Is 59:1 - Chuj San Sebastian Bible

¹ A tzeyutj e nani to x'el yip Jehová, man̈xtzac stac' on̈ scolni. Tze nan paxi tecn to x'och chacn̈il yuj cha matz yab' tas tzeyal 'a 'a.

Chuj San Mateo Bible

¹ Tocval tz'el yip spoder Jehová, yuj chi' maxtzac yal scolvaji, tocval ix chacan̈b'i Jehová, yuj chi' maxtzac yab' e tevi, maay.

Is 59:1 Iomraidhean Croise

Gn 18:14

¿Tecn 'ay tas matz tac' wuj am e nani? Yab'n 'ixtc junab', 'oj in jaw jun 'ejm xo wul ach wila'. 'Oj 'aljoc jun swinc 'unn 'ix Sara tic, xchi 'a Abraham cha.

Salmos 94:9

¿Am wal e nani, to a mach b'ojnac qui chicnec matz yab' tas tzcalec? ¿am e nani, to a mach b'ojnac yol qui satec, matz yil tas tzqui b'o'ec?

Is 50:1

A Jehová a tzaln 'ixtc 'a schon̈ab': Ex Israel, ¿tzam e na to an pechjnacx 'el 'icha junc winc tzpechl yistzil? Toto 'ixta' ¿'ajtil 'ay yun̈al pojjb'al 'a in cal eyet'oc? ¿Tzam e na'a to an tzex in chon̈b't yuj in b'oc yic tzex 'och mosoal? Ax tic yuj e mul eyijx 'at 'icha presoal, yuj e maysch'olnilal ex in pechn 'eli.

Is 50:2

¿Tas yuj a yic in jawi, may mach x'ilchj wu'uj? ¿Tas yuj a yic in 'awji, may mach xta'w 'ayin? ¿Tom matz tztechj ex in coln 'el tze na'a? ¿Tom matz tac' ex wa'n 'el 'a libre tze na'a? Cojn junc paxti'al tzwala tztup chan̈ a mar, cusltac tz'ajcn sb'e a niwn a 'aj tzb'eyi, tzlaj cham no chay yuj tacn̈ti'al, tzc'a pax no', yujto man̈x 'a a a cha.

Is 58:9

Yuj cha, toto 'oj eyawj 'ayin, yajn̈ej ax in ta'w 'ayex; toto 'oj 'el eyaw e c'ann in colwal, 'oj wal 'ixtc 'ayex: Waj 'a tic, 'oj in chioc. Tzeyij 'el jun tzo'n̈ maysch'olnil chi 'a e cal, man̈x comnoc tze tzuntzj junc eyit 'anma'il, man̈x comnoc tzeya'ch junc 'es paxti 'a yib'an̈.

Is 6:10

'Ac' somchjoc 'el snab'en jun tzo'n̈ eb' 'anma tic, 'icha to tza mac schicn eb' yet' sat eb', sec wach' matz yil eb'. Matz tac' yab'n eb', matz nachj 'el pax yuj eb', sec matz jaw eb' 'ayin, matz colchj eb' wu'uj, xchi Dios.

Is 63:1

An Isaías in tic, xin c'anb'n 'ixtic: —¿Mach jun chi tzcot 'a niwquil chon̈b' Bosra, 'a yol smacb'en Edom, chac spichl 'aychi, caw wal 'ay xo smay yilxi? Caw wal niwc winc sjawi, tzjaw yet' smasnil yip, xin chi. Xta'w jun chi 'ixtic: —An tic Jehová in, 'ay waln wic in b'eyc'ojlwi, tztac' pax ex in coln 'el yet' in poder, xchi.

Is 65:24

A yic mantzac in yawtj eb', toxn b'ab'l in ta'w 'a eb'; a yic mantzac lajw spaxtin eb' 'ayin, wojc xo tas chi tzyal eb'.

Jeremías 14:9

¿Tas yuj lajn ach xoj 'icha junc soldado satc'ojlal yaji yic tzyamchji, matz tac' scolwj jab'oc? Palta Mamin Jehová, tic wal pax 'aych 'ec' 'a qui cal on̈. Yojc smasnil 'anma', to a chon̈b' caj on̈, yuj cha, caw man̈ on̈ actc can qui ch'ocj on̈, xin chi 'a Dios.

Jeremías 32:17

Mamin Jehová, yet' wal a niwn poder yet' pax a jelnal 'ix a b'on satcha'an̈, yet' lum lum tic. Caw may tas 'ajltac sb'o 'ayach.

Ez 8:18

'Oj wa' cot wal yowl in c'ojl 'a yib'n̈ eb', man̈x 'a in niwnc'ojlal 'a eb'. Wach'xam 'oj cob' 'el yaw eb' yaln sb'a 'ayin, palta ma'oj wab' tas tzyal eb' cha, xchi Dios 'ayin.

Miqueas 2:7

Toc catb'tzab'il an̈ yin̈tl on̈ Jacob tic. ¿Tom xlajw sniwnc'ojlal Dios, yuj cha, 'ixta wal 'oj on̈ yutquec? xchi eb'. Yuj cha, tzyaln Jehová 'ixtic: Yel toni, wa'jnac in ti', to wach'n̈j tzwutj in b'a, palta cojn 'a eb' caw tojl tzyutj sb'eyb'al.

Nm 11:23

Xlajw cha, 'ix ta'w pax Jehová, 'ix yaln 'ixtic: —¿Tom tza na'a to jab' wal in poder? A ticnec 'oj ela', toto 'oj 'el'choc tas 'ix wal an Jehová in tic, mto ma'ay, xchi Dios.

Mt 13:15

Yujto a eb' 'anma tic, tox xpitb' 'el eb'. 'Icha to macn schicn eb', 'icha to tzmutz' eb' sat, sec wach' matz yil eb', matz yab' pax eb'. Yuj cha, matz nachj 'el yuj eb', matz jel eb' snab'en, matz colchj eb' wu'uj, xchi Dios, xchi Isaías.

A Ch'an̈ Carta D'a Eb' Hebreo 7:25

Yuj cha, a mach tz'ijx 'och yico'oc Dios yu'uj, a tztac' ya'n scolnb'il eb' 'a jun 'ejmn̈ej. Yujto pitzn 'a jun 'ejmn̈ej, yic tzc'ann niwnc'ojlal 'a Dios cujec.

A Ch'an̈ B'ab'el Libro Samuel 4:3

Ax yic xc'och eb' israel chi 'a scamplamento cha, 'ix yaln eb' yichm wincal chon̈b' 'ixtic: ¿Tas wal yuj on̈ ya'c Jehová 'a yol sc'ab' eb' filisteo cha? Coyc 'at qui'c te scaxail strato Jehová 'ayc' 'a Silo, sec 'oj 'at quet'ec 'a owal, ax on̈ scolnec 'a yol sc'ab' eb' 'ajc'ojl cha, xchi eb'.

A Ch'an̈ B'ab'el Libro Samuel 8:18

A 'a jun c'u cha, 'oj cob' eyal e b'a 'a Jehová yuj tas 'oj ex yutc win e reyl 'oj e si'l cha, palta man̈x 'oj ta'wc 'ayex, xchi.