Is 59:9 - Chuj San Sebastian Bible

⁹ Yuj cha, tzeyaln 'ixtic: A ticnec b'i'an, 'ix cojquejec 'eli tas yuj matz on̈ colx 'el 'a yol sc'ab' eb' tzon̈ 'ixtni; cob' tan̈b'il sjaw sacq'uinl 'ayn̈ec, palta cojxn q'uic'q'uinl oyn 'och 'ayn̈ec, tan̈b'il cob' cujec b'a'n̈ tzon̈ colxec 'a yol sc'ab' eb' tzon̈ 'ixtn cha.

Chuj San Mateo Bible

⁹ Yuj chi' syalan eb' anima icha tic: Malaj mach stec'b'an sb'a cuuj, malaj mach tzon̈ colanel d'a yol sc'ab' eb' tzon̈ ixtani. Sco tan̈vej tzalajc'olal, palta axo cusc'olal oyan och d'a co patic. Sco tan̈vej b'aq'uin̈ tzon̈ colchajel d'a yol sc'ab' eb' tzon̈ ixtani, palta malaj mach tzon̈ colani.

Is 59:9 Iomraidhean Croise

Job 19:8

A Dios a 'ix macn yol in b'e, yuj cha, man̈xtzac stac' in b'eyq'ui, 'icha wal to scal q'uic'q'uinl tzin b'eyc' yu'uj.

Job 30:26

Yuj cha, a tzaljc'ojlal xin tan̈wj sjawi, ax x'aji, a in cusc'ojlal xjawi; xin tan̈wj sjaw sacq'uinl 'a wib'an̈, ax x'aji, a q'uic'q'uinl 'ix jawi.

Salmos 82:5

Palta ax tic, matz nachj 'el eyu'uj, caw may e nab'en; 'icha to a 'a q'uic'q'uinl tzex b'eyi. C'uxn tzsatl tojlal eyu'uj.

Pr 4:19

Palta ax eb' maysch'olnil cha, a sb'eyb'al eb', lajn wal 'icha q'uic'q'uinal, yuj cha, matz yil eb' 'aj tztench eb' yoc.

Is 5:30

A 'a jun c'ul cha, a jun nacion̈ cha, 'oj 'el yaw sjaw 'a spatiquil 'el qui chon̈b'ec tic, lajn wal 'oj c'an̈ 'icha a mar. A mach 'oj 'at q'ueln 'a jun chon̈b' cha, 'oj yil jun yailal cha, 'icha to 'oj 'och q'uic'q'uinl 'a yib'an̈, ax stup sacq'uinal, caw q'uic'q'uinl 'oj 'ajcn smasnil.

Is 59:11

'Ay cob' 'aj tzcotc cowal, tzcob' n̈il-li yol qui jajc 'icha no oso, mto tzon̈ cob' c'acwec 'icha sc'acw no parama; cob' tan̈b'il qui b'ocyaj 'a stojlal, palta may b'a'n̈ tzon̈ b'ocyaji, 'icha to najt yajcn 'el colnb'il 'a qui tz'eyec.

Is 59:14

A b'eyc'ojlal yet' tas wach', man̈x 'a xon yel'ch 'a qui sat on̈. A tojlal cha, caw najt yajcn cuj on̈. A tas yel, toc 'ayt mach tzchan 'ab'noc 'a plas. A tojlal cha, 'icha to man̈x checloc 'aj 'ay.

Is 59:8

Man̈ eyojcoc tze b'eylb'ej tas wach', may xon jac tojlal 'ayc' 'a e nab'en. Caw wal tu e b'eyb'al cha, ax eb' tzlaj 'och tza'n eyu'uj, may xon jac junc'ojlal tz'ilchj yuj eb' 'a e patic.

Is 8:21

'Oj tectnoc 'ec' jun tzo'n̈ 'anma chi yuj wejel. Yuj wejl cha, ax yowx 'och eb' 'a sreyal yet' 'a sDiosal. 'Ojt cob' q'ue q'ueln eb' 'a satcha'an̈,

Is 8:22

ax cob' yemx q'ueln eb' 'a sat lum tic. Cojxn cusc'ojlal 'oj scha sb'a eb' yet'oc, atn yailal yet' q'uic'q'uinal. 'Icha to 'oj yamxoc 'ejm eb' yuj q'uic'q'uinl cha. Man̈x 'oj stac' scoln sb'a eb' 'a 'a.

Jeremías 13:16

A tze na'a, to 'oj jawc sacq'uinal, palta to 'oj wach' q'uic'b'oc si'mb'il yu'uj. Yuj cha, meltzjan̈c 'a Jehová qui Diosalec, tzeyaln q'uet e mul, ya' sb'a mantzac ex telw 'a lum tzalctac yuj q'uic'q'uinl 'oj ya' coti.

Jeremías 14:19

Yuj cha, xwaln 'ixtc 'a 'a: Mamin Jehová, ¿tom wal jun 'ejmn̈ej 'ix ejcan 'el eb' 'anma 'aj Judá 'a a c'ojol? ¿Tom 'ix 'a patquilj can 'el chon̈b' Sión? ¿Tas yuj on̈ ac' lajwoc, yic to man̈x 'a wach' tzon̈ 'aj can̈txi? A calni to tzon̈ q'ue'ch yet' tas 'ay 'ayn̈ on̈, palta may tas wach' 'ix qui cha'aj. 'Ix qui na'a, to wach'n̈j 'oj qui b'ey 'a cojltac on̈, palta cojn tas caw 'ay smay xjaw 'ayn̈ on̈.

Jeremías 8:15

'Ix qui nib'j cob' on̈ q'ue'ch ricoal, palta may tas wach' x'ajx 'ayon̈. 'Ix qui nib'j cob' tzaljc'ojlal on̈ b'eyc 'a cojltac, palta cojn tas 'ay smay xjaw 'ayn̈ec.

Lm 3:2

In spechcn 'at 'a scal q'uic'q'uinl 'aj may xon jac sacq'uinal. In ya'n b'ey 'a b'e yic may in cantil wet'i.

Lm 4:14

Yuj cha, ax ticnec toxn̈ej tzmachlj eb' tz'ec' eb' 'a yol caye, lajn xoj yec' eb' 'icha eb' matz tac' xon yilni. Caw chi'ctac spichl eb', may xon mach tznib'n yamnc spichl eb' cha.

Am 8:9

An Jehová in, an tzwal 'ixtc yuj jun c'u 'oj jawc cha: Caw wal chimc'ual, ax wa'n 'och q'uic'q'uinal, yic wach' yem yoc c'u, ax wa'n q'uic'b'oc 'el yolyib'n̈q'uinl tic.

Miqueas 1:12

A eb' cajn 'a chon̈b' Marot, caw tzch'umm 'ec' eb' yuj yab'n syail. Tztan̈wj eb' cob' sc'och colwal, yujto tox xc'och yailal 'a sti chon̈b' Jerusalén yuj Jehová.

Habacuc 1:13

Ach tic, caw wal matz chaj a c'ojl tas tu', matz a nib'j el jun tzo'n̈ qui maysch'olnilal an̈ 'anman̈ tic on̈. ¿Tas pax yuj ton̈j tzach 'och q'ueln 'a eb' 'anma maysch'olnil tic jun? 'In a eb' 'anma wach' to wal 'a yib'n̈ eb', 'a eb' wan satx 'el yuj eb'.

1 Ts 5:3

A 'a yic jun tiempoal cha, 'oj cob' yal eb' 'anma 'ixtic: An̈ec tic, caw wach' cajec, toc 'ay tas tzqui na'ec, 'oj schic cob' eb'. Palta yajn̈j wal cha, ax satx can 'ejm eb'. 'Icha tz'aj sjaw syailal junc 'ix tz'alj yune', 'ixta 'oj 'aj sjaw syailal eb' cha. Wal yel, may junc eb' 'oj colchjoc can 'el 'a jun syailal cha.