Is 8:6 - Chuj San Sebastian Bible

⁶ Yujto 'oj tzaljoc eb' 'anma tic yuj tas 'oj 'aj win Rezín yet' win yunnal Remalías, yuj cha, ax schacn can 'el eb' 'anma tic a a 'ay 'a Siloé, a caw c'un sb'ey lab'b'oc.

Chuj San Mateo Bible

⁶ Yujto xiv juntzan̈ anima tic d'a vin̈aj Rezín yed' d'a vin̈ yuninal vin̈aj Remalías, tzin spatiquejel eb' a in icha a a' ay d'a Siloé vaji, a' malalin̈ej sb'eyi.

Is 8:6 Iomraidhean Croise

A Ch'an̈ B'ab'el Libro Yic Yab'ixal Eb' Rey 7:16

Sb'on pax chab' sjolm 'oy 'a q'uen bronce, yic tzq'ue 'a sjolm chab' 'oy cha. A spiml junjn q'ue'en, chab' metro yet' 25 centímetro.

Nehemías 3:15

A Salum, yunnal Colhoze, a gobernador yaj 'a yol smacb'en chon̈b' Mizpa. A 'ix b'on muro 'aj xcan spuertail a pac'b'a'; xya'n q'ue yib'an̈, xya'n 'och spuertail cha, ax q'uen hierro xya'ch yipnub'oc. An̈jtona sb'on pax muro tz'ec' 'a sla'nil jun tanque tzcuch Siloé, tz'och 'a 'aj 'ay yawb'ente eb' rey, masnto xc'och pax 'a 'aj tz'ejm sc'ochal Schon̈b' David.

Salmos 46:4

'Ay jun a niwquil a tz'el yoctac, a tz'a'n tzaljc'ojlal 'a eb' cajn 'a schon̈b' Dios, atn jun chon̈b' to cojn Dios niwn yel'chi, a 'ay yico'.

Is 1:20

palta toto an̈ja tenmtac tzeyutj e b'a, 'oj e cham 'a scal 'owl 'oj wa' cot 'a eyib'an̈, xchi.

Is 28:2

'Ay jun winc sic'b'il 'el yuj Jehová, a jun cha caw wal 'ay yip, caw jeln 'a owal. 'Oj jawc yet' yip 'icha tz'aj sjaw yaxn̈ab' yet' sacb'atil, 'icha pax tz'aj sjaw chacxuxm'ic' yic tzyutz'n telwc smasnil tas, 'icha pax yic tzya'n yowl a b'eymal a sb'eyi. Yuj wal yip cha, ax slan̈chj can 'ejm Samaria smasnil.

Is 30:12

Yuj cha, e Diosal in ax israel ex tic, To Cojxn in ton Dios in, an tzwal 'ayx 'ixtic: Ax tic, 'ix e patquilj can 'el jun tennb'ilal, axn̈ej pitalil yet' maysch'olnilal, a tzeya'ch yipc e c'ojol.

Is 5:24

Yuj cha, 'icha wal tz'aj stz'a 'ejm te 'ac yuj c'ac', c'uxn tz'a te xil chi smasnil, 'ixta 'oj 'aj slajw 'el eb' tic, 'oj tacjoc 'el eb' 'icha te te c'al xo sch'an̈lyib', munxoj tzpucl snich, 'icha xoj pococ tz'ajcni. Yujto tzpatquiljcan 'el eb' sley Jehová tztac' yuj smasnil, atn qui Diosal to Cojxni.

Is 7:4

ata tzal 'a win 'ixtic: Tzel wal a b'a, man̈ ach 'och 'il, man̈ a comn xib'tc a b'a yuj win Rezín yet' eb' 'aj Siria, yet' pax win yunnal Remalías, yujto caw wal tzowx 'och eb' 'ayach. A eb' cha, lajn eb' 'icha chab'oc cuxc'ac' ton̈j tztab'lani.

Is 7:6

Coyc 'at qui macc 'ec' chon̈b' Judá, qui xib'tquec eb' 'anma cha. Tzlajw cha, tzqui pojnec 'ec' jun chon̈b' chi 'ayn̈ec, ax win yunnal Tabeel, a win tzca'c can 'och reyl ta', xchi cob' eb'.

Is 8:5

'Ix scha aln pax Jehová 'ixtc 'ayin:

Jeremías 18:14

¿Tom 'ay 'aj ton̈j tzsat chan̈ q'uen sacb'acm 'a sat q'uen niwc q'uen 'ay 'a lum Líbano? ¿Tom tztac' stup chan̈ a a caw sic tzcot 'a lum jolmctac witz?

Jeremías 2:13

Ax in chon̈b' ex tic, x'och chamacn̈ e mul. An tic, lajn in 'icha a a tzpaq'ui, palta in eyactj cani. Mun xoj xe b'o e diosal. A jun e diosal cha, lajn 'icha junc c'ob'a oln yich, matz can a 'a yojol, xchi Dios.

Jeremías 2:18

Ax ticnec, ¿tas 'oj eyac' ganar, yuj cha, tzex 'at 'a Egipto yic tz'at eyu'nc a Nilo? ¿Tas 'oj eyac' pax ganar, yuj cha, tzex 'at 'a Asiria yic tz'at eyu'nc a Éufrates?

Lc 13:4

Nac cot wajxclajn̈wan̈ eb' xcham 'a Siloé, yic 'ix lan̈chj cot jun niwquil n̈a chan̈ stel 'a yib'n̈ eb'. ¿Tas yuj 'ixta x'aj eb' tze na'a? ¿Yuj am to caw 'ajmul eb' 'a yib'n̈ eb' yit 'aj Jerusalen̈al cha?

Jn 9:7

Xlajw cha, xyaln 'a win 'ixtic: —'Ixc 'a jun tanque tzcuch Siloé. 'At b'icl a sat chi ta', xchi 'a winac. (Siloé, tzyal 'el'chi, 'ic'b'il cot a'.) Xlajwn̈ej cha, 'ix 'at winac. X'at sb'icnc 'el win sat chi 'a a a cha. Ax yic xmeltzj paxi, tox 'ix b'ox sat winac.