Jeremías 12:2 - Chuj San Sebastian Bible

² Ach a b'ojnac eb', 'ix yi'n eb' yip. 'Ix q'uib' eb', xniwtj chan̈ sb'isl eb'. Caw tzach sb'inej cob' eb', palta ax snab'en eb', caw najt yajl 'a a tz'ey.

Chuj San Mateo Bible

² A ach a b'onac eb', vach'n̈ej sq'uib' eb', icha junoc te te' vach' sb'at sch'an̈al yib', vach' sq'uib'i, syac'an sat, icha chi' yaj eb'. An̈ej yed' sti' eb' syal vach' lolonel d'ayach, axo spensar eb' najat yajeli.

Jeremías 12:2 Iomraidhean Croise

Job 24:12

A eb' tzlajwi, til wal yel yaw eb', wan laj scham eb' 'a scal eb' 'anma', palta matz yab' Dios slesl eb'.

Job 5:3

'Ay 'aj wiljnac eb' tu snab'en, 'ix laj cob' niwtjoc tas 'ay 'a eb', palta yajn̈ej satx can 'ejm jun tzo'n̈ chi 'a eb' muc'uc.

Salmos 37:35

'Ix wil wal eb' 'anma man̈x jantcoc smaysch'olnilal, caw yelc'ojlal xyij chan̈ sb'a eb'. Niwquil xyutj sb'a eb' 'icha wal junc niwquil te yax xi'il,

Is 29:13

Atn yuj cha, xyaln Jehová 'ayn 'ixtic: A eb' 'anma tic, tzcob' yal eb' to tzin yac' servil eb', tzyaln cob' eb' to 'ay wel'ch 'a sat eb', palta ax snab'en eb' caw najt yajl 'ayin. Tzcob' yal sb'a eb' 'ayn yalni, palta cojn jun tzo'n̈ checnb'il tzlaj spitzchan̈ eb' 'anma', a chi tzyac' eb' cuyxoc.

Jeremías 11:17

An Jehová in, tztac' wuj smasnil, an in pitzjnac chon̈b' Israel, yet' chon̈b' Judá. Palta tox 'ix wala to 'oj jawc yailal 'a yib'n̈ eb', yuj jun tzo'n̈ maysch'olnil tzb'o eb'. 'Ix stzuntzj cot eb' wowal, yujto xyac' eb' tz'a incienso 'a Baal, xchi Dios.

Jeremías 3:10

An Jehová in, an tzwala, wach'xam xyil eb' 'aj Judá smasnil jun tzo'n̈ tic, man̈ yujoc cha, 'ix meltzj pax eb' 'ayn 'a smasnil sc'ojol, palta ton̈j 'ix stz'ac meltzjoc sb'a eb' 'ayin, xchi Dios 'ayin.

Jeremías 45:4

Palta 'iltnab'an, an Jehová 'in, wan in satn 'el tas in b'ojnac, wan in to'n q'uet tas wawjnac. 'Ixta wal tas 'oj in b'o 'a smasnil nacion̈ tic.

Ez 33:31

'Ixta tzyutj eb' in chon̈b' chi yi'n cot sb'a, tzlaj 'em wocn eb' yab'xni 'a tas tzala. Palta matz b'eylb'ej eb' tas tzal cha, ton̈j tzlaj stz'ac eb' laj yala', ax snab'en eb', a wal maysch'olnil tznib'j 'och eb'.

Os 7:14

Man̈ smasnilc sc'ojl eb' tzin yawtn eb' 'a yic tzyaln sb'a eb' 'ayn 'a sat sch'at. Tzyam sb'a eb', yic tzc'ann cob' eb' 'ayin to wach' tz'aj strigo eb', sat yuva eb', palta caw wal tenmtac tzyutj sb'a eb' 'ayin.

Habacuc 1:13

Ach tic, caw wal matz chaj a c'ojl tas tu', matz a nib'j el jun tzo'n̈ qui maysch'olnilal an̈ 'anman̈ tic on̈. ¿Tas pax yuj ton̈j tzach 'och q'ueln 'a eb' 'anma maysch'olnil tic jun? 'In a eb' 'anma wach' to wal 'a yib'n̈ eb', 'a eb' wan satx 'el yuj eb'.

Mt 15:8

A eb' 'anma tic, tzcob' yal eb' to 'ay wel'ch 'a sat eb', palta ax snab'en eb' caw najt yajl 'ayin.

Mr 7:6

Yuj cha, xyaln Jesús 'ixtc 'a ewinac: —Ax tic, caw chab'sat ex, yel ton tas yaljnac can Isaías eyu'uj, yic stz'ib'n can 'ixtic: A eb' 'anma tic, tzcob' yal eb' to 'ay wel'ch 'a sat eb', palta ax snab'en eb' caw najt yajl 'ayin.

Tito 1:16

Tzcob' yalnc eb', to caw yojc eb' Dios, palta yuj sb'eyb'al eb' tzcheclj 'eli, to man̈ yojcoc eb'. Caw maysch'olnil eb' 'a sat Dios, yujto matz yiclj eb' jac tas tzyala. Yuj cha, toxn matz tac' sb'on eb' junc tas wach'.