Jeremías 1:17 - Chuj San Sebastian Bible

¹⁷ A ticnec 'ac' ep, 'ixic, 'at al smasnil tas 'oj wac' ala'. Man̈ ach xiw 'a eb' et 'anmal cha. Toto 'oj a xiwi, 'oj ach wac' 'ib'xoc chan̈ 'a yojltac eb'.

Chuj San Mateo Bible

¹⁷ A ticnaic ac' ip, tec'b'ej a b'a, b'at alan masanil tas ol in chec ala'. Man̈ ach xiv d'a eb' etanimail chi'. Tato ol ach xivoc, ol ach vac' ib'xocq'ue d'a yichan̈ eb'.

Jeremías 1:17 Iomraidhean Croise

A Ch'an̈ B'ab'el Libro Yic Yab'ixal Eb' Rey 18:46

Ax pax Elías cha, yajn̈ej 'ix sjaln snan̈l yet' spichul. 'Ix ya'n carela. 'Ix b'ab'l c'och 'a Jezreel yuj Acab, yujto a Jehová 'ix colwj yet'oc.

A Ch'an̈ Schab'il Libro Yic Yab'ixal Eb' Rey 1:15

Xlajw cha, 'ix yaln jun yángel Jehová 'a Elías 'ixtic: —'Ixc yet' winac, man̈ ach xiwoc, xchi. 'Ix q'ue wan Elías, 'ix pax 'emt yet' jun capitan̈ cha. Xlajw cha, x'at yilnoc jun rey cha.

A Ch'an̈ Schab'il Libro Yic Yab'ixal Eb' Rey 4:29

Yuj cha, 'ix yaln Eliseo 'a win Giezi chi 'ixtic: —'Ac' lista a b'a, 'ij 'at te in c'occh tic et'oc, tzlajw cha, carela tzach 'ati. Toto 'ay mach tza chaj a b'a yet'oc, man̈ ac' stzatzl sc'ojol. Toto 'ay mach tz'a'n stzatzl a c'ojol, man̈ ach ta'wc 'a 'a. A yic tzach c'och cha, tza'n 'ejm te in c'occh tic 'a sat win yune 'unn cha, xchi.

A Ch'an̈ Schab'il Libro Yic Yab'ixal Eb' Rey 9:1

A Eliseo win schecb' Dios, 'ix yawtj cot win jun win quelm 'a scal eb' schecb' Dios, 'ix yaln 'a 'ixtic: —'Ac' lista a b'a, ax a 'ati. 'Ij 'at jun aceite tic yet' yet'ul. Tzlajw cha, tzach 'at 'a chon̈b' Ramot 'a yol yic Galaad.

Job 38:3

A ticnec te'wtzej a b'a, yujto 'ay tas 'oj in c'anb'c 'ayach, ax a pacn 'ayin.

Ex 3:12

'Ix ta'w pax Jehová, 'ix yaln 'ixtic: —Wal yel an 'oj woch et'oc, 'ay jun ch'oxnb'il 'oj wac' 'ayach, chajtlto an tzach in checb'ti. Ax yic tox 'ix 'elt eb' in chon̈b' chi oj 'a Egipto cha, ax wul eya'nc 'ejm e b'a 'ayn 'a jun witz tic, xchi Dios.

Ex 7:2

A smasnil tas tzwac' ala', al 'a o'tac chi smasnil, ax 'oj alnoc 'a win rey cha, sec 'oj ex ya'l win 'a Egipto tic.

Jeremías 1:18

A ticnec, tzach wa'cn 'och 'icha wal junc chon̈b' caw 'ay yip, 'icha wal junc 'oy nab'a hierro, 'icha wal junc muro nab'a bronce, sec 'oj stac' a te'wtzan a b'a 'a yojltac nacion̈ Judá, 'a yojltac eb' rey, 'a eb' yajal, 'a eb' ya'mal 'och sti eb' 'anma 'ayin, yet' 'a sat smasnil eb' 'anma'.

Jeremías 17:18

Q'uixw cab' can 'el eb' tzin pechn b'eyc'oc, man̈oc in cab' tzin q'uixw 'eli. Xiw cab' chan̈ eb', man̈oc in cab' tzin xiw cha'an̈. 'Ac' jawc yailal 'a yib'n̈ eb', lajw cab' can 'el eb' 'a jun 'ejmn̈ej, xin chi 'a Dios.

Jeremías 23:28

An Jehová in, an tzwala: Toto 'ay junc checb' chi 'ay tas tzwaychej, yal cab'i', to swayich. Toto a 'in paxti 'oj scha jun, to 'ixta', tz'acn cab' tzyutj yaln 'eli. Matz tac' scalx 'ixm sat trigo yet' stzapil. 'Ixta in paxti', caw man̈ smojc scalx yet' wayich.

Jeremías 26:12

Xlajw cha, in paxtin 'a eb' yajl cha, yet' 'a eb' chon̈ab', 'ix waln 'a eb' 'ixtic: A Jehová x'a'n wal jun tzo'n̈ xeyab' waln 'a eyib'an̈ yet' 'a jun yatut Dios tic, yet' 'a yib'n̈ jun chon̈b' tic.

Jeremías 26:2

'Ix yaln 'ixtic: Ata tzach 'aj lin̈n 'a yamq'uil watut, tzlajw cha, tzaln smasnil tas tzwac' al 'a smasnil eb' 'anma tzcot 'a Judá, yic tzwul ya'nc 'ejm sb'a eb' 'a watut an Jehová in. May junc paxti chi matz ala.

Jeremías 36:8

'Ix sb'on win Baruc smasnil tas 'ix wal an Jeremías in tic 'a 'a. 'Ix 'at 'a yatut Jehová, 'ix yawtn spaxti Jehová tz'ib'b'il 'a ch'an̈ un̈ cha.

Lm 3:57

A 'a yic ach wawtn 'a jun c'u cha, ach jaw 'a in tz'ey, 'ix aln 'ayn 'ixtic: Man̈ ach xiwoc, xa chi.

Jonás 3:2

—'Ixc 'a niwquil chon̈b' Nínive, tzlajw cha, tzaln 'el tastc 'oj wal 'aych tic, xchi.

Lc 12:35

Caw lista tzeyutj e b'a 'icha junc mach 'aych spichul, 'aych pax scantil, tztan̈wni sjaw spatron̈.

A Tas Sc'ulejnac Eb' Schecab' Jesús Hechos 20:20

Palta eyojtac, ma'in 'och wan waln smasnil jun tzo'n̈ cuynb'il caw wach' 'ayex, yuj yoch e te'nal. C'uxn xwal-l spaxti Dios 'ayx 'a sat eb' chon̈ab', yet' pax 'a yol eyatut.

A Tas Sc'ulejnac Eb' Schecab' Jesús Hechos 20:27

Yujto c'uxn xwalcn 'el jun tzo'n̈ cuynb'il yic Dios 'ayex. May junc xin c'ub'j 'el 'ayex.

1 Co 9:16

An tic, wach'xam tz'ec' wal-l wach' 'ab'x yic colnb'il, man̈ yujoc cha, tztac' in b'an̈n in b'a. Yujto yowlal tz'ec' wal-li. Caw wal 'oltac in, toto matz 'ec' wal-l jun wach' 'ab'x tic.

1 Ts 2:2

A 'a chon̈b' Filipos, b'ab'l 'e'nc on̈ on̈. Eyojtac, caw niwn syal 'ec' cab'jnac ta 'on̈. Caw ya'jnac eb' 'anma stul 'ayn̈ on̈. Ax yic qui c'och 'a e chon̈b' cha, caw cab'jnac pax syal ta 'on̈. Palta a qui Diosalec 'ochnc quet' on̈. Yuj wal cha, ma'on̈ xiw caln 'el wach' 'ab'x 'a e cal on̈.

A Sb'ab'el Carta San Pedro 1:13

Yuj cha, caw te'n tzeyutj e nab'en. Lista tzeyutj e b'a. Caw tzeya'ch yipc e c'ojl tas 'oj yac' Dios 'ayn̈ec yuj swach'c'ojlal, yic 'oj jawc Jesucristo.