Jeremías 11:8 - Chuj San Sebastian Bible

⁸ Palta ma'ix schaj eb' yab'i', ma'ix syiclj eb'. A yic eb', to 'ix yac' eb' pitb'oc 'el snab'en. 'Ix ya'n 'at sb'a eb' 'a scal maysch'olnil. Man̈x 'ic yal sc'ojl eb' syiclj tas waljnac 'a 'a. Yuj cha, 'ix wa'n cot yailal 'a yib'n̈ eb', 'icha wal yaln can 'a jun trato cha, xchi Dios 'ayin.

Chuj San Mateo Bible

⁸ Palta maj schalaj yab' eb', maj sc'anab'ajej eb', an̈ej to vach' pitb'inaquel spensar eb'. Yac'annacb'at sb'a eb' d'a scal chucal. Maj yal sc'ol eb' sc'anab'ajej tas svala'. Yuj chi' vac'nacb'at yaelal d'a yib'an̈ eb', icha yajcan d'a in trato chi', xchi Jehová.

Jeremías 11:8 Iomraidhean Croise

Nehemías 9:26

Palta caw stzuntzj cot eb' yowl a c'ojol, caw pit 'ix yutj sb'a eb' 'ayach, 'ix spatquilj can 'el eb' a ley. Caw 'ix tenx 'och wan eb' yuj eb' a checab', sec tzjel eb' sb'eyb'al 'ayach; yuj cha, 'ix milx cham eb' a checb' yuj eb', caw niwquil smul eb' xya'chi, yajb'entac xyutj sb'a eb'.

Nehemías 9:29

'Ix 'ac' snab'enoc eb', sec tzmeltzj eb' 'a a ley; palta an̈ja pit 'ix yutj sb'a eb'. Ma'ix schaj eb' yab' a checnb'il, palta 'ix 'ochx smul eb' 'a a ley, jun tz'a'n sq'uinl eb' toto tzyiclj eb'. Caw tenmtac xyutj sb'a eb', pit xyutj sb'a eb', ma'ix chaj eb' yab'i'.

Jeremías 13:10

A jun tzo'n̈ et chon̈b' yel xo wal maysch'olnil tic, caw matz nib'j eb' tzyiclj in checnb'il, cojn tas tzchaj sc'ojl eb', an̈j chi tzb'o eb'. 'Ix 'och tza'n eb' yuj jun tzo'n̈ comn dios yic tzya'n servil eb', yet' yuj ya'n eb' 'emmquilal 'a 'a. An Jehová in, an tzwala to lajn wal eb' yet' jun jal-l man̈x 'a jac yopiso tic.

Jeremías 3:17

A 'a yic jun tiempoal cha, a Jerusalén 'oj 'ajxoc can sb'ic in despachooc an Jehová in tic. 'Oj syam sb'a smasnil nacion̈ 'a 'a, ax ya'n eb' 'emmquilal 'ayin. Man̈x 'oj yac' eb' 'ijxoc 'at sb'a yuj stu nab'enal.

Jeremías 31:32

An Jehová in, an tzwala to a wal jun in trato 'oj wac' yet' eb' cha, caw man̈ lajnoc 'icha jun in b'ojnac yet' eb' smam yichm eb', yic wi'n 'elt eb' 'a lum Egipto. A yic cha, 'icha to 'ochnc in quetzn 'a sc'ab' eb' yic wi'n 'elt eb'. Wach'xam lajn in 'icha junc winc yet' yistzil, 'ixta waj 'a eb', palta ma'ix syiclj eb' jun in trato cha.

Jeremías 32:23

Palta a yic x'och eb' scaj jun lum tic, yic 'ix schan eb' smacl lu'um, caw man̈x 'ic schaj eb' yab' tas 'ix ala, man̈x 'ic syiclj eb' a checnb'il, ma'ix sb'o eb' tas 'ix ac' sb'o'. Yuj cha, 'ix a'n cot jun niwquil yailal tic 'a quib'n̈ on̈.

Jeremías 34:14

to a 'a junjn yuctquil ab'il, tzeya'n 'el eb' e moso 'a libre, atn eb' eyit israelal, eb' tzchon̈ch sb'a e mosooc, eb' tox ex 'a'n servil waque'oc ab'il. Palta a eb' e mam eyichm cha, ma'ix schaj eb' yab' tas waljnac, caw ma'ix syiclj eb'.

Jeremías 35:15

Til wal eb' in checb' in checjnac cot 'ayex, yic tzyaln eb' 'ayex, to tzeyactj can e tu nab'enal, yet' e maysch'olnilal. Matz ex 'och tza'n yuj jun tzo'n̈ xo comn dios, matz eyal e b'a 'a 'a, yic wach' tzex 'aj cajnn̈ej 'a lum lum 'ix wac' 'ayex, yet' 'a eb' e mam eyicham. Palta ax xo tic, jun 'ejmn̈ej ma'ix e chaj eyab'i', ma'ix eyiclj tas xwala.

Jeremías 35:17

Yuj cha, an Jehová in, tztac' wuj smasnil, e Diosal in, an tzwala: Caw 'oj wac' jawc jun tzo'n̈ yailal alb'ilx 'el wuj 'a eyib'n̈ e masnil ax cajn ex 'a Judá yet' 'a Jerusalén. Yujto xcob' ex in tench wa'an, palta ma'ix eyiclej. In 'awj cob' 'ayex, palta ma'ex ta'w pax 'ayin, xchi Dios, xa chi 'a eb', xchi 'ayn an Jeremías in tic.

Jeremías 38:20

Yuj cha, xwaln 'ixtc 'a winac: —Mamin rey, ma'oj ajx 'och 'a yol sc'ab' eb'. Yiclj wal spaxti Jehová 'ix wal 'ayach, sec 'ixta 'oj aj a colchji, caw wach' 'oj 'el'chi.

Jeremías 44:16

—An̈ tic, ma'oj qui yiclc spaxti Jehová 'ix al 'ayn̈ tic.

Jeremías 44:17

'Oj qui b'eylb'oc n̈ej tas 'ix qui nalb'ej qui b'oni. 'Oj ca'n̈j incienso yet' yal uva xajmb'al-l 'a 'ix syajlil satcha'an̈, 'icha wal tas wan qui b'on ticnec, 'icha pax ya'jnac eb' qui mam quicham yet' eb' qui reyal, yet' pax eb' syajlil chon̈b' 'a yol yic Judá yet' 'a yoltc scayeal Jerusalén. Yujto a 'a yic yaln̈taxi, caw 'ay tas tzqui c'uxu, wach'n̈j yec' cu'uj, may junc yailal xjaw 'a quib'an̈.

Jeremías 44:5

Palta ax tic, caw wal ma'ix eyiclej, ma'ex 'och wan e b'on maysch'olnilal. A eyico', to xwach' niwtj eya'n incienso xajmb'al-l 'a jun tzo'n̈ tzalx 'och diosal cha.

Jeremías 7:13

An Jehová in, an xwal 'ayx 'a b'ab'el, yet' 'a schalal yuj e b'eyb'al cha, palta ax tic, ma'ix e chaj eyab' tas xwala.

Jeremías 7:24

Palta ma'ix schaj eb' yab'i'. A yic eb', to caw pit xyutj sb'a eb', syiclni eb' sb'on tas tu xjaw 'a snab'en. Caw 'ix yixtj 'el sb'a eb', man̈x 'ic sna sb'a eb' jab'oc.

Jeremías 7:26

Palta ax xo tic, ma'ix eyiclj tas 'ix wala, tenmtac xeyutj e b'a, yel xo wal tu xeyutj e b'a 'a yib'n̈ eb' e mam eyichm cha.

Ez 20:8

Palta 'ix meltzj 'och eb' 'ajc'ojlal 'ayin. Ma'ix syiclj eb' tas xwala, ma'ix sjulcn 'el eb' jun tzo'n̈ yechl to yajb'entac cha, ma'ix yactj can eb' jun tzo'n̈ yechl sdiosal eb' 'aj Egipto. Yuj cha, 'ix walni to tzwac' syailal eb', yic tzwi'n 'el yowl in c'ojl 'a yib'n̈ eb' 'a Egipto cha.

Zacarías 1:4

Man̈ e pitc e b'a 'icha yutjnac spitn sb'a eb' e mam eyichm cha. Yaljnac eb' in checb' ixtc 'a eb': A Jehová tztac' yuj smasnil, a tzaln 'ayx 'ixtic: Nac wal e b'a yuj e tu b'eyb'al, yet' yuj smasnil maysch'olnilal tze b'o'o, xchi Dios, xchi eb' in checb' cha, palta ma'ix chaj eb' yab'i', ma'ix syiclj eb'.

Zacarías 7:11

Palta ma'ix yal sc'ojl eb' chon̈b' chi syiclej. Chuc 'aj q'ueln can 'at eb' smasnil, 'icha to chacn̈ xyutj sb'a eb'.