Jeremías 1:2 - Chuj San Sebastian Bible

² A yic yoxlajn̈il xo ab'il yoch win Josías yunnal Amón reyl 'a chon̈b' Judá, ata x'el yich spaxtin Jehová 'ayin.

Chuj San Mateo Bible

² Ix el yich slolon Jehová d'ayin ayic 13 ab'il yoch vin̈aj Josías yuninal vin̈aj Amón reyal d'a Judá.

Jeremías 1:2 Iomraidhean Croise

A Ch'an̈ B'ab'el Libro Yic Yab'ixal Eb' Rey 13:2

A Jehová 'ix aln 'a 'a, yuj cha, caw ow xyutj yaln 'a jun yet'l xajmb'al chi 'ixtic: Ach yet'l xajmb'al, a Jehová 'ix aln 'ixtic: A 'a scal eb' yin̈tl David, ata 'oj 'aljoc jun winc 'unin, 'oj 'ajxoc sb'ic Josías. A 'a eb'an̈, ata 'oj yac' milxoc cham win jun tzo'n̈ eb' ya'mal 'och cob' sti eb' 'anma 'a scomn diosal, atn eb' tz'a'n jun tzo'n̈ incienso 'a eb'an̈, ax ya'n pax tz'a win sb'acl 'anma 'a eb'an̈, xchi Dios, xchi jun checb' cha.

A Ch'an̈ B'ab'el Libro Yic Yab'ixal Eb' Rey 13:20

Ax x'aji, wanto wal swa eb' 'a te mexa cha, 'ix ya'n Jehová paxtinc jun schecb' caw 'ichm winc xo cha.

A Ch'an̈ Schab'il Libro Yic Yab'ixal Eb' Rey 21:18

A yic 'ix chami, ata 'ix mucx 'a scal jun tzo'n̈ te 'awb'ente 'a sti sdespacho, atn 'a scal 'awb'ente yic Uza. Xlajw cha, ax jun yunnal tzcuch Amón, a 'ix 'ochcn reyl sjeloc.

A Ch'an̈ Schab'il Libro Yic Yab'ixal Eb' Rey 21:24

Palta ax eb' 'anma 'ay 'a yol chon̈b' cha, a eb' xmiln cham smasnil eb' xmiln rey Amón, ax jun yunnal tzcuch Josías, a 'ix ya'ch eb' reyl sjeloc.

A Ch'an̈ Schab'il Libro Yic Yab'ixal Eb' Rey 22:3

A yic swajxclan̈il xo ab'il yoch Josías reyal, 'ix schecn 'at Safán, yunnal Azalía, yixchicn Mesulam, 'aj tz'ib' yaj 'a yatut Jehová, 'ix yaln 'ixtc 'a 'a:

Jeremías 1:11

'Ix yaln pax Jehová 'ixtc 'ayin: Jeremías, ¿tas tzela? xchi 'ayin. Tzwil jun sc'ab' te almendro, xin chi 'a 'a.

Jeremías 1:4

'Ix paxtin Jehová 'ayn an Jeremías in tic, xyaln 'ixtic:

Jeremías 25:3

Atxo 'a yic yoxlajn̈il ab'il yoch Josías yunnal Amón reyl 'a Judá tic, masnto ticnec, tzyal 'el'chi, 'ayx yoxlschawinc ab'il ticnec spaxtin Jehová 'ayin, yuj cha, caw niwn xo 'ejm 'ix wal 'ayex, palta ax xo tic, caw man̈ jac tze chaj eyab' 'ayin.

Jeremías 28:12

A yic tox 'ix 'ec' jun tiempoal 'a yic sma'n wecchjoc Hananías te yugo yijnac 'el 'a in jaj, 'ix yaln pax Jehová 'ayn 'ixtic:

Jeremías 3:6

A 'a yic stiempoal win rey Josías, 'ix yaln Jehová 'ayn 'ixtic: ¿'Ix el am wal tas sb'o eb' et chon̈b' cha? Lajn wal xyutj sb'a eb' 'icha eb' 'ix 'ajmul 'ix. Caw tz'at eb' 'at sb'o mul 'a smasnil lum tzalctac, yet' 'a yich eb' te te pim xi'il.

Jeremías 36:2

'Ij cot junc ch'an̈ un̈ 'aj tzach tz'ib'ni, tzlajw cha, tza tz'ib'n can smasnil tas 'ix walcn 'el 'a yib'n̈ Israel, 'a Judá, yet' 'a jun tzo'n̈ xo nacion̈, yictax in yamn 'och wal 'aych 'a yol stiempoal Josías masnto ticnec.

Os 1:1

An Oseas in tic, yunnal in Beeri, 'ix paxtin Jehová 'ayin, yic xya'n ewin tic reyl 'a chon̈b' Judá: Atn Uzías, Jotam, Acaz, yet' Ezequías, ax Jeroboam yunnal Joás, a 'aych reyl 'a chon̈b' Israel.

Jl 1:1

An Joel in tic, yunnal in Petuel. An xin tz'ib'j jun libro tic tzaln yuj spaxti Jehová xyal 'ayin.

Jonás 1:1

'Ay jun winc Jonás sb'i, yunnal Amitai, 'ix paxtin Jehová 'a 'a, 'ix yaln 'a 'ixtic:

Miqueas 1:1

An Miqueas in tic, ata cajn in 'a chon̈b' Moreset 'a yol yic Judá. A yic xlaj 'ec' ewin tic reyl 'a Judá, atn Jotam, Acaz, yet' Ezequías, ata sch'ox Jehová wil 'a 'icha waychil yuj tas wan sjaw 'a yib'n̈ Samaria yet' Jerusalén. Yuj cha, xwaln 'ixtic:

Sofonías 1:1

An Sofonías in tic, yunnal in Cusi, yixchicn in Gedalías, win yunnal Amarías, schab'l 'ichicn Ezequías. A yic 'aych win Josías yunnal Amón reyl 'a Judá, ata xyal Jehová 'ayn 'ixtic: