Jeremías 1:1 - Chuj San Sebastian Bible

¹ A 'a jun libro tic tz'ib'b'il can tas waljnac yet' tas in b'ojnac an Jeremías in tic, yunnaln Hilcías. An Jeremías in tic yin̈tl in can eb' ya'mal 'och sti eb' 'anma 'a Dios, eb' 'e'nc cajn 'a chon̈b' Anatot 'ay 'a yol yic lum slum Benjamín.

Chuj San Mateo Bible

¹ A in Jeremías in tic, yuninal in vin̈aj Hilcías, yin̈tilal in eb' sacerdote cajan d'a chon̈ab' Anatot d'a yol smacb'en lum Benjamín. Aton d'a jun tic tz'ib'ab'ilcan tas ix yal Jehová d'ayin yic svaleli.

Jeremías 1:1 Iomraidhean Croise

A Ch'an̈ B'ab'el Libro Yic Yab'ixal Eb' Rey 2:26

'Ix yaln pax win rey chi 'ixtc 'a Abiatar: A ticnec tzwal 'ayach, 'ixc 'a a lum 'a Anatot; yujto caw wal smoj a chami, palta matz ach in mil cham ticnec, yujto ach 'ajcuenta ach eln scaxail strato Jehová Dios 'a yojltac David, atn in mam, locn ach 'ix 'ab' syal yet' in mam cha, xchi.

1 Cr 6:60

'Ix 'ajx pax jun tzo'n̈ xo chon̈b' 'a yol yic eb' yin̈tl Benjamín 'a eb': atn Geba, Alemet yet' Anatot. Yuj cha, 'ay 'oxlajn̈e chon̈b' 'ix yij eb' yin̈tl Aarón chi 'a smasnil.

2 Cr 35:25

Ax Jeremías 'ix sb'o jun poesía yuj snax cot schamlil Josías, yic tzb'itnaxi. Smasnil eb' winc tzb'itni yet' eb' 'ix 'ix tzb'itni, tzna cot eb' jun b'it yic schamlil rey Josías, yic tzb'itnan eb' jun tzo'n̈ b'it yic cusc'ojlal yuj eb' tzlaj chami. Ax x'aji, x'och jun tic sb'eyb'alc eb' israel. A jun tzo'n̈ tic ata tz'ib'b'il can 'a ch'an̈ libro yic b'it yic cusc'ojlal.

2 Cr 36:12

Palta caw maysch'olnil x'el sb'on 'a sat Jehová sDiosal. Ma'ix syiclj tas xyal Jeremías schecb' Dios 'a 'a, atn tas 'ix 'ajx yal yuj Jehová.

2 Cr 36:21

'Ixta 'ix 'aj yel'ch tas ya'jnac Jehová yal-l win Jeremías. 'Ixta x'aj yilj lum lu'um, yujto niwn tiempo may munljel xb'o 'a sat lu'um, masnto stz'acw 70 ab'il.

Esdras 1:1

A 'a yic b'ab'l ab'il yoch Ciro reyl 'a Persia, ata x'el'ch tas ya'jnac Jehová yal-l Jeremías. A Jehová a 'ix aln 'a snab'en Ciro sreyl Persia, yic xya'n tz'ib'xoc jun ley, xya'n alxoc 'el 'ixtc 'a smasnil yol snacion̈:

Is 1:1

An Isaías tic, yunnal in Amoz. 'Ix alx jun tzo'n̈ paxti tic 'ayin yuj tas 'oj jawc 'a yib'n̈ eb' 'aj Judá yet' eb' 'aj Jerusalén, atn 'a yic x'ec' ewin tic reyl 'a Judá: Ozías, Jotam, Acaz yet' pax Ezequías, ata 'ix yal Jehová 'ixtic:

Is 10:30

'El cab' eyaw ex 'aj Galim; ax xo ex 'aj Laisa, 'ab'tec wal yel jun 'aw cha; ex 'aj Anatot, caw wal 'oltac ex.

Is 2:1

'Aycto 'ix ch'oxx can jun tzo'n̈ tic yil win Isaías, atn win yunnal Amoz, yuj tas wan sjaw 'a yib'n̈ chon̈b' Judá yet' Jerusalén.

Jeremías 11:21

A eb' 'anma 'aj chon̈b' Anatot, sna eb' tas tzin yutj eb' in smilni. 'Ix yaln eb' to tzin smil cham eb', toto an̈ja waln 'el spaxti Jehová.

Jeremías 30:1

Atn jun tzo'n̈ paxti tic 'ix yal Jehová 'ayn 'ixtic:

Jeremías 37:12

a yic cha, in 'elt an Jeremías in tic 'a yol chon̈b' cha, in 'at 'a lum lum 'a yol yic Benjamín, yic tz'at in chanc in macl lum 'a eb' wican walni.

Dn 9:2

A yic yab'lil xo yoch win Darío chi yajlil, an Daniel in tic, 'ayn 'och in cuy jun tzo'n̈ ch'an̈ libro yic Dios, tzin nan yuj tas yaljnac can Jehová 'a Jeremías atn jun schecab', chajtlto a chon̈b' Jerusalén 'oj ma'xoc 'ejm lan̈chjoc, ax scan 70 ab'il 'a sictaquil, xchi 'a ch'an̈ un̈ tz'ib'b'il can yuj Jeremías.

Am 1:1

An Amos in tic, cajm in noc' 'a chon̈b' Tecoa, a yic 'aych win Uzías reyl 'a chon̈b' Judá, ax Jeroboam, yunnal Joás, a 'aych reyl 'a Israel. Chab'oct ab'il sjaw jun niwquil quixcab' 'a jun chon̈b' tic, 'ix yaln Dios 'ayin to tzwal jun tzo'n̈ paxti tic 'ixtc 'a yib'n̈ chon̈b' Israel.

Am 7:10

A Amasías ya'mal 'och sti eb' 'anma 'a Dios 'a chon̈b' Bet-el, a 'ix 'a'n alxoc 'a Jeroboam sreyl Israel 'ixtic: Mamin rey, a win Amós wan yec' win 'a scal eb' quit chon̈ab', yic tz'och eb' 'ajc'ojlal 'ayach. Caw matz techj yuj eb' 'anma tas tzyal-l win cha.

Mt 16:14

—'Ay eb' tzalni tolab' Juan Bautista ach. 'Ay pax eb' tzalni tolab' Elías ach. 'Ay pax eb' tzalni tolab' Jeremías ach, mto junc xo schecb' Dios 'e'nc 'a pecti', xchi eb' 'a 'a.

Mt 2:17

'Ixta x'aj yel'ch tas tz'ib'b'il can yuj jun schecb' Dios Jeremías sb'i, yic yaln can 'ixtic:

Mt 27:9

'Ixta x'aj yel'ch tas yaljnac can Jeremías win schecb' Dios pecti', yic yaln can 'ixtic: 'Oj yic' eb' 30 q'uen tumn plata, atn stojl jun 'oj manxoc cham yuj eb' israel.