Is 9:14 - Chuj San Sebastian Bible

¹⁴ 'Icha tzyac' junc no noc' tzu'x 'el sjolom, tzu'x 'el sn̈e, mto 'icha pax tz'aj junc te palma sch'acxi, junn̈j c'u tzu'x chan̈ yet' sc'ab' smasnil. 'Icha junc te cha, 'ixta 'oj yutc Jehová chon̈b' Israel.

Chuj San Mateo Bible

¹⁴ Yuj chi' icha junoc noc' noc' xicjiel sn̈e yed' sjolom yuj junoc mach, ma icha b'aj junn̈ej c'ual sch'acjiel te' palma yed' te' aj, icha chi' ol utaj eb' israel chi' yuj Jehová.

Is 9:14 Iomraidhean Croise

Is 10:17

A Dios cojxn̈ej toni, a sacq'uinl yaj 'a yib'n̈ chon̈b' Israel. Lajn wal 'icha snich c'ac', junn̈j c'u 'oj yac' lajwc 'ejm eb' 'aj Asiria, 'icha tz'aj stz'a 'ejm te q'uix yuj c'ac'.

Is 19:15

Man̈x 'a xon junc eb' 'oj stac' scoln schon̈b' cha, toxn̈ej rico mto meb'a', toxn̈ej to niwn yel'chi mto may xon yel'chi, may xon junc eb' 'oj ste'wtzoc sb'a.

Is 30:13

Yujto ax 'ay e mul, yuj cha, lajn 'oj eyajcn 'icha junc muro pojl xo, wal 'a yajn̈ej ax swach' 'em lan̈njoc.

Jeremías 6:21

Yuj cha, xyaln Jehová 'ayn 'ixtic: 'Oj wac' 'ejm junc tas 'aj 'oj stench eb' chon̈b' tic yoc, sec 'oj telwc eb' yu'uj. Eb' mamb'il, eb' 'unnab'il, eb' cajn 'a stz'ey eb', yet' eb' swach'c'ojl eb', lajnn̈ej 'oj 'aj scham eb' smasnil, xchi.

Jeremías 8:12

¿Tom tzq'uixw jac eb' yuj jun tzo'n̈ tas matz tzchaj in c'ojl tzb'o cha? Wal yel tzwala, caw matz q'uixw xon eb', caw matz chacb' 'el sat eb' sq'uixw xon jab'oc. Yuj cha, an Jehová in, an tzwala, to a yic 'oj wa'n jawc yailal 'a yib'n̈ eb', 'oj telwc 'ejm eb', 'icha jun tzo'n̈ eb' 'emnc xo, xa chi 'a eb', xchi Dios 'ayin.

Lm 4:16

Yet' wal yowl sc'ojl Jehová, spechn can 'at eb', man̈x 'ic tan̈wx eb' yu'uj. Man̈x 'a yel'ch eb' ya'mal 'och sti eb' 'anma 'a 'a, man̈x 'ic 'o'ch sc'ojl 'a eb' 'ichmtac winac.

Os 1:4

'Ix yaln Jehová 'ayn 'ixtic: Jezreel tzac' sb'ic win 'unn tic, yujto yic wal jaye c'u, ax wa'n 'och yailal 'a yib'n̈ eb' yin̈tl win rey Jehú, yujto til wal 'anma smil cham 'a chon̈b' Jezreel, an̈jtona', 'oj wac' lajwc chon̈b' Israel.

Os 1:6

Scuchn pax chan̈ 'ix Gomer chi junx yune', x'alj junx yune 'ix cha, 'ix 'unin. 'Ix yaln pax Dios 'ayin: Man̈ Chamc'ojlb'iloc, 'ixta tzac' sb'ic 'ix 'unn tic, yujto man̈x 'oj 'o'ch in c'ojl 'a yib'n̈ chon̈b' Israel, man̈x 'oj wac' niwnc'ojlal 'a 'a.

Os 1:9

'Ix yaln pax Jehová 'ixtc 'ayin: Man̈ in Chon̈b'oc, 'ixta tzac' sb'ic win 'unn tic, yujto a eb' israel tic, man̈x in chon̈b'oc yaj eb', man̈x in sDiosalc eb'.

Os 10:15

Yuj wal jun e niwquil mul cha, ax yec' smasnil jun tzo'n̈ chi 'a eyib'n̈ ex 'aj chon̈b' Bet-el. Yuj cha, a win e reyl ax 'aj Israel ex tic, a wal sq'uin̈lb'i 'eli, ax scham winac, xchi Dios.

Os 13:3

Yuj cha, lajn 'oj eyaj 'icha 'asn 'ay 'ejm 'a sq'uin̈b'ial, 'icha pax chicb'chan̈ tz'em 'a 'ac'wal, to yajn̈ej tzsatcha'an̈. Lajn ex pax 'icha te tzab' tz'ijx 'at yuj 'ic', mto 'icha te tab' tz'el 'a swentnul cusnu.

Os 4:5

Yuj wal cha, ax tic, c'ul wal 'oj e telwi. Ax eb' in checab', a 'a 'ac'wl 'oj telwc eb' eyet'oc. An 'oj in satl chon̈b' Israel, atn jun 'icha e nun yaji.

Os 8:8

A chon̈b' Israel, 'oj lajwc 'ejmi. Man̈x xon jac yel'ch 'oj 'ajcn 'a sat jun tzo'n̈ xo nacion̈ 'aj sactzicnac yajcn 'ati.

Am 3:12

A Jehová a tzaln 'ixtic: A jaywn̈ocx eb' 'aj Samaria 'oj colchjoc, cojxn jac sc'axpil xila, mto sc'axpil sch'at eb' 'oj yic' ax s'at eb' 'eloc. Lajn 'oj 'aj eb' 'icha tzyutj junc 'ilm calnelu scoln 'el chab'oc yoc mto jac sti schicn no calnelu 'a sti no león, xchi.

Am 6:11

Yujto 'oj yac' Jehová ma'xoc 'ejm smasnil niwc n̈a yet' eb' te cotc n̈a, c'uxn 'oj satl smasnil.

Am 7:17

Yuj cha, atn jun tzo'n̈ tic tzyal Jehová 'ayach: Wal 'a sat eb' chon̈ab' ax yoch 'ix estzil 'ajmul 'ixal. Ax eb' onnal yet' eb' esil, 'oj tzu'xoc cham eb'. 'Oj pojxoc 'ec' lum a lu'um. Ach xo ach tic, a 'a slum eb' chuc chon̈b'al, ata 'oj a chami, ax eb' et israelal, caw najt 'oj 'ijxoc 'at eb' 'icha presoal, xchi Dios 'ayach.

Apoc 18:10

'Oj can eb' 'a najat, yujto 'oj xiw eb' yuj jun syailal cha. Ax yaln eb' 'ixtic: ¡'Ay, 'ay, 'oltac wal niwquil chon̈b' Babilonia tic! Caw niwn yel'chi, palta junn̈j wal rato xlajw 'eli, 'oj schic eb'.

Apoc 18:17

Palta junn̈j wal rato, c'uxn xlajw 'ejm smasnil sricoal tic, 'oj schic eb'. Jantcn̈ej eb' yajl barco, yet' eb' ajun 'a yojol, yet' eb' tzmunlj yet' syamc'ab'il barco, yet' jantcn̈ej eb' tzmunlj 'a a mar, c'uxn xcan eb' smasnil 'a najat.

Apoc 18:8

Yuj wal cha, junn̈j c'u, 'oj jawc smasnil yailal 'a yib'an̈. Caw 'oj cusoc. 'Oj 'och swejel. 'Oj n̈usxoc tz'a 'a scal c'ac', ax schami. 'Ixta 'oj 'aj 'ix, yujto caw niwn spoder Dios Cajlil, atn wal 'oj b'eyc'ojlanc 'ix, xchi jun 'aw cha.