Jeremías 10:5 - Chuj San Sebastian Bible

⁵ A jun tzo'n̈ yechl cha, lajn eb' 'icha xib'tnub'al ch'ic 'a scal junc 'awb'en. Matz tac' spaxtini, yowlal to tzcuchx b'eyc'oc, yujto matz tac' sb'eyi. Man̈ ex xiw 'a jun tzo'n̈ cha, yujto matz tac' sb'on tas tu', matz tac' pax sb'on tas wach', xchi Dios.

Chuj San Mateo Bible

⁵ A juntzan̈ yechel chi', lajan icha xib'tanub'al noc' much d'a scal junoc avb'en. Max yal-laj sloloni. Yovalil scuchji b'eyec'oc, yujto max yal-laj sb'eyi. Man̈ ex xiv d'a juntzan̈ chi', yujto malaj chucal, ma vach'il syac' d'a eb' anima, xchi Jehová.

Jeremías 10:5 Iomraidhean Croise

A Ch'an̈ B'ab'el Libro Yic Yab'ixal Eb' Rey 18:26

Xlajw cha, 'ix smiln cham eb' no quelm wacx cha, 'ix sb'on eb' no'. 'Ix syamn 'och eb' yawtn sb'i sdiosal cha, syamch xon eb' 'a sq'uin̈b'ial masnto x'och chimc'ual. Ta'wan̈ 'ayn̈ ach Baal, xchi eb'. Xlaj b'atj chan̈ eb' yic tzoyy 'ec' eb' 'a spatquil 'el jun yet'l xajmb'al sb'o cha, palta may xon mach xta'w 'a eb'.

2 Cr 25:15

Yuj jun cha, caw 'ix cot yowl sc'ojl Jehová 'a Amasías, 'ix schecn 'at jun schecb' 'a 'a, xyaln 'a 'ixtic: —¿Tas yuj ach 'och 'emmquilal 'a jun tzo'n̈ comn dios yic junc xo nacion̈, jun tzo'n̈ dios to matz tac' scoln 'el schon̈b' 'a yol a c'ab'? xchi.

Is 16:12

Wach'xam 'oj cob' 'at eb' 'aj Moab chi yal sb'a 'a lum tzalctac, mto 'oj cob' 'at yic' 'ejm sb'a eb' 'a yol yatutal 'aj tzyam sb'a, a jun cha, man̈x 'a xon jac tas tzb'o yu'uj.

Is 45:20

Tzyaln pax Dios 'ixtic: Jantcn̈ej mach 'atnc can 'eloc, molb'tzejc e b'a, tzex coti. Caw wal may jac e nab'en, yuj cha, a te te tzeya'ch e diosaloc, tzlaj e b'achnb'eyc'oc, tzeyaln e b'a 'a jun dios to matz tac' scolwji.

Is 46:1

A jun yechl comn dios tzcuch Bel, tox 'ix 'em pacnjoc; ax jun yechl comn dios tzcuch Nebo, tox 'ix telw 'ejm 'a sat lu'um. A jun tzo'n̈ yechl comn dios cha, a no chej tzcuchnb'ey eb', caw 'al jun tzo'n̈ chi 'a no, tzc'unb' no 'a yalan̈.

Is 46:7

Tzya'n q'ue 'a sjolm squelab', tzyi'n 'ati, tzya'n q'ue 'a sat junc mexa, sin̈n̈i tzyutj can 'a yet'ul sec matz 'ib'xi. Wach'xam jantc yawj 'och jun 'ay yic chi 'a 'a, yic tzc'ann scolwal, palta matz ta'w xon jun yechl cha, matz tac' scolx 'el jun chi 'a syailal yu'uj.

Jeremías 10:14

Smasnil eb' 'anma tzya'ch jun tzo'n̈ yechl yipc sc'ojol, caw may snab'en eb', may tas yojc eb'. A eb' tenm q'uen cha, caw tzq'uixw 'el eb' yuj jun tzo'n̈ yechl tzb'o cha. A jun tzo'n̈ tzb'o eb' cha, may jac yel'chi, may spixan.

Habacuc 2:19

'Oltacx wal ax cob' tzeyal 'ixtc 'a junc yechl to b'ob'il 'a te te': Pitzl a wayan̈, xe chi cob' 'a te'. Q'uen̈ wan lin̈an, colwjan̈ quet'oc, xe chi cob' 'a junc q'uen q'uen matz paxtini. A jun tzo'n̈ cha, toc tztac' sch'oxn junc tas 'ayex. Wach'xam cob' caw tzictzni yilx yuj oro mto yuj plata, palta may tas tztac' yu'uj, yujto may spixan.

1 Co 12:2

Eyojc xoni, a yic mant ex creyenteoc, ex 'ijx 'at 'a jun tzo'n̈ xeyalch e diosaloc. Ex 'at tic, ex 'at tic e sayn 'eq'ui. Palta matz tac' spaxtin jun tzo'n̈ cha.

1 Co 8:4

Ax ticnec, 'oj wal yuj jun tzo'n̈ tas tzc'uxxi, yic tox x'ajx xajmb'al-l 'a jun tzo'n̈ tzalx 'och diosal cha. A jun tzo'n̈ tzalx 'och diosal cha, cojquec, may jac yopiso eb' 'a yolyib'n̈q'uinl tic. Yujto cojn jun Dios 'ay, may junc xo.

Dt 4:28

Ata 'oj eyac' servil comn dios b'ob'il yuj 'anma', atn jun tzo'n̈ yechl b'ob'il yet' te te', mto yet' q'uen q'ue'en. A jun tzo'n̈ cha, matz yila, matz yab'i, matz wa'i, matz su'lej.