Jeremías 11:21 - Chuj San Sebastian Bible

²¹ A eb' 'anma 'aj chon̈b' Anatot, sna eb' tas tzin yutj eb' in smilni. 'Ix yaln eb' to tzin smil cham eb', toto an̈ja waln 'el spaxti Jehová.

Chuj San Mateo Bible

²¹ A eb' aj Anatot, ix sna eb' tas tz'aj in chami. Ix yalan eb' to tzin smilcham eb' tato an̈eja' valanel slolonel Jehová.

Jeremías 11:21 Iomraidhean Croise

Is 30:10

Tzyal eb' 'a eb' in checb' 'ixtic: Man̈ eyal yuj tas 'ix eyil 'a 'icha waychil, man̈ eyal paxti yic tojlal 'ayn̈ on̈. A paxti tzqui nib'ej, a tzeyal 'ayn̈ on̈.

Jeremías 1:1

A 'a jun libro tic tz'ib'b'il can tas waljnac yet' tas in b'ojnac an Jeremías in tic, yunnaln Hilcías. An Jeremías in tic yin̈tl in can eb' ya'mal 'och sti eb' 'anma 'a Dios, eb' 'e'nc cajn 'a chon̈b' Anatot 'ay 'a yol yic lum slum Benjamín.

Jeremías 1:19

'Oj yac' eb' owl et'oc, palta ma'oj ach yac' ganar eb', yujto caw 'aynn̈ej 'och et'oc, yic tzach in colni. An Jehová in, an tzwala, xchi 'ayin.

Jeremías 20:10

Tzwab' sajsni eb' in sb'uchni, tzyaln eb' 'ixtic: Yaj win tzalni to 'ay xiwc'ojlal 'a smasnil lugar, xchi eb'. Tzyaln pax eb' 'ixtic: Coyec, qui pitzc chan̈ 'es 'a spatic, xchi eb'. An̈jtona eb' in wach'c'ojl cob'i', caw maclb'il yuj eb' 'aj tzin 'ejmi. Tzyaln eb' 'ixtic: Tecn 'oj ca'c ganar smontchj cujec. Toto 'ixta', 'oj ca'c ganar yejm cujec, ax ca'nec pax qui pacc 'a 'a, xchi eb'.

Jeremías 26:8

A yic xlajw waln 'el smasnil tas 'ix 'ajx wal yuj Jehová, in syamn cot eb'. 'Ix yaln eb' 'ixtic: Wal a cham tic,

Jeremías 32:7

'Ilto, a win Hanamel, yunnal win ecan Salum, 'oj jawc winac, ax yaln win 'ixtc 'ayach: Tza man jun a lum 'ayin, ata 'ay lum 'a Anatot. Smoj wal to ach tza mana, yujto quican to qui b'a, 'oj schic Hanamel cha, xchi Jehová 'ayin.

Jeremías 34:20

Yuj cha, an wal 'oj wac' 'ajxoc ganar eb' yuj eb' 'ajc'ojl yajch 'a 'a, 'oj milxoc cham eb' yuj eb', ax e no 'usej, yet' e no calte'al noc', a e no 'oj chinc sniwnal eb'.

Am 2:12

Palta ax tic, xeyac' pural yu'w 'an̈ eb' xya'ch sb'a nazareoal cha, xe tenn pax 'och wan eb' in checb' tzaln 'el in paxti'.

Miqueas 7:6

An̈jtona eb' 'unnab'il, tzpatquilj can 'el eb' smam, a eb' 'ix 'uneab'il, tzpitj sb'a eb' 'ix 'a snun, an̈jtona eb' 'ix 'alb'ab'il, tz'och eb' 'ix 'ajc'ojlal 'a yalib'. A eb' jun yaj 'a yol yatut, tz'och eb' 'ajc'ojlal 'a jun jun.

Mt 10:21

A 'a jun tiempoal cha, 'ay eb' 'u'tacab'il 'oj ya'ch yu'tac 'a yol sc'ab' chamel. 'Ay pax eb' mamb'il 'ixta 'oj yutc sb'a 'a yunnal. An̈jtona', 'ay pax eb' 'unnab'il 'oj yac' owl yet' smam, ax ya'n 'och eb' smam chi 'a yol sc'ab' chamel.

Mt 21:35

Ax yic xc'och eb', syamn cot ewin eb'. Sma'n ewin jun, smiln ewin jun xo, ax jun sjulq'uenej ewinac.

Mt 22:6

Ax jun tzo'n̈ xo eb' xyamn can ewin schecb' winac. Caw xyac' eb' stul 'a ewinac, masnto smil eb' ewinac.

Lc 4:24

Wal yel tzwal 'ayex: —May junc schecb' Dios 'ay yel'ch 'a sat eb' yit chon̈ab'.