Is 9:4 - Chuj San Sebastian Bible

⁴ Yujto ach 'ix a satl jun chon̈b' 'ix 'i'n 'at eb' a chon̈b' tic 'a 'icha presoal, eb' x'a'n 'och yailal 'a eb' a chon̈ab'. Ach 'ix a satl eb' 'icha 'ajnc satl eb' 'aj Madián 'a yic pecti'.

Chuj San Mateo Bible

⁴ Yujto a ach ix a satel jun nación, aton jun ic'annac on̈ b'at d'a ch'oc nacional, aton b'aj ix ac'jioch co yaelal. Ix a satel jun nación chi' icha utej a satannaquel chon̈ab' Madián d'a peca'.

Is 9:4 Iomraidhean Croise

Gn 27:40

Cojn yet' a espada 'oj stac' a coln a b'a, schecb' pax ni o'tac 'oj ajcn 'ochi. Palta ax yic 'ayx ep, 'oj a col-l a b'a 'a yol sc'ab' na, xchi Isaac cha.

Salmos 125:3

A eb' rey maysch'olnil snab'en, man̈ comnoc 'oj yac' eb' yajlil 'a sat lum lum 'ac'b'il yuj Dios 'a eb' schon̈b' to tojl snab'en; toto ma'ay, a eb' 'anma tojl snab'en, 'oj scuy sb'a eb' a tas man̈ wach'oc.

Salmos 81:6

'Ix yaln Dios 'a eb' 'ixtic: Tox xwij 'el jun eyictz 'aych 'a eyib'an̈, ex in col 'elt 'a yol sc'ab' munljel caw ya.

Is 10:16

Yuj cha, a Jehová tztac' yuj smasnil, a 'oj 'i'nc 'el yip eb' soldado caw jelan, atn eb' 'aych yipc sc'ojl win sreyl Asiria, 'icha to 'oj tz'a 'ejm sjelnal eb' chi yuj c'ac'.

Is 10:5

'Ix yal Dios 'ixtic: A win sreyl Asiria, a win tzin c'anlb'ej yet' yowl in c'ojol, 'icha to in c'occh yaji, a tzwac' 'a'nc 'och eyailal.

Is 14:25

'Oj in satl eb' asirio 'a sat in lu'um, ax wa'n lajwc 'el eb' 'a lum jolmctac witz, lum 'ay 'a yol in macb'en, ax wi'n 'el yailal 'aych yuj eb' 'a yib'n̈ eb' in chon̈ab'. Man̈x 'a pax b'a'n̈ 'oj 'ixtxoc eb' in chon̈b' chi jun 'ejm xo yuj eb'.

Is 16:4

Tzon̈ e chaj 'och 'a e cal, tzon̈ e c'ub'j 'el 'a eb' tzon̈ sayn 'ec' on̈. Matz on̈ e ch'ox 'a eb' on̈, 'oj schic eb' 'aj Moab cha. A yic 'oj lajwc 'ec' jun yailal cha, yet' 'a yic 'oj 'el jun tz'a'n lajwc 'el jun nacion̈ tic,

Is 47:6

A yic 'ay cot wowl 'a eb' in chon̈ab', 'ix wa'ch eb' 'a yol a c'ab' sec tz'ixtx eb' o'oj. Ma'ix 'o'ch a c'ojl 'a eb', ax eb' 'ichmtac 'anma', caw wal ya x'ec' eb' o'oj.

Is 49:26

A eb' tzach 'ixtn cha, an 'oj wac' schilac sb'a eb', ax yu'lan eb' schiq'uil. 'Oj q'ue 'a sjolm eb' 'icha te 'an̈. 'Ixta to b'i'an, ax yojcan 'el smasnil 'anma', to an ton Jehová a colmal waji. An tzach wa'l 'a libre, sDiosal in Jacob, tztac' wuj smasnil, xchi Dios.

Is 51:13

An Jehová in, an jen̈jnac 'at satcha'an̈, in b'on pax lum lu'um. Ax ticnec, ¿tom xeyac' sat e c'ojl 'a mach b'ojnac ex? ¿Tom an̈ja e xiw yuj eb' 'anma tzex laj 'ixtn cha, eb' tznib'n tzex satn 'el yuj yowl sc'ojol? Palta a yowl sc'ojl eb' tzex 'ixtn cha, toxn man̈x 'a jac yel'chi.

Is 52:2

Q'uen̈ec pax wan ex 'aj Jerusalén, ma'c 'el pocc 'ayex, to 'oj eyemx wocn 'a e despacho eya'n yajlil. Ex 'aj Sión 'icha to 'ayx 'och can presoal, 'ijec 'el e b'a 'a yaln̈ jun 'icha yugo 'ay q'ue 'a yib' e jaj cha.

Is 54:14

A tojlal, a chi 'oj yic' yip 'a scal eb', 'oj colchjoc can 'el eb' 'a yol sc'ab' eb' 'anma tz'ixtn eb', 'oj 'el jun xiwc'ojlal chi 'a scal eb', man̈x 'a tas 'oj xib'tnoc eb'.

Is 9:5

Ax smasnil xan̈b' eb' soldado yet' spichl eb' b'on̈xnac yuj chic', 'oj n̈usxoc tz'a smasnil.

Jeremías 30:8

An Jehová in, tztac' wuj smasnil, an tzwala: Caw 'oj in col 'elt eb' in chon̈b' 'a 'aj 'aych mosoal. Man̈x 'oj 'och eb' mosoal 'a eb' chuc chon̈b'al jun 'ejm xo.

Jeremías 48:17

Jantc ex cajn ex 'a stz'ey Moab, yet' ex to eyojc wal jantc tz'aj sb'inaxi, 'o'n̈ec yu'uj, tzeyaln yuj 'ixtic: A yopiso Moab, 'ix lajw 'ejmi, man̈x 'a jac yip, sat 'ejm sb'inab'ilal, xe chi.

Lv 26:13

An Jehová e Diosal in, an ex wij 'elt 'a Egipto, sec wach' man̈xtoc ex can munljoc 'a eb' 'aj Egipto cha. An wal 'ix wij 'el jun munljel caw ya chi 'a eyib'an̈, yic wach' man̈xtoc 'ayx 'och 'a yaln̈ schecnb'il junc xo nacion̈.

Nahúm 1:13

'Oj ex in col 'elt 'a yol sc'ab' eb' asirio, ax in n̈i'chtan q'uen cadena 'aych 'ayx yuj eb', xchi Dios.