Is 64:5 - Chuj San Sebastian Bible

⁵ Tzann̈j mach tzalji tzb'on tas 'icha tza nib'ej, nann̈ej yu'uj tzb'on a nib'b'en cha, caw wal chab'il o'oj. An̈ xo tic on̈, 'ix 'och wal qui mul 'ayach, ach owx 'och 'ayn̈ on̈, caw wal niwn xo tiempo xc'ojl yoch qui mul on̈, palta ¿tzam stac' to qui colchj on̈?

Chuj San Mateo Bible

⁵ D'a tzalajc'olal tza cha eb' vach'n̈ej tas sc'ulej, naann̈ej yuj eb' sc'ulan tas tza nib'ej. A achxo tzac'cot yoval a c'ol d'ayon̈, yujto ix och co mul d'ayach, sco c'ulann̈ej chucal. ¿Tzatom yal co colchaji?

Is 64:5 Iomraidhean Croise

Salmos 103:17

Palta a schamc'ojlal Jehová, may slajb' 'a 'ayn̈ to yiclum on̈c 'a 'a. A swach'c'ojlal 'ayc'n̈ej 'a yib'n̈ quin̈tlec b'aq'uin̈;

Salmos 112:1

¡Alx cab' wach' paxti 'a Jehová! A eb' 'ay yel'ch Jehová 'a 'a, caw wach' yic eb', yujto tzalj eb' sb'eylb'an schecnb'il 'aycni.

Salmos 25:10

Yuj a chamc'ojlal yet' yuj yeln̈j tas tzala, yuj cha, tze'n b'ey eb' tzyiclni a trato yet' a checnb'il.

Salmos 37:4

Tzalj coyc 'a Jehová, ax 'oj 'a'n 'el'choc tas tzqui nib'jec.

Ex 20:24

B'oc junc yet'l e xajmb'al; lum tzeya'ch 'a 'a, junc to wicn̈ej tz'aji. Ata 'oj eyac' tz'a no calnelu, mto no wacx tzeyac' xajmb'al-l 'ayin. Ata 'oj eyac' tz'a ofrenda yic junc'ojlal. A 'ajtil 'oj wala' to tzeyal e b'a 'ayin, ata 'oj in jawi, ax wa'n yaxilal 'a eyib'an̈.

Ex 25:22

A 'a yib'n̈ smac te caxa cha, ata 'oj in ch'ox in b'a 'ayach, 'a snan̈l yechl chawn̈ querubín 'aych 'a yib'n̈ sti smac te scaxail trato, ata 'oj wac' ojcoc 'el smasnil in checnb'il 'a eyib'n̈ ax israel ex tic, xchi Dios.

Ex 30:6

Tzlajw cha, tza'n 'och jun yet'l xajmb'al chi 'a yojltac 'elt te cortina 'aych yen̈loc scaxail in trato, 'a 'aj 'ay smacl te caxa 'a 'ajtil tzin chaj in b'a eyet'oc.

Is 1:30

'Icha wal tz'aj spucl xil te mach' chi 'a sc'ab', yic man̈x 'a xon jac n̈ab' tz'em 'a yib'n̈ te', 'ixta wal 'oj eyaji.

Is 12:1

A 'a jun tiempoal cha, ata 'oj eyal 'ixtic: Mamin Jehová, tzcal yuj diosal 'aych on̈; wach'xam xcot wal yowl 'a c'ojl 'a quib'n̈ on̈, ax ticnec tox x'ec' jun cha, to wan a'n pax sniwnal qui c'ojl on̈.

Is 26:13

Mamin Jehová qui Diosal ach on̈. Wach'xam 'ay jun tzo'n̈ xo ewin 'anma x'och qui yajliloc on̈, palta cojn ach tzach calch qui yajliloc ticnec.

Is 27:8

A Dios 'ix ya'ch yailal 'a yib'n̈ schon̈ab', atn 'a yic yijx 'at eb' 'icha presoal. 'Icha wal tz'aj yutz'x 'at junc tas yuj 'ic' tzcot 'a 'aj tzq'uel c'u, 'ixta wal 'ajnc yijx 'at eb'.

Is 63:10

Palta yel xo wal pit xyutj sb'a eb' 'a Jehová, caw xyac' eb' cus Yespíritu to Cojxni. Yuj cha, x'och 'ajc'ojlal 'a eb', xya'n owl yet' eb'.

Is 63:7

An tic tzin nib'j wal-l schamc'ojlal Jehová, tzin b'itnan smasnil tas sb'o cujec. Caw wal niwn swach'c'ojlal 'ayn̈ an̈ yin̈tl on̈ec can Israel tic. Til wal tas sb'o cujec, 'ix 'o'ch sc'ojol, caw niwn pax schamc'ojlal 'ayn̈ec.

Dn 9:5

Caw x'och qui mul on̈ yet' qui tenmtacl 'ayach. Cojxn̈ej maysch'olnil xqui b'o on̈, man̈x ach nanoc cuj on̈. 'Ix qui patquiln can 'el a checnb'il on̈ yet' pax a ley.

Os 11:8

¿Tas wal 'oj wutc ex wactn can ex 'aj Efraín, atn ex yin̈tl can Israel? ¿Tom 'oj ex in satl 'icha wutjnac chon̈b' Admá, mto 'icha wutjnac chon̈b' Seboím? Caw ya tzwab' eyu'uj, caw tzcusch pax in c'ojl ex wiln 'ochi.

Os 6:3

Ca'c wal quip cojcanec 'el Jehová. Tojln̈ej 'oj jawc 'ayn̈ec, 'icha wal cojcanec 'eli to 'oj sacb'oc. 'Oj yi' cot yaxilal 'ayn̈ec 'icha wal tz'aj sjaw b'ab'l yaxn̈ab' 'a sat lum tic, yet' pax 'a yic tz'och n̈ab'lq'uinal, 'oj schic cob' eb'.

Zacarías 3:3

Ax Josúe cha, caw wal lumtac spichl 'aych yu'uj, lin̈n 'och 'a yojltac yángel Jehová cha.

Malaquías 3:6

An Jehová in tztac' wuj smasnil, may b'a'n̈ tzin jelmji. Yuj cha, ax yin̈tlex Jacob tic, mantzac ex satli.

A Tas Sc'ulejnac Eb' Schecab' Jesús Hechos 10:35

Tzann̈j mach 'ay xiwc'ojlal 'a Dios, wach'xam man̈ israeloc, caw tzalj yet'oc, toto wach' sb'eyb'al.

A Ch'an̈ Carta D'a Eb' Hebreo 4:16

Yuj cha, caw man̈ on̈ xiwc qui c'ochc 'a sdespacho Dios, 'a 'aj tzcheclj 'el swach'c'ojlal. Ata tz'o'ch sc'ojl 'ayn̈ec, tzch'oxn swach'c'ojlal, 'a yic 'ay tas 'ay tz'och cujec.