Jeremías 1:18 - Chuj San Sebastian Bible

¹⁸ A ticnec, tzach wa'cn 'och 'icha wal junc chon̈b' caw 'ay yip, 'icha wal junc 'oy nab'a hierro, 'icha wal junc muro nab'a bronce, sec 'oj stac' a te'wtzan a b'a 'a yojltac nacion̈ Judá, 'a yojltac eb' rey, 'a eb' yajal, 'a eb' ya'mal 'och sti eb' 'anma 'ayin, yet' 'a sat smasnil eb' 'anma'.

Chuj San Mateo Bible

¹⁸ A ticnaic tzach vac'och icha junoc chon̈ab' te tec'an, icha val junoc oy nab'a hierro, ma icha muro nab'a bronce. Yuj chi' ol yal a tec'b'an a b'a d'a yichan̈ chon̈ab' Judá, d'a yichan̈ eb' rey, eb' yajal, eb' sacerdote yed' d'a yichan̈ masanil anima.

Jeremías 1:18 Iomraidhean Croise

Is 50:7

A Jehová Wajlil, a tzcolwj wet'oc, yuj cha, matz in chab'c'ojlej in b'a yuj tas tzin 'aj cha. Caw te'n waj 'icha junc niwquil q'ue'en, wojc wal si'mb'il to ma'oj 'el in q'uixwel.

Jeremías 1:17

A ticnec 'ac' ep, 'ixic, 'at al smasnil tas 'oj wac' ala'. Man̈ ach xiw 'a eb' et 'anmal cha. Toto 'oj a xiwi, 'oj ach wac' 'ib'xoc chan̈ 'a yojltac eb'.

Jeremías 1:19

'Oj yac' eb' owl et'oc, palta ma'oj ach yac' ganar eb', yujto caw 'aynn̈ej 'och et'oc, yic tzach in colni. An Jehová in, an tzwala, xchi 'ayin.

Jeremías 15:10

'Oltacn wal nunin, ¿tas wal yuj in 'ac' 'aljoc? Cojn wal 'a owal, yet' 'a tejb'al 'ayn 'och yet' eb' 'anma'. May mach 'aj in 'och majn tumin, may pax mach x'och majn tumn 'ayin, palta caw wal tzin scatb'tzej eb' smasnil.

Jeremías 15:20

Lajn wal 'oj ach wutc can 'a jun chon̈b' tic 'icha junc muro nab'a bronce, caw 'ajltac slan̈chj 'ejmi. 'Oj yac' eb' owl et'oc, palta an Jehová in, an tzwala to ma'oj ejm yuj eb', yujto 'ayn 'och et'oc, an 'oj ach in colo'.

Jeremías 20:11

Palta ach tic Mamin Jehová, 'aych 'ec'n̈ej wet'oc, 'icha junc soldado may tz'aj yejm xoni. A eb' tzin pechn b'eyc'oc, 'oj telwc eb', palta an xo, ma'oj wejm yuj eb'. Caw 'oj q'uixwc can 'el eb' 'a jun 'ejmn̈ej, ma'oj sat sc'ojl eb' 'a sq'uixwelal cha.

Jeremías 21:4

to a Jehová qui Diosalec an̈ israel on̈c tic, a tzaln 'ixtic: 'Oj wac' meltzjoc eb' a soldado 'a spatic, atn eb' tzcob' 'a'nc owl yet' win sreyl Babilonia yet' eb' soldado. Ax eb' soldado cha, atn eb' 'ayc' 'a spatquil 'el smuroal jun chon̈b' tic, 'oj in molb'tzoc 'oxt eb' 'a yol jun chon̈b' tic.

Jeremías 26:24

Palta ax pax Ahicam yunnal Safán, a xya'ch sb'a wet' an Jeremías in tic. Yuj cha, ma'in 'ajx 'och 'a yol sc'ab' eb' chon̈ab' yic tzin milx cham yuj eb'.

Jeremías 34:3

Ach tic man̈x 'oj stac' a 'at 'eloc. 'Oj a yamchj yuj eb' soldado winac, ax ach ya'n 'och eb' 'a yol sc'ab' win rey cha. A yic 'oj a c'och 'a yojltac, ax spaxtin win et'oc, 'oj lajwc cha, ax ejx 'at 'a Babilonia.

Jeremías 37:7

Alc 'a sreyl Judá, atn jun ex checn cot wul e c'anb'c 'ayin, to a eb' soldado yic win sreyl Egipto 'ix cot colwjoc eyet' eyalni, tox 'ix meltzj pax eb' 'a Egipto cha.

Jeremías 38:18

Palta toto ma'oj a'ch a b'a 'a yol sc'ab' eb', to 'ixta', 'oj yi'c eb' jun chon̈b' tic, ax sn̈usn can eb', ach xo tic, man̈x 'oj stac' a coln a b'a 'a eb', xchi Dios, xin chi 'a win rey.

Jeremías 38:2

To a Jehová 'ix aln 'ixtic: A mach 'oj can 'a yol chon̈b' tic, 'oj cham yuj owal, yuj wejel, yuj pax yab'il. A pax mach 'oj 'at 'eloc, ax ya'n 'och sb'a 'a yol sc'ab' eb' 'aj Babilonia, a eb' cha, 'oj colchjoc to 'el eb'.

Jeremías 42:22

Yuj cha, 'ojquejec 'eli, chajtlto 'oj e cham yuj owal, yuj wejel, yuj pax yab'il 'a jun chon̈b' 'aj tze nib'j tzex c'och cajn cha, xin chi 'a eb'.

Jeremías 6:27

'Ix yal Jehová 'ixtc 'ayin: Tzach wa'cn 'och 'ac' prowal eb' in chon̈b' tic. B'eyc'ojlej eb' si'mb'il, tzeln wal tas sb'eyb'al eb'.

Jn 1:42

Yajn̈j cha, 'ix yi'n 'at jun yu'tac chi 'a Jesús. 'Ix 'och q'ueln Jesús 'a Simón cha, 'ix yaln 'ixtc 'a 'a: —Ach tic Simón ach, yunnal ach Juan. Palta Cefas 'oj a b'ioc, xchi Jesús. (A Cefas, tzyal 'el'chi, Pedro, mto q'ue'en.)

Apoc 3:12

A eb' 'oj 'a'nc ganar ya'n techjoc, 'icha jun tzo'n̈ yoyl yatut in Diosal 'a yojol, 'ixta 'oj 'aj eb' wu'uj, yujto man̈x 'a b'a'n̈ 'oj 'eltc eb' ta'. 'Oj in tz'ib'c 'och sb'i in Diosal 'a eb', yet' sb'i schon̈ab', atn jun 'ac' Jerusalén 'oj 'emtc 'a satcha'an̈, 'a 'aj 'ayc' in Diosal cha. An̈jtona', 'oj in tz'ib'c pax 'och jun b'i 'a't 'a eb'.