Is 9:3 - Chuj San Sebastian Bible

³ Mamin, ach 'ix ac' niwtjoc pax qui b'isl an̈ a chon̈b' on̈ tic on̈, 'ix a'n pax qui tzaljc'ojlal on̈. Qui masnil on̈ caw tzon̈ tzalj 'a ojltac, 'icha wal tzaljc'ojlal 'a yic tzmolx chan̈ sat 'awb'en, 'icha pax stzaljc'ojlal eb' soldado yic tzpojn 'ec' eb' tas tzlaj yi'cn 'ec' 'a owal.

Chuj San Mateo Bible

³ Mamin, a ach ix ac'xi q'uib' co b'isul d'a co chon̈ab' tic, ix ac'anxipax co nivan tzalajc'olal. Tzon̈ tzalaj co masanil d'a ichan̈, icha tzon̈ tzalaji ayic sco molan sat cavb'en, icha stzalaj eb' soldado ayic spojanec' jantac b'eyumal syic' eb' d'a oval.

Is 9:3 Iomraidhean Croise

Nehemías 9:23

Xa'n pax q'uib' sb'isl yunnal eb' 'icha sb'isl c'anal 'a satcha'an̈. Xe'n 'at eb' scha smacl lum 'a 'aj 'ix ac' a ti a'n 'a eb' qui mam quichm on̈.

Job 12:23

A tz'a'n q'uib' jun tzo'n̈ nacion̈, a tzsatn pax 'el eb'; a tz'a'n sactzic eb' 'anma cha, a tzmolb'tzan paxt eb'.

Salmos 107:38

Tzya'n Dios chi syaxilal 'a yib'n̈ eb' sec tzniwtj sb'isl eb', a tz'a'n pax niwtjoc sb'isl scajb'en noc' eb'.

Salmos 119:162

Caw tzin tzalj yet' a paxti tic, 'icha junc mach tz'ilchj nan̈loc tumn yu'uj.

Salmos 4:7

Ach 'ix ac' in tzaljc'ojlal, yel xo wal niwn yel'ch 'a yib'n̈ yic eb' caw niwn sat yawb'en tzmolo.

Is 10:26

A Jehová tztac' yuj smasnil, 'oj ya'ch syailal eb' 'anma cha, 'icha wal yutjnac satn 'el eb' 'aj Madián yic 'ayc' eb' 'a stz'ey q'uen niwquil tenm yic Oreb. 'Oj sch'ox spoder 'a eb' 'aj Asiria cha, 'icha sch'oxjnac yil eb' 'aj Egipto.

Is 12:1

A 'a jun tiempoal cha, ata 'oj eyal 'ixtic: Mamin Jehová, tzcal yuj diosal 'aych on̈; wach'xam xcot wal yowl 'a c'ojl 'a quib'n̈ on̈, ax ticnec tox x'ec' jun cha, to wan a'n pax sniwnal qui c'ojl on̈.

Is 14:5

'Ix smac'wecchjoc Jehová sc'occh win tu cha, atn sc'occh win yic yopiso,

Is 25:9

A 'a yic jun c'ul cha, 'oj calc 'ixtic: Atn wal Jehová qui Diosalec tic, a ca'jnaquec 'och yipc qui c'ojol, yuj cha, on̈ scolnec. Ca'c wal tzaljoc qui c'ojol, yujto a 'on̈ colnec, 'oj qui chioc.

Is 26:15

Mamin Jehová, ach 'ix ac' q'uib' jun qui chon̈b' tic on̈, sec tz'ijx chan̈ a b'i, ach 'ix ac' nitzmjoc smon̈jonal qui lum on̈.

Is 35:10

A eb' colb'ilx 'el yu'uj, caw 'oj b'itn eb' 'a stzaljc'ojlal yic 'oj c'och eb' 'a Sión. 'Oj 'aj cajn eb' ta 'a tzaljc'ojlal yet' 'a jun 'ejmn̈ej. 'Oj 'ilchjoc wach'il yet' tzaljc'ojlal yuj eb', ax yailal yet' 'oq'uel, 'oj satcn 'eli.

Is 35:2

A lum culstac lum cha, 'oj nichnoc smasnil te te 'a sat lu'um, ax sb'itnax b'it 'a tzaljc'ojlal. A Dios 'oj b'onc yilx sat lum 'icha swach'l yilx lum Líbano. 'Oj yaxb'oc sat lum si'mb'il, 'icha lum jolm witz Carmelo; 'icha pax lum pan̈n 'a'lic 'a Sarón. Smasnil 'anma', 'oj yil eb' to caw niwn yel'ch Jehová qui Diosal.

Is 54:1

A Dios 'ix yal 'ixtc yuj chon̈b' Jerusalén: A jun chon̈b' tic lajn 'icha junc 'ix 'ix may xon 'aj tz'unewi, 'actb'il can yuj yichmil, palta ax ticnec, smoj wal yel yaw yuj tzaljc'ojlal, smoj sb'itni, yujto yel xo wal niwn yune 'oj yune'oc 'a yib'n̈ 'ix 'ix 'ayc' yichmil yet'oc.

Is 55:12

'Oj eyelt yet' e tzaljc'ojlal 'a 'aj 'ayx 'ec' 'icha presoal cha, junc'ojlal 'oj e paxt 'a e chon̈ab'. A yic 'oj ex yilnc 'och eb' lum niwc witz, eb' lum tzalctac, te niwc te', 'icha to 'oj spoc' eb' sc'ab' sb'itn chan̈ yuj stzaljc'ojlal yic 'oj ex yiln 'och eb'.

Is 61:10

Caw wal tzin tzalj ticnec yuj Jehová. Caw wal tzjaw in tzaljc'ojlal yuj in Diosal, yujto caw wach' xyutj ya'n in colnb'il, a tojlal, a chi 'icha to x'och in pichloc yu'uj. 'Icha tz'aj junc quelem mto junc cob's 'ix tz'och 'a nupnel, 'ixta in yutj in sb'oni.

Is 61:7

Ax tic 'ec'b'al xo xeyutj eyab'n syail, 'ec'b'al ex 'aj e b'uchxi, ex laj b'ajxi, yuj cha, ax ticnec, 'ec'b'al xo sricoal 'oj eyaj 'a yol e chon̈ab', man̈x 'a b'a'n̈ 'ay slajb' e tzaljc'ojlal.

Is 65:14

A eb' in checb' tic, 'oj b'itnoc eb' yuj tzaljc'ojlal, palta ax xo tic, to 'oj 'el eyaw eyoq'ui. Caw wal 'oj e cus yuj yailal 'oj jawc 'a eyib'an̈.

Is 65:18

Tzaljan̈c 'a smasnil tiempo yuj jun tzo'n̈ tas 'oj in b'o cha, yujto 'oj wac' stzaljc'ojlal chon̈b' Jerusalén, jantcn̈ej eb' 'anma 'oj cajnc jun chon̈b' cha, 'oj tzaljoc eb' smasnil.

Is 66:10

A mach 'ay schamc'ojlal 'a chon̈b' Jerusalén, tzaljoc cab'i', a mach to 'o'nc yu'uj, jaw cab' stzaljc'ojlal ticnec, tzaljan̈c e masnil yu'uj.

Jeremías 31:7

Tzyaln pax Jehová 'ixtic: B'itnan̈c 'a tzaljc'ojlal yuj jun chon̈b'al eb' yin̈tl Jacob, atn jun chon̈b' 'ec'b'al yel'ch 'a yib'n̈ smasnil nacion̈. 'Ab'x cab' e b'itni, tzeyaln 'ixtic: Mamin Jehová, coln̈ an̈ a chon̈b' on̈ tic, atn jantc on̈ 'ayn̈to cani, xe chi.

Os 4:7

'Icha wal x'aj sq'uib' e b'isul, 'ixta pax x'aj sq'uib' yoch e mul 'ayin. Yuj cha, a e b'inab'ilal cha, 'oj wa'cn 'och 'a q'uixwc'ojlal.

Lv 26:13

An Jehová e Diosal in, an ex wij 'elt 'a Egipto, sec wach' man̈xtoc ex can munljoc 'a eb' 'aj Egipto cha. An wal 'ix wij 'el jun munljel caw ya chi 'a eyib'an̈, yic wach' man̈xtoc 'ayx 'och 'a yaln̈ schecnb'il junc xo nacion̈.

Zacarías 10:8

'Oj wawtc cot eb', ax wa'n syam sb'a eb', yujto colchjnacx eb' wu'uj. Caw 'oj niwtjoc pax chan̈ sb'isl eb' jun 'ejm xo, 'icha 'ajnc eb' 'a yic pecti'.

Zacarías 2:11

A yic 'oj jawc jun c'ul cha, til wal nacion̈ 'oj jawc 'a Jehová, ax yoch eb' schon̈b'oc, ax yaj cajn Dios 'a e cal b'i'an. 'Ixtnta 'oj 'aj snachj 'el eyu'uj, chajtlto a Jehová tztac' yuj smasnil, a in checn cot 'ayex.

Zacarías 8:23

A 'a yic jun c'ul cha, lajn̈wan̈ eb' chuc chon̈b'al 'oj 'och yamn 'a spichl junc israel, ax yaln eb' 'a 'ixtic: Tzqui nib'j tzon̈ 'at eyet'oc, yujto 'ix cab'i chajtlto 'a Dios 'aych eyet' ax tic, 'oj xchic eb', xchi Dios.

Lc 11:22

Palta q'uinloc tzc'och junc xo mach, caw 'ec'b'al yip 'a winac. Toto tz'ajx ganar win 'aj n̈a chi yu'uj, tzyi'n 'ec' jantcn̈ej syamc'ab' win 'aych yipc sc'ojl cha, 'oj lajwc cha, ax spojn 'ec' smasnil jantcn̈ej tas 'oj sto'c 'a win cha. 'Icha win 'aj n̈a cha, 'ixta pax win diablo.

A Tas Sc'ulejnac Eb' Schecab' Jesús Hechos 8:8

Yuj wal jun tzo'n̈ cha, caw 'ix tzalj eb' 'anma smasnil 'a jun chon̈b' cha.

A Scarta San Pablo D'a Eb' Aj Filipos 4:4

Tzalj coyc 'a Cajlil 'a smasnil tiempo. Tzwaln pax jun 'ejm xo, caw tzalj coyec.

A Sb'ab'el Carta San Pedro 1:8

Ax xo, wach'xam man̈x 'ic eyil Jesucristo, palta 'ay e chamc'ojlal 'a 'a. Matz eyila, palta tzeya'ch e c'ojl 'a 'a. Caw tzex tzalji. A wal e tzaljc'ojlal cha, caw niwn yel'chi, man̈ jantcoc swach'il.

Jueces 5:3

¡Ex rey yet' ex yajal, 'ab'c wal tas 'oj cal 'on̈! ¡B'itn coyc 'a Jehová! ¡B'itn coyc 'a qui Diosalec!

Jueces 7:22

Ya' sb'a tzyutz'j eb' 'oxe ciente israel chi scacha, ax eb' soldado madianita cha, 'ix ya'n Jehová somchjoc eb'. Mun a eb' xlaj smil cham sb'a 'a scamplamento cha. 'Ay pax eb' xlaj 'at 'eloc, masnto xc'och eb' 'a Bet-sita 'a stojlal cot Serera, 'a sti smon̈jonal lum Abel-mehola 'a stz'ey Tabat.

Jueces 8:12

'Ix 'at win Zeba yet' win Zalmuna 'eloc, palta ax Gedeón, 'ix 'at yet' eb' soldado 'a spatc eb'. 'Ix yamchj ewin yuj eb', ax eb' soldado ewin cha, caw wal sactzic eb'.

A Ch'an̈ B'ab'el Libro Samuel 30:16

'Ix yi'n 'at win David yet' eb' winc ajun yet' 'a 'aj 'ayc' eb' 'elc'm cha. Sactzicnac yaj eb' ta'. Wan swa eb', wan yu'n eb' tas tzyuq'uej. Caw 'aych q'uin̈ yuj eb' yuj tas xit' yel'j eb' 'a yol yic eb' filisteo, yet' 'a yol smacb'en Judá.