Is 7:15 - Chuj San Sebastian Bible

¹⁵ A yic 'ayx snab'en jun 'unn cha, 'oj wa yet' queso, ax yu'n yal chab' yet' eb' yit chon̈b' cha, yujto 'ayc' eb' 'a yol sc'ab' meb'a'il.

Chuj San Mateo Bible

¹⁵ Ayic ayxo spensar jun unin chi', ol slo queso, ol yab'lanpax noc' yal chab' yed' eb' yetchon̈ab', yujto ayec' eb' d'a scal meb'ail.

Is 7:15 Iomraidhean Croise

Gn 18:8

'Ix yi'n cot pax win mantequilla, lech yet' pax no schib'jal wacx 'ix sb'o cha. 'Ix ya'n wa win eb' winc chi 'a yich te te cha, 'ayc'n̈ej Abraham chi yet' ewinac, yic xwa eb' cha.

Salmos 51:5

Wal yel a yic in 'alji, toxnto may in ch'olnil. Yictax 'aynto 'ec' 'a yol sc'ojl in nun, man̈ in wach'oc.

Is 7:22

caw wal 'oj yac' sobra slech no', ax laj sb'on sc'ux queso. A smasnil eb' 'oj colchjoc 'a scal owal, 'oj wa eb' yet' queso cha, ax yu'n eb' yal chab'.

Am 5:15

Yajc 'el tas maysch'olnil, ax tas wach' a tze chamc'ojlej. Tzcham wal e maclni eyila', toto wach' xo tz'aj sb'oyaj junc mach 'a despacho. To 'ixta', toq'ue a Jehová Dios tztac' yuj smasnil, 'oj 'o'ch sc'ojl 'ayx ax yin̈tl ex to can José.

Mt 3:4

A Juan cha, a xil no cameyo 'aych spichloc, ax sjalul tz'u'um. A jun tzo'n̈ noc' 'icha b'ojch'in a tzchi'a; ax no calte'al yal chab' tzyuq'uej.

Lc 1:35

—A spoder Yespíritu Dios, atn jun yel xo niwn yel'ch cha, a 'oj 'emlc 'a eb'n̈ 'icha sjaw junc 'asun. Yuj cha, a jun 'unn 'oj 'aljoc cha, yicn̈ej Dios 'oj 'ajoc. 'Oj alxc yu'uj, chajtlto Yunnal Dios.

Lc 2:40

Ax jun tz'ulc 'unn cha, 'ix q'uib'i, x'och yip, 'ix jelnb'i. Ax Dios til wal swach'c'ojlal sch'ox 'a 'a.

Lc 2:52

Ax Jesús cha, an̈ja sq'uib'i, tzq'uib' pax snab'en. Caw tzalj Dios yet'oc, tzalj pax eb' 'anma yet' jun xo.

Ro 12:9

Caw yelc'ojlal tzlaj qui chamc'ojloquec qui b'a. Tzann̈j tas maysch'olnil, qui yajc can 'eli. Ax tastc wach', ca'c 'och qui nab'en 'a 'a.

Dt 1:39

Wach'xam ax tic, 'ix eyala to a eb' 'ajc'ojl yajch 'ayex, a eb' 'oj macnoc can 'ec' eb' eyunnal, atn eb' eyunnal cotc to, eb' to mant 'a snab'en, palta atn wal eb' chi 'oj c'och 'a sat lum lum cha. An xo 'oj wac' lum yico'oc eb'.