Jeremías 1:15 - Chuj San Sebastian Bible

¹⁵ An Jehová in, an tzwal 'ayach, 'oj wawtc cot smasnil eb' nacion̈ 'ay 'a stojlal norte, ax sjaw jun tzo'n̈ sreyl eb' 'a tic, ax sb'on chan̈ junjn eb' sdespacho 'a sti spuertail chon̈b' Jerusalén tic, 'oj 'och oyn eb' 'a spatquil 'el smuroal jun chon̈b' tic, yet' pax 'a smasnil chon̈b' 'ay 'a yol yic Judá.

Chuj San Mateo Bible

¹⁵ A in Jehová in tic sval d'ayach to ol laj vavtejcot jantac soldado scot d'a juntzan̈ chon̈ab' ay d'a norte. Ol oymaj eb' d'a spatictac chon̈ab' Jerusalén tic yed' d'a spatictac juntzan̈xo chon̈ab' d'a smacb'en Judá. Ol javoc sreyal eb', ol sb'oanem sdespacho eb' d'a spuertail Jerusalén tic.

Jeremías 1:15 Iomraidhean Croise

Is 22:7

A eb' lum pan̈n 'a'lic caw wach' yilxi, eb' lum to eyic xoni, b'ut'jnacx 'el lum yuj caruaje, ax eb' 'ay q'ue 'a yib'n̈ chej, wan xo ya'n eb' owl 'a spuertail e chon̈ab'.

Jeremías 10:22

Macljec eyab' wal jun 'ab'x tzjawi. A jun chon̈b' 'ay 'a stojlal norte, caw tzn̈il-li sc'an̈ scoti. A jun chi 'oj jelmtanc 'och chon̈b' Judá 'a cusltac lumal, cojxn̈ej no 'ocs 'oj 'aj cajn ta'.

Jeremías 10:25

Sec 'emt yowl a c'ojl 'a yib'n̈ jun tzo'n̈ chuc chon̈b'al cha, atn 'a yib'n̈ jun tzo'n̈ chon̈b' to matz ach 'ojcan 'eli. Atn jun tzo'n̈ chon̈b' to matz yal sb'a 'ayach, yujto caw 'ix satx 'el jun qui chon̈b' an̈ yin̈tl on̈ Jacob tic yuj eb' on̈. Jun 'ejmn̈ej on̈ satx 'el yuj eb', caw 'ix lan̈chj 'ejm qui nacion̈ 'a jun 'ejmn̈ej on̈, xin chi.

Jeremías 13:20

'Ixquec q'ueln 'a stojlal norte, 'iltec wal scot eb' 'ajc'ojl ta'. ¿'Ajtil 'ay eb' in chon̈b' wa'jnac 'och 'a yol a c'ab' yic tza tan̈wni eb'? Atn eb' 'aych a b'inab'iloc, xchi Dios, xa chi 'a eb', xchi 'ayin.

Jeremías 25:28

Toto matz nib'j eb' tzchaj jun vaso chi 'ayach, matz yu'j eb' tas 'ay 'a yojol, to 'ixta', tzal 'ixtc 'a eb': A Jehová tztac' yuj smasnil, a tzaln 'ixtic: Yowlal 'oj eyuc'n̈ej.

Jeremías 25:9

yuj cha, 'oj wawtc cot smasnil eb' chon̈b' 'ay 'a stojlal norte, yet' pax in checb' Nabucodonosor sreyl chon̈b' Babilonia, yic wach' tzjaw eb' yac' owl 'a jun chon̈b' tic, yet' 'a smasnil jun tzo'n̈ xo nacion̈ 'ay 'a stz'ey, yet' smasnil eb' cajn 'a 'a. 'Oj in satl eb' smasnil. Jun 'ejmn̈ej 'oj wac' lajwc 'ejm eb'. Ax eb' 'oj 'ilnc eb', 'oj xiw eb' yuj eb', 'oj b'uchxoc eb' yuj eb'.

Jeremías 33:10

'Ix yaln pax Jehová 'ixtic: Ax tic tzeyala, to a jun lugar tic caw cusltac yajcni, man̈x 'a 'anma', man̈x 'a pax no noc' tz'ilx yec' 'a 'a; wach'xam a 'a yoltc scayeal Jerusalén, yet' 'a yoltc jun tzo'n̈ chon̈b' 'a Judá, caw wal sictac yajcni, man̈x 'a junc 'anma', man̈x 'a pax junc no noc' 'ayc' 'a 'a.

Jeremías 34:1

A Nabucodonosor sreyl Babilonia, 'ix cot yet' smasnil eb' soldado, yet' eb' cotnc 'a smasnil nacion̈ 'aych 'a yaln̈ schecnb'il winac. 'Ix wul ya'nc eb' owl 'a Jerusalén yet' 'a jun tzo'n̈ xo eb' chon̈b' 'ayc' 'a sla'nil. A yic cha, 'ix yaln Jehová 'ayn an Jeremías in tic 'ixtic:

Jeremías 34:22

An Jehová in, an tzwala: 'Oj wac' jawc pax eb' 'a jun chon̈b' tic jun 'ejm xo, ax ya'n pax eb' owl yet'oc. 'Oj 'ejmc yuj eb', ax sn̈usn can eb'. Ax jun tzo'n̈ xo chon̈b' 'a yol yic Judá, 'oj wa'cn 'och eb' 'a cusltac lumal, man̈x 'a junc 'anma 'oj can cajn 'a 'a, xchi Dios.

Jeremías 39:3

Ata 'ix 'oxt smasnil eb' soldado to niwc yopiso yic win sreyl Babilonia. Axta x'och wan eb' 'a jun puerta 'a spacl snan̈l chon̈ab'. A eb' niwc yajl cha, atn eb' tic: Nergal-sarezer, Samgar-nebo, yet' Sarsequim, yet' pax junx win Nergal-sarezer.

Jeremías 4:16

Alc 'a jun tzo'n̈ nacion̈ yet' 'a Jerusalén, chajtlto a 'a jun nacion̈ 'ay 'a caw najat, ata tzcot eb' 'ajc'ojol. Caw tzya'l eb' yaw scot yac' owl 'a jun tzo'n̈ chon̈b' 'ay 'a yol yic Judá.

Jeremías 4:6

'Ijec chan̈ e bandera, yic tzch'oxni to tz'at sc'ub'c 'el sb'a eb' cajn 'a Sión. Sayc 'aj tz'at e col e b'a, man̈ ex 'och wa'an. Yujto a 'a stojlal norte, ata 'oj wi' cot jun niwquil yailal 'oj satnc 'el smasnil.

Jeremías 43:10

Tzaln 'a eb' 'ixtic: A Jehová tztac' yuj smasnil, atn qui Diosalec an̈ israel on̈ec tic, a tzalni: 'Oj wi' cot in checb' Nabucodonosor sreyl Babilonia, ata oj wac' sb'o 'ejm sdespacho, ax wa'n sb'o q'ue smantiado yen̈loc 'a yib'n̈ jun tzo'n̈ q'uen 'ix 'a muccn 'ejm tic.

Jeremías 44:6

Yuj cha, xcot wowal, 'icha te c'ac' 'ixta 'ix 'aj sn̈ilchj 'a jun tzo'n̈ chon̈b' 'a yol yic Judá, yet' 'a yoltc scayeal Jerusalén. 'Ixta wal 'ajnc slan̈chj can 'ejmi, masnto ticnec.

Jeremías 46:24

A eb' 'aj Egipto tic, caw 'oj q'uixwc 'el eb', 'oj 'ajxoc ganar eb' yuj eb' chon̈b' 'oj cot 'a stojlal norte, xchi Dios.

Jeremías 5:15

Tzyaln pax Jehová 'ixtic: Ex yin̈tl can Israel, a wal jun chon̈b'al eb' 'anma caw najt 'ay, a eb' 'oj wi' cot 'ayex, atn eb' 'anma caw 'ay yip, eb' 'ayc' xon 'a yictax pecti', eb' man̈ eyojcoc sti', ma'oj eyab' xon tas 'oj yal eb'.

Jeremías 6:22

'Ix yaln Jehová 'ixtic: A wal 'a caw snajtil lum lum 'ay 'a stojlal norte, ata 'ay jun niwquil nacion̈ caw jelan, wan ya'n lista sb'a scoti.

Jeremías 9:11

'Ix wab' spacn Jehová 'ixtic: A yic 'oj lajwc in b'on jun tzo'n̈ tic, a Jerusalén yet' Judá, jun b'uln̈ 'oj wutc in ma'n 'ejm lan̈chjoc cani. Axn̈ej no 'ocs 'oj 'ec' ta', xchi Dios.

Lm 5:11

A wal 'a chon̈b' Sión yet' 'a jun tzo'n̈ xo chon̈b' 'ay 'a Judá, caw tz'ixtx eb' 'ix 'ix yet' pax eb' 'ix cob'stac 'ix yuj ewin winac.

Ez 32:30

A pax ta 'ayc' eb' xlaj yac' yajlil 'a stojlal norte yet' pax eb' yic Sidón. Caw jeln xlaj cob' yutc sb'a eb', xlaj xib'tn eb' 'anma', palta ax ticnec, junn̈j yaj eb' yet' eb' chamnc yuj owl cha, yujto man̈ wico'oc eb'. Caw wal tzyac' eb' sq'uixwloc 'a scal eb' chamnc cha, man̈x 'a yel'ch yaj eb' 'a scal eb'.

Jl 2:20

A eb' 'ajc'ojl tzcot 'a stojlal norte, najt 'oj wi'l eb' 'a e tz'ey, ax wa'n can 'at eb' 'a cusltac lu'um. A eb' b'ab'el, 'oj wa'cn 'at eb' 'a yojl a Mar Muerto, ax eb' tzac'an, 'oj 'atcn eb' 'a yojl a Mar Mediterráneo. 'Oj c'a sniwnal eb', ax yaj sjab'. ¡Caw satjub'tac yilx tas 'oj in b'o 'a e cal! xchi Dios.

Zacarías 6:6

A jun caruaje toc'b'il yuj e no q'uic' chej cha, ata tz'at 'a jun nacion̈ 'ay 'a stojlal norte, ax jun caruaje toc'b'il yuj e no sac chej cha, ata tz'at 'a jun nacion̈ 'ay 'a stojlal 'aj tz'em c'u. Ax junx caruaje toc'b'il yuj e no tz'ib'quintac chej cha, ata tz'at 'a jun nacion̈ 'ay 'a stojlal sur, xchi jun ángel cha.