Is 6:2 - Chuj San Sebastian Bible

² A 'a yib'an̈, ata 'ayc' jun tzo'n̈ ángel serafín sb'i, 'icha c'ac' yilx eb'. Waque sc'axl junjn eb'; chab' tzmacn sat eb', chab' pax tzmacn sniwnal eb' 'a yojltac, ax yet' chab'x chi tzjen̈w eb'.

Chuj San Mateo Bible

² A d'a yib'an̈q'uei, ay juntzan̈ ángel icha c'ac' yilji scuch serafín, vaque' sc'axil junjun eb'. Chab' sc'axil eb' chi' smusan sat, axo chab'xo smusan yichan̈ eb', axo yed' chab'xo sjen̈vi eb'.

Is 6:2 Iomraidhean Croise

Gn 17:3

Yuj cha, x'em n̈ojn Abram 'a sat lu'um, ya' sb'a tzpaxtin Dios 'a 'a, 'ix syamn 'och Dios yaln 'ixtic:

A Ch'an̈ B'ab'el Libro Yic Yab'ixal Eb' Rey 19:13

A yic xyab'n Elías, 'ix smacn sat yet' jun spotil, 'ix 'elta, axta xcan lin̈n 'a yol sti q'uen n̈aq'uen cha. At wal cha, 'ix 'och jun 'aw 'a 'a, 'ix yaln 'ixtic: Elías, ¿tas yuj 'aych 'ec' 'a tic? xchi.

A Ch'an̈ B'ab'el Libro Yic Yab'ixal Eb' Rey 22:19

Yuj cha, 'ix yaln win Micaías chi 'ixtic: —'Ab' wal spaxti Jehová. 'Ix wila chotn 'ejm Jehová 'a sdespacho, ax eb' yángel 'a satcha'an̈ oyn 'och eb' 'a stz'ey.

A Ch'an̈ B'ab'el Libro Yic Yab'ixal Eb' Rey 6:24

chab' metro yet' 25 centímetro stel junjn sc'axl eb', yuj cha, nan̈l yol metro tzmac chab' sc'axl junjn querubín cha.

A Ch'an̈ B'ab'el Libro Yic Yab'ixal Eb' Rey 6:27

'Ix ya'n 'ajxoc 'och jun tzo'n̈ querubín chi 'a yojl jun Lugar to cojn Dios 'ay yico'. A eb' cha, jen̈n 'el sc'axl eb'. A sc'axl jun, tzc'och tenn 'a sat yich n̈a, ax sc'axl junx cha, tzc'och tenn 'a junx sat yich n̈a. Ax chab'x sc'axl eb' tzchaj sb'a 'a snan̈l yojl jun n̈a cha.

A Ch'an̈ B'ab'el Libro Yic Yab'ixal Eb' Rey 8:7

A eb' querubín cha, jen̈n 'at sc'axl eb' 'a yib'n̈ jun lugar 'aj 'ix 'ajx 'och te caxa cha, yuj cha, a eb' tz'a'n yen̈l 'a yib'n̈ te caxa chi yet' scan̈nub'al.

Nehemías 9:6

Xlajw cha, xyaln pax eb' 'ixtic: Ach tic, cojxn̈ej ach Jehová ach. Ach a b'ojnac satchan̈ to satjub'tac yilxi, yet' smasnil c'anal; ach 'ix a b'o lum lu'um yet' pax a mar yet' smasnil tas 'ay 'a 'a. Ach ton wal tzac' sq'uinl smasnil tas. Yuj wal cha, tz'och eb' ángel 'emmquilal 'ayach.

Job 1:6

'Ay jun c'ual, xc'och eb' ángel sch'ox sb'a 'a yojltac Jehová, an̈jtona xc'och pax win 'ajc'ojl 'a scal eb', atn win Satanás.

Job 15:15

A Dios matz ya'ch wal yipc sc'ojl eb' ángel, 'ixta pax satcha'an̈, man̈toc yel xo pax wach' yilx 'a sat.

Job 4:18

'Intax to a Dios matz ya'ch wal yipc sc'ojl eb' schecb' 'ay 'a satcha'an̈; 'intax eb' ángel, 'ay pax spaltail eb' 'a sat.

Salmos 103:20

Ex yángel Jehová to 'ay eyip, alc e wach' paxti 'a 'a, ex to yiclum ex 'a tas tzyala.

Salmos 104:4

A 'ic', a 'aych a checb'oc, ax snich c'ac', a tzach 'a'n servil.

Salmos 18:10

Ach q'ue 'a yib'n̈ jun querubín, 'ix 'at jen̈n̈oc; 'ix 'at jen̈n̈oc 'a yib'n̈ 'ic'.

Salmos 89:7

Dios ach ton Mamin, caw niwn el'chi, 'ay smay a b'inaxi, oyn 'och eb' ángel 'a a tz'ey.

Ex 25:20

Q'uelc'mb'a tz'aj sat eb' querubín cha, tz'at t'an̈n sat eb' chi 'a yib'n̈ smac te' caxa cha, ax sc'axl eb', tz'ec' jen̈n 'a yib'n̈ smac te cha.

Ex 3:6

An tic, sDiosal in eb' a mam echam, atn Abraham, Isaac yet' Jacob, xchi Dios. A yic xyab'n Moisés yalx jun tzo'n̈ paxti cha, 'ix smacn 'och sc'ab' 'a sat, yujto caw xiw yiln Jehová.

Ex 37:9

Q'uelc'mb'a x'aj sat eb', t'an̈n 'at sat junjn eb' 'a yib'n̈ smac te caxa cha, jen̈n 'ec' sc'axl eb' 'a yib'n̈ smacl scaxail trato, 'icha to yen̈l yib'n̈ 'ix 'aji.

Is 6:6

Ax xwilni xcot jen̈n̈oc jun serafín chi 'a scal eb' yitb'eym cha, yet' jun tenaza, ax jun tenaza chi xyac' n̈a'noc chan̈ jun stzac'ac' 'a yib'n̈ yet'l xajmb'al,

Ez 1:11

Chab' sc'axl eb' chi tzjen̈li yic tzchan sb'a yet' yic junjn xo eb' cha, ax cha'chb' xo tzmacn sniwnal eb' cha.

Ez 1:24

'Ix wab'n sc'an̈ sc'axl eb' yic tz'at jen̈n̈oc eb'; lajn wal sc'an̈ 'icha sc'an̈ a 'elmal a', 'icha wal yol sjaj Dios jun tztac' yuj smasnil, 'icha pax sc'an̈ sb'ey nan̈loc eb' soldado. A yic tz'och wan eb', tzyi'n 'ejm eb' sc'axl cha.

Ez 1:4

Xlajw cha, xwiln scot jun niwquil 'ic' yet' jun niwquil 'asn 'a stojlal norte. A 'a scal cha, ata 'aych pax jun c'ac' caw tzn̈iln̈ni sc'aq'uil, jub'lji yec' sletz'lomal. Ax 'a scal jun c'ac' cha, ata 'aych jun tas caw tzictzni, lajn wal stzictznil yilx 'icha q'uen bronce.

Ez 1:6

palta to chan̈chn̈ sat junjn eb', chan̈chn̈ pax sc'axl eb'.

Ez 1:9

Tzchaj sb'a sn̈i sc'axl eb' 'a yic tzb'ey eb'. Tojln̈ej yajb't q'ueln eb' 'a yojltac, matz meltzj xon eb' 'a yet'l cha.

Ez 10:16

A yic tzb'ey eb', tzb'ey pax jun tzo'n̈ setet chi yet' eb'. Ax yic tzq'ue wan eb' querubín chi 'a sat lu'um, tzjen̈l eb' sc'axl cha, tzq'ue pax wan jun tzo'n̈ setet chi yet' eb'.

Ez 10:21

A eb' querubín cha, chan̈chn̈ sat eb', chan̈chn̈ pax sc'axl eb', ax 'a yaln̈ sc'axl eb' chi 'ay 'elt sc'ab', lajn yilx 'icha sc'ab' 'anma'.

Dn 7:10

'Ay jun c'ac' tz'elt 'a yojltac 'icha sb'ey a a'. Caw smil-l xo sb'isl eb' tz'a'n servil, smiyon̈al xo sb'isl eb' lin̈n 'och 'a yojltac. Xlajw cha, x'el yich yoch b'eyc'ojlal, 'ix jacw jun tzo'n̈ ch'an̈ libro.

Dn 9:21

A yic wanto in leslwi cha, ax Gabriel jun sch'oxjnac sb'a 'ayn 'a jun in waych 'a yic yaln̈taxi, 'ix jaw jen̈n̈oc 'a in tz'ey 'aj 'ayn 'ec' cha, 'icha wal yorail yic tz'ajx xajmb'al 'a Jehová 'a yic yemc'ual.

Zacarías 3:4

Xlajw cha, xyaln jun ángel chi 'a eb' schecb' lin̈n 'och 'a yojltac, to tz'ijx 'el slumtac spichl Josué cha. Yajn̈ej xyaln 'a Josué chi 'ixtic: 'Ilto, a tzyal 'el'ch jun tic, to an tzwij can 'el a mul. Ax ticnec, 'oj wac' a'ch te pichl yic q'uin̈, xchi.

Lc 1:10

A yic wan sn̈usn win jun cha, c'uxn xleslwi eb' 'anma 'a yamq'uil yatut Dios.

A Ch'an̈ Carta D'a Eb' Hebreo 1:7

Yuj cha, yaln pax Dios yab'xil eb' ángel cha, tas tz'aj eb' yuj Yunnal. Yaln yuj eb' 'ixtic: A eb' yángel, tzlaj ya'ch eb' 'ic'al, ax eb' tz'a'w servil 'a 'a, tzlaj ya'ch pax eb' snich c'aq'uil, xchi.

Apoc 14:6

Xlajw cha, xwiln sjen̈n̈ 'ec' junx ángel 'a snan̈l satcha'an̈. A tas yet'i, atn jun wach' 'ab'x 'ay 'a jun 'ejmn̈ej. 'Ix yaln 'el 'a eb' 'anma 'a junjn nacion̈, 'a junjn chon̈b' 'a yolyib'n̈q'uinal. Toxn̈ej chucchc yin̈tl eb', toxn̈ej chucchc sti eb', c'uxn xlaj yab' eb'.

Apoc 4:8

A chan̈wn̈ eb' cha, waque sc'axl junjn eb'. Ax sniwnal eb', nab'a yol sat sb'a. Sc'ual yac'wlil yaln eb' 'ixtic: A Cajlilec, atn qui Diosalec, caw Cojxni, smasnil tas tzta'n̈j yu'uj. 'Ayc'n̈ej tax 'a yic pecti', 'ayc' ticnec, atn jun 'oj jawoc, xchi eb'.

Apoc 7:11

Ax eb' ángel smasnil, lin̈n chan̈ eb'. Oyn 'och eb' 'a jun despacho cha, yet' 'a eb' 'ichmtac winac, yet' 'a chan̈wn̈ eb' querubín. 'Ix 'em n̈ojn eb' 'a sat lum 'a yojltac jun despacho cha. 'Ix yaln sb'a eb' 'a Dios.

Apoc 8:13

Xlajw cha, xwilni, 'ay jun ángel tzjen̈n̈ 'ec' 'a snan̈l satcha'an̈. Ax xwab'ni, caw 'ip x'awj 'ixtic: —¡'Ay, 'ay, 'ay! 'Oltac wal eb' 'anma 'a yolyib'n̈q'uinal, yujto 'ayt 'oxwn̈ xo eb' ángel tot 'oj yutz'c strompeta, xchi.