Is 57:18 - Chuj San Sebastian Bible

¹⁸ Xcham wal woch q'ueln 'a sb'eyb'al eb', palta 'oj wan̈tc eb', ax wa'n 'iljoc eb'. 'Oj wac' pax stzaljc'ojlal eb' si'mb'il, ax wa'n sniwnal sc'ojl eb' in chon̈b' 'ay scusc'ojlal yuj smul.

Chuj San Mateo Bible

¹⁸ Ix vil val sb'eyb'al eb', palta ol van̈tej eb', ol vac'an yic' yip eb'. Ol in tan̈van eb', ol vac'an snivanil sc'ol eb' scus yuj smul.

Is 57:18 Iomraidhean Croise

Salmos 23:2

'Icha junc 'ilm calnelu tzyac' 'iljoc scalnelu 'a junc 'a'lic 'ay syaxil sat, tzyi'n 'at e no 'a 'aj caw wach' sb'ey lab'b'oc a a', 'ixta waj o'oj.

Salmos 51:12

'Ac' in colnb'il, 'ac' jawc in tzaljc'ojlal jun 'ejm xo; 'ac' in b'eylb'oc yiclumal 'a smasnil in c'ojol.

Salmos 94:19

A yic til wal tas tzin na'a, ata tzac' pax in tzaljc'ojlal, tzin a'n pax niwnc'ojlal.

Ec 9:4

A eb' mantzac chami, tzat stac' to snan sb'a eb', 'intax junc no tz'i pitznto, wach' to yic no 'a yib'n̈ junc no chamnc león.

Is 1:18

Xlajw cha, xyaln pax Jehová 'ixtic: An Jehová in, an tzwala. Cotn̈ec, b'ocyaj e b'a. Wach'xam a 'e mul caw wal tu eyilx yu'uj, palta 'oj ex in b'icli, ax e sacb' can 'icha yilx q'uen sacb'acum. Toxn̈ej lajn eyilx yuj e mul chi 'icha junc te q'uic'mucnac nip matz 'el yan̈il, palta 'oj ex wac' b'icxc 'eli, ax e sacb' can 'icha yilx sac lana.

Is 12:1

A 'a jun tiempoal cha, ata 'oj eyal 'ixtic: Mamin Jehová, tzcal yuj diosal 'aych on̈; wach'xam xcot wal yowl 'a c'ojl 'a quib'n̈ on̈, ax ticnec tox x'ec' jun cha, to wan a'n pax sniwnal qui c'ojl on̈.

Is 19:22

Yujto 'oj ya'ch Jehová syailal eb' 'aj Egipto, yuj cha, 'oj laj meltzj eb' 'a 'a, ax yo'ch sc'ojl 'a eb', 'oj b'ox can sc'ojl eb' yu'uj.

Is 30:18

Palta tic wal tan̈b'ilx yuj Jehová, yic tz'o'ch sc'ojl 'ayex, sec tzex ya' niwnc'ojlal. A Jehová caw tojl snab'en, a smasnil 'anma tz'a'n 'och yipc sc'ojol, caw wach' yic eb'.

Is 30:26

A yoc 'uj, lajn 'oj 'aj 'icha yowl yoc c'u, ax yoc c'u, uc 'ejm 'oj 'aj yowb' sacq'uinlal, 'icha wal sacq'uinlal uque'oc c'u to yamn yaji, 'ixta wal 'oj 'aj jun c'u cha. Atn wal 'a yic jun c'ul cha, ata 'oj yan̈tc Jehová eb' schon̈ab', ax spichn tas lajwnac 'a eb' yu'uj.

Is 49:10

Man̈x 'oj yac' eb' wejel, mto tacn̈ti'al. Man̈x 'oj yab' eb' syal yuj sc'a'l yoc c'u, yujto 'ay in chamc'ojlal 'a eb'. 'Oj in jucb'tzoc eb', ax wi'n pax 'at eb' 'a 'aj tzpac' a a'.

Is 51:12

Yuj cha, yaln Jehová eyuj 'ixtic: An ton tic, an tzwac' sniwnal e c'ojol. ¿Mach to wal junc 'aj 'oj e xiwi? ¿Tom 'oj e xiw yuj eb' 'anma to yic chaml yaji, yujto lajn eb' 'icha te 'unn c'ultac?

Is 52:12

Palta man̈toc ji'lti 'oj eyelt muc'uc, may cab' mach to 'oj sna to 'oj 'at 'eloc, yujto a Jehová qui Diosalec an̈ israel on̈c tic, a 'oj b'ab'ljoc 'ayex, ax yoch tza'n eyu'uj yic tzex stan̈wni.

Is 53:5

'Ix lajw sniwnal yuj qui mulec, xyab' syal sniwnal chi yuj qui tu'al. Yuj jun yailal 'ix 'och 'a yib'n̈ cha, yuj cha, 'ix 'och junc'ojlal 'a qui calc yet' Dios. Yujto 'ix yab' syal sniwnal, yuj cha, 'ix 'ajx qui q'uinlec.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Is 58:11

Toto 'ixta 'oj eyutc e b'a, an xo an Jehová in, an 'oj ex in quetz b'eyoc. 'Oj yac' sobra wa'n tas tze c'ux 'a lum cusltac lu'um. 'Oj wac' eyip, lajn 'oj eyaj 'icha junc 'awb'ente 'aychn̈ej yalil, mto 'icha junc spac'b'a may tz'aj stupi.

Jeremías 13:17

Toto ax tic matz e chaj eyab' tas tzwala, 'oj woc' eyuj 'a c'ultaquil, yujto tzeyij chan̈ e b'a. Caw 'oj 'eltoc yal in sat eyu'uj, yujto 'oj eyijx 'at 'icha presoal, xin chi 'a eb'.

Jeremías 3:22

Ex 'anma to caw tenmtac, cotn̈ec pax 'ayin, 'oj in b'o jun e nab'en caw tenmtac cha, xchi Dios. 'Ix ta'w eb' israel 'ixtic: Caj on̈, tzca'ch qui b'a 'a yol a c'ab' on̈, yujto ach tic, Jehová qui Diosal ach on̈.

Jeremías 30:17

Wach'xam tzyal eb' 'ajc'ojl 'a e patc 'ixtic: A Sión tox 'ix 'actx cani, toc 'ayt mach tz'och 'il yu'uj, 'oj xchic eb'. Palta an Jehová in, an tzwala, 'oj wac' b'oxc e c'ojl jun 'ejm xo, 'oj wan̈t tas lajwnac 'ayx cha, xchi Dios.

Jeremías 31:3

A 'a yaln̈taxi 'ix in ch'ox in b'a 'ayex, 'ix waln 'ixtic: Ex israel, chamc'ojlb'ilx wuj 'a smasnil tiempo, yuj cha, caw tz'o'chn̈ej in c'ojl 'ayex.

Jeremías 33:6

Palta 'ay jun c'ual to 'oj wan̈tc pax eb', ax wa'n stzatzl eb' jun 'ejm xo. 'Oj wac' 'aj cajn eb' 'a junc'ojlal, man̈x 'a tas 'oj 'i'nc eb'.

Zacarías 1:13

'Ix ta'w Jehová 'a jun ángel tzpaxtin wet' cha, sec ax tz'a'n sniwnal in c'ojol.

Lc 15:20

Yuj cha, 'ix paxt win 'a 'aj c'ochnc cha. Ax yic najt to wal sjawi, 'ix yiln sb'a smam cha, caw x'o'ch sc'ojl 'a 'a. 'Ix 'at schanoc. Caw carela x'ati. Xlajw sc'ochi, 'ix sla'n coti, stz'ub'n 'elt sti jun yunnal chi yuj tzaljc'ojlal.

Ro 5:20

'Ac'b'il can ley yic Moisés, yic tzwach' checlj 'el tas maysch'olnil. Wach'xam caw 'ix niwtj maysch'olnilal cha, palta ax swach'c'ojlal Dios, yel xo wal caw niwn yel'ch 'a yib'an̈.

Apoc 7:17

Yujto a jun tzcuch Calnelu, atn jun 'ayc' 'a spacl snan̈l jun despacho, a tz'iln eb' 'icha junc 'ilm calnelu. A tz'i'n 'at eb' 'a jun a a yic q'uinl 'ayc' 'a jun 'ejmn̈ej. Ax Dios, man̈x 'oj chanc 'oc' eb', xchi 'ayin.