Jeremías 10:13 - Chuj San Sebastian Bible

¹³ A yic tzchecwji, caw tz'ib'x smasnil a a 'ay 'a satcha'an̈. A 'aj tzlajw c'och sti lum lum tic, caw tzq'ue wan 'asn yuj 'a cha'an̈. Caw tz'ec' raya 'a scal niwc yaxn̈ab' yu'uj, tzjacn pax 'elt 'ic' 'a 'aj molb'il yu'uj.

Chuj San Mateo Bible

¹³ Ayic tz'avaj Jehová chi', tz'ib'xiq'ue a a' d'a satchaan̈, sq'ue vaan asun d'a chaan̈ yuuj masanto b'aj slajvic'och lum luum tic. Tz'ec' copoljoc leb'lon d'a scal nivac yaxn̈ab' yuuj, sjacanelta ic' b'aj molan yuuj.

Jeremías 10:13 Iomraidhean Croise

Gn 2:5

Ata', mant 'a junc te te', mant 'a pax c'ultc tzpaq'ui, yujto mant 'a n̈ab' tz'ejm 'a yib'n̈ lum yuj Jehová Dios. Mant 'a pax mach tzmunlj 'a sat lu'um.

A Ch'an̈ B'ab'el Libro Yic Yab'ixal Eb' Rey 18:41

Xlajw cha, xyaln Elías 'ixtc 'a win Acab: —'Ixc wa'oc, tzo'n tas tzoq'uej, yujto tzc'an̈ c'u, wal ya'n jun niwquil n̈ab' tic, xchi.

Job 38:22

¿'Ayxam 'aj ach xit'c 'a 'aj moln q'uen chew wu'uj, yet' 'aj moln q'uen sacb'at?

Salmos 104:13

A 'a atut 'a satcha'an̈, ata tza' cot n̈ab' 'a yib'n̈ eb' lum niwc witz; tza'n cot niwc yaxn̈ab', yuj cha, tzya'n eb' te te sat 'ay 'a sat lum lum tic.

Salmos 135:17

'ay cob' schiquin, palta matz yab'i, matz yij xon jac yic'.

Salmos 135:7

Tzyij cot 'asn 'a 'aj tzlajw c'och lum lum tic, tzyij cot letz'lo'om yic tzya'n n̈ab', tzjacn 'elt 'ic' 'a 'aj 'ay yet'ul.

Salmos 147:8

A tz'a'n 'och 'asn 'a satcha'an̈, yic tzya'n n̈ab' 'a yib'n̈ lum lum tic. A tz'a'n pac' te c'ultc 'a eb' lum tzalctac.

Salmos 18:13

Ach Jehová caw niwn el'chi, 'ix 'el aw 'icha wal sc'an̈ c'u 'a satcha'an̈, yajn̈ej 'ix cot sacb'at yet' stzac'ac'.

Salmos 68:33

atn jun tzb'eyc' 'a satcha'an̈, jun to 'ayc' xon 'a pecti'. 'Ab'c wal schan̈il yol sjaj. A yol sjaj cha, man̈x jantcoc spoder.

Ex 9:23

Xlajw xoj cha, xyi'n chan̈ Moisés sc'ab' 'a satcha'an̈, ax Jehová 'ix 'a'n c'an̈ c'u, 'ix laj 'ec' letz'lo'om, 'ix 'em niwc sacb'at 'a sat smasnil lum lum 'a yol yic Egipto.

Jeremías 14:22

Caw may junc comn dios 'a sdiosal eb' chuc chon̈b'al to tztac' ya'n cot n̈ab'. Matz tac' ya'n cot satchan̈ yaxn̈ab' 'a mun yol yico'. Mamin Jehová qui Diosal ach on̈, cojn ach ton tztac' a'n coti, yuj cha, caw tzach ca'ch yipc qui c'ojl on̈, xin chi 'a 'a.

Jeremías 19:12

An Jehová in, an tzwala, to 'ixta wal 'oj wutc jun chon̈b' tic, yet' jantc ex to cajn ex 'a 'a, lajn wal 'oj eyajcn 'icha Tofet.

Jeremías 5:24

Matz e na xon jac 'ixtic: 'Ay cab' yel'ch Jehová qui Diosalec 'a qui sat, yujto a tz'a'n cot n̈ab' 'a 'icha stiempoal, tzya'n pax 'el-lc sat cawb'enec 'a 'icha stiempoal, man̈ xe chioc.

Jeremías 51:16

A tzalni, yuj cha, tzn̈il-li sc'an̈ c'u yic tzcot n̈ab'. A tz'i'n chan̈ 'asn 'a 'aj tzlajw c'och lum lum tic. A tz'a'n 'ec' copljoc raya 'a scal niwc yaxn̈ab', a tzjacn pax 'elt 'ic' 'a 'aj molb'il yu'uj.

Am 4:13

'In an b'ojnac eb' lum niwc witz, yet' pax 'ic'. Tzwac' yojcoc 'el eb' 'anma cha tas nab'il wu'uj. An tzin jelmtej 'och sacq'uinl 'a q'uic'q'uinlal, tzin 'ec' pax 'a caw schan̈il yib'n̈ lum lum tic. Jehová Dios tztac' yuj smasnil, 'ixta yalx in b'i, xchi Dios.

Zacarías 10:1

C'anc n̈ab' 'a Jehová sec tzyac' n̈ab' 'a 'icha stiempoal. A Jehová a tz'a'n pitzwc chan̈ letz'lo'om, caw wal niwn tzyutj ya'n cot n̈ab', sec wach' sq'uib' eyawb'en 'a sat e lum e masnil.