Is 59:8 - Chuj San Sebastian Bible

⁸ Man̈ eyojcoc tze b'eylb'ej tas wach', may xon jac tojlal 'ayc' 'a e nab'en. Caw wal tu e b'eyb'al cha, ax eb' tzlaj 'och tza'n eyu'uj, may xon jac junc'ojlal tz'ilchj yuj eb' 'a e patic.

Chuj San Mateo Bible

⁸ An̈ej oval tzeyac'a', malaj jab'oc tojolal scheclaj d'a tas tze c'ulej. A e b'eyb'al chi', juneln̈ej man̈ vach'oc. A eb' tz'och tzac'an eyuuj, malaj jab'oc junc'olal tz'ilchaj yuj eb' d'ayex.

Is 59:8 Iomraidhean Croise

Salmos 125:5

Palta ax eb' tz'atcn 'a scal tu b'eyb'al, 'at cab' can eb' yet' eb' maysch'olnil sb'eyb'al chi 'a scal yailal. ¡'Ay cab' junc'ojlal 'a qui calc an̈ israel on̈c tic!

Pr 2:13

atn eb' tz'actn can wach' b'eyb'al, tz'atcn eb' 'a scal maysch'olnil.

Pr 2:15

A 'a tu b'eyb'al ata tzya'ch eb' snab'en, tzyactn can eb' wach' b'eyb'al.

Pr 21:8

A sb'eyb'al jun maysch'olnil cha, man̈ tojloc; ax sb'eyb'al junc wach' snab'en, caw tojol.

Pr 28:18

A mach wach' snab'en, 'oj colxoc, ax junc tu snab'en, 'oj 'el-lc yailal 'a yib'an̈.

Pr 3:17

Toto tzqui b'eylb'ej jelnal, caw tzaljc'ojlal tzon̈ 'eq'ui; 'ay pax qui junc'ojlal yu'uj.

Is 48:22

Ax eb' maysch'olnil tas tzb'o'o, may jac wach'l 'oj yil eb', xchi Dios.

Is 5:7

'Icha win cha, 'ixta wal yaj Jehová yet' eb' yin̈tl Israel, 'icha to yawb'ente yaj eb', yet' pax eb' 'aj Judá. A Dios tztac' yuj smasnil, 'ix cob' stan̈woc to wach' tzyutj sb'a eb' 'a sley, palta ax x'aji, a milj 'anma sb'o eb'. May jac tojlal tzb'o eb', til wal yel yaw 'anma yixtx yuj eb'.

Is 59:11

'Ay cob' 'aj tzcotc cowal, tzcob' n̈il-li yol qui jajc 'icha no oso, mto tzon̈ cob' c'acwec 'icha sc'acw no parama; cob' tan̈b'il qui b'ocyaj 'a stojlal, palta may b'a'n̈ tzon̈ b'ocyaji, 'icha to najt yajcn 'el colnb'il 'a qui tz'eyec.

Is 59:9

Yuj cha, tzeyaln 'ixtic: A ticnec b'i'an, 'ix cojquejec 'eli tas yuj matz on̈ colx 'el 'a yol sc'ab' eb' tzon̈ 'ixtni; cob' tan̈b'il sjaw sacq'uinl 'ayn̈ec, palta cojxn q'uic'q'uinl oyn 'och 'ayn̈ec, tan̈b'il cob' cujec b'a'n̈ tzon̈ colxec 'a yol sc'ab' eb' tzon̈ 'ixtn cha.

Is 65:2

An xo tic, smasnil tiempo cob' b'achn 'at in c'ab' 'a jun chon̈b'al eb' 'anma caw pit tic, yic tzcob' wi'nc cot eb' 'ayin. Palta cojn maysch'olnil tzb'eylb'ej eb'. A tas tznib'j eb' sb'o', a chi tzb'o eb'.

Jeremías 5:1

Xyaln Jehová 'ayn 'ixtic: B'eyn̈ 'ec' 'a scayeal Jerusalén, tza maclni wal el si'mb'il. Tz'ec' a saync el 'a 'aj 'ay smasnil chon̈, tzelni toto 'ay mach caw tojl tas tzb'o'o, caw yeln̈j tas tzyala. Toto tz'ilchj junc o'oj, to 'ixta', 'oj wac' niwnc'ojlal 'a Jerusalén.

Mt 23:23

Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. Cob' tzeyac' sdiesmoal jun tzo'n̈ te 'alwena, jun tzo'n̈ te 'anix, yet' jun tzo'n̈ te comino. Palta ax jun tzo'n̈ schecnb'il Dios niwn yel'chi, matz eyiclej. A jun tzo'n̈ checnb'il chi tzalni, to yowlal tojl tzcutjec qui b'a, tz'o'ch qui c'ojlec 'a eb' quit 'anma'il, tzca'nec 'och pax qui c'ojl 'a Dios. Palta 'in may yel'ch jun tzo'n̈ tic 'a e sat. Octom tzeyiclj jun tzo'n̈ tic, tze b'on pax jun tzo'n̈ xo cha.

Lc 1:79

Ax ya'n sacq'uinl 'a eb' 'ay 'a scal q'uic'q'uinal, atn eb' wan s'at 'a chamel. A 'oj ch'oxnc pax 'ayn̈ec, tas tzcutjec qui b'eyb'al, sec junc'ojlal tzon̈ 'ajc yet'oc, xchi win Zacarías cha.

Ro 3:17

Man̈ yojcoc eb' tzb'eylb'ej tas wach' yic tzcan eb' 'a junc'ojlal.