Jeremías 10:7 - Chuj San Sebastian Bible

⁷ Ach sReyl smasnil nacion̈, ¿tom 'ay junc mach man̈ smojc tzxiw 'ayach? Smoj wal to 'ay el'ch 'a smasnil sat 'anma'. A 'a scal smasnil eb' jelan, yet' 'a scal eb' rey 'a yolyib'n̈q'uinl tic, caw may junc mach lajn et'oc.

Chuj San Mateo Bible

⁷ Ach sReyal masanil nación, ¿tom ay junoc mach man̈ smojoc xiv d'ayach? Smoj val te nivan elc'och d'a masanil anima. A d'a scal eb' jelan yed' d'a scal eb' rey d'a yolyib'an̈q'uinal tic, malaj junocxo mach lajan ed'oc.

Jeremías 10:7 Iomraidhean Croise

A Ch'an̈ Schab'il Libro Yic Yab'ixal Eb' Rey 17:39

palta cojn 'ayn an Jehová e Diosal in, an̈j 'ayn tzeyal e b'a. 'Ixta to b'i'an ax ex in coln 'el 'a yol sc'ab' eb' 'ajc'ojl yajch 'ayex, xchi Dios.

1 Cr 16:25

yujto a Jehová caw niwn yel'chi, smoj wal yalx wach' paxti 'a 'a. Yel xo 'ay smay 'a yib'n̈ jun tzo'n̈ comn dios.

Ester 1:13

'Ix yawtn cot win rey chi ucwn̈ eb' win 'aych yopiso yuj 'a Persia yet' 'a Media, to yipc'ojlal yaj eb' yuj winac, atn Carsena, Zetar, Admata, Tarsis, Meres, Marsena yet' Memucán. A eb' tic yojc eb' ley si'mb'il, caw jeln eb', yuj cha, a 'a eb' tzc'anb'j win rey junc snab'en yuj tas tzb'o'i.

Salmos 147:5

Caw niwn yel'ch Cajlilec, caw wal 'ay spoder, may slajb' sjelnal snab'en.

Salmos 22:28

yujto Rey ach. Ach tzac' yajlil 'a yib'n̈ smasnil nacion̈ 'a yolyib'n̈q'uinl tic.

Salmos 47:3

A 'ix 'a'n jun tzo'n̈ chon̈b' 'a yol qui c'ab'ec, 'ix can jun tzo'n̈ nacion̈ 'a yaln̈ cujec.

Salmos 72:11

Smasnil jun tzo'n̈ xo eb' rey, 'em cab' cumn eb' 'a yojltac. 'Ajx cab' servil yuj smasnil eb' nacion̈.

Salmos 76:7

Yel xo wal caw 'ay a may. ¿Toc 'ay mach 'oj stac' yoch lin̈n 'a ojltac, yic tox 'ix cot owal?

Salmos 86:8

Toc wal 'ay junc xo dios lajn 'icha ach tic. Toc wal 'ay junc xo tas tzlajb'tzej sb'a yet' tas tza b'o'o.

Salmos 86:9

Mamin, ach xa b'o smasnil eb' nacion̈, 'oj jawc eb' 'anma chi wul yac' 'ejm sb'a 'ayach, yic tzyi'n chan̈ eb' a b'i.

Salmos 89:6

May junc xo dios, mto junc tas 'ay 'a satchan̈ tztac' slajb'tzan sb'a et'oc.

Ex 8:10

—¡Q'uic'an! xchi win rey cha. Xlajw cha, 'ix yaln Moisés: —B'o cab' 'icha tzotj aln cha, sec 'oj ojcoc 'eli, to may junc xo mach lajn spoder 'icha Jehová qui Diosal on̈.

Ex 9:14

A 'a yic jun tiempoal tic, 'oj wa' cot jun tzo'n̈ yailal 'a eb'an̈, 'a yib'n̈ eb' 'aych yajlil et'oc, yet' 'a yib'n̈ smasnil 'anma'. A yuj jun yailal cha, ax ojcan 'eli, to may junc xo mach tztac' slajb'tzan sb'a wet' 'a yolyib'n̈q'uinal.

Is 2:4

A Jehová 'oj sb'eyc'ojloc eb' 'anma yic junjn nacion̈ 'aj 'ay owal, 'oj yac' lajwc 'ejm owl chi 'a scal eb'. Ax syamc'ab' eb' yic owl cha, a q'uen espada, 'oj 'ochcn q'uen 'asaronal, ax q'uen lanza, 'oj 'ochcn pax q'uen josal. A 'a jun tiempoal cha, man̈x 'a junc nacion̈ 'oj yac' owl yet' junc xo nacion̈, man̈x 'a pax eb' soldado 'oj cuyxoc 'a owl cha.

Jeremías 10:6

Mamin Jehová, may xon wal junc mach lajn et'oc; yujto ach tic, cojxn ach niwn el'chi, caw b'inab'il a b'i, tzta'n̈j oj smasnil.

Jeremías 5:22

An Jehová in, an tzwala: Ax tic, caw may jac wel'ch 'a e sat, matz ex xiw xon jac 'ayin. An in b'ojnac 'ejm q'uen arena smacnb'ilc stitc a mar, sec matz 'e't a 'a yib'n̈ q'ue'en. Wach'xam caw ow sq'ue wan chel-loc a', wach'xam caw ow yib'x sat a', palta matz 'ec' a 'a yib'n̈ jun cha. Wach'xam 'ixta in yet' in poder, palta caw matz ex xiw jac 'ayin.

Dn 2:27

'Ix ta'w Daniel 'a win 'ixtic: —Mamin rey, a jun tas caw c'ultac yaj tza nib'j tzojquej 'el cha, may junc mach tztac' snachj 'el yu'uj. Wach'xam eb' tzyal jelnal sb'a, eb' tzchumn yet' c'anal, eb' wayjel, eb' tztac' snan 'el junc tas, may junc eb' tztac' yaln 'ayach.

Dn 2:28

Palta 'ay jun Dios 'aj satcha'an̈, a tztac' ya'n cojcoc 'el jun tzo'n̈ tas caw c'ultac yaj cha. A tz'a'n ojcoc 'el ach mamin rey tas jun tzo'n̈ 'oj ujc b'aq'uin̈. 'Oj wal 'ayach tas 'ix el 'a a wayich yic wayn̈c ach cha:

Habacuc 3:2

Mamin Jehová, a wal yic tzwab'n yab'xil smasnil tas tzlaj a b'o', caw wal tzsat in c'ojl yu'uj. B'o tas 'a qui tiempoal tic, 'icha tas a b'ojnac 'a yic pecti cha. Wach'xam 'a scal yowl a c'ojol, palta ch'ox quil tas tz'aj yo'ch a c'ojl 'ayn̈ on̈.

Zacarías 2:11

A yic 'oj jawc jun c'ul cha, til wal nacion̈ 'oj jawc 'a Jehová, ax yoch eb' schon̈b'oc, ax yaj cajn Dios 'a e cal b'i'an. 'Ixtnta 'oj 'aj snachj 'el eyu'uj, chajtlto a Jehová tztac' yuj smasnil, a in checn cot 'ayex.

Malaquías 1:11

An tzwala to niwn wel'ch 'a sat smasnil nacion̈ 'a yolyib'n̈q'uinal. A wal tas caw wach' a chi tzyac' tz'a eb' xajmb'alil, yet' ya'n eb' yofrendaoc 'ayin, yujto caw niwn wel'ch 'a sat eb'.

Lc 12:5

Palta 'oj wal 'ayex, mach 'aj smoj tzex xiwi: Xiwn̈ec 'a Dios, atn jun 'oj lajwc ex smilni, 'ay pax spoder ex ya'n pax 'at 'a infierno. Atn wal jun chi 'aj smoj tzex xiwi.

1 Co 8:6

Palta ax 'ayn̈ec tic, cojn jun Dios 'ay, atn qui Mamec. A qui Mamc tic, a b'ojnac smasnil tas. A b'ojnacn̈ec paxi, sec wach' tzqui ch'oxc 'el swach'il. Cojxn pax jun Cajlilec, atn Jesucristo. Yujn̈ej, 'ayc' smasnil tas. An̈jtona pax an̈ec tic, yu'uj 'ayn̈ec 'ec' paxi.

Josué 4:24

'Ixta tz'aj yojcan 'el smasnil 'anma 'a yolyib'n̈q'uinl tic, chajtlto a Jehová caw 'ay spoder, yuj cha, 'ay cab' yel'ch 'a e sat 'a smasnil tiempo, xe chi 'a eb', xchi Josué cha.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.

Apoc 15:4

Toc 'ay junc mach ma'oj xiw 'aych Mamin. Toc 'ay junc ma'oj alnoc wach' paxti 'ayach. Yujto cojxn ach caw wach'chn̈ej. 'Oj cot eb' 'anma 'a junjn nacion̈, 'oj wul yal sb'a eb' 'ayach. Yujto xlaj yil eb', chajtlto caw tojl tzotj a b'eyc'ojlwi, xchi eb'.