Jeremías 13:10 - Chuj San Sebastian Bible

¹⁰ A jun tzo'n̈ et chon̈b' yel xo wal maysch'olnil tic, caw matz nib'j eb' tzyiclj in checnb'il, cojn tas tzchaj sc'ojl eb', an̈j chi tzb'o eb'. 'Ix 'och tza'n eb' yuj jun tzo'n̈ comn dios yic tzya'n servil eb', yet' yuj ya'n eb' 'emmquilal 'a 'a. An Jehová in, an tzwala to lajn wal eb' yet' jun jal-l man̈x 'a jac yopiso tic.

Chuj San Mateo Bible

¹⁰ A ex in chon̈ab' ex tic, te chuc ex, malaj e gana tze c'anab'ajej in checnab'il, an̈ej tas tze nib'ej a tze c'ulej. Tzex och ejmelal d'a juntzan̈ comon dios, tzeyac'an servil. Lajan ex icha jun tzec'ul man̈xalaj yopisio tic.

Jeremías 13:10 Iomraidhean Croise

Salmos 78:8

Man̈ lajnoc 'oj yutc sb'a eb' 'icha eb' qui mam quichmec, yujto a eb' cha, 'e'nc eb' 'a yib'an̈, tenmtac eb', may pax ste'nal eb'. Man̈ yiclumoc eb' 'a Dios.

Ec 11:9

Ex quelmtac yet' ex cob'stac, tzaljan̈ec ya' sb'a caw te'n eyip; 'a'c tzaljoc e c'ojl 'a tas wach' ya' sb'a tztac' eyu'uj. 'Ixquec 'aj tze nib'j tzex 'ati, yet' tas tze nib'j tze b'o'o, palta tzeyojcan pax 'eli, to 'oj ex sb'eyc'ojloc Dios yuj smasnil jun tzo'n̈ tze b'o cha.

Is 3:24

Ax sjel 'oj 'ajxoc 'a eb', atn tic: A tas caw tu sjab', a chi 'oj 'och sjelc perjuma; a lasu, a chi 'oj 'och sjelc jal-l caw wach'; ax jolm caw wach' tz'aj squichxi, 'oj pucoc; a pichl caw tzlab'b'i, a te n̈achtac 'oj 'ochcn sjeloc; ax sat eb' wach' yilxi, 'oj juwc can yilxi, tz'ib'intac 'oj 'ajcni.

Jeremías 11:10

'Ix 'atcn eb' 'a maysch'olnil sb'ojnac eb' e mam eyicham. Atn eb' chi ma'ix yiclni tas 'ix wala, ax 'a jun tzo'n̈ comn dios 'aj 'ix ya'ch eb' snab'en, ata xyal sb'a eb'. A eb' 'aj Israel, ma'ix syiclj eb' in trato wa'jnac can yet' eb' e mam eyicham, an̈jtona eb' 'aj Judá, 'ixta 'ix yutj sb'a eb' jun xo.

Jeremías 11:18

A Jehová, a 'ix 'a'n nachjoc 'el wu'uj, chajtlto 'ay eb' 'ajc'ojl wan snani, tas tzyutj eb' sb'on tu 'a in patic. A xjacn in nab'en, sec tznachj 'el wu'uj.

Jeremías 13:7

Xlajw cha, in 'atx 'a Perat cha, xin sayn wil jun jal-l chi 'aj c'ub'b'il can 'el wu'uj, 'ix wi'n 'elta, palta tox 'ix c'a'i, man̈x 'a jac yopiso.

Jeremías 16:12

Ax xo pax ax tic, yel xo wal maysch'olnil xeyutj e b'a 'a yib'n̈ eb' e mam eyichm cha. Junjn ex, tzlaj e b'o tas tu tzjaw 'a e nab'en, man̈xtzac eyiclj tas tzwala.

Jeremías 16:4

'Oj cham eb' yuj tzann̈j yab'ilal, may mach 'oj 'oc' yuj eb', man̈x 'a mach 'oj mucnc eb'. T'ocquixtac 'oj 'ajcn sniwnal eb' 'a sat lum 'icha tzyac' stza no noc'. A owal yet' wejel, a 'oj milnc eb'. 'Oj chixc sniwnal eb' yuj no 'usej, yet' yuj no calte'al noc', xchi 'ayin.

Jeremías 20:4

Yujto xyal Jehová 'ixtic: 'Oj wa'ch wal xiwc'ojlal 'a eb'an̈, yet' 'a smasnil eb' 'a wach'c'ojol. Q'ueln ach wal 'ochi, ax yem eb' a wach'c'ojl chi yuj yespada eb' 'ajc'ojl yajch 'ayach. Ax 'aj Judá ex tic, 'oj ex wa'cn 'och 'a yol sc'ab' win sreyl Babilonia. A win 'oj eyi'n 'at 'a Babilonia cha, mto 'oj ex smiln winac.

Jeremías 22:21

An tic, 'ix wal 'ayex yic 'ipn sniwtj tas 'ay 'ayex, palta ma'ix e chaj eyab'i'. 'Ixtan̈ej xeyutj cot e b'a 'a yictax quelmal, toxn matz e nib'j tze chaj eyab' tas tzwala.

Jeremías 23:17

A eb' may yel'ch in paxti 'a sat, tzyal eb' 'ixtic: A Jehová tzalni to wach'n̈j 'oj eyaj 'el'chi, ma'oj jawc yailal 'a eyib'an̈, xchi cob' eb' 'a eb' tzyac' pitb'oc 'el snab'en, yic tzb'on eb' tas tznib'j sb'o 'a yol yico'.

Jeremías 3:17

A 'a yic jun tiempoal cha, a Jerusalén 'oj 'ajxoc can sb'ic in despachooc an Jehová in tic. 'Oj syam sb'a smasnil nacion̈ 'a 'a, ax ya'n eb' 'emmquilal 'ayin. Man̈x 'oj yac' eb' 'ijxoc 'at sb'a yuj stu nab'enal.

Jeremías 35:15

Til wal eb' in checb' in checjnac cot 'ayex, yic tzyaln eb' 'ayex, to tzeyactj can e tu nab'enal, yet' e maysch'olnilal. Matz ex 'och tza'n yuj jun tzo'n̈ xo comn dios, matz eyal e b'a 'a 'a, yic wach' tzex 'aj cajnn̈ej 'a lum lum 'ix wac' 'ayex, yet' 'a eb' e mam eyicham. Palta ax xo tic, jun 'ejmn̈ej ma'ix e chaj eyab'i', ma'ix eyiclj tas xwala.

Jeremías 44:16

—An̈ tic, ma'oj qui yiclc spaxti Jehová 'ix al 'ayn̈ tic.

Jeremías 44:5

Palta ax tic, caw wal ma'ix eyiclej, ma'ex 'och wan e b'on maysch'olnilal. A eyico', to xwach' niwtj eya'n incienso xajmb'al-l 'a jun tzo'n̈ tzalx 'och diosal cha.

Jeremías 5:23

Ax tic, caw tu e nab'en, pit ex; in eyactj cani.

Jeremías 7:13

An Jehová in, an xwal 'ayx 'a b'ab'el, yet' 'a schalal yuj e b'eyb'al cha, palta ax tic, ma'ix e chaj eyab' tas xwala.

Jeremías 7:6

Man̈x eyixtc eb' chuc chon̈b'al, eb' meb'a 'unn chamnc smam yet' eb' 'ix 'ix chamnc yichmil. Man̈x e mil cham eb' 'anma may smul. Man̈x eyac' 'emmquilal 'a jun tzo'n̈ comn dios tzex jun 'eli.

Jeremías 8:5

Palta ax xo tic ex 'aj Israel ¿tas yuj tzeyij 'el e b'a 'ayn 'a jun 'ejmn̈ej? Ex 'aj Jerusalén, ¿tas yuj man̈xtzac ex meltzj cot 'ayin? ¿Tas yuj tzeya'ch e b'a eyixtn eb' 'anma'? Caw man̈xtzac tze nib'j tzex meltzj cot pax 'ayin.

Jeremías 9:13

'Ix ta'w Jehová 'ayn 'ixtic: 'Ixtc x'aji, yujto xyactj can eb' chon̈b' in ley xwac' 'a 'a. Ma'ix schaj eb' yab' tas xwala, ma'ix syiclj eb'.

Jeremías 9:14

Caw 'ix yac' pitb'oc 'el eb' snab'en, ax 'a jun tzo'n̈ comn dios 'ix 'och tza'n eb', 'icha wal yaj scuyx can eb' yuj smam yicham.

Jeremías 9:6

A wal et'l 'aj cajn ach 'eq'ui, ata 'ayc' 'a scal eb' tz'ixtn eb' 'anma'. Yujto caw tzya'ch eb' sc'ojl yixtn yit 'anma'il, yuj cha, caw man̈xtzac snib'j eb' tzin yalch sDiosaloc.

Nm 14:11

'Ix yaln Jehová 'a Moisés 'ixtic: —¿B'a'n̈ to wal 'oj yactc eb' 'anma tic in spatquiln can 'eli? ¿B'a'n̈ to wal 'oj yactc eb' in schab'c'ojlani? 'In til wal milagro tzin ch'ox pax yil eb'.

A Tas Sc'ulejnac Eb' Schecab' Jesús Hechos 7:51

Ax xo tic, caw pit ex. Caw lajn e nab'en yet' eb' man̈ 'ojtnacoc xon jac Dios. Caw matz eya'ch e chicn 'a spaxti'. Ton̈j tzeya'ch e b'a 'ajc'ojlal 'a Yespíritu Dios. Yuj cha, caw lajn ex yet' eb' qui mam quichmec.

A Ch'an̈ Carta D'a Eb' Hebreo 12:25

Yuj cha, yowlal caw tzca'c cuenta qui b'a, sec matz qui patquiljec can 'el jun tzpaxtin 'ayn̈ec. A eb' patquiljnac can 'el Dios pecti', yic yaln 'a eb' 'a yolyib'n̈q'uinl tic, man̈ scoljnacc 'el sb'a eb'. Ocxom an̈ec tic, toxn ma'oj stac' qui colnec 'el qui b'a, toto tzqui patquiljec can 'el jun tzaln cot 'ayn̈ec 'a satcha'an̈.