Jeremías 11:10 - Chuj San Sebastian Bible

¹⁰ 'Ix 'atcn eb' 'a maysch'olnil sb'ojnac eb' e mam eyicham. Atn eb' chi ma'ix yiclni tas 'ix wala, ax 'a jun tzo'n̈ comn dios 'aj 'ix ya'ch eb' snab'en, ata xyal sb'a eb'. A eb' 'aj Israel, ma'ix syiclj eb' in trato wa'jnac can yet' eb' e mam eyicham, an̈jtona eb' 'aj Judá, 'ixta 'ix yutj sb'a eb' jun xo.

Chuj San Mateo Bible

¹⁰ Ix sc'ulejxi chucal eb' icha sb'eyb'alejnac eb' e mam eyicham. Aton eb' man̈ c'anab'ajannacoc tas valnac, axo d'a juntzan̈ comon dios yac'nacoch spensar eb', yochnac eb' ejmelal d'ay. A pax ticnaic man̈oc chon̈ab' Israel, man̈oc pax chon̈ab' Judá sc'anab'ajan in trato in b'onac yed' eb' e mam eyicham chi'.

Jeremías 11:10 Iomraidhean Croise

Salmos 78:57

Lajn wal xyutj sb'a eb' 'icha eb' smam yichm eb'. 'Ix yij 'el sb'a eb' 'a stz'ey Dios, man̈x yiclumoc xyutj sb'a eb' 'a 'a. Man̈x wach'c xyutj sb'a eb', lajn xoj eb' 'icha junc jul-lab' to coxo.

Is 24:5

Caw wal xjuw 'el lum lum tic yuj eb' cajn 'a 'a, yujto matz yiclj eb' 'icha tzyal ley, matz yiclj eb' jun tzo'n̈ checnb'il, caw xyixtj 'el eb' jun trato b'ob'il 'a jun 'ejmn̈ej.

Jeremías 13:10

A jun tzo'n̈ et chon̈b' yel xo wal maysch'olnil tic, caw matz nib'j eb' tzyiclj in checnb'il, cojn tas tzchaj sc'ojl eb', an̈j chi tzb'o eb'. 'Ix 'och tza'n eb' yuj jun tzo'n̈ comn dios yic tzya'n servil eb', yet' yuj ya'n eb' 'emmquilal 'a 'a. An Jehová in, an tzwala to lajn wal eb' yet' jun jal-l man̈x 'a jac yopiso tic.

Jeremías 17:23

A eb' cha, ma'ix schaj eb' yab' tas xwala, ma'in syiclj eb'. A yic eb' to 'ix yac' pitb'oc 'el eb' snab'en, ma'ix syiclj eb' 'aj xin tench wa'an.

Jeremías 22:9

Ax sta'w jun tzo'n̈ xo eb' chi 'ixtc 'a eb': Yujto xyactj can eb' jun strato 'ix sb'o yet' Jehová sDiosal, ax 'a jun tzo'n̈ xo comn dios 'aj 'ix yal sb'a eb', 'oj schic eb' 'a eb', xchi Dios.

Jeremías 31:32

An Jehová in, an tzwala to a wal jun in trato 'oj wac' yet' eb' cha, caw man̈ lajnoc 'icha jun in b'ojnac yet' eb' smam yichm eb', yic wi'n 'elt eb' 'a lum Egipto. A yic cha, 'icha to 'ochnc in quetzn 'a sc'ab' eb' yic wi'n 'elt eb'. Wach'xam lajn in 'icha junc winc yet' yistzil, 'ixta waj 'a eb', palta ma'ix syiclj eb' jun in trato cha.

Jeremías 44:16

—An̈ tic, ma'oj qui yiclc spaxti Jehová 'ix al 'ayn̈ tic.

Jeremías 44:5

Palta ax tic, caw wal ma'ix eyiclej, ma'ex 'och wan e b'on maysch'olnilal. A eyico', to xwach' niwtj eya'n incienso xajmb'al-l 'a jun tzo'n̈ tzalx 'och diosal cha.

Jeremías 7:28

Al 'a eb' 'ixtic: Ax tic, jun 'ejmn̈ej caw tenmtac ex, matz e nib'j tzex 'ajx cuenta yuj Jehová qui Diosalec. Man̈x 'a 'aj tzb'inax yiclumal 'a e cal, xa chi 'a eb'.

Jeremías 9:6

A wal et'l 'aj cajn ach 'eq'ui, ata 'ayc' 'a scal eb' tz'ixtn eb' 'anma'. Yujto caw tzya'ch eb' sc'ojl yixtn yit 'anma'il, yuj cha, caw man̈xtzac snib'j eb' tzin yalch sDiosaloc.

Ez 16:59

An Jehová in, an tzwal 'ixtic: 'Oj wac' spac tas 'ix sb'o'o, yujto ma'ix syiclj tas tzyal in trato.

Ez 44:7

Man̈x 'a yel'ch xeyutj watut, comn xoj xe chaj 'och eb' chuc chon̈b'al 'a yojol, eb' may yel'ch in trato 'a 'a, may pax yechl in trato 'a sniwnal eb'. 'Ixta xeyutj eyixtn 'el watut cha, wach'xam cob' to xeyac' e xajmb'al chi 'ayin, atn xepual yet' schic'l no noc' cha, palta xjuw 'el in trato chi eyet'oc.

Ez 5:6

Caw wal 'ix 'och eb' 'aj Jerusalén chi 'ajc'ojlal 'a in ley yet' 'a jun tzo'n̈ in checnb'il, yel xo wal tu xyutj sb'a eb' 'a yib'n̈ jun tzo'n̈ xo nacion̈ oyn 'och 'a stz'ey, ma'ix syiclj eb' in ley yet' in checnb'il.

Os 6:4

Xyaln Jehová 'ixtic: ¿Tas wal 'oj ex wutc ex 'aj Efraín? ¿Tas wal 'oj ex wutc ex 'aj Judá? A e chamc'ojlal 'ayin, lajn wal 'icha 'asn 'a yic sq'uin̈b'ial, lajn 'icha chicb'chan̈ tz'em 'a yic 'ayt sacb'i, ax 'a yic tzsacb'i, yajn̈ej tzsatx cha'an̈.

Os 6:7

Palta ax in chon̈b' ex tic, 'ix e ten in trato, ma'ix eyiclj 'ayin, 'icha ya'jnac Adán.

Os 7:16

Tzmeltzj cob' eb', palta man̈xoc 'a 'ayn an Niwn Wel'ch tic. 'Icha junc jul-lab' man̈ tojloc, matz yamchj tas tzjulx yet'oc, 'ixta eb'. A yuj spaxti eb' syajlil eb' tzyal 'a b'an̈quinal, yuj cha, ax scham eb' yuj q'uen espada. Ax eb' 'aj Egipto, toxn̈ej 'oj b'uchwjoc eb' 'a eb'.

Lv 26:15

Toto tze patquilj can 'el in cuynb'il, may yel'ch in checnb'il 'ayex, tzeyixtn 'el in trato in b'ojnac eyet'oc,

Sofonías 1:6

An̈jtona 'oj in satl pax eb' tzyij 'el snab'en 'ayin, atn eb' matz jaw 'ayn an Jehová in tic, yic tzwul sc'anb'noc eb' junc snab'en.

Zacarías 1:4

Man̈ e pitc e b'a 'icha yutjnac spitn sb'a eb' e mam eyichm cha. Yaljnac eb' in checb' ixtc 'a eb': A Jehová tztac' yuj smasnil, a tzaln 'ayx 'ixtic: Nac wal e b'a yuj e tu b'eyb'al, yet' yuj smasnil maysch'olnilal tze b'o'o, xchi Dios, xchi eb' in checb' cha, palta ma'ix chaj eb' yab'i', ma'ix syiclj eb'.

Zacarías 7:11

Palta ma'ix yal sc'ojl eb' chon̈b' chi syiclej. Chuc 'aj q'ueln can 'at eb' smasnil, 'icha to chacn̈ xyutj sb'a eb'.

Zacarías 7:13

'Ix waln 'ixtic: 'Icha wal 'ix yutj sb'a eb', ma'ix schaj eb' yab' 'ayn an Jehová in, yic in paxtin 'a eb', an̈jtona 'ixta 'in pax jun xo, a yic 'ix tew eb' 'ayin, ma'in ta'w 'a eb'.

Dt 31:16

'Ix yaln Jehová 'a Moisés 'ixtic: Ach tic jab'xoj wal 'oj a chami, ax jun chon̈b'al eb' 'anma tic, 'oj ya'cn 'at sb'a eb' 'a sdiosal jun tzo'n̈ chuc chon̈b'al 'ayc' 'a sat lum lum 'aj 'oj c'och cajn eb' cha. Yuj cha, ax in yactn can eb', ax sjun 'el eb' in trato 'ix in b'o yet'oc.

Dt 9:7

May wal b'a'n̈ tzeyac' sat 'a e c'ojol, chajtlto ax tic, 'ochnc ex 'ajc'ojlal 'a Jehová, yic 'ayn̈ec 'ec' 'a lum cusltac lu'um. Yictax on̈ 'eltec 'a Egipto masnto on̈ jawc 'a jun lugar tic, an̈j 'ijnoc pit tzeyutj e b'a 'a 'a.

A Ch'an̈ Carta D'a Eb' Hebreo 8:9

A wal jun in trato cha, caw man̈ lajnoc 'icha jun in b'ojnac yet' eb' smam yichm eb', yic wi'n 'elt eb' 'a Egipto. 'Icha to in quetz sc'ab' eb', yic wi'n 'elt eb'. Palta a eb' cha, ma'ix syiclj eb' jun in trato cha, yuj cha, wactn can eb' sch'ocoj.

Jueces 2:11

Yuj cha, caw 'ix 'och smul eb' israel sb'on tas man̈ wach'c 'a sat Jehová. 'Ix yac' 'ejm sb'a eb' 'a jun comn dios tzcuch Baal.

Jueces 2:17

Palta a eb' israel cha, ma'ix schaj eb' yab' tas xyal eb' tzcoln eb' cha, palta to 'ix 'och tz'a'n eb' yuj jun tzo'n̈ comn dios, atn jun tzo'n̈ 'aj tzyac' 'ejm sb'a eb'. Yajn̈j cha xyi'n 'el sb'a eb' 'a jun b'eyb'al sb'eylb'ejnac eb' smam yichm eb'. A wal eb' smam yichm eb' cha, caw yiclum yutjnac sb'a eb' 'a schecnb'il Jehová, palta ax eb', man̈ 'ixta'oc xyutj sb'a eb'.

Jueces 2:19

Palta ax yic tzcham jun tzcolwj cha, tzmeltzj can pax eb' 'anma 'a spatic. Tzyamn 'och eb' sb'on maysch'olnil to caw 'ec'b'alxo 'a yib'n̈ tas sb'ojnac smam yichm eb'. Tzya'n 'ejm sb'a eb' 'a jun tzo'n̈ comn dios yic tzya'n servil eb'. Tz'em n̈ojn eb' 'a yojltac eb', matz yactj eb' sb'eylb'an stu b'eyb'al cha, caw pit eb'.

A Ch'an̈ B'ab'el Libro Samuel 15:11

Comnoc ma'ix wa'ch Saúl tic reyal. Caw wal tzwab' syal yu'uj, yujto xin spatquilj can 'eli, ma'ix syiclj tas xwala, xchi. Ax Samuel caw xcus sc'ojol, yuj cha, 'ix leslwi 'a Jehová 'a smasnil 'ac'wl cha.