Is 9:5 - Chuj San Sebastian Bible

⁵ Ax smasnil xan̈b' eb' soldado yet' spichl eb' b'on̈xnac yuj chic', 'oj n̈usxoc tz'a smasnil.

Chuj San Mateo Bible

⁵ A xan̈ab' eb' soldado sc'an̈i ayic sb'at eb' d'a oval yed' spichul eb' b'on̈b'il yuj chic', ol juljocb'at d'a cal c'ac', ol tz'ab'at smasanil.

Is 9:5 Iomraidhean Croise

Gn 32:30

Xya'n can Jacob sb'ic jun lugar chi Peniel, yujto xyal 'ixtic: Caw wal xwil Dios yet' in sat, palta 'in pitzn in to, xchi winac.

Salmos 46:9

'Ix yac' lajwc jun tzo'n̈ owal, masnto 'aj tzlajw c'och yolyib'n̈q'uinl tic; 'ix wecchj can jul-lab' yu'uj, 'ix wecchj can pax jun tzo'n̈ lanza, xya'n can 'och sc'a'l jun tzo'n̈ caruaje yic owal.

Salmos 72:3

Ya' cab' 'ejm junc'ojlal yet' tojlal 'a scal eb' 'anma'.

Ex 23:21

Man̈ eyi'l e b'a 'a stz'ey jun ángel cha, man̈ e pitc e b'a 'a 'a, caw tzeyiclj tas 'oj yala', yujto a tzmunlj in jeloc. A jun cha, ma'oj yac' lajwc e mul 'a eyib'an̈.

Is 13:4

Ex 'aj Babilonia 'ab'c wal jun 'aw 'a eb' lum jolmctac witz cha. A wal tzcab'i to caw niwn 'anma yamn ta', atn eb' 'anma xcot 'a jun tzo'n̈ xo nacion̈. A Jehová tztac' yuj smasnil, a wan ya'n 'awtxoc slistail eb' soldado 'oj 'och 'a owl cha.

Is 2:4

A Jehová 'oj sb'eyc'ojloc eb' 'anma yic junjn nacion̈ 'aj 'ay owal, 'oj yac' lajwc 'ejm owl chi 'a scal eb'. Ax syamc'ab' eb' yic owl cha, a q'uen espada, 'oj 'ochcn q'uen 'asaronal, ax q'uen lanza, 'oj 'ochcn pax q'uen josal. A 'a jun tiempoal cha, man̈x 'a junc nacion̈ 'oj yac' owl yet' junc xo nacion̈, man̈x 'a pax eb' soldado 'oj cuyxoc 'a owl cha.

Is 30:33

Pectix b'ob'il jun yet'l eb' 'aj Asiria chi yet' sreyl 'aj 'oj tz'a sniwnal eb', caw lewn sat, xab' pax yich, b'ut'n yet' c'atzitz. A Jehová a 'oj 'a'nc 'och sc'a'l yet' spaxti', 'oj n̈ilchjoc 'icha wal azufre.

Is 37:36

Ax jun yángel Jehová, a xmiln cham 185 mil eb' soldado asirio 'a scamplamento, ax yic sacb'el 'a junx c'u cha, chamnc xo eb' soldado chi smasnil.

Is 4:4

A yic 'oj sb'eyc'ojlanc Dios eb' schon̈ab', ax ya'n 'och yailal 'a yib'n̈ eb', ata 'oj sacb'tzoc eb' 'aj Jerusalén yuj smilm 'anma'il, ax sacb'tzax can pax eb' 'aj Sión yuj stu'al.

Is 9:4

Yujto ach 'ix a satl jun chon̈b' 'ix 'i'n 'at eb' a chon̈b' tic 'a 'icha presoal, eb' x'a'n 'och yailal 'a eb' a chon̈ab'. Ach 'ix a satl eb' 'icha 'ajnc satl eb' 'aj Madián 'a yic pecti'.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Jeremías 23:5

Tzyaln pax Jehová 'ixtic: 'Oj jawc jun c'ual, ax wa'n 'och jun yin̈tl David reyl 'a in chon̈ab'. A jun cha, caw tojl snab'en. 'Oj sb'eyc'ojloc smasnil eb' chon̈b' 'a stojlal.

Jeremías 47:3

A wal yic 'oj yab'nc eb' sc'an̈ ste'n 'ejm no chej yoc, yet' 'a yic 'oj yab'nc pax eb' sc'an̈ scot caruaje, caw 'oj pax yip eb'. A eb' mamb'il yet' eb' nunb'il, 'oj yactc can eb' yunnal.

Jl 2:5

'Icha sc'an̈ sb'ey jun tzo'n̈ caruaje tz'at 'a owal, mto 'icha sc'an̈ te tacn̈ xilte' yic tz'a te yuj c'ac', 'ixta wal sc'an̈ scot no 'a lum jolmctac witz. 'Icha pax jun b'ulc eb' soldado to caw 'ay yip, latz'tz'i s'at eb' 'a owal, 'ixta wal no'.

Lv 3:11

Ax win ya'mal 'och sti eb' 'anma cha, a tz'a'n tz'a smasnil 'a yib'n̈ yet'l xajmb'al, jun xajmb'al tzc'uxx tz'ajx tz'a 'a wojltac an Jehová in.

Lv 3:16

Tzlajw cha, ax win ya'mal 'och sti eb' 'anma cha, a tz'a'n tz'a smasnil 'a yib'n̈ yet'l xajmb'al, jun xajmb'al tzc'uxxi to tz'ajx tz'a 'a wojltac an Jehová in. An tic, wicn̈ej yaj smasnil xepual no noc' tz'ajx xajmb'alil.

Miqueas 5:1

Ex 'aj Jerusalén, b'oc chan̈ smuroal 'aj tze col e b'a, yujto tox 'ix 'och oyn eb' 'ajc'ojl 'ayex. 'Oj smac' eb' sat win syajlil chon̈b' Israel yet' jixc'ab'te'.

Nahúm 3:2

Palta ax ticnec, n̈iln̈ni sb'ey caruaje, caw tzc'an̈ ste'n 'ejm no chej yoc, chan̈ tzq'ue wan caruaje chi sb'eyi. Tzpa'mj tz'um 'a yol schon̈b' eb'.

Zacarías 6:13

Caw a 'oj b'onc sjel watut cha, 'oj b'inaxc wal si'mb'il. 'Oj 'em wocn ya'n reyl 'a sdespacho, ax 'a smoch sdespacho cha, ata 'oj 'em wocn jun ya'mal 'och sti eb' 'anma 'a Dios, junxn̈ej yaj snab'en eb' schawn̈il.

Mt 3:11

An tic, wal yel tzex wac' bautisar 'a a a', sec chequel to xe na e b'a. Palta 'ay wal junx tza'n to sjaw wu'uj, a 'oj eya'n bautisar yet' Yespíritu Dios mto pax c'ac'. A jun 'oj jawc cha, yel xo wal niwn yel'ch 'a wib'an̈. Yuj cha, man̈ in mojc wa'n servil, wach'xam ton̈j tzwij 'el xan̈b' 'a yoc.

A Tas Sc'ulejnac Eb' Schecab' Jesús Hechos 2:19

'Oj in ch'ox jun tzo'n̈ tas satjub'tac yilx 'a satcha'an̈, yet' pax 'a yolyib'n̈q'uinl tic, atn chic' yet' c'ac', yet' pax jun niwn tab' 'icha 'asun.

A Tas Sc'ulejnac Eb' Schecab' Jesús Hechos 2:3

'Ix yiln eb' jun tzo'n̈ tas 'icha snich c'ac', xpucb't 'a scal eb'. 'Ix 'ejm 'a yib'n̈ junjn eb'.

2 Ts 1:8

Ata 'oj yac' syailal eb' matz 'ojcan 'el Dios, eb' matz yiclni wach' 'ab'x yic Cajlil Jesucristo.

Jueces 13:18

'Ix ta'w jun yángel Jehová chi 'ixtc 'a 'a: —¿Tas yuj tze nib'j eyojcoc 'el in b'i cha? An tic, satjub'tac yalx in b'i, xchi.

A Ch'an̈ B'ab'el Libro Samuel 14:19

Ya' sb'a wanto spaxtin Saúl yet' win ya'mal 'och sti eb' 'anma 'a Dios, ax eb' filisteo cha, caw 'ipn swach' somchj chan̈ eb' 'a scamplamento cha. Yuj cha, xyaln Saúl 'a win 'ixtic: —Man̈x e' cot te', xchi.