Is 8:10 - Chuj San Sebastian Bible

¹⁰ 'Oj cob' e mol aloc tas 'oj eyutc e b'a, palta ma'oj scha sb'a eyalni; 'oj cob' eya'ch 'a yoclemal tas 'oj e b'o', palta ma'oj stac' eyu'uj, yujto 'ayc' Dios quet' on̈.

Chuj San Mateo Bible

¹⁰ Ol eyal-laj eyab' tas ol e c'ulej, palta man̈ ol schalaj sb'a eyalani. Ol och d'a stzolal tas ol e c'ulej, palta man̈ ol elc'ochoc, yujto a Dios ayn̈ej ec' qued'oc.

Is 8:10 Iomraidhean Croise

Gn 21:22

Atn 'a yic jun tiempoal cha, 'ix 'at Abimelec paxtinc yet' Abraham, ajun win Ficol yet'oc, sat yajl yaj 'a scal eb' soldado. Ax Abimelec 'ix yaln 'a Abraham 'ixtic: —Xwila to a Dios 'aych et' 'a smasnil tas tza b'o'o.

A Ch'an̈ Schab'l Libro Samuel 15:31

'Ix yaln eb' 'anma chi 'a David, to a win Ahitofel 'ajc'ojl xo yajch win 'a 'a, yujto yitb'eym xo sb'a win yet' Absalón. Yuj cha, 'ix sc'ann David chi 'a Jehová, to tzyac' juwc tas nab'il yuj win Ahitofel cha.

A Ch'an̈ Schab'l Libro Samuel 17:23

Palta ax xyiln win Ahitofel to ma'ix 'och yopiso snab'en xyala, 'ix ya'n 'och stzum sb'uru, 'ix pax 'a schon̈b' 'aj 'ay yatut, 'ix laj sb'onc can yaj smasnil tas 'ay 'a 'a, xlajw cha, 'ix st'un̈n q'ue sb'a, 'ix chami. Axta 'ix mucx 'a 'aj mucn smam.

A Ch'an̈ Schab'l Libro Samuel 17:4

A jun nab'en cha, caw wal wach' xyab' Absalón yet' smasnil eb' yichm wincal chon̈b' Israel.

A Ch'an̈ Schab'il Libro Yic Yab'ixal Eb' Rey 6:12

'Ix yaln jun win schecb' chi 'a 'ixtic: —May mamin rey. Palta a Eliseo win schecb' Dios 'ayc' 'a chon̈b' Israel cha, a tzaln yab' win rey cha, yuj smasnil tas tzala, wach'xam c'ultacl tzal 'a yol atut, xchi 'a 'a.

2 Cr 13:12

A Dios 'ayc' quet' on̈, a b'ab'l cuj on̈, ax eb' ya'mal 'och qui ti 'a Dios on̈, caw lista xo yaj eb' yutz'n strompeta yic tz'och owl eyet' ax tic. Ex wit chon̈ab', man̈ eyac' owl yet' Jehová, atn qui Diosalec yet' eb' qui mam quichmec, yujto ma'oj eyac' xon ganar, xchi Abiam 'a eb'.

Job 5:12

A tz'a'n juwc 'el tas tznib'j eb' jelan sec matz 'el'ch tas nab'il yuj eb'.

Salmos 21:12

A yic tza tojlb'tzan 'och a jul-lab' 'a eb', tza xib'tn can 'at eb'.

Salmos 46:1

A Dios a 'aych quen̈loquec, a pax 'aych quipquec, a tz'och pax quet'ec yic 'ay qui somc'ojlal.

Salmos 46:11

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.

Salmos 46:7

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.

Salmos 46:8

Cotn̈ec, wul 'iltec wal satjub'tacl x'aj slajw 'el eb' chon̈b' 'a sat lum tic.

Pr 21:30

Wach'xam 'ay mach jelan, 'ay snab'en, toxn̈ej niwn tas yojtac, palta matz tac' stenn 'och wan snib'b'en Jehová.

Is 14:27

Toto tox sna Jehová jun tzo'n̈ tic, ¿mach wal junc 'oj stac' stenn 'eq'ui? Toto wach'x yaj yu'uj, ¿mach wal junc 'oj stac' sjelni?

Is 28:18

A e trato xe b'o yet' syajlil chamel, 'oj sat 'ejmi, 'oj jawc chaml 'a eyib'an̈, ax e cancn 'a yaln̈ yu'uj.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Is 43:5

Man̈ex xiwoc, 'ayn 'ec' eyet'oc. 'Oj in molb'tzoc cot eb' eyit chon̈b' 'ay 'a stojlal 'aj tzq'uel c'u, yet' eb' 'ay 'a stojlal 'aj tz'ejm c'u, sec junxn̈ej 'oj eyaji.

Is 7:14

Yuj cha, caw a Dios 'oj ch'oxnc eyil junc senya cha: 'Ay jun cob's 'ix, 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Jeremías 42:11

An Jehová in, an tzwala: Man̈ ex xiw 'a win sreyl Babilonia, atn win 'aj tzex caw xiwi. A ticnec man̈ ex xiwoc, yujto 'aynn̈ej 'ec' eyet'oc, 'oj ex in col-l 'a yol sc'ab'.

Jeremías 46:28

Ex yin̈tl can Jacob, in checb' eyaji, caw man̈ ex xiwoc. 'Aynn̈ej 'och eyet'oc, 'oj in satl smasnil jun tzo'n̈ nacion̈ 'aj ex wac' sactzic can 'ati. Palta ax xo tic, ma'oj ex in satli. Ton̈j 'oj wa'ch yailal 'a eyib'an̈, 'icha wal smoj e chani, ma'oj e cann̈j 'a 'ichn̈jta', xchi Dios.

Lm 3:37

Toc 'ay mach tz'el'ch junc tas tzna'a, toto man̈oc Jehová tzalni.

Jl 3:9

Alc jun tzo'n̈ tic 'ixtc 'a smasnil eb' nacion̈: 'A'c lista e b'a e 'at 'a owal, 'awtjec cot eb' soldado caw 'ay yip. Jaw cab' eb', 'at cab' eb' 'a owal.

Hageo 1:13

'Ix waln 'ixtc 'a eb': A Jehová, a tzaln 'ixtic: 'Aynn̈ej 'ec' eyet'oc, xchi Dios, xin chi 'a eb'.

Nm 14:9

Palta comnoc matz eyij 'el e nab'en 'a Jehová, man̈ ex comn xiw yuj eb' 'anma chi 'ay 'a lum lum cha. 'Ichan̈ej wal qui wan junc pan, 'ixta 'oj 'aj eb' satl cujec, toc 'ay mach 'oj colnc 'el eb' 'ayn̈ec. An̈ec xo tic, a Jehová a 'aych quet'ec. Yuj cha, man̈ ex comn xiwoc, xchi eb'.

Mt 1:23

'Ay jun cob's 'ix, mant 'a xon junc winc tzyi'aj, palta 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel, xchi. (Emanuel tzyal 'el'chi, 'ayc' Dios quet'oc).

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Ro 8:13

Toto an̈ja qui b'eylb'anec 'icha tznib'j qui tu nab'enal, 'oj qui chamc yuj 'a jun 'ejmn̈ej. Palta toto yuj spoder Yespíritu Dios tzcactnec can qui b'on jun tzo'n̈ maysch'olnil yet' qui niwnalec tic, to 'ixta', 'oj qui chac qui q'uinl 'a jun 'ejmn̈ej.

Ro 8:31

Yuj jun tzo'n̈ tzwal tic, caw man̈x 'a tas tzqui nac ticnec. Caw 'aych Dios quet'ec. Yuj cha, ¿tom 'ay junc mach tztac' ya'n ganar ya'n owl quet'ec?

Dt 20:1

A yic tzex 'el eyac' owl yet' junc chon̈b' 'ajc'ojl yajch 'ayex, toto 'ec'b'al sb'isl soldado eb' chi 'a yib'n̈ eb' eyic ax tic, til wal schej eb', til wal scaruaje eb' yic owal, palta man̈ ex xiw xon yuj eb', yujto a Jehová qui Diosalec a 'aych eyet'oc, atn jun on̈ 'i'nec 'elt 'a Egipto.

Josué 1:5

May xon wal junc mach 'oj techjoc ya'n owl et'oc yujto 'aynn̈ej 'ec' et' 'icha xwac' yet' win Moisés. May wal b'a'n̈ 'oj ach waccan a ch'ocoj.

1 Jn 4:4

Ex chamc'ojlb'il wu'uj, yic on̈c xo Dios ticnec. Tox 'ix can eb' 'a'm 'es chi 'a yaln̈ cujec. Yujto a jun 'aych 'ayn̈ec, 'ec'b'al xo spoder 'a yib'n̈ jun 'aych 'a eb' yic yolyib'n̈q'uinl tic.