Is 8:4 - Chuj San Sebastian Bible

⁴ Yujto a yic mantzac yal win 'unn tic mamin, nunin, a yic cha, a chon̈b' Damasco yet' chon̈b' Samaria, 'oj wul 'ijxoc 'ec' smasnil sricoal eb' yuj win sreyl Asiria, xchi Dios.

Chuj San Mateo Bible

⁴ Ayic manto yal yalan mamin, nunin vin̈ unin chi', ol ic'jocb'at masanil sb'eyumal chon̈ab' Damasco yed' chon̈ab' Samaria yuj vin̈ sreyal Asiria, xchi Jehová chi'.

Is 8:4 Iomraidhean Croise

A Ch'an̈ Schab'il Libro Yic Yab'ixal Eb' Rey 15:29

A 'a yol stiempoal Peka win sreyl Israel, ata 'ix jaw win Tiglat-pileser sreyl Asiria yet' eb' soldado, xyac' eb' owl yet' eb' Israel. 'Ix yac' ganar eb' 'aj Asiria jun tzo'n̈ chon̈b' tic: Atn Ijón, Abel-bet-maacá, Janoa, Cedes, Hazor, Galaad, Galilea, yet' smasnil smacb'en Neftalí; 'ix 'ijx 'at eb' 'anma 'aj jun tzo'n̈ chon̈b' tic 'a chon̈b' Asiria.

A Ch'an̈ Schab'il Libro Yic Yab'ixal Eb' Rey 16:9

'Ix syiclj sreyl chon̈b' Asiria sb'on tas 'ix yala, 'ix jaw yet' eb' soldado wul yac' 'owl yet' Damasco, 'ix smiln pax eb' win Rezin sreyl jun chon̈b' cha. Xyi'n 'at eb' soldado chi eb' 'anma cajn 'a jun chon̈b' cha, 'ix c'och eb' 'a chon̈b' Kir.

A Ch'an̈ Schab'il Libro Yic Yab'ixal Eb' Rey 17:3

A yic 'aych win Oseas reyal 'ix ya'n win Salmanasar sreyl chon̈b' Asiria owl yet' eb' israel, yuj cha, 'ix can eb' israel 'a yaln̈ schecnb'il winac yic tzya'n eb' stojlb'al 'a 'a.

Is 17:1

Atn jun tzo'n̈ paxti tic 'ix alx can 'el 'a yib'n̈ chon̈b' Damasco: A Damasco, man̈x chon̈b'oc, palta to cojxn yet'l checl 'oj 'ajcn chan̈ b'ulan.

Is 17:3

A schon̈b' eb' yic Efraín, 'oj can sch'ocoj, man̈x 'a junc chon̈b' 'aych smuroal 'oj canoc. 'Ixta pax Damasco, man̈x yico'oc pax sb'a. A eb' 'aj Siria 'oj to canoc, 'oj q'uixwoc can 'el eb'; an̈jtona eb' israel, man̈x 'a yel'ch 'oj 'ajcn eb'. A Jehová tztac' yuj smasnil, a tzaln jun tzo'n̈ paxti tic.

Is 28:4

A jun chon̈b' 'ay 'a pan̈n caw wach' yilx cha, lajn yaj 'icha junc tacn̈ corona 'oj satxoc 'eli. Lajn 'oj 'aj 'icha sat te higo tzb'ab'l 'el-li, yajn̈ej tzlox yuj junc mach tz'ilni.

Is 8:5

'Ix scha aln pax Jehová 'ixtc 'ayin:

Am 1:3

A Jehová a 'ix aln 'ixtic: A wal eb' 'aj Damasco, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb', yujto 'icha wal tz'aj ste'x 'ixm trigo, 'ixta wal x'aj yixtx 'el eb' 'aj Galaad yuj eb'.

Am 1:5

'Oj in ma'poj smasnil spuertail chon̈b' Damasco. 'Oj in satl eb' 'anma cajn 'a span̈nil lum Avén, yet' win yajl yaj 'a Bet-edén, ax eb' 'aj Siria, 'oj 'ijxoc 'at eb' mosoal 'a chon̈b' Kir, xchi Jehová.

Jonás 4:11

An xo pax tic, ¿tom an to wal ma'oj cus in c'ojl yuj jun niwquil chon̈b' Nínive tic? 'Ec'b'al 120 mil 'anma mant 'a snab'en, mant yojcoc 'aj 'ay swach'il yet' tas maysch'olnil, til pax no noc', xchi Dios.

Ro 9:11

A chawn̈ 'unn cha, yic mantzac 'alj eb', mant 'a xon tas tzb'o eb'. Palta yaljnac can Dios 'ixtc 'a 'ix Rebeca: A jun 'oj b'ab'l 'aljoc, a 'oj 'a'nc servil jun tza'n to 'oj 'aljoc, xchi. Tz'ib'b'il can pax junx tic 'a Ch'an̈ U'un̈, 'a 'aj tzyal 'ixtic: A Jacob chamc'ojlb'il wu'uj. Ax Esaú chacb'il 'el wu'uj, xchi Dios. A jun tzo'n̈ tic tzch'oxni, to 'ay yaln Dios yic si'n 'el junjn mach 'icha tznib'ej. Man̈ yujoc tas tzqui b'o'ec, tzon̈ yawtnec yico'oc.

Dt 1:39

Wach'xam ax tic, 'ix eyala to a eb' 'ajc'ojl yajch 'ayex, a eb' 'oj macnoc can 'ec' eb' eyunnal, atn eb' eyunnal cotc to, eb' to mant 'a snab'en, palta atn wal eb' chi 'oj c'och 'a sat lum lum cha. An xo 'oj wac' lum yico'oc eb'.