Is 6:5 - Chuj San Sebastian Bible

⁵ Yuj cha, xwaln 'ixtic: 'Oltacn wali, tecn 'oj in chami, yujto xwilch jun Rey yet' in sat, atn Jehová tzta'n̈j yuj smasnil. An xo tic, nab'a 'anma 'in, tu tas tzlaj 'elt 'a in ti', cajn in 'ec' pax 'a scal eb' 'anma tu spaxtin tic, xin chi.

Chuj San Mateo Bible

⁵ Ix valan icha tic: Ay... ob'iltac in, ol in chamoc, yujto ix vil Jehová, aton Rey d'a Smasanil. A in xo pax tic, an̈ej chucal svala', cajan in paxec' d'a scal eb' anima chucn̈ej sloloni, xin chi.

Is 6:5 Iomraidhean Croise

Gn 32:31

Wan xo wal yec' win Jacob 'a Peniel cha, yic xq'uel c'u; yujto x'el xub' winac, caw tz'em sb'eyi.

Salmos 24:10

¿Mach jun Rey caw niwn yel'ch cha? Atn Jehová tzta'n̈j yuj smasnil, atn jun Rey tic caw niwn yel'chi.

Ex 24:10

Ata xyil eb' israel chi sDiosal. Caw tzictzni yilx 'aj te'n 'ejm yoc, lajn yilx 'icha q'uen zafiro, caw yaxt'ujnac yilx 'icha satcha'an̈.

Ex 3:6

An tic, sDiosal in eb' a mam echam, atn Abraham, Isaac yet' Jacob, xchi Dios. A yic xyab'n Moisés yalx jun tzo'n̈ paxti cha, 'ix smacn 'och sc'ab' 'a sat, yujto caw xiw yiln Jehová.

Ex 33:20

Palta tzwal 'ayach, ma'oj el xon in sat, yujto may xon junc 'anma tztac' yilni. Toto tzyila, yajn̈ej tzchami.

Ex 4:10

Xlajw cha, 'ix yaln Moisés 'ixtc 'a Jehová: ¡'Ay, Mamin Jehová! comnoc wal man̈oc in tzin a checb'ti, yujto caw wal matz tac' in paxtini; man̈ octo yic tzaln 'ayn tic tzwaln 'ixta', palta toxn in c'ojlb'al to teb'il tztac' in paxtini, xchi.

Ex 6:12

Palta 'ix yaln Moisés 'ixtc 'a Jehová: —'Intax matz chaj eb' wit israelal chi yab' tas tzwala, ocxom wal win rey cha, ¿tom 'oj scha win yab' tas 'oj wala'? 'In to matz tac' wal pax in paxtini, xchi Moisés.

Ex 6:30

'Ix ta'w Moisés 'ixtc 'a Jehová: —Mamin, caw wal matz tac' in paxtini ¿Tas wal 'oj yutc win rey chi yab'n tas 'oj wala'? xchi Moisés.

Is 24:16

Caw 'oj 'ab'xoc sb'itn eb' 'a 'aj tzlajw c'och sti lum lu'um, yuj yijx chan̈ sb'i Dios, jun caw tojl snab'en. Palta xwaln 'ixtic: 'Oltacn wali, caw wan in lajw 'el tzwab'i. A eb' tu snab'en cha, caw tu tas tzb'o eb'.

Is 29:13

Atn yuj cha, xyaln Jehová 'ayn 'ixtic: A eb' 'anma tic, tzcob' yal eb' to tzin yac' servil eb', tzyaln cob' eb' to 'ay wel'ch 'a sat eb', palta ax snab'en eb' caw najt yajl 'ayin. Tzcob' yal sb'a eb' 'ayn yalni, palta cojn jun tzo'n̈ checnb'il tzlaj spitzchan̈ eb' 'anma', a chi tzyac' eb' cuyxoc.

Is 33:17

Ex 'aj Sión, 'oj eyil jun qui reylec yet' stzictznial, 'oj c'och smacb'en jun nacion̈ tic 'a caw najat.

Is 59:3

Yujto ax tic, caw wal x'och e mul e miln cham eb' quit 'anma'il. Xlaj 'el schic'l eb' eyu'uj, cojxn maysch'olnil yet' 'es tzlaj eyala'.

Is 64:6

Qui masnil on̈, lajn quilx 'icha junc mach man̈ wach'c yaji. Smasnil tas wach' xlaj cob' qui b'o 'on̈, lajn xoj yilx 'icha junc nip yajb'entac yilxi. Yuj tas maysch'olnil xlaj qui b'o 'on̈, yuj cha, lajn on̈ xoj 'icha te xil te tzpucli, c'un xoj s'at yuj 'ic'.

Jeremías 1:6

¡'Oltacn Mamin Jehová, ach Wajlil! ¡Caw wal quelm in to 'unin, mantzac nachj wu'uj, tas tzwutj paxtinc in b'a! xin chi 'a 'a.

Jeremías 51:57

An Rey in, Jehová tztac' wuj smasnil, 'ixtnta ton wal yalx in b'i, an tzwal 'ixtic: 'Icha wal to 'oj wac' 'u'wc 'an̈ eb' yajl 'a Babilonia, eb' 'a'm nab'en, eb' gobernador, eb' niwc yel'ch yopiso, yet' pax eb' soldado. 'Oj cotcn swayn̈ eb' 'a jun 'ejmn̈ej. Man̈x b'a'n̈ 'oj 'el swayn̈ eb', xin chi.

Ez 12:2

Ach 'anma', ach tic cajn ach 'ec' 'a scal jun c'aj eb' 'anma caw wal pit. 'Ay cob' yol sat eb', palta 'icha to matz tac' yiln eb'; 'ay pax cob' schicn eb', palta 'icha to matz tac' yab'n eb', yujto caw wal pit eb'.

Ez 33:31

'Ixta tzyutj eb' in chon̈b' chi yi'n cot sb'a, tzlaj 'em wocn eb' yab'xni 'a tas tzala. Palta matz b'eylb'ej eb' tas tzal cha, ton̈j tzlaj stz'ac eb' laj yala', ax snab'en eb', a wal maysch'olnil tznib'j 'och eb'.

Dn 9:20

'Ix in yamnn̈ej 'och in leslwi, 'ix waln q'uet in mul yet' smul eb' wit israelal. Caw wal in tew 'a Jehová in Diosal, yuj lum tzaln Sión to yicn̈ej yaji.

Habacuc 3:16

A yic xwab'n smasnil tas 'oj jawc 'a quib'n̈ chi 'on̈, caw in xiw cha'an̈. 'Ix 'ib'x chan̈ in ti'. Smasnil in niwnal, caw man̈x 'a yip, tzanxn̈ej 'aj in telwi. Wach'xam 'ixta 'oj 'ajoc, palta caw junc'ojlaln̈ej waj in tan̈wni jun c'ual yic 'oj jawc yailal oj 'a yib'n̈ eb' tz'a'n owl quet' on̈.

Nm 17:12

Palta ax eb' israel cha, 'ix yaln eb' 'a Moisés 'ixtic: Toto 'ixta tz'aji, 'oj qui satl ton b'i'an. Qui masnil 'oj qui chami.

Jueces 13:22

'Ix yaln Manoa chi 'a yistzil 'ixtic: —A ticnec ach wistzil, tecn 'oj qui chami, yujto 'ix quil Dios, xchi.

Jueces 6:22

'Ixta x'aj snachj 'el yuj Gedeón, chajtlto a jun yángel Jehová 'ix paxtin yet'oc, yuj cha xyaln 'ixtic: —¡'Ay, Mamin Jehová! ¡Caw wal q'uelc'mb'a in 'aj in paxtin yet' jun ángel checb'il cot o'oj! xchi.