Jeremías 10:14 - Chuj San Sebastian Bible

¹⁴ Smasnil eb' 'anma tzya'ch jun tzo'n̈ yechl yipc sc'ojol, caw may snab'en eb', may tas yojc eb'. A eb' tenm q'uen cha, caw tzq'uixw 'el eb' yuj jun tzo'n̈ yechl tzb'o cha. A jun tzo'n̈ tzb'o eb' cha, may jac yel'chi, may spixan.

Chuj San Mateo Bible

¹⁴ Masanil eb' anima tz'ac'anoch comon dios yipoc sc'ool, malaj spensar eb', malaj tas yojtac eb'. Masanil eb' tenum q'ueen, tz'ac'ji q'uixvelal eb' yuj juntzan̈ yechel sb'o chi'. A juntzan̈ yechel sb'o eb' chi', malaj yelc'ochi, malaj spixan.

Jeremías 10:14 Iomraidhean Croise

Salmos 14:2

A 'a satcha'an̈, ata q'ueln 'emt Jehová 'a 'ayn̈ec an̈ 'anman̈ec tic, yic tzyilni toto 'ay junc on̈ 'aych qui nab'en 'a 'a, toto nan to cujec.

Salmos 92:6

A eb' 'anma may snab'en, mto eb' tz'ec' 'a yib'an̈, caw matz nachj 'el yuj eb'.

Salmos 94:8

'Ab'c ex wit chon̈ab', caw may e nab'en, caw pit ex. ¿B'a'n̈ to wal 'oj nachjoc 'el eyu'uj?

Salmos 97:7

'Oj 'el sq'uixwel eb' tzyac' 'ejm sb'a 'a jun tzo'n̈ yechel, atn eb' tzb'an̈ sb'a yet' jun tzo'n̈ comn dios cha. Smasnil eb' tzalx 'och diosal, 'oj yac' 'ejm sb'a eb' 'a Jehová.

Pr 30:2

An tic, yel xo may jac in nab'en 'a yib'n̈ eb' wit 'anma'il, matz q'ue'ch in nab'en 'icha eb'.

Is 42:17

A wal eb' 'anma tz'a'n 'och jun tzo'n̈ yechl yipc sc'ojol, tzyaln sb'a eb' 'a jun tzo'n̈ yechl chi 'ixtic: Ax tic, qui diosal ex, xchi eb' 'a eb'. A eb' tzaln chi 'ixta', caw q'uixwc'ojlal 'oj 'aj eb' s'atcni.

Is 44:11

Smasnil eb' tzyac' 'emmquilal 'a jun tzo'n̈ yechl cha, 'oj q'uixwc can 'el eb'. A eb' tzb'on jun tzo'n̈ yechl cha, 'anman̈ej eb'. Toto tzmolb'tzej sb'a eb' smasnil 'a wojltac, yic tzin b'eyc'ojlan eb', caw wal 'oj tzq'uixw can 'el eb', ax xiw chan̈ eb'.

Is 45:16

Smasnil eb' tzb'on jun tzo'n̈ yechl comn dios, 'oj 'ijxcan 'ejm eb', ax sq'uixw can 'el eb', man̈x 'a yel'ch 'oj 'ajcn eb'.

Is 57:12

Palta ax ticnec jun, 'oj wal-l jun e b'eyb'al tic 'a scal 'anma', a cob' eyu'uj to wach' e b'eyb'al, palta may jac tas 'oj eyic' 'a spatc jun tzo'n̈ cha.

Jeremías 10:5

A jun tzo'n̈ yechl cha, lajn eb' 'icha xib'tnub'al ch'ic 'a scal junc 'awb'en. Matz tac' spaxtini, yowlal to tzcuchx b'eyc'oc, yujto matz tac' sb'eyi. Man̈ ex xiw 'a jun tzo'n̈ cha, yujto matz tac' sb'on tas tu', matz tac' pax sb'on tas wach', xchi Dios.

Jeremías 10:8

Smasnil jun tzo'n̈ 'anma', may xon jac snab'en eb', may jac sjelnal eb'. A jac te te cha, caw matz tac' on̈ scuyn te 'on̈.

Ro 1:25

yujto ma'ix ya'ch eb' sc'ojl 'a spaxti Dios caw yel. Ax ticnec, ax 'a jun tzo'n̈ 'es 'aj tzlaj ya'ch eb' sc'ojol. Ax 'a jun tzo'n̈ tas b'ob'il yuj Dios, ata tzyal sb'a eb', ata tzlaj yac' 'ejm sb'a eb'. Ax 'a Dios, matz yal sb'a eb'. Palta smasnil tiempo, smoj tzcalc wach' paxti 'a 'a. 'Ixta cab' tz'aji.

A Ch'an̈ B'ab'el Libro Samuel 5:4

'Ixta pax 'a junx c'u 'ix seb' c'ochx eb' yila'. Ax xyiln eb', n̈ojn 'ec' pax Dagón chi stelw 'a yojltac te caxa cha. Ax sjolm Dagón yet' sc'ab', choc' yaj spoj 'a yib'n̈ te smarcoal spuertail yatutal cha, cojxn sniwnal chi pun̈n 'ec' sch'ocoj.