Is 59:11 - Chuj San Sebastian Bible

¹¹ 'Ay cob' 'aj tzcotc cowal, tzcob' n̈il-li yol qui jajc 'icha no oso, mto tzon̈ cob' c'acwec 'icha sc'acw no parama; cob' tan̈b'il qui b'ocyaj 'a stojlal, palta may b'a'n̈ tzon̈ b'ocyaji, 'icha to najt yajcn 'el colnb'il 'a qui tz'eyec.

Chuj San Mateo Bible

¹¹ Ay b'aj scot coval, sn̈iii yol co jaj icha noc' oso, mato tzon̈ c'acvi icha noc' paramuch. Sco tan̈vej co ch'olb'itaj d'a stojolal, palta malaj b'aq'uin̈ sb'o caji. Sco tan̈vej co colji, palta najat yajcanel d'ayon̈.

Is 59:11 Iomraidhean Croise

Salmos 119:150

A eb' 'anma tzin pechn b'eyc'oc, caw la'n yaj eb' 'a in tz'ey yet' stu nab'enal, palta caw najt yajl eb' 'a jun tzo'n̈ a cuynb'il tic.

Salmos 119:155

A eb' maysch'olnil sb'eyb'al, najt yajl eb' 'a stz'ey jun colnb'il tic, yujto matz ya'ch eb' sc'ojl 'a a checnb'il.

Salmos 38:8

Caw choc' yaj in niwnal, man̈x 'a pax wip; tzin c'acw wab'n syail.

Salmos 55:2

'Ochn̈ q'ueln 'ayin, tza'n spac tas tzin c'an 'ayach, a 'a scal in yailal wan waln in b'a 'ayach.

Salmos 85:9

Caw wal b'ecn sc'ojl Dios scolwj 'a eb' tz'och 'emmquilal 'a 'a, sec 'oj checljoc cha'an̈, to 'ayc' 'a qui calc yet' spoder.

Is 38:14

'Icha wal yel yaw no pechul tz'ec' no 'a satcha'an̈, 'ixta yel waw wab'n syail, tzin c'acw 'icha sc'acw no parama. Caw wal tzc'unb' yol in sat in q'ue q'ueln 'a satcha'an̈. Mamin Jehová, caw wal tzin 'ixtx tzwab'i, ta'wan̈ 'ayin.

Is 51:20

Tox x'el yip eb' eyunnal, 'ix can eb' 'a ch'an̈yal 'icha tzyac' no c'ultquil chej. Telctac tz'ajcn eb' scham 'a 'aj tzchaj sb'a caye, lajwnac eb' yuj yowl sc'ojl Jehová, yujto a tz'a'n cuenta eb'.

Is 59:14

A b'eyc'ojlal yet' tas wach', man̈x 'a xon yel'ch 'a qui sat on̈. A tojlal cha, caw najt yajcn cuj on̈. A tas yel, toc 'ayt mach tzchan 'ab'noc 'a plas. A tojlal cha, 'icha to man̈x checloc 'aj 'ay.

Is 59:8

Man̈ eyojcoc tze b'eylb'ej tas wach', may xon jac tojlal 'ayc' 'a e nab'en. Caw wal tu e b'eyb'al cha, ax eb' tzlaj 'och tza'n eyu'uj, may xon jac junc'ojlal tz'ilchj yuj eb' 'a e patic.

Is 59:9

Yuj cha, tzeyaln 'ixtic: A ticnec b'i'an, 'ix cojquejec 'eli tas yuj matz on̈ colx 'el 'a yol sc'ab' eb' tzon̈ 'ixtni; cob' tan̈b'il sjaw sacq'uinl 'ayn̈ec, palta cojxn q'uic'q'uinl oyn 'och 'ayn̈ec, tan̈b'il cob' cujec b'a'n̈ tzon̈ colxec 'a yol sc'ab' eb' tzon̈ 'ixtn cha.

Jeremías 8:15

'Ix qui nib'j cob' on̈ q'ue'ch ricoal, palta may tas wach' x'ajx 'ayon̈. 'Ix qui nib'j cob' tzaljc'ojlal on̈ b'eyc 'a cojltac, palta cojn tas 'ay smay xjaw 'ayn̈ec.

Jeremías 9:1

¡Comnoc wal lajn yol in sat tic yet' junc a spac'b'a tz'el yoctac, sec sc'ual, yac'wlil woc' yuj smasnil eb' wit chon̈b' xlaj chami!

Lm 3:17

Man̈x 'a in junc'ojlal, man̈x nanoc tzaljc'ojlal wu'uj.

Ez 7:16

A eb' 'oj yac' ganar s'atcn 'elc 'a lum jolmctac witz 'icha no 'uch, 'oj c'acwc eb' yab'n syal yuj smul cha.

Os 7:14

Man̈ smasnilc sc'ojl eb' tzin yawtn eb' 'a yic tzyaln sb'a eb' 'ayn 'a sat sch'at. Tzyam sb'a eb', yic tzc'ann cob' eb' 'ayin to wach' tz'aj strigo eb', sat yuva eb', palta caw wal tenmtac tzyutj sb'a eb' 'ayin.

Nahúm 2:7

'Oj 'ijxoc can 'at 'ix reina 'icha presoal, locn eb' 'ix schecb' 'ix 'oj 'ijxoc 'at yet' 'icha yaj yalx cani. Xoj sc'acw eb' 'icha no parama, tztenn 'och eb' sc'ab' 'a sn̈i sc'ojl yuj cusc'ojlal.

Nahúm 2:8

'Icha wal tz'aj sn̈i'chj 'el a a 'a yet'l 'aj molb'il, 'ixta wal 'oj 'aj s'at eb' 'aj Nínive 'eloc. 'Ojt cob' 'och 'aw, ax yalx 'a eb' 'ixtic: 'Ochn̈ec wa'an, meltzjan̈ec, 'oj xchioc, palta man̈x 'a mach 'oj scha yab'i'.