Jeremías 10:15 - Chuj San Sebastian Bible

¹⁵ A jun tzo'n̈ cha, may jac yopiso, smoj wal ton̈j tzb'uchx eb'. A yic 'oj jawc yailal 'a yib'n̈ eb' yuj Jehová, 'oj satl eb'.

Chuj San Mateo Bible

¹⁵ A juntzan̈ yechel chi', malaj jab'oc yopisio, smoj val stzetzaji. Ayic ol javoc yaelal yuj Jehová, ol sateloc.

Jeremías 10:15 Iomraidhean Croise

Salmos 115:9

Ex wit israelal, ca'c 'och Jehová yipc qui c'ojol, yujto a 'aych quet'ec, a tzon̈ colnec.

Is 41:24

Palta ax tic, caw may jac eyel'chi, toc 'ay tas tztac' eyu'uj. A eb' tzyac' 'ejm sb'a 'ayex, smoj spatquilx can 'el eb'.

Is 41:29

May xon junc eb' 'ay yel'ch jab'oc, toc 'ay tas tztac' sb'on eb', yuj cha, nab'an̈ej 'ay jun tzo'n̈ yechl cha, xchi Dios.

Is 57:12

Palta ax ticnec jun, 'oj wal-l jun e b'eyb'al tic 'a scal 'anma', a cob' eyu'uj to wach' e b'eyb'al, palta may jac tas 'oj eyic' 'a spatc jun tzo'n̈ cha.

Jeremías 10:11

(Ex wit israelal, alc 'a eb' chuc chon̈b'al 'ixtic: A jun tzo'n̈ comn dios, man̈oc eb' xb'on satcha'an̈ yet' lum lum tic, yuj cha, yowlal 'oj satcn 'el eb' 'a yolyib'n̈q'uinl tic. Man̈x 'a junc 'oj canoc, xe chi 'a eb'.)

Jeremías 10:8

Smasnil jun tzo'n̈ 'anma', may xon jac snab'en eb', may jac sjelnal eb'. A jac te te cha, caw matz tac' on̈ scuyn te 'on̈.

Jeremías 14:22

Caw may junc comn dios 'a sdiosal eb' chuc chon̈b'al to tztac' ya'n cot n̈ab'. Matz tac' ya'n cot satchan̈ yaxn̈ab' 'a mun yol yico'. Mamin Jehová qui Diosal ach on̈, cojn ach ton tztac' a'n coti, yuj cha, caw tzach ca'ch yipc qui c'ojl on̈, xin chi 'a 'a.

Jeremías 18:15

Palta an tic, in 'atcn satc'ojlal yuj eb' in chon̈b' tic, ax 'a jun tzo'n̈ comn dios, ata tzyac' tz'a eb' incienso. 'Icha to 'ix sat eb' 'a jun b'e to 'ayc' xon 'a yic pecti', ax 'a jun tzo'n̈ c'ultac b'e tz'at eb'.

Jeremías 43:12

'Oj n̈usxoc yatutal sdiosal eb' 'aj Egipto tic, ax sn̈usx can pax sdiosal eb' cha, mto 'oj 'ijxoc 'at 'icha presoal. 'Icha tzyutj junc 'ilm calnelu yi'n 'el no sip 'a spichul, 'ixta 'oj yutc Nabucodonosor yi'n 'at sricoal Egipto tic, caw tzaljc'ojlal 'oj 'aj smeltzji.

Jeremías 50:2

Alc 'el jun 'ab'x tic, 'a'c yojcoc 'el eb' nacion̈. 'Ijec chan̈ e bandera, tzeyaln 'eli, man̈ e c'ub'c 'eli, alc 'ixtic: A Babilonia caw 'oj lajwc 'eli. A jun dios tzcuch Bel, 'oj 'el sq'uixwel, ax jun dios tzcuch Marduc, 'oj xiwoc. A sdiosal eb' 'aj Babilonia cha, caw 'oj can eb' 'a q'uixwc'ojlal. A jun tzo'n̈ yechl cha, 'oj ma'xoc poj eb', xe chi.

Jeremías 51:18

A jun tzo'n̈ cha, caw may jac yopiso. Smoj wal ton̈j tzb'uchx eb'. A wal yic 'oj jawc jun c'ual, 'oj satl Jehová jun tzo'n̈ cha.

Jeremías 8:12

¿Tom tzq'uixw jac eb' yuj jun tzo'n̈ tas matz tzchaj in c'ojl tzb'o cha? Wal yel tzwala, caw matz q'uixw xon eb', caw matz chacb' 'el sat eb' sq'uixw xon jab'oc. Yuj cha, an Jehová in, an tzwala, to a yic 'oj wa'n jawc yailal 'a yib'n̈ eb', 'oj telwc 'ejm eb', 'icha jun tzo'n̈ eb' 'emnc xo, xa chi 'a eb', xchi Dios 'ayin.

Jeremías 8:19

Caw wal tz'ab'x yel yaw eb' wit chon̈b' 'a smasnil yol qui nacion̈ tic. ¿Tom man̈x 'ayc 'ec' Jehová 'a Sión? ¿Tom man̈x 'ayc 'ec' qui Reyl ta'? xchi eb'. 'Ix ta'w Jehová 'a eb' 'ixtic: ¿Tas yuj xe tzuntzj cot yowl in c'ojol, yic xeyaln e b'a 'a jun tzo'n̈ yechel, atn jun tzo'n̈ comn dios may jac yel'chi, chuc 'aj cotnac? xchi 'a eb'.

Os 9:7

A ticnec, xc'och sc'ul sjaw yailal. Xc'och stiempoal e chan e tojl 'a 'icha wal tas smoj e chani. Ex israel, 'oj eyab' syal jun yailal cha. Tzeyal cob' 'ixtic: A jun schecb' Dios tic, caw may jac snab'en. A jun winc 'aych cob' Yespíritu Dios 'a tic, 'ix 'och owyail, xe chi. 'Oj eyal 'ixta', yujto cajn 'och maysch'olnil 'ayex, caw niwn pax e chichnc'ojlal.

Jonás 2:8

A eb' tzlaj 'och tza'n yuj jun tzo'n̈ yechl tzalx 'och diosal, tzpatquilj can 'el eb' a wach'c'ojlal.

Zacarías 13:2

An Jehová in, an tzwala, to a 'a smasnil yol smacb'en jun nacion̈ tic, c'uxn 'oj wac' lajwc smasnil jun tzo'n̈ yechl tzalx 'och diosal, sec wach' man̈x 'oj naxc cot sb'i eb'. Ax wi'n pax 'el smasnil eb' tzcob' yalch sb'a in checb'oc, yet' smasnil eb' 'aych snab'en 'a ewin demonio.

A Tas Sc'ulejnac Eb' Schecab' Jesús Hechos 14:15

—Ex winac, ¿tas yuj tze b'o jun tic 'ixtic? An̈ tic on̈, caw 'anman̈n̈ej on̈, 'icha ex tic. To tzwul 'ajxc cal jun wach' 'ab'x 'ayx on̈, 'actjec eyaln e b'a 'a jun tzo'n̈ comn dios may jac yel'chi. Tzeya'n 'och e nab'en 'a Dios pitzan. A b'ojnac satcha'an̈, yet' lum lum tic. Sb'ojnac pax a mar, yet' smasnil tas 'ay 'a 'a.

Dt 32:21

'Ix stzuntzj cot eb' wowl yuj jun tzo'n̈ sdiosal eb' to man̈ diosoc, 'ix ya'n eb' chichnc in c'ojol. Yuj jun tzo'n̈ comn dios to may jac yel'ch cha, yuj cha, 'oj wac' tz'a sc'ojl eb' yic 'oj yilnc eb' wa'n in wach'c'ojlal 'a yib'n̈ junc chon̈b' to man̈ chon̈b'oc yaln eb'. An̈jtona', 'oj in tzuntzc cot yowl eb' yic 'oj in ch'oxnc in wach'c'ojlal 'a yi'b'n̈ junc chon̈b' to mantzac nachj 'el yu'uj.

A Ch'an̈ B'ab'el Libro Samuel 12:21

Man̈ ex 'och tza'n yuj jun tzo'n̈ comn dios may jac yel'chi, matz tac' scolwj eyet'oc, matz tac' ex scoln paxi.

A Ch'an̈ B'ab'el Libro Samuel 5:4

'Ixta pax 'a junx c'u 'ix seb' c'ochx eb' yila'. Ax xyiln eb', n̈ojn 'ec' pax Dagón chi stelw 'a yojltac te caxa cha. Ax sjolm Dagón yet' sc'ab', choc' yaj spoj 'a yib'n̈ te smarcoal spuertail yatutal cha, cojxn sniwnal chi pun̈n 'ec' sch'ocoj.