Jeremías 10:10 - Chuj San Sebastian Bible

¹⁰ A Jehová, atn jun Dios pitzan, caw Rey 'a jun 'ejmn̈ej. A yic tzcot yowal, caw tz'ib'x lum lum tic yu'uj. Man̈xtzac stac' ste'wtzan sb'a jun tzo'n̈ nacion̈ 'a yowl sc'ojl cha.

Chuj San Mateo Bible

¹⁰ Axo Jehová, aton Dios pitzan, Dios d'a val yel, Rey d'a juneln̈ej. Ayic scot yoval, tz'ib'xi val lum luum tic yuuj. Maxtzac yal-laj stec'b'an sb'a juntzan̈ nivac chon̈ab' d'a yichan̈ yoval sc'ol Jehová chi'.

Jeremías 10:10 Iomraidhean Croise

Gn 21:33

A 'a Beerseba cha, ata 'ix yawj Abraham jun te te tzcuch tamarisco. Ata tz'och Abraham chi 'emmquilal 'a Jehová, atn jun Dios 'ayc' 'a smasnil q'uinal.

A Ch'an̈ B'ab'el Libro Yic Yab'ixal Eb' Rey 18:39

A yic xyiln eb' 'anma yuj tas 'ix uji, 'ix 'em c'umn eb' 'a sat lu'um, masnto squil 'ejm eb' snan̈l sat 'a sat lu'um. Xyaln eb' 'ixtic: A Jehová yel Dios toni, Dios ton wal b'i'an, xchi eb'.

A Ch'an̈ B'ab'el Libro Yic Yab'ixal Eb' Rey 8:60

Wach' cab' tzyojquej 'el smasnil chon̈b' 'ay 'a sat lum lum tic, chajtlto cojn Jehová, atn Dios, may junc xo.

1 Cr 29:11

Ec yaj jun tzo'n̈ tic, caw niwn el'chi, caw 'ay a poder, tzictzni elxi, ach 'ay ec smasnil tas, rey ach paxi, yujto a smasnil tas 'ay 'a satcha'an̈ yet' 'a sat lum tic, ec yaji. Mamin Jehová, ach yajl ach 'a yib'n̈ smasnil.

2 Cr 15:3

An̈ chon̈b' israel on̈ec tic, niwn tiempo 'ix b'ey coti to man̈xoc jun Dios caw yel 'aych quet'ec, man̈x 'a eb' ya'mal 'och qui ti 'a Dios tzcuywji, man̈x 'a pax cuynb'il.

Job 9:6

A tz'a'n 'ib'xoc lum lum tic 'a yet'ul, tzlaj stzicb'tan̈n sb'achnub'al yich lu'um.

Salmos 10:16

Mamin Jehová Reych 'a jun 'ejmn̈ej. A jun tzo'n̈ chuc nacion̈al, 'oj 'ijxoc 'el eb' 'a sat lum a lu'um.

Salmos 100:3

Tzcojcanec 'eli to a Jehová Dios toni; a b'ojnacn̈ec, yuj cha, to yic on̈ec; schon̈b' cajec, 'icha to scalnelu on̈ec, yuj cha, tan̈b'iln̈ec yu'uj.

Salmos 100:5

Yujto a Jehová caw wach' snab'en; a schamc'ojlal may xon slajub'. Tzyac' 'el'chocn̈ej sti ya'jnac can 'ayn̈ec.

Salmos 104:32

A yic tzach 'och q'ueln 'a lum lum tic, yajn̈ej tz'ib'x chan̈ lum o'oj; a yic tzach 'och yamn 'a eb' lum niwc witz, yajn̈ej tzq'ue wan stab'l eb' lum o'oj.

Salmos 114:7

'Ib'x cab' chan̈ lum lum 'a yojltac Dios Yajl yaj 'a smasnil, atn qui Diosalec an̈ yin̈tl on̈c Jacob tic.

Salmos 145:13

A opiso cha, 'ayc'n̈ej 'a jun 'ejmn̈ej, Yajl 'ach 'a smasnil tiempo. Tzac' 'el'choc tas tzala, 'ay a chamc'ojlal 'a smasnil tas b'ob'il o'oj.

Salmos 146:6

A b'ojnac satcha'an̈, lum lu'um, a mar yet' smasnil tas 'ay 'a junjn c'aj. Caw wal tzyac' 'el'choc tas tzyala.

Salmos 18:7

Xlajw cha, 'ix 'ec' jun niwquil quixcab' caw ow, c'uxn xlaj 'ib'x smasnil sb'achnub'al yich eb' lum niwc witz, 'ix cham wal stzicb'tan̈x yuj yowl a c'ojol.

Salmos 29:10

A Jehová syajlil a niwc mar. Yajl yaj 'a jun 'ejmn̈ej.

Salmos 31:5

Mamin Jehová in Diosal ach, tzwa'cn 'ab'enal in pixn 'a yol a c'ab', yujto caw yeln̈j tas tzala.

Salmos 42:2

Nab'ilchn̈ej wu'uj, yol a c'ab' 'ay in q'uinal. ¿B'a'n̈ wal tzin c'ochx 'a ojltac jun 'ejm xo?

Salmos 68:11

Ach Cajlil on̈, a yic 'ix alni to tz'ajx ganar eb' 'ajc'ojol, til wal eb' 'ix 'ix x'aln 'el 'ixtic:

Salmos 68:8

A yic cha, caw x'ib'x lum lum o'oj, 'ix cot n̈ab' 'a satcha'an̈. X'ib'x lum tzaln Sinaí 'a ojltac ach qui Diosal an̈ israel on̈ tic on̈.

Salmos 74:12

Palta yictax pecti', qui Reyl xon aj on̈; til wal 'ajtil 'ix ac' ganar owl 'a sat lum lum tic.

Salmos 76:7

Yel xo wal caw 'ay a may. ¿Toc 'ay mach 'oj stac' yoch lin̈n 'a ojltac, yic tox 'ix cot owal?

Salmos 76:8

A wal 'a satcha'an̈, ata xa ch'oxcn 'elt a b'eyc'ojlal, ax eb' 'anma 'ay 'a sat lum lu'um, caw sictac x'aj eb' yuj xiwlal.

Salmos 77:18

'Ix 'ab'x sc'an̈ c'u 'a scal chacxuxm'ic', caw 'ix sacb'chan̈ yolyib'n̈q'uinl tic yuj letz'lo'om, 'ix 'ib'x pax lum lum tic yuj quixcab'.

Salmos 84:2

Til wal in nib'n waj 'a yamq'uil atut ach in Diosal, ach 'aj q'uinl ach. 'A smasnil in c'ojol tzin b'itn 'ayach.

Salmos 9:8

Wach' 'oj otc a b'eyc'ojlan yolyib'n̈q'uinl tic, ax a'n yajlil 'a yib'n̈ smasnil eb' chon̈b' 'a stojlal.

Salmos 90:11

¿Tom 'ay junc mach 'ojtnac jantc wal yipl yowl a c'ojol? ¿Toc cojc on̈ jantc wal smay a c'a'lc'ojlal cha?

Salmos 90:2

Yic mantzac a b'o eb' lum niwc witz, lum lum tic yet' smasnil yolyib'n̈q'uinl tic, masnto 'a slajub', Dios achn̈ej xoni.

Salmos 93:2

Mamin, toxn to 'aych 'ec' yet' opiso; toxn to 'aych xon 'eq'ui.

Salmos 97:4

A sletz'lomal, a chi tz'a'n sacq'uinl 'a yolyib'n̈q'uinl tic. Ax lum lum tic, caw tz'ib'x lum yiln 'ochi.

Is 37:17

Mamin Jehová, comnoc wal tza maclj ab'i', tzel wal jun tic yet' a sat. Mamin Jehová tzab'n tas 'ix yal cot Senaquerib 'ayin, caw tu 'ix yal 'ayach, ach qui Diosal, pitzn ach.

Is 37:4

Comnoc wal 'ix yab' Jehová qui Diosal jun tzo'n̈ paxti 'ix yal win syajlil eb' soldado yic win sreyl chon̈b' Asiria checb'il cot yuj win rey yic tzb'uchwj 'a qui Diosal pitzan. Comnoc tzya'ch Jehová yailal 'a yib'an̈. Yuj cha, leslwan̈ cuj an̈ jayn̈ on̈ tzon̈ can tic, xchi Ezequías, xchi eb'.

Is 40:15

A 'a sat Jehová, a jun tzo'n̈ nacion̈ lajn eb' yet' jun t'ujoc a', lajn eb' yet' jac pococ 'a yol junc libra. A jun tzo'n̈ chon̈b' 'ay 'a snan̈l a mar, lajn eb' 'icha jun pilc q'uen arena.

Is 40:28

¿Tom mant eyojcoc? ¿Tom mant 'a 'aj eyab'jnac to a Jehová Dios 'ayc' 'a jun 'ejmn̈ej? A b'ojnac smasnil yolyib'n̈q'uinl tic. May b'a'n̈ tz'el yip, may tz'aj sc'unb'i, may mach tza'wni snab'en 'a 'icha snab'en.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Is 65:16

Tzann̈j mach 'a jun nacion̈ tic, to tznib'j tzchaj yaxilal, sc'an cab' 'ayn an Dios in 'a caw yel. Tzann̈j mach to tzyac' sti yuj junc tas, ya' cab' sti 'ayn an Dios in tic 'a yel. A smasnil yailal xlaj 'eq'ui, tox x'atcn 'a satc'ojlal wu'uj.

Jeremías 23:36

Palta man̈xtzac yal junc paxti 'ixtic: Schecnb'il Jehová jun tic, man̈ xchioc. Toto tzyal jun paxti cha, mun a jun spaxti chi 'oj meltzjoc 'och 'a 'a. Yujto 'ix yixtj 'el eb' 'anma tic 'a tas 'ix wala, an ton tic Dios in, pitzn in, an Jehová in, tztac' wuj smasnil, e Diosal in paxi.

Jeremías 4:2

Toto caw yel tzin e b'inej an Jehová in tic, wal 'a stojlal yet' wal 'a swach'il. To 'ixta', 'oj scha smasnil nacion̈ in yaxilal, ax yi'n chan̈ pax eb' in b'i, xchi Dios.

Jeremías 4:24

'Ix laj wilnc 'at eb' lum witz, caw wal tz'ib'x eb' lu'um, 'ixta pax eb' lum tzalan, caw wal tzicb'tan̈x eb' lu'um.

Jeremías 50:46

A wal yic 'oj 'em Babilonia cha, caw 'oj 'ib'xoc lum lum tic, 'oj c'och yel yaw eb' 'a jun tzo'n̈ xo nacion̈, xchi Dios.

Jeremías 51:29

A lum lum tic, caw 'oj 'ib'xoc lu'um, 'oj tzicb'tan̈xoc, yujto 'oj 'el'choc tas nab'il yuj Jehová. A yic 'oj 'ochcn Babilonia tic 'a cusltac lumal, man̈x 'a mach 'oj cajnoc.

Dn 4:3

¡Man̈x jantcoc satjub'tacl jun tzo'n̈ tas tzb'o'o, yet' jun tzo'n̈ milagro tzch'oxo! Yajl 'a smasnil tiempo, 'oj b'eyn̈j yopiso 'a yib'n̈ junjn macn̈il 'anma'.

Dn 4:34

'Ix yaln pax win rey chi 'ixtic: A yic xtz'acw stiempoal jun yailal 'aych 'a wib'an̈, in q'ue q'ueln 'a satcha'an̈, 'ix tojlb'i can pax in nab'en. Xlajw cha, xwaln wach' paxti 'a jun Dios caw niwn yel'chi, 'ix wi'n chan̈ sb'i Dios jun mach 'ayc' 'a jun 'ejmn̈ej. Yajl yaj 'a jun 'ejmn̈ej. 'Oj b'eyn̈j yopiso 'a yib'n̈ junjn macn̈il 'anma'.

Dn 6:26

Tzwalb't 'ayx e masnil, ex 'ayx 'ec' 'a yol smacb'en jun nacion̈ 'aj tzwac' reyl tic, niwn cab' yel'ch sDiosal Daniel 'a e sat. Yujto a jun Dios tic, caw pitzan, 'ayc'n̈ej 'a jun 'ejmn̈ej. May xon b'a'n̈ 'oj satxoc 'el yopiso. A sjelnal may b'a'n̈ 'ay slajub'.

Dn 6:27

A Dios tic, caw tzcolwji, a tz'a'n 'el pax junc mach 'a libre. A tzch'oxn jun tzo'n̈ satjub'tac yilx 'ay 'a satcha'an̈, yet' 'a sat lum tic. A xcoln 'el Daniel 'a yol sc'ab' e no león, xchi win rey cha.

Dn 7:14

'Ix 'ajx yopiso yet' sb'inab'ilal yic tzya'n reyal. Smasnil 'anma 'a junjn nacion̈ yet' 'a junjn ti'al, c'uxn tz'a'w servil eb' 'a 'a. A yip 'ayc' 'a jun 'ejmn̈ej, ax yopiso cha, caw may xon b'a'n̈ 'oj lajwc 'ejmi.

Jl 2:11

A Jehová a 'aych 'a yojltac eb' soldado to yico', tzyac' 'ab'xoc yol sjaj 'icha wal sc'an̈ c'u. Caw niwn sb'isl eb' soldado cha, man̈x b'ischjb'enoc eb' tzyiclni schecnb'il. Caw niwn yel'ch jun c'u yic Jehová, 'ay xo smay yalxi. May junc mach tztac' ste'wtzan sb'a 'a yojltac.

Miqueas 1:4

'Oj 'ulb'xoc 'ejm eb' lum witz chi 'a yaln̈ yoc 'icha tz'aj yulb'x no chab'ic', 'oj b'ey 'ejm lu'um, ax sb'ey lum 'a eb' lum niwc ch'oln 'icha c'acap.

Nahúm 1:5

Caw tz'ib'x eb' lum witz 'a yojltac Dios, caw tz'ulb'x pax 'ejm eb' lum tzaln yu'uj. Smasnil lum lum tic yet' smasnil eb' 'anma cajn ta', caw tz'ib'x eb' yuj xiwlal 'a yic tzch'oxn sb'a Dios.

Nahúm 1:6

May junc mach tztac' ste'wtzan sb'a 'a yowl sc'ojl Dios. May mach tztac' stenn 'och wa'an. A yowl sc'ojl cha, caw lajn sn̈ilchj 'icha te c'ac', tzpoj q'uen niwc tenm 'a yojltac.

Habacuc 3:10

A yic xa ch'oxn a b'a, caw x'ib'x chan̈ eb' lum niwc witz yuj xiwlal. 'Ix cot yaxn̈ab' 'a satcha'an̈, ax a mar, til wal sc'an̈ chan̈ a', yic xq'ue wan chel-loc a 'a cha'an̈.

Habacuc 3:6

A yic tzach 'och wa'an, caw tz'ib'x lum lum tic o'oj. Smasnil jun tzo'n̈ nacion̈, xlaj 'ib'x chan̈ eb' yuj xiwlal yic ach 'och q'ueln 'a eb'. A jun tzo'n̈ lum niwc witz 'ayc' xon 'a yictax pecti', 'ix laj poj eb' lu'um, 'ix lan̈chj 'ejm smasnil lum witz cha, atn 'a 'aj 'e'nc ach 'a yictax pecti'.

Malaquías 3:2

¿Mach wal 'oj techjoc yuj 'a jun c'u yic 'oj in jaw cha? ¿Mach wal 'oj stac' ste'wtzan sb'a yoch lin̈n 'a wojltac? Yujto a wopiso, lajn wal 'icha te c'ac' tzc'an eb' tzb'on q'uen oro, mto 'icha sawon tzc'an eb' tzju'wi.

Mt 16:16

Yuj cha, 'ix ta'w Pedro 'ixtc 'a 'a: —Ach tic Cristo ach, Yunnal ach Dios pitzan, xchi 'a 'a.

Mt 26:63

Palta caw sictacn̈ej yaji. Yuj cha, xyaln pax win 'ixtc 'a 'a: —Al 'ayn̈ on̈ toto Cristo ach, toto yel yunnalch Dios, yowlal tzal 'a sat Dios pitzan, xchi win 'a 'a.

Jn 17:3

Caw yel cojn ach Dios ach, a eb' 'ojtnac ach, an̈jtona yojc in pax eb' an checb'iln cot oj tic, atn eb' chi 'ay sq'uinl 'a jun 'ejmn̈ej.

A Tas Sc'ulejnac Eb' Schecab' Jesús Hechos 14:15

—Ex winac, ¿tas yuj tze b'o jun tic 'ixtic? An̈ tic on̈, caw 'anman̈n̈ej on̈, 'icha ex tic. To tzwul 'ajxc cal jun wach' 'ab'x 'ayx on̈, 'actjec eyaln e b'a 'a jun tzo'n̈ comn dios may jac yel'chi. Tzeya'n 'och e nab'en 'a Dios pitzan. A b'ojnac satcha'an̈, yet' lum lum tic. Sb'ojnac pax a mar, yet' smasnil tas 'ay 'a 'a.

Dt 32:4

'Icha junc q'uen niwquil q'uen 'aych quen̈loc, 'ixta yaj Jehová 'ayn̈ec; tz'el'chn̈ej tas tzyala, caw tojln̈ej tas tzb'o'o. A Dios wach'n̈j tzyutj paxtinc sb'a, matz yac' 'es; tojln̈ej 'a smasnil.

Dt 5:26

Toc 'ay junc 'anma tz'ab'n spaxtin Dios pitzan, 'icha wal xcutjec cab'n spaxtin 'elt an̈ec tic 'a scal c'ac', to matz chami.

1 Ts 1:9

Yujto smasnil eb', wan laj yalnc eb' eyab'xil, chajtlto wach' e chajnacn̈ on̈, yic quec' 'ayx on̈. Wan yaln pax eb', chajtl eyutjnac eyactn can jun tzo'n̈ eyaljnac 'och e diosaloc, eyamn 'och eya'n servil Dios pitzan, atn Dios caw yel.

1 Ti 1:17

A Dios, Rey 'a smasnil tiempo. May b'a'n̈ tzchami. May junc mach tztac' yilni. Cojxn jun Dios tic, may junc xo. [Cojn 'ojtnac smasnil tas.] Caw niwn cab' yel'ch 'a qui sat. Smasnil cab' tiempo, cal wach' paxti 'a 'a. 'Ixta cab' tz'aji.

1 Ti 6:17

Ax eb' creyente rico yuj tastc 'ay 'a yolyib'n̈q'uinl tic, tzal jun tzo'n̈ checnb'il tic 'a eb'. Tzcham wal aln 'a eb', to matz tac' sb'an̈n sb'a eb'. Matz tac' ya'n 'och eb' sricoal yipc sc'ojol, yujto may jac syal tz'aj slajw pax 'eq'ui. Tzaln pax 'a eb', to cojxn Dios pitzan, a tzya'ch eb' yipc sc'ojol. Yujto a tz'a'n smasnil tas 'ayon̈, sec tzon̈ tzalj yet' jun tzo'n̈ cha.

A Ch'an̈ Carta D'a Eb' Hebreo 10:31

Caw wal 'ay smay qui b'eyc'ojlaxec yuj Dios pitzan.

Josué 3:10

A yuj tas 'oj ch'oxxoc eyila', ax snachj 'el eyu'uj, to a jun Dios pitzan a 'ayc' 'a qui calec. A 'oj 'i'noc 'el jun tzo'n̈ eb' 'anma 'ay 'a jun tzo'n̈ lugar 'aj 'oj queq'uec: atn eb' cananeo, eb' hitita, eb' heveo, eb' ferezeo, eb' gergeseo, eb' amorreo yet' eb' jebuseo.

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.

Apoc 20:11

Xlajw cha, xwiln jun wocn 'ejm 'a jun niwquil despacho caw sac. Ax 'a yojltac, ata 'ix satl yolyib'n̈q'uinal, yet' satcha'an̈. Man̈x 'a 'aj 'ix 'ilchj jac sc'ajil.

Jueces 5:4

Mamin Jehová, a wal yic ach 'elt 'a lum switzl Seir, yet' yic a b'eyc' 'a lum Edom, caw wal x'ib'x lum lu'um, xcot pax n̈ab' 'a satchan̈ yuj 'asun.

A Ch'an̈ B'ab'el Libro Samuel 17:26

Yuj cha, sc'anb'n David 'a eb' 'ayc 'a stz'ey chi 'ixtic: —¿Tas tz'ajx 'a junc win tzmiln cham jun filisteo tic, sec tz'och wan sb'uchwj 'ayn̈ an̈ israel on̈c tic? ¿'Aj xcot jun filisteo cha, jun chuc chon̈b'al cha, yuj cha, tzb'uchwj 'a eb' soldado yic jun Dios pitzan? xchi.

A Ch'an̈ B'ab'el Libro Samuel 17:36

Yuj cha, an a checb' in tic, wach'xam león, mto oso, cojnto tojln̈ej scham wu'uj. Ax jun filisteo chuc chon̈b'al tic, lajn 'oj wutc 'icha wutjnac e no cha, yujto tzb'uchwj 'a eb' soldado yic jun Dios pitzan.