Is 57:13 - Chuj San Sebastian Bible

¹³ A yic 'oj 'el eyaw e c'ann in colwal, an xo tzwal 'ayex to a cab' eb' e diosal chi tzex colni. A eb' cha lajn eb' 'icha c'alem, 'oj 'utz'xoc 'at eb' yuj 'ic'. Ax pax eb' tzin 'a'n 'och 'a sc'ojol, 'oj can cajn eb' 'a jun chon̈b' tic, 'oj can eb' 'a lum tzaln to wicn̈ej yaji, xchi Dios.

Chuj San Mateo Bible

¹³ Ayic ol el eyav e c'anan in colval, ol valan d'ayex: Aocab' e comon diosal chi' tzex colani, xin chama. A masanil juntzan̈ chi', ol ic'chajb'at yuj ic', an̈ej yed' jun pusoc ic' chi' ol b'atoc. Axo pax eb' tzin ac'anoch yipoc sc'ool jun, ol cajnajn̈ej eb' d'a in chon̈ab' tic, ol ajn̈ej eb' d'a lum tzalan vicn̈ej yaji, xchi Jehová.

Is 57:13 Iomraidhean Croise

A Ch'an̈ Schab'il Libro Yic Yab'ixal Eb' Rey 3:13

Xlajw cha, 'ix yaln Eliseo 'ixtc 'a win sreyl Israel: —¿Tas waln wic et'oc? Ata cab' tzach 'at a c'anb'c 'a eb' schecb' scomn diosal a mam a nun sayjnac, xchi Eliseo cha. —Ma'ay, yujto a Jehová on̈ yamb'tzan an̈ 'oxwn̈ reyn̈ tic on̈, yic tzon̈ ya'n 'och 'a yol sc'ab' eb' moabita, xchi 'a 'a.

Job 21:18

¿Tom comn xoj tzsactzic eb' 'icha tzyac' te 'ac tzma' chan̈ chacxuxm'ic'?

Salmos 1:4

Palta ax eb' tu sb'eyb'al, man̈ 'ichcta 'oj 'aj 'el'ch eb'. A eb' cha, lajn eb' 'icha solcal trigo, tz'ijx 'at yuj 'ic'.

Salmos 118:8

Yel xo wach' tzca'c 'och Jehová yipc qui c'ojol, 'a yib'n̈ to a eb' 'anma 'aj tzca'c 'och qui c'ojol.

Salmos 125:1

A eb' tzya'ch wal sc'ojl 'a Jehová, lajn eb' 'icha lum tzaln Sión matz 'ib'x 'a yet'ul, junn̈j yet'l 'aj 'ayc' 'a smasnil tiempo.

Salmos 37:11

A eb' 'emmquilal yeq'ui, 'oj scaj eb' lum lum tic; ax ya'n eb' snab'en yaj cajn 'a sat lum 'a junc'ojlal.

Salmos 37:22

A eb' 'aj tz'ajx yaxilal, a eb' 'oj cajnc lum lum tic, ax pax eb' tzcatb'tzax can 'eli, 'oj satxoc can 'el eb'.

Salmos 37:29

A eb' 'anma tojl snab'en, a eb' 'oj 'i'noc can lum lum tic smacloc, 'oj 'aj cajn eb' 'a sat lum 'a smasnil tiempo.

Salmos 37:3

Ca'c 'och Jehová yipc qui c'ojol. Qui b'oc tas wach', toto 'ixta', 'oj qui canc cajn 'a sat lum lum tic; 'oj 'ajxocn̈ej tas tzqui c'ux 'a junc'ojlal.

Salmos 37:34

Ca'c 'och Jehová yipc qui c'ojol, yiclum tzcutjec qui b'a 'a 'a, ax 'oj qui'nec cha'an̈, ax ya'n lum lum quicooquec. Q'ueln on̈c wal 'ochi, ax satx can 'el eb' maysch'olnil sb'eyb'al cha.

Salmos 37:9

A eb' tzb'on maysch'olnil 'oj satxoc 'el eb' yuj Jehová. Palta ax eb' tzya'ch sc'ojl 'a 'a, 'oj can cajn eb' 'a sat lum lum tic.

Salmos 58:9

Lajw cab' 'ejm eb' mu'c 'icha te q'uix tzmolb'tzax 'och 'a yaln̈ chen, yajn̈ej tz'a 'ejmi. Toxn matz xej xon jun chen chi yu'uj.

Salmos 84:12

Mamin Jehová, smasnil tas tztac' o'oj, caw wach' yic eb' tzach 'a'n 'och yipc sc'ojol.

Pr 28:25

A mach til wal tas tznib'j 'och yet' snab'en, cojn owl tzyij cha'an̈; palta toto a Jehová tzya'ch yipc sc'ojol, caw wal 'oj alxoc wach'il.

Is 11:9

Xyaln Jehová 'ixtic: Man̈x 'a xon yailal 'oj jawc 'a tzaln Sión, atn jun sic'b'il 'el wu'uj, xchi. 'Icha wal tz'aj sb'ut'j 'el a mar, 'ixta wal tz'aj yolyib'n̈q'uinl tic sb'ut'j 'el yuj eb' 'anma tz'ojcan 'el Jehová.

Is 14:32

¿Tas wal 'oj yutc eb' sta'w 'a eb' checb'il cot yuj jun nacion̈ cha? 'Oj yal eb' 'ixtic: A Jehová a 'ix 'a'n ste'nal eb' aj Sión, sec a eb' 'ay somc'ojlal 'a scal eb', 'oj 'at scol sb'a eb' 'a jun chon̈b' cha, 'oj schic eb', xchi Isaías.

Is 25:4

Yujto cojn 'aych 'aj tztac' scoln sb'a eb' meb'a', colwjum aj 'a eb' 'ay scusc'ojlal yuj tas 'ay sc'a'l tz'och yu'uj. A eb' 'anma may sniwnc'ojlal, lajn eb' 'icha yaxn̈ab' 'aych yic'al, lajn pax eb' 'icha yowl sma'wj yoc c'u. Palta ach tzon̈ a col 'a eb' on̈.

Is 40:24

Lajn eb' yajl chi 'icha junc 'unn c'ultc tot 'awb'il, mant 'a sch'an̈lyib' tz'at 'a yol lu'um. Toto tzyutz'j 'och Dios yic' 'a 'a, wal 'a yajn̈ej tztacji, ax chacxuxm'ic' tz'utz'n 'at 'icha solcal trigo.

Is 41:16

Ax e tzicn can 'at 'a cal 'ic', ax 'ic' chi 'oj 'i'nc can 'ati, sactzicnac 'oj 'ajcn yuj chacxuxm'ic'. 'Ixta to b'i'an, ax eyi'n e tzaljc'ojlal 'a 'ayn an Jehová in, ax e b'an̈n e b'a wu'uj, To Cojxn in Ton Dios In.

Is 45:20

Tzyaln pax Dios 'ixtic: Jantcn̈ej mach 'atnc can 'eloc, molb'tzejc e b'a, tzex coti. Caw wal may jac e nab'en, yuj cha, a te te tzeya'ch e diosaloc, tzlaj e b'achnb'eyc'oc, tzeyaln e b'a 'a jun dios to matz tac' scolwji.

Is 49:8

A Jehová a tzaln 'ixtic: 'Ix c'och stiempoal in ch'oxn in wach'c'ojlal, yic tzin pacn tas tza c'an 'ayin. Xc'och stiempoal wa'n a colnb'il, yuj a'n 'el'choc in trato yet' eb' in chon̈ab'. Tza b'on pax in chon̈b' 'a 'icha xon yaji, sec wach' tzyij pax eb' israel chi smacl 'a lum lum sictac 'ajnc can sat.

Is 56:7

toto 'ixta', 'oj wi' cot eb' 'a jun tzaln to wicn̈ej yaji, ax wa'n stzaljc'ojlal eb' 'a yol watut 'aj tz'och lesl 'ayin. 'Oj in cha sn̈us eb' xajmb'al yet' yofrenda 'a yib'n̈ yet'l xajmb'al to wic yaji, yujto 'oj alxoc yuj watut, to yatutal lesl yaj yuj smasnil chon̈ab'.

Is 60:21

A smasnil eb' eyit chon̈b' 'a jun tiempoal cha, caw wach'n̈j 'oj 'aj snab'en eb'. 'Oj yico'oc pax eb' lum e lum chi 'a jun 'ejmn̈ej. Lajn wal eb' 'icha swol junc 'awb'ente', sec tzin b'inax yuj eb'.

Is 65:11

Palta man̈ 'ichcta tzex 'aj ax tzeyij 'el e b'a 'ayn an Jehová in, atn ex tzeyac' sat e c'ojl 'a lum tzaln 'aj tz'och 'emmquilal, ex tzeyac' tas tzc'uxxi, yet' yal uva xajmb'al-l 'a jun tzo'n̈ comn dios, atn Gad yet' Meni, jun tzo'n̈ tznan 'el tas tzjaw 'a eyib'n̈ eyalni.

Is 65:25

An Jehová in, an tzwala to a no 'oques yet' no calnelu, junn̈j 'oj 'ec' say wa sb'a e no', ax no león yet' no wacax, a te c'ultc 'oj slo e no', a no chan a lum pococ 'oj slec' no'. May junc tas 'oj stac' yixtn jun tzo'n̈ noc' chi 'a lum tzaln to wicn̈ej yaji, xchi Dios.

Is 65:9

'Oj wactc can jaywn̈ocx eb' yin̈tl Jacob, sec wach' 'ay eb' 'anma cajn 'a eb' lum jolmctac witz 'a yol yic Judá. A eb' sic'b'il 'el wu'uj, 'oj can cajn eb' 'a lum lum tzwac' yico'oc cha, 'oj can cajn eb' in checb' chi ta'.

Is 66:20

An Jehová in, an tzwala. A eb' 'anma 'a jun tzo'n̈ nacion̈ cha, 'oj yi' paxt eb' nan̈loc eb' eyit chon̈b' chi 'ayc' 'a scal eb' cha. 'Ay eb' 'oj 'ijxoc cot 'a yib'n̈ chej, 'ay eb' 'a yol caruaje, 'ay eb' 'a yib'n̈ b'achte', 'ay eb' 'a yib'n̈ no mula, yet' pax 'a yib'n̈ no cameyo. 'Icha wal tz'aj yijx cot junc ofrenda 'ayin, 'ixta 'oj 'aj yijx paxt eb' 'a Jerusalén 'a 'aj 'ay lum tzaln 'aj tz'och 'emmquilal 'ayin. Lajn 'oj 'aj yijx cot eb' 'icha tz'aj yi'n cot eb' israel ofrenda tz'em 'a yol jun tzo'n̈ 'ac' waso 'ay 'a watut.

Jeremías 2:28

Ex 'aj Judá, ¿'ajtil 'ay jun tzo'n̈ e diosal e b'ojnac? ¡'Icha wal sb'isl e chon̈ab', 'ixta wal sb'isl eb' e diosal chi e b'ojnac! ¡Jaw cab' eb' quilnoc, ax quilni, toto 'oj stac' ex scoln eb', yic 'oj c'och stiempoal sjaw yailal 'a eyib'an̈!

Jeremías 22:20

'Ix yaln Jehová 'ixtic: Ex 'aj Judá, q'uen̈ec c'och 'a jolm witz Líbano, tzlajw cha, tzex 'awj ta'. Caw 'ip tzex 'awj 'a lum jolmctac witz 'ay 'a Basán, yet' pax 'a eb' lum tzalctac 'a yol yic Abarim. Yujto smasnil eb' 'aych eyet'oc, c'uxn satl eb'.

Jeremías 22:22

'Oj 'ijxoc 'at eb' eyajlil yuj eb' 'ajc'ojl 'icha junc niwquil 'ic', ax eb' 'aych eyet'oc, 'oj 'ijxoc 'at eb' 'icha presoal. Toxn̈ej 'oj e q'uixw can 'eli. Man̈x 'a yel'ch 'oj eyajcni, yuj ton wal e maysch'olnilal.

Jeremías 30:14

Smasnil eb' 'ay cob' schamc'ojlal 'ayex, ex 'atcn 'a satc'ojlal yuj eb'. Man̈xtzac ex sna eb' jab'oc. An wal 'ix wac' eyailal si'mb'il, 'icha 'ajc'ojl wajch 'ayex, yujto niwn maysch'olnilal xe b'o'o, caw man̈x b'ischjb'enoc e mul cha.

Ez 20:40

An Jehová Yajl in, an tzwal 'ixtc 'a smasnil eb' israel: A lum niwquil tzaln wic yaj 'a chon̈b' Israel, ata 'oj wul eya'x 'ejm e b'a 'ayin. 'Oj ex in cha ta', 'oj in c'an jun tzo'n̈ ofrenda 'ayx ta', ax eyi'n cot sb'ab'l sat tas 'awb'il eyu'uj, yet' smasnil tas to wic xon yaji.

Os 13:3

Yuj cha, lajn 'oj eyaj 'icha 'asn 'ay 'ejm 'a sq'uin̈b'ial, 'icha pax chicb'chan̈ tz'em 'a 'ac'wal, to yajn̈ej tzsatcha'an̈. Lajn ex pax 'icha te tzab' tz'ijx 'at yuj 'ic', mto 'icha te tab' tz'el 'a swentnul cusnu.

Jl 3:17

Ax tic 'oj eyojcoc 'eli, to an tic, Jehová e Diosal in, 'ayn 'ec' 'a tzaln Sión 'a 'aj tz'och 'emmquilal 'ayin. A Jerusalén tic, in chon̈b' 'oj 'ajcni. Man̈x 'a b'a'n̈ 'oj 'ejmc jun 'ejm xo yuj eb' chuc chon̈b'al.

Zacarías 7:13

'Ix waln 'ixtic: 'Icha wal 'ix yutj sb'a eb', ma'ix schaj eb' yab' 'ayn an Jehová in, yic in paxtin 'a eb', an̈jtona 'ixta 'in pax jun xo, a yic 'ix tew eb' 'ayin, ma'in ta'w 'a eb'.

Jueces 10:14

'Ixquec, 'at c'anc scolwal eb' comn dios chi xeya'ch yipc e c'ojl cha. A cab' eb' tzex coln 'elt 'a scal e cusc'ojlal, xchi 'a eb'.