Jeremías 1:6 - Chuj San Sebastian Bible

⁶ ¡'Oltacn Mamin Jehová, ach Wajlil! ¡Caw wal quelm in to 'unin, mantzac nachj wu'uj, tas tzwutj paxtinc in b'a! xin chi 'a 'a.

Chuj San Mateo Bible

⁶ Ix in tac'vi icha tic: Mamin Jehová, ach Vajalil, unin into. Maxto nachaj tas svutej in loloni, xin chi.

Jeremías 1:6 Iomraidhean Croise

Ex 4:1

'Ix ta'w Moisés 'ixtc 'a Jehová: Ma'oj scha eb' yab' 'ayin, ¿tom 'oj syiclc eb' tas 'oj wala'? Tecn 'oj yal eb' 'ayn 'ixtic: Totn am wal yel 'ix sch'ox sb'a Dios 'ayach, mto ma'ay, 'oj schic am eb', xchi Moisés.

Ex 6:12

Palta 'ix yaln Moisés 'ixtc 'a Jehová: —'Intax matz chaj eb' wit israelal chi yab' tas tzwala, ocxom wal win rey cha, ¿tom 'oj scha win yab' tas 'oj wala'? 'In to matz tac' wal pax in paxtini, xchi Moisés.

Ex 6:30

'Ix ta'w Moisés 'ixtc 'a Jehová: —Mamin, caw wal matz tac' in paxtini ¿Tas wal 'oj yutc win rey chi yab'n tas 'oj wala'? xchi Moisés.

Is 6:5

Yuj cha, xwaln 'ixtic: 'Oltacn wali, tecn 'oj in chami, yujto xwilch jun Rey yet' in sat, atn Jehová tzta'n̈j yuj smasnil. An xo tic, nab'a 'anma 'in, tu tas tzlaj 'elt 'a in ti', cajn in 'ec' pax 'a scal eb' 'anma tu spaxtin tic, xin chi.

Jeremías 14:13

In ta'w 'a 'ixtic: Palta Mamin Jehová, a eb' a checab', tzyal eb' 'a eb' a chon̈ab', to may owl 'oj 'ochoc, may wejl 'oj jawoc. Tzyal eb' to 'oj a'n̈j ab' junc'ojlal 'a 'aj cajn on̈ 'ec' tic on̈, xin chi 'a 'a.

Jeremías 32:17

Mamin Jehová, yet' wal a niwn poder yet' pax a jelnal 'ix a b'on satcha'an̈, yet' lum lum tic. Caw may tas 'ajltac sb'o 'ayach.

Jeremías 34:6

An Jeremías in tic schecb' in Dios, 'ix wal smasnil jun tzo'n̈ tic 'a win rey Sedequías 'a Jerusalén.

Jeremías 4:10

'Ix waln 'a 'ixtic: ¡'Ay, Mamin Jehová! ¿tas yuj 'ix extj paxti eb' 'anma 'aj Jerusalén? 'Ix ac' a ti a'n junc'ojlal 'a eb', palta ax ticnec, a q'uen espada tecn 'och 'a spixn eb' o'oj, xin chi 'a 'a.

Ez 4:14

'Ix waln 'ixtc 'a 'a: Mamin Jehová, caw wal may 'aj tzin yam junc tas man̈ wach'c 'a yic 'unnal, may 'aj tzin chi no noc' mun tzchami, mto no noc' tzcham yuj yit noc'al, may xon 'aj tzin chi no chib'j man̈ wach'oc, xin chi 'a 'a.

Zacarías 2:4

'Ixc muc'uc, 'at al 'a jun quelm 'et'jnac jun ch'an̈ 'echtab' lum cha: To a Jerusalén 'oj b'ox cha'an̈, ax scajn eb' 'anma jun 'ejm xo. Caw 'oj niwtjoc sb'isl eb' 'anma cha, yel xo 'oj niwtjoc scajb'en noc' eb', man̈x 'oj stac' yoch smuroal chon̈b' cha.