Is 9:11 - Chuj San Sebastian Bible

¹¹ Ax Jehová, a 'oj 'i'nc cot eb' 'anma 'ajc'ojl yajch 'a win Rezín; ax yalni to tz'och eb' yac' owl 'a chon̈b' Israel.

Chuj San Mateo Bible

¹¹ A Jehová ol ic'ancot eb' ajc'ol yajoch d'a vin̈aj Rezín, yic syac'an oval eb' d'a Israel.

Is 9:11 Iomraidhean Croise

A Ch'an̈ Schab'il Libro Yic Yab'ixal Eb' Rey 15:29

A 'a yol stiempoal Peka win sreyl Israel, ata 'ix jaw win Tiglat-pileser sreyl Asiria yet' eb' soldado, xyac' eb' owl yet' eb' Israel. 'Ix yac' ganar eb' 'aj Asiria jun tzo'n̈ chon̈b' tic: Atn Ijón, Abel-bet-maacá, Janoa, Cedes, Hazor, Galaad, Galilea, yet' smasnil smacb'en Neftalí; 'ix 'ijx 'at eb' 'anma 'aj jun tzo'n̈ chon̈b' tic 'a chon̈b' Asiria.

A Ch'an̈ Schab'il Libro Yic Yab'ixal Eb' Rey 16:9

'Ix syiclj sreyl chon̈b' Asiria sb'on tas 'ix yala, 'ix jaw yet' eb' soldado wul yac' 'owl yet' Damasco, 'ix smiln pax eb' win Rezin sreyl jun chon̈b' cha. Xyi'n 'at eb' soldado chi eb' 'anma cajn 'a jun chon̈b' cha, 'ix c'och eb' 'a chon̈b' Kir.

Is 10:4

Toto ma'oj eyamchj 'at 'icha presoal, 'oj e milx cham yet' eb' chamnc xo cha. Palta man̈ yujoc cha, 'oj 'ec' yowl sc'ojl Dios, 'ipn ya'n 'och eyailal.

Is 28:1

'Oltac wal Samaria, niwquil chon̈b' yaj 'a sat eb' 'u'm 'an̈ 'a yol yic Efraín, yelwnub'l jun niwn 'a'lic caw wach' yilx 'a Samaria cha. Ax ticnec, lajn xoj 'icha junc corona cob' nichtetac yilxi, palta tacn̈ xo, yujto a jun chon̈b'al eb' 'anma tic to cojn 'u'l 'an̈ tzc'an eb' yila'.

Is 5:25

Yuj wal jun tzo'n̈ mul cha, ax ya'n cot Jehová yowl sc'ojl 'a yib'n̈ schon̈ab', ax ya'n 'och syailal eb' 'anma cha. A eb' lum niwc witz, c'uxn 'oj 'ib'xoc eb' lum 'a yet'ul, ax eb' 'anma cha, t'octac 'oj 'ajcn eb' scham 'a yol caye. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Is 7:1

A yic 'aych win Acaz reyl 'a Judá, win yunnal Jotam, yixchicn Uzías, ata x'och jun owl 'a Jerusalén yuj win Rezín sreyl Siria, yet' yuj win Peka, yunnal Remalías, sreyl chon̈b' Israel. Snib'j ewin to xyac' 'ejm chon̈b' Jerusalén, palta ma'ix stac' yuj ewinac.

Is 7:8

Yujto a chon̈b' Damasco, a sat yaj yuj eb' 'aj Siria, ax win Rezín a win rey 'a Damasco cha; a Samaria, a sat yaj 'a schon̈b' eb' yic Efraín, ax win yunnal Remalías, a win rey yaj 'a Samaria cha. Palta yic wal 65 ab'il, ax slajw 'ejm schon̈b' eb' yic Efraín, man̈x nacion̈oc ta'. 'Ixta pax 'oj eyaji, toto ma'oj in eya'ch yipc e c'ojol, ma'oj e te'nb'i 'a yol e chon̈ab', xchi Dios, xchi Isaías.