Is 57:7 - Chuj San Sebastian Bible

⁷ Ex q'ue'ch wayc 'a lum jolm witz caw wal chan̈ yajb't yet' ste'al, ata tzex q'ue'ch pax eyac' tz'a e xajmb'al.

Chuj San Mateo Bible

⁷ A d'a lum jolomtac vitz te chaan̈ ay ste'al, ata' tze b'o e vaynub', tze n̈usanpax e silab'.

Is 57:7 Iomraidhean Croise

Is 57:3

A Dios 'ix aln 'ixtic: Ax tze b'o maysch'onil, cotn̈ec 'ayin to 'oj ex in b'eyc'ojloc. Ax tic xlaj e b'eylb'ej sb'eyb'al eb' 'ajchum yet' eb' tzb'on 'ajmulal.

Is 65:7

'Oj stuplajwc eb' smul cha, yet' pax smul smam yichm eb'. Caw wal tenmtac eb', 'ix laj sn̈usn eb' incienso 'a lum jolmctac witz. 'Oj in b'eyc'ojloc eb' b'ab'el, ax wa'n spac yic junjn eb'.

Jeremías 2:20

A 'a yictax yaln̈taxi, syamn 'och yoch e tenmtacl 'ayin. Ma'ix eyiclj tas xwala. 'Ix eyaln 'ixtic: Matz qui nib'j tzach cac' servil, xe chi. Cojxn 'ajmulal tzlaj e b'o 'a lum tzalctac yet' 'a yich eb' te te caw pim xi'il.

Jeremías 3:2

'Ixquec q'ueln 'a eb' lum tzalctac, tzcham eyiln 'at eb' lum si'mb'il. ¿Tom 'ayt junc xo eb' lum 'aj mantzac ex mulni? Tzex 'em wocn 'a sti b'e, tze tan̈wni ye'ch eb' tzex muln yet'oc, 'icha tzyutj smacn eb' árabe yec' eb' b'eymal 'anma 'a lum cusltac lu'um. Yuj wal e maysch'olnilal cha, xjuw 'el lum lum tic eyu'uj.

Jeremías 3:6

A 'a yic stiempoal win rey Josías, 'ix yaln Jehová 'ayn 'ixtic: ¿'Ix el am wal tas sb'o eb' et chon̈b' cha? Lajn wal xyutj sb'a eb' 'icha eb' 'ix 'ajmul 'ix. Caw tz'at eb' 'at sb'o mul 'a smasnil lum tzalctac, yet' 'a yich eb' te te pim xi'il.

Ez 16:16

Ax yet' jun tzo'n̈ spichl wach' yilx cha, a yet' sb'o jun tzo'n̈ mantiado 'aj tz'och 'emmquilal 'a jun tzo'n̈ comn dios 'a lum tzalctac. Atn wal yet' jun tzo'n̈ chi say smuloc, caw man̈ smojc wal ton sb'on jun tzo'n̈ cha.

Ez 16:24

'Ix laj sb'o jun tzo'n̈ mantiado 'aj tz'och 'emmquilal 'a jun tzo'n̈ comn dios 'a jolmctac tzalan, 'ix ya'n 'och sb'a 'ajmulal.

Ez 16:25

A 'a 'aj tzlajw c'och junjn caye, ata xlaj sb'o chan̈ jun tzo'n̈ cha. A swach'l yilxi, 'ix ya'ch sb'a yajb'entaquil, tzann̈j mach tzc'och 'a 'a, tzb'on̈j 'ajmulal yet'oc.

Ez 23:17

Xlajw cha, 'ix jaw ewin 'aj Babilonia chi 'a 'ix, xway ewin yet' 'ix, xya'n wal 'ix sgana yet' ewinac, masnto xyoch'b' ewin yuj 'ix.

Ez 23:41

Xlajw cha, x'em wocn eb' 'ix 'a sti sch'at, wach'x pax yaj sb'o jun te mexa yet' tas tzc'uxxi. A 'a sat mexa cha, ata xyac' 'ejm eb' 'ix jun incienso yet' jun aceite to wic yaji.

Ez 6:13

A yic 'oj yilnc eb', t'occtac yaj eb' 'anma chi scham 'a scal jun tzo'n̈ yechl comn dios cha, 'a stz'ey yet'l xajmb'al eb', 'a lum tzalctac, 'a lum jolmctac witz, 'a yich eb' te ma'ach', atn 'aj tzlaj sn̈us eb' incienso 'a sdiosal cha, ata 'oj yojcoc 'el eb' to an Jehová in tic, to cojn in ton Dios in.