Is 61:10 - Chuj San Sebastian Bible

¹⁰ Caw wal tzin tzalj ticnec yuj Jehová. Caw wal tzjaw in tzaljc'ojlal yuj in Diosal, yujto caw wach' xyutj ya'n in colnb'il, a tojlal, a chi 'icha to x'och in pichloc yu'uj. 'Icha tz'aj junc quelem mto junc cob's 'ix tz'och 'a nupnel, 'ixta in yutj in sb'oni.

Chuj San Mateo Bible

¹⁰ Tzin te tzalaj val ticnaic yuj Jehová, tzin q'ue val chaan̈ in tzalaj yuj in Diosal, yujto te vach' ix yutej yac'an in colnab'il yed' tojolal, ichato ix och in pichuloc yuuj. Icha svach'il tz'ajoch spichul junoc vin̈ quelem yed' junoc ix cob'es ayic snupnaj eb', icha chi' in yutej.

Is 61:10 Iomraidhean Croise

Gn 24:53

Yajn̈ej xyi'n q'uet win smasnil siylab' to nab'a oro, yet' plata, yet' pichul, 'ix ya'n 'a 'ix Rebeca cha, yet' 'a win snul'j 'ix cha, yet' pax 'a 'ix snun 'ix.

2 Cr 6:41

Cotn̈ mu'c ticnec ach Jehová qui Diosal on̈, yic tzach can cajn 'a jun lugar tic, yet' te a caxa tzch'oxn 'el a poder. Ach Jehová qui Diosal on̈, col eb' ya'mal 'och qui ti 'ayach, ax eb' eco', tzaljc'ojlal cab' yaj eb' yuj a wach'c'ojlal.

Nehemías 8:10

An̈jtona', xyaln pax Esdras 'a eb' 'ixtic: 'Ixquec wa'oc. A wal tas wach' tzlaj e c'uxu', tzeyu'n yal uva caw wach'. A eb' may yic b'ob'il yu'uj tzeyawtj eb' wac eyet'oc, yujto a jun c'u tic yic Jehová qui Diosalec yaji. Man̈ ex cusoc, yujto a tzaljc'ojlal tzyac' Jehová, atn wal 'aych qui te'naloc, xchi 'a eb'.

Job 29:14

A tojlal yet' yiclumal, a chi wic yaji; 'icha to in pichl yajch 'a junjn c'u.

Salmos 132:16

Ax in coln pax eb' ya'mal 'och sti eb' 'anma 'ayin. A eb' yiclum tzyutj sb'a 'ayin, 'oj b'itn eb' yuj tzaljc'ojlal.

Salmos 132:9

Ax eb' ya'mal 'och qui ti 'aych on̈, sb'eylb'oc cab' eb' tojlal, an̈ xo a chon̈b' on̈ tic, 'el cab' caw yuj tzaljc'ojlal.

Salmos 28:7

Mamin Jehová ach 'aych 'och wipoc, 'aych 'och wen̈loc 'icha junc q'ue'en; ach wa'ch yipc in c'ojol, caw ach colwjn̈ej wet'oc. Yuj cha, caw wal tzin tzalji, 'oj in b'itnoc a b'i, ax waln yuj diosal 'ayach.

Salmos 35:9

Toto 'ixta', 'oj in can 'a tzaljc'ojlal o'oj, yujto ach tzin a colo.

Cantares 1:10

Sja'l wal yilx spac'b'il a ti 'a scal a yumchiquin. Sja'l pax yilx a jaj 'a 'aj 'aych a ton̈.

Is 12:1

A 'a jun tiempoal cha, ata 'oj eyal 'ixtic: Mamin Jehová, tzcal yuj diosal 'aych on̈; wach'xam xcot wal yowl 'a c'ojl 'a quib'n̈ on̈, ax ticnec tox x'ec' jun cha, to wan a'n pax sniwnal qui c'ojl on̈.

Is 12:2

Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Is 17:10

Yujto 'ix eyac' sat e c'ojl 'a qui Diosal coljnacn̈ec, ma'ix e na coti toto ata qui coljnaquec qui b'a. Yuj cha, wach'xam 'oj eyawc eyawb'ente caw wach' xlaj eyi' cot 'a chuc chon̈b'al.

Is 25:1

Mamin Jehová in Diosal ach; 'oj ach in b'itnoc yet' in wach' paxti', yujto caw xac' 'el'choc tas nab'il o'oj, caw satjub'tac yilxi, to wach' yajcn xon oj 'a yictax pecti'.

Is 25:9

A 'a yic jun c'ul cha, 'oj calc 'ixtic: Atn wal Jehová qui Diosalec tic, a ca'jnaquec 'och yipc qui c'ojol, yuj cha, on̈ scolnec. Ca'c wal tzaljoc qui c'ojol, yujto a 'on̈ colnec, 'oj qui chioc.

Is 35:10

A eb' colb'ilx 'el yu'uj, caw 'oj b'itn eb' 'a stzaljc'ojlal yic 'oj c'och eb' 'a Sión. 'Oj 'aj cajn eb' ta 'a tzaljc'ojlal yet' 'a jun 'ejmn̈ej. 'Oj 'ilchjoc wach'il yet' tzaljc'ojlal yuj eb', ax yailal yet' 'oq'uel, 'oj satcn 'eli.

Is 41:16

Ax e tzicn can 'at 'a cal 'ic', ax 'ic' chi 'oj 'i'nc can 'ati, sactzicnac 'oj 'ajcn yuj chacxuxm'ic'. 'Ixta to b'i'an, ax eyi'n e tzaljc'ojlal 'a 'ayn an Jehová in, ax e b'an̈n e b'a wu'uj, To Cojxn in Ton Dios In.

Is 48:18

Comnoc wal 'ix eyiclj in checnb'il, toto 'ixta', a e junc'ojlal, caw lajn am tz'aj sq'uib' 'icha a niwc a', ax e tojlal, lajn am 'icha scot b'alb'noc yib'n̈ a mar.

Is 49:18

'Ixc q'ueln 'a smasnil a tz'ey, wan laj syamnc pax sb'a smasnil eb' 'ijxnac 'at 'icha presoal, yic tzjapx eb' 'ayach. An Jehová in, mun tzin loc in b'i, tzwac' in ti 'ayach, to caw 'oj a b'an̈ a b'a yuj eb' a chon̈ab', atn eb' wan sjapx 'aych cha. 'Icha wal swach'l yilx tz'aj junc 'ix cob's 'ix yuj yixtal spichul yic tznupni, 'ixta wal 'oj aj yuj eb'.

Is 49:4

Palta xin nan 'ixtic: Nab'an̈ej in munlji, nab'an̈ej x'el wip, may jac tas 'ix wij 'a 'a, xin chi. Palta wojtac to checl yaj jun tic 'a sat Jehová, a spac wic yuj jun tic, ata 'ayc' 'a yol sc'ab' Dios.

Is 51:11

'Ixta pax 'oj 'aj smeltzj eb' colb'ilx 'el 'oj Mamin Jehová, caw 'ip sb'itn eb' yuj tzaljc'ojlal ax sjapx eb' 'a Sión. Caw wal tzetzetzn sat eb' yuj tzaljc'ojlal, yujto 'oj 'ilchjoc pax wach'l yuj eb', ax yailal yet' 'oq'uel, 'oj sat 'ejm 'a scal eb'.

Is 51:3

'Ixta 'oj wutc wa'n in wach'c'ojlal an Jehová in 'a yib'n̈ eb' 'aj Sión, atn jun chon̈b' mac'b'il 'ejm lan̈chjoc. A eb' lum tacn̈ lu'um, 'oj 'och eb' lum yaxlumal, 'icha lum 'aj 'ay te 'awb'ente 'a Edén. Cojxn tzaljc'ojlal, b'it yet' alj yuj diosal 'ay 'ayn ta'.

Is 52:1

Ex 'aj Sión mto Jerusalén, pitzc 'el 'a e sat, te'wtzejc e b'a, 'a'c eyip, yujto schon̈b' ex Dios. Ch'oxc 'el e jelnal 'ac'b'il 'ayx yu'uj, sec man̈x 'a b'a'n̈ 'oj 'oxtoc eb' chuc chon̈b'al 'a e cal, yic tzex yi'n can 'ejm eb'.

Is 56:7

toto 'ixta', 'oj wi' cot eb' 'a jun tzaln to wicn̈ej yaji, ax wa'n stzaljc'ojlal eb' 'a yol watut 'aj tz'och lesl 'ayin. 'Oj in cha sn̈us eb' xajmb'al yet' yofrenda 'a yib'n̈ yet'l xajmb'al to wic yaji, yujto 'oj alxoc yuj watut, to yatutal lesl yaj yuj smasnil chon̈ab'.

Is 58:14

Toto 'ixta 'oj eyutc e b'a, 'oj 'ilchjoc e tzaljc'ojlal 'ayin. An xo 'oj wala', to niwn eyel'ch 'a yib'n̈ smasnil chon̈b' 'a yolyib'n̈q'uinl tic, ax wa'n pax eyico'oc lum e macl lum 'aycn yuj e mam 'ichm Jacob, atnta 'oj e wa 'a sat lu'um, xchi Dios.

Is 61:3

In jaw wul wac' scorona eb' 'aj Sión 'aych 'a scusc'ojlal, atn sniwnal sc'ojl eb' tz'ajx sjelc stan̈il c'ac' tzlaj yac' q'ue eb' 'a sjolom. Tzwa'n stzaljc'ojlal eb' sjelc yal sat, ax eb' 'ay somc'ojlal, a b'it yic alj wach' paxti', a tzwa'cn 'a eb'. Ax yalx yuj eb' to lajn eb' 'icha junc 'awb'ente 'awb'il yuj Jehová. 'Oj sb'o eb' tojlal, sec 'oj b'inaxc sb'i yuj eb'.

Is 65:18

Tzaljan̈c 'a smasnil tiempo yuj jun tzo'n̈ tas 'oj in b'o cha, yujto 'oj wac' stzaljc'ojlal chon̈b' Jerusalén, jantcn̈ej eb' 'anma 'oj cajnc jun chon̈b' cha, 'oj tzaljoc eb' smasnil.

Jeremías 2:32

¿Tom tzsat sc'ojl eb' 'ix cob'stac ya'n 'och ston̈, mto spichul yic tz'och eb' 'ix 'a nupnel? Ax xo wal ax in chon̈b' ex tic, pectix in 'atcn satc'ojlal eyu'uj.

Ez 42:14

A yic tz'och eb' ya'mal 'och sti eb' 'anma 'a yol yatut Dios, matz tac' scomn 'elt eb' 'a sti 'elt cha, mto b'eyc'oc 'a sti 'el 'amc' chi yet' spichl yic yopiso. Toto tz'elt eb', yowlal tzjelcn 'el eb' spichl 'a yojl 'och cha, chucx spichl eb' tzya'chi yic tz'elt eb' 'a scal eb' 'anma', xchi 'ayin.

Zacarías 10:7

A eb' 'aj Israel, caw te'n 'oj 'aj eb' 'icha soldado, 'oj tzaljoc chan̈ eb' 'icha eb' tzalj yu'n yal uva jawnc sti'. A yic 'oj yilnc yunnal eb' jun tic, 'oj tzaljc pax eb'. Caw 'oj tzaljc sc'ojl eb' yuj in colwal.

Zacarías 3:5

Xlajw cha, 'ix waln 'ixtc 'a 'a: Comnoc tz'ajx q'ue junc sc'oxl sjolm Josué chi caw wal sac, xin chi. Yuj cha, xya'n q'ue eb' sc'oxl sjolom, xya'n pax 'och eb' spichl yic q'uin̈ cha. Ya' sb'a cha, lin̈nn̈ej 'ec' yángel Jehová cha.

Lc 15:22

Palta ax smam cha, xyaln 'ixtc 'a eb' smoso: 'Ixquec muc'uc, 'at 'ijec cot jun tzo'n̈ pichl caw wach', tzeya'n 'och 'a jun wunnal tic. Tzeya'ch scolc'ab', tzeya'n 'och xan̈ab'.

Ro 13:14

Yowlal tzqui chajec spoder Cajlil Jesucristo, 'icha tzyutj junc soldado schan syamc'ab' yic owal. Man̈x ca'c 'och qui nab'en 'a jun tzo'n̈ tas tznib'j 'och qui tu nab'enal.

Ro 14:17

A ticnec, 'ayn̈ecx 'och 'a yol sc'ab' Dios, yuj cha, man̈x smojc tzca'c 'och qui nab'en 'a jun tzo'n̈ tas tzqui c'uxec, mto tas tzcu'jec. Palta smoj tojl tzcutjec qui nab'en, junc'ojlal tzcutjec qui b'a. Tzqui chanec pax jun tzaljc'ojlal tzyac' Yespíritu Dios 'ayn̈ec.

Ro 3:22

Yujn̈ej to tzca'c 'och qui c'ojl 'a Jesucristo, wach'n̈ec 'a sat Dios, yujto tzann̈j mach tz'a'n 'och 'a sc'ojol, wach' eb' 'a sat. Lajn on̈cn̈ej qui masnil an̈ 'anman̈ec tic 'a sat Dios.

Ro 5:11

Man̈ cojnoc yuj jun tzo'n̈ tic tzon̈ tzaljec, tzon̈ tzaljec pax 'a Dios yuj Cajlil Jesucristo, yujto yu'uj, junc'ojlal xoj cajc yet' Dios ticnec.

Gl 3:27

A yic tzon̈ 'ajxec bautisar, junxn̈ej tzon̈ 'ajc yet' Cristo. Jantcn̈ej on̈ tzon̈ 'ajx bautisar, 'icha to tzqui pichlej Cristo.

A Scarta San Pablo D'a Eb' Aj Filipos 3:9

Junxn̈ej tzin 'ajcn yet'oc. A ticnec, tzyal Dios to wach'n 'a sat, yujn̈ej to tzwa'ch in c'ojl 'a Cristo, man̈ yujoc to tzin yiclj tas tzyal ley yic Moisés. Palta yujn̈ej to tzwa'ch in c'ojl 'a Cristo, tzin 'och wach'l 'a sat Dios.

A Scarta San Pablo D'a Eb' Aj Filipos 4:4

Tzalj coyc 'a Cajlil 'a smasnil tiempo. Tzwaln pax jun 'ejm xo, caw tzalj coyec.

A Sb'ab'el Carta San Pedro 1:8

Ax xo, wach'xam man̈x 'ic eyil Jesucristo, palta 'ay e chamc'ojlal 'a 'a. Matz eyila, palta tzeya'ch e c'ojl 'a 'a. Caw tzex tzalji. A wal e tzaljc'ojlal cha, caw niwn yel'chi, man̈ jantcoc swach'il.

Apoc 21:2

An Juan in tic, xwil jun schon̈b' Dios yicn̈ej yaji, atn jun 'ac' Jerusalén. 'Ix 'elt 'a yojltac Dios 'a satcha'an̈, 'ix 'emli. Caw wach'x yaj 'icha junc 'ix caw a'ijn yaj yet' spichul, tznupn yet' yichmil tzyi'aj.

Apoc 21:9

Ax eb' ángel yucwn̈il, atn eb' 'aj 'ay uque vaso yailal yic slajub', 'ay jun 'ix aln 'ixtc 'ayin: —Cotan̈, a 'aych 'oj in ch'ox jun 'ix 'oj nupnoc. Atn jun 'oj 'och yistloc jun tzcuch Calnelu, xchi.

Apoc 4:4

Ax 'a stz'ey jun despacho cha, ata oyn 'och 24 niwc xila. Ata wocn 'ejm 24 eb' 'ichmtac winac. Caw sac spichl eb'. Ax 'a sjolm junjn eb', ata 'ay q'ue junjn corona nab'a oro.

A Ch'an̈ B'ab'el Libro Samuel 2:1

'Ix leslwi 'ix Ana 'ixtic: ¡Mamin Jehová, caw wal tzalj in c'ojol! Ach 'ix ac' wip, yuj cha, tzin tzalj 'ayach. Tzax stac' waln 'a eb' 'ajc'ojl yajch 'ayin, to ach colwj wet'oc.