin̈tl David 'aych reyal, eb' ya'mal 'och sti eb' 'ayin, eb' tzyalch sb'a in checb'oc, yet' smasnil eb' cajn 'a Jerusalén. 'Icha tz'aj sat sc'ojl eb' caw niwn 'an̈ tzyuq'uej, 'ixta 'oj wutc wa'n sat sc'ojl eb'.

Chuj San Mateo Bible

¹³ Ol alan d'a eb' to a in sval icha tic: Ol vac' sat e c'ol e masanil ex cajan ex d'a jun chon̈ab' tic yuj yoval in c'ool, icha val tz'aj sat sc'ol mach nivan vino syuq'uej. A eb' ol satel sc'ol chi', aton eb' rey yin̈tilal vin̈aj David, eb' sacerdote, eb' syaloch sb'a in checab'oc yed' masanil ex cajan ex d'a Jerusalén tic.

Jeremías 13:13 Iomraidhean Croise

Salmos 60:3

An̈ a chon̈b' on̈ tic on̈, 'ix ac' quil niwc yailal, 'icha to 'ix ac' cuc' jun yal uva tzcot 'a qui jolm yu'uj.

Salmos 75:8

Yujto a Jehová caw wal 'ay yowl sc'ojol, lajn 'icha junc vaso b'ut'n yet' yal uva to jawnacx sti'. A wal yic 'oj ya'n cot yowl sc'ojl chi 'a yib'n̈ smasnil eb' maysch'olnil sb'eyb'al 'a sat lum lum tic, c'uxn 'oj jawc 'a yib'n̈ eb' smasnil.

Is 29:9

Ex 'aj Jerusalén, b'eyn̈ecn̈ej yet' e man̈ nab'enal, b'eyn̈ecn̈ej 'a 'icha to matz uj eyiln xon jab'oc. 'E'n̈ecn̈ej tectnoc 'icha junc 'u'm 'an̈, wach'xam man̈ ex 'u'moc 'an̈.

Is 49:26

A eb' tzach 'ixtn cha, an 'oj wac' schilac sb'a eb', ax yu'lan eb' schiq'uil. 'Oj q'ue 'a sjolm eb' 'icha te 'an̈. 'Ixta to b'i'an, ax yojcan 'el smasnil 'anma', to an ton Jehová a colmal waji. An tzach wa'l 'a libre, sDiosal in Jacob, tztac' wuj smasnil, xchi Dios.

Is 51:17

Pitzc 'el 'a e sat ex 'aj Jerusalén, 'ijec pax chan̈ e b'a. A ticnec, tox 'ix 'ec' yowl sc'ojl Jehová 'a eyib'an̈. A eyailal 'ix 'eq'ui, 'icha tz'aj sat sc'ojl eb' 'u'm 'an̈ yuj yan̈ cha, 'ixta ex 'aj yuj eyailal tic.

Is 51:21

Yuj cha, ex 'aj Jerusalén, caw wal tzex 'ixtx si'mb'il, 'icha eb' 'u'm 'an̈, 'ixta xoj eyilxi, palta man̈ ex 'u'moc 'an̈.

Is 63:6

Yet' wal yowl in c'ojol, xin te'n can 'ejm smasnil nacion̈, xin satl eb' yet' yowl in c'ojol, xwa'n b'ey schic'l eb' 'anma 'a sat lu'um, xchi Dios.

Jeremías 13:12

Al pax 'a eb' et chon̈b' 'ixtic: A Jehová qui Diosalec an̈ israel on̈c tic, a tzaln 'ixtic: Smasnil jun tzo'n̈ yet'l yal uva, 'ajx cab' b'ut'joc, xchi, xa chi 'a eb'. Ax yaln eb' 'aych 'ixtic: Toxn to cojc xoni, to a jun tzo'n̈ yet'l yal uva, toxn to 'oj 'ajxoc b'ut'joc xon eb', 'oj schic eb'.

Jeremías 25:27

Xlajw cha, 'ix yaln Jehová 'ayn 'ixtic: Ala, chajtlto an Jehová in, tztac' wuj smasnil, e Diosal in ax israel ex tic, an 'ix wala to yowlal tzyu'j eb', masnto tzq'ue 'a sjolm eb', tzxej eb' yu'uj, telw cab' eb' 'a sat lu'um, man̈x cab' q'ue wan eb'. 'Ixta wal 'oj 'aj eb' yuj jun owl 'oj wa't 'a scal.

Jeremías 25:29

Tic wal tzin chaj 'el yich wa'n 'at yailal 'a yib'n̈ jun chon̈b' to wic yaji. ¿Am wal tze na ax tic, to ma'oj wa' cot yailal 'a eyib'an̈? An Jehová in, an tzwala, to a jun yailal cha, yowlal 'oj jawcn̈ej 'a eyib'an̈, yujto 'oj wa' cot owl 'a yib'n̈ smasnil eb' cajn 'a sat lum lum tic, xchi Dios, xa chi 'a eb'.

Jeremías 51:57

An Rey in, Jehová tztac' wuj smasnil, 'ixtnta ton wal yalx in b'i, an tzwal 'ixtic: 'Icha wal to 'oj wac' 'u'wc 'an̈ eb' yajl 'a Babilonia, eb' 'a'm nab'en, eb' gobernador, eb' niwc yel'ch yopiso, yet' pax eb' soldado. 'Oj cotcn swayn̈ eb' 'a jun 'ejmn̈ej. Man̈x b'a'n̈ 'oj 'el swayn̈ eb', xin chi.

Jeremías 51:7

'Ix in c'anlb'ej Babilonia yuj wa'n 'och yowl in c'ojl 'a yib'n̈ smasnil nacion̈. A Babilonia tic, lajn wal x'ajc' 'a yol in c'ab' 'icha junc vaso nab'a oro 'aj xwac' 'u'wc 'an̈ smasnil eb' cajn 'a yolyib'n̈q'uinl tic. A yic xyu'n eb' nacion̈ jun 'an̈ cha, caw 'ix q'ue 'a sjolm eb'.

Habacuc 2:16

Ax ticnec, 'ix c'och sc'ul eyico', man̈x 'oj eyijx cha'an̈, palta to 'oj 'ilxoc e q'uixwelal. A Jehová 'oj 'a'nc eyac' e q'uixwloc 'icha junc 'u'm 'an̈. 'Oj eyab' syal yu'uj, 'icha wal yailal 'ix eya'ch 'a yib'n̈ jun tzo'n̈ nacion̈ cha. Yuj cha, a e b'an̈quinal, q'uixweltac 'oj 'ajcn yu'uj.