Is 9:6 - Chuj San Sebastian Bible

⁶ Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Chuj San Mateo Bible

⁶ Yujto ix alji jun vinac unin d'a co cal. A Dios ix ac'an jun unin tic d'ayon̈. A jun unin tic, ol ac'chajoch yopisio yac'an Yajalil. Ol ac'chajoch juntzan̈ b'i tic d'ay: Ac'um Razón te Jelan, Dios Syal Yuj Smasanil, Mamab'il Ayn̈ejec' d'a Juneln̈ej, Yajalil Ac'um Junc'olal.

Is 9:6 Iomraidhean Croise

A Ch'an̈ Schab'l Libro Samuel 7:13

A 'oj b'onc chan̈ junc watut yic 'emmquilal cha, ax eb' yin̈tl 'oj ya'n̈j yajlil 'a sdespacho 'a smasnil tiempo.

A Ch'an̈ Schab'l Libro Samuel 7:16

An 'oj wa'xcan 'och en̈tl a jelc reyl 'a yib'n̈ in chon̈b' 'a smasnil tiempo, xchi, xa chi 'a 'a, xchi Dios 'a win Natán.

A Ch'an̈ B'ab'el Libro Yic Yab'ixal Eb' Rey 10:9

¡Alx cab' wach' paxti 'a Jehová a Diosal, yujto schaj sc'ojl ach ya'n 'och reyl 'a chon̈b' Israel tic! ¡Yujto caw 'ay schamc'ojlal Jehová 'a Israel, yuj cha, ach ya'ch reyal, yic tza'n yajlil wal 'a caw stojlal yet' 'a swach'il! xchi 'ix.

A Ch'an̈ B'ab'el Libro Yic Yab'ixal Eb' Rey 2:33

A schaml eb' cha, 'och cab' smulc Joab, yet' eb' yin̈tl 'a smasnil tiempo. Palta ya' cab' Jehová sjunc'ojlal 'a quib'n̈ an̈ yin̈tl on̈ec rey David, to 'oj quemc wocnn̈ej 'a sdespacho, xchi Salomón.

A Ch'an̈ B'ab'el Libro Yic Yab'ixal Eb' Rey 2:45

Palta ya' cab' Jehová syaxilal 'a wib'n̈ an rey Salomón in tic, ax sdespacho rey David te'nn̈ej yaj 'a smasnil tiempo 'a yojltac Jehová, xchi win rey cha.

Nehemías 9:32

A ticnec ach qui Diosal on̈, caw niwn el'chi, caw 'ay ep, 'ay smay a b'inaxi, matz 'at satc'ojlal a trato o'oj. Yuj a niwquil chamc'ojlal, 'ay cab' yel'ch syailal eb' qui reyl 'a a sat, eb' 'aych qui yajlil on̈, eb' ya'mal 'och qui ti 'aych on̈, eb' a checab', eb' qui mam quichm on̈, yet' smasnil eb' quit chon̈b' on̈, to 'ix yab' eb' syail yictax 'a yol stiempoal eb' sreyl Asiria masnto 'a jun tiempoal tic.

Salmos 45:3

Jalch espada 'a a nan̈al, ach to jeln a'n owal, yujto a tzch'oxn 'eli chajtlto niwn el'ch yet' opiso.

Salmos 45:6

Ach in Diosal Reych 'a smasnil tiempo. Ach tic 'aych 'och Yajlil, caw tojln̈ej tzotj a b'eyc'ojlwi.

Salmos 45:7

A jun tojl nab'enal, caw wach' 'a a sat, ax jun tzo'n̈ tas maysch'olnil, caw yajb'il o'oj. Yuj cha, a Dios, atn a Diosal 'ix ya' jun niwn tzaljc'ojlal 'ayach. Yel xo niwn a tzaljc'ojlal 'ay 'a yib'n̈ eb' ajun et'oc.

Salmos 50:1

A Dios Cojxni, atn Jehová, a xpaxtini yic xyawtn eb' 'anma cajn 'a sat lum lum tic; eb' 'ay 'a stojlal 'aj tzq'uel c'u, yet' eb' 'ay 'a stojlal 'aj tz'em c'u.

Salmos 72:17

B'inax cab' sb'i win rey 'a smasnil tiempo, ya' sb'a 'ayt 'ec' c'u. Smasnil nacion̈ 'a yolyib'n̈q'uinl tic, scha cab' eb' yaxilal yuj winac, yal cab' eb', chajtlto wach' yic eb' yuj winac.

Salmos 72:3

Ya' cab' 'ejm junc'ojlal yet' tojlal 'a scal eb' 'anma'.

Salmos 72:7

Niwtj cab' junc'ojlal yet' tojlal 'a yic stiempoal 'aych win rey yajlil, masnto 'oj satl 'uj.

Salmos 85:10

'Oj sch'ox Dios schamc'ojlal 'a scal eb' schon̈ab', ax yoch eb' yiclumal 'a 'a. A eb' 'anma tojl sb'eyb'al, 'oj scha eb' sjunc'ojlal Dios.

Salmos 89:5

Mamin Jehová, smasnil eb' a'mal servil 'a satcha'an̈, tzb'itnej eb' a tojlal yet' a b'ob'en to satjub'tac yilxi.

Is 10:21

A jaywn̈ocx eb' yin̈tl Jacob cha, 'oj meltzjoc can eb' 'a jun Dios to matz tac' yajx ganar.

Is 11:5

A tas tojol yet' tas yel, a chi 'oj niwtjoc yalx 'a spatic, 'icha to spichl 'oj 'ajch jun tzo'n̈ cha.

Is 16:5

ax jun yin̈tl can David, a 'oj 'ajxoc yopiso reyal. 'Oj yac' yajlil 'a scal 'anma yet' schamc'ojlal. Caw wach' 'oj yutc sb'on yaj eb' 'anma 'a stojlal, yajn̈ej ax tzb'onyaj eb'.

Is 26:12

Ach tzac' qui junc'ojlal on̈. O'oj, yuj cha, wach' tz'aj 'el'ch smasnil tas tzqui b'o 'on̈.

Is 26:3

Mamin Jehová, ach tzac' sjunc'ojlal eb' to te'nn̈ej yaj snab'en, yujto cojn ach 'aych 'och yipc sc'ojl eb'.

Is 28:29

An̈jtona', 'ixta pax jun tzo'n̈ jelnal tic, ata tzcot 'a Jehová tztac' yuj smasnil, caw wal satjub'tac yilx smasnil tas nab'il yu'uj, tzya'n 'el'choc yet' sjelnal.

Is 32:1

'Ay wal jun rey 'oj 'a'nc yajlil 'a stojlal, 'ay pax eb' yajl to caw wach' 'oj yutc ya'n yajlil.

Is 37:32

Ax jaywn̈ocx tzex can 'a Jerusalén yet' 'a tzaln Sión, 'oj e niwtj pax 'eli, ax e b'ut'n pax 'el e chon̈ab'. 'Ixta 'oj yutc Jehová jun cha, yujto 'ay schamc'ojlal 'ayex.

Is 53:10

A Jehová a 'ix 'a'n yab' syail, 'icha wal yaj snani. 'Ix ya'n sb'a xajmb'al-l 'a yol sc'ab' chamel, sec tz'ajx lajwc smul smasnil 'anma yu'uj. Yuj cha, pitzn 'a jun 'ejmn̈ej. A jun cha, til wal 'oj 'aj yin̈til, ax ya'n 'el'choc Jehová tas nab'il yuj 'a yib'an̈.

Is 53:2

Yujto 'ix snib'j Dios to 'ix q'uib' jun schecb' cha, 'icha junc te wolte tz'ejm sch'an̈lyib' 'a lum tacn̈ lu'um. A jun cha, man̈ nib'b'ilc wal yilxi, may wal tas wach' yilx 'a 'a.

Is 53:5

'Ix lajw sniwnal yuj qui mulec, xyab' syal sniwnal chi yuj qui tu'al. Yuj jun yailal 'ix 'och 'a yib'n̈ cha, yuj cha, 'ix 'och junc'ojlal 'a qui calc yet' Dios. Yujto 'ix yab' syal sniwnal, yuj cha, 'ix 'ajx qui q'uinlec.

Is 63:16

Ach tic to qui Mam aji. Wach'xam a Abraham yet' win Israel man̈x on̈ yojcoc eb', palta ach tic to qui Mam ach; toxn to qui colmal xon aji.

Is 66:12

An Jehová in, an tzwal 'ixtic: 'Oj wac' 'ejm junc'ojlal 'a scal eb' 'anma 'a jun chon̈b' tic. A jun cha, lajn wal 'icha junc a b'eymal a'. 'Oj jawc secnjoc yaxil 'a eyib'an̈, atn sricoal jun tzo'n̈ nacion̈ 'a b'esan. A eb' 'oj eya'n servil, 'icha junc tz'ulc 'unn tz'ajx chuwoc, mec'b'il yuj snun caw wal nib'b'il, 'ixta 'oj eyaji.

Is 7:14

Yuj cha, caw a Dios 'oj ch'oxnc eyil junc senya cha: 'Ay jun cob's 'ix, 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel.

Is 8:18

An tic yet' eb' wunnal xyac' Jehová, ch'oxnb'il waj yet' eb' 'a scal eb' wit israelal. 'Ixta waj yuj Jehová tztac' yuj smasnil, cajn 'ec' 'a tzaln Sión.

Jeremías 31:22

¿B'a'n̈ to 'oj eyoch wan eyoyb'x 'ec' 'icha junc 'ix 'ix tzoyb'x 'ec' yuj stenmtaquil? An Jehová in tic, 'oj wac' ujc junc tas to mant 'a 'aj tzuj 'a yolyib'n̈q'uinl tic, to a junc 'ix 'ix, a 'oj tan̈wnoc junc winac, xchi Dios.

Dn 2:44

A 'a yol stiempoal jun tzo'n̈ eb' rey cha, ata 'oj ya'ch Dios 'aj satchan̈ junx yajl yet' snacion̈ to man̈x 'a b'a'n̈ 'oj satli. Man̈x 'oj 'ajxoc 'och 'a yol sc'ab' junc xo chon̈ab'. 'Oj satxoc 'el smasnil jun tzo'n̈ xo rey yet' snacion̈ yu'uj. Palta a jun cha, 'ayc'n̈ej 'a jun 'ejmn̈ej.

Dn 7:14

'Ix 'ajx yopiso yet' sb'inab'ilal yic tzya'n reyal. Smasnil 'anma 'a junjn nacion̈ yet' 'a junjn ti'al, c'uxn tz'a'w servil eb' 'a 'a. A yip 'ayc' 'a jun 'ejmn̈ej, ax yopiso cha, caw may xon b'a'n̈ 'oj lajwc 'ejmi.

Hageo 2:9

A jun watut tic, yel xo wal 'oj b'inaxc 'a yib'n̈ jun 'e'nc 'a b'ab'el. A 'a tic, 'oj wac' junc'ojlal 'a eb' chon̈ab', xchi Dios.

Mt 1:1

A jun libro tic tzaln cot yab'xil Jesucristo yin̈tl can David, yin̈tl pax Abraham. Atn sb'i eb' smam yichm Jesucristo tic.

Mt 1:23

'Ay jun cob's 'ix, mant 'a xon junc winc tzyi'aj, palta 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel, xchi. (Emanuel tzyal 'el'chi, 'ayc' Dios quet'oc).

Mt 11:27

Xlajw cha, xyaln 'a eb' 'ixtic: —A 'in Mam, ya'jnac smasnil tas 'a yol in c'ab'. An Yunnaln tic, may junc mach 'ojtnacn si'mb'il, cojxn in Mam 'ojtnac in. An̈jtona', may mach tzcomn 'ojcan 'el in Mam. Cojxn in an Yunnaln tic, yet' pax eb' tzin nib'j tzwac' 'ojcanc 'eli.

Mt 28:18

Ax Jesús, 'ix wach' c'och 'a stz'ey eb' scuywum yuxlchwan̈il, 'ix yaln 'a eb' 'ixtic: —In 'ajx 'och Yajlil 'a yib'n̈ smasnil tas 'a satcha'an̈ yet' 'a yolyib'n̈q'uinl tic.

Lc 1:35

—A spoder Yespíritu Dios, atn jun yel xo niwn yel'ch cha, a 'oj 'emlc 'a eb'n̈ 'icha sjaw junc 'asun. Yuj cha, a jun 'unn 'oj 'aljoc cha, yicn̈ej Dios 'oj 'ajoc. 'Oj alxc yu'uj, chajtlto Yunnal Dios.

Lc 2:11

A 'a Belén, 'a schon̈b' can win rey David, ata x'alj jun e Colmal q'uiq'ui, atn CRISTO Cajlil.

Lc 2:14

¡Alx cab' wach' paxti 'a Dios 'a satcha'an̈! ¡Ax 'a yolyib'n̈q'uinl tic, 'ay cab' junc'ojlal 'a eb' 'aj tzch'ox swach'c'ojlal! xchi eb'.

Lc 21:15

Yujto an 'oj ex wac' paxtinoc, ax wa'n jun jelnal 'ayex. Yuj cha, may junc eb' tzchichn 'och 'ayx 'oj eya'n ganar. May junc eb' tza'wni sjelnal 'icha jun 'oj wac' 'ayex.

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

Jn 1:16

A jun cha, caw tz'acn swach'c'ojlal. Yuj cha, tz'acn tzch'ox swach'c'ojlal chi 'ayn̈ec.

Jn 14:27

A ticnec, tzwa'cn junc'ojlal 'a e pixan. Atn wal in junc'ojlal tic tzwa'cn 'ayex. Man̈ 'icha'oc jac junc'ojlal tz'ilchj 'a yolyib'n̈q'uinl tic, man̈ 'ixta'oc wic tic tzwa'cn 'ayex. Man̈ eyac' somchjoc 'el e nab'en, man̈ ex xiwoc.

A Tas Sc'ulejnac Eb' Schecab' Jesús Hechos 10:36

A Dios 'a'jnac can spaxti 'ayn̈ an̈ israel on̈ tic on̈. Yaljnac 'ayn̈ on̈, to 'ay junc'ojlal yuj Jesucristo, atn Cajlilec qui masnil.

A Tas Sc'ulejnac Eb' Schecab' Jesús Hechos 20:28

Yuj cha, caw tzeyac' cuenta e b'a. Tzeya'n pax cuenta eb' creyente smasnil, yujto 'ac'b'il eyopiso yuj Yespíritu Dios eyiln eb' yiglesia Cajlil, atn eb' manb'ilx yico'oc yuj schiq'uil yic scham cujec.

Ro 8:32

A Dios ya'jnac 'och Yunnal 'a yol sc'ab' chaml cujec qui masnil. Wach'xam Yunnal, palta ma'ix scolo. Yujto ya'jnac cot Yunnal cha, yuj cha, cojquec to c'uxn 'oj yac' smasnil tas wach' 'ayn̈ec.

Ro 9:5

A jun tzo'n̈ ewin niwn yel'ch 'a sat Dios 'a pecti', atn ewin yin̈tl can smam yichm eb'. A Cristo 'ochnc yit chon̈b'oc eb', yic wul ya'nc 'och sb'a 'anma'il. A Cristo tic, Dios, Yajl yaj 'a yib'n̈ smasnil tas. Smasnil tiempo 'oj alxoc wach' paxti 'a 'a. 'Ixta cab' tz'aji.

1 Co 1:30

Yujto a on̈ 'i'nec 'och yico'oc Cristo Jesús. Atn sjelnal Cristo tzyac' 'ayn̈ec. Yuj Cristo, tzyalni to wach'n̈ec 'a sat, tzon̈ yi'nec pax 'och Cristo yico'oc. An̈jtona' yujto colchjnacn̈ec xo 'el yu'uj.

1 Co 15:25

Yujto a Cristo, yowlal 'oj can Reyal, masnto 'oj can smasnil jun tzo'n̈ 'eb' 'ajc'ojl yajch 'a Cristo chi 'a yaln̈ yu'uj.

2 Co 5:19

A jun tic, tzyal 'el'chi to a Dios 'aych 'a Cristo yic swulq'ui, sec junc'ojlal tz'aj eb' 'anma yet' smasnil. An̈ec tzon̈ canc 'a junc'ojlal yet'oc, man̈x 'oj ya'ch qui mul 'a quib'n̈ec. A 'a'jnac 'och jun 'ab'x tic 'a yol qui c'ab' on̈, sec tz'ec' cal-l on̈, chajtl tz'aj eb' 'anma yoch 'a junc'ojlal yet'oc.

Dt 10:17

yujto a Jehová qui Diosalec, 'ec'b'al 'a yib'n̈ jun tzo'n̈ xo tzalx 'och diosal. A yajl yaj 'a yib'n̈ eb' yajal. Cojxn tztac' yalni, caw 'ay spoder, 'ay pax smay, may 'aj tzjel snab'en 'a yib'n̈ junc tas, may 'aj tzchon̈ sb'a yuj tas tzsiyx 'a 'a.

A Scarta San Pablo D'a Eb' Aj Colosas 2:3

Yujn̈ej Cristo tic, tztac' snachj 'el smasnil sjelnal Dios cujec, yet' jantcn̈ej tas yojtac.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.

Tito 2:13

Qui tan̈wc sjaw jun c'u yic tzaljc'ojlal, yic 'oj jawc qui Diosal caw niwn yel'chi, atn qui Colmal Jesucristo.

A Ch'an̈ Carta D'a Eb' Hebreo 1:8

Palta 'ixtc tzyal junx yab'xil Yunnal Dios tic: Ach Dios, Reych 'a smasnil tiempo. Yajl ach, tojln̈ej tzotj a b'eyc'ojlwi.

A Ch'an̈ Carta D'a Eb' Hebreo 13:20

A Dios 'a'm junc'ojlal. A 'a'jnac pitzwc pax Cajlil Jesucristo 'a scal eb' chamnac. A Jesucristo, 'icha 'Ilm Calnelu yaj 'ayn̈ec, caw niwn yel'chi. Yuj schiq'uil, 'ix 'el'ch jun strato Dios 'aycn 'a jun 'ejmn̈ej.

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.

Apoc 19:16

A 'a spichl 'a sat xub', ata tz'ib'b'il 'och jun sb'i 'ixtic: A sRreyl eb' rey, sYajlil eb' yajal, xchi.

Jueces 13:18

'Ix ta'w jun yángel Jehová chi 'ixtc 'a 'a: —¿Tas yuj tze nib'j eyojcoc 'el in b'i cha? An tic, satjub'tac yalx in b'i, xchi.