Is 57:12 - Chuj San Sebastian Bible

¹² Palta ax ticnec jun, 'oj wal-l jun e b'eyb'al tic 'a scal 'anma', a cob' eyu'uj to wach' e b'eyb'al, palta may jac tas 'oj eyic' 'a spatc jun tzo'n̈ cha.

Chuj San Mateo Bible

¹² A ticnaic, ol vac' checlaj juntzan̈ e b'eyb'al te vach' e naan chi', palta man̈ ol ex colchajlaj yuuj.

Is 57:12 Iomraidhean Croise

Is 29:15

'Oltac wal eb' tzc'ub'j 'el cob' sb'a 'a sat Jehová snani, tzc'ub'n 'el eb' tas tzna'a, c'ultacl tzb'o eb' maysch'olnil, tzyaln eb' 'ixtic: May mach tzon̈ 'ilni, may mach 'oj 'ojcanc 'eli, xchi cob' eb'.

Is 44:9

A eb' tzb'on yechl jun tzo'n̈ comn dios, may jac yel'ch eb', may pax yel'ch jun tzo'n̈ yechl tzchamc'ojlej eb' cha. A eb' tz'och 'emmquilal 'a jun tzo'n̈ cha, 'icha to matz uj yiln eb'. May snab'en eb', yuj cha, caw 'oj can eb' 'a q'uixwc'ojlal yu'uj.

Is 58:1

'Ix yaln Dios 'ayn 'ixtic: 'Awjan̈ yet' smasnil ep 'a eb' in chon̈ab', atn eb' yin̈tl Jacob. May yuj tzach xiwi, caw 'ip yel aw 'icha yic tz'utz'x q'uen trompeta. Tzaln yab' eb' to caw wal tenmtac eb', 'ix 'och smul eb' 'a in sat.

Is 64:5

Tzann̈j mach tzalji tzb'on tas 'icha tza nib'ej, nann̈ej yu'uj tzb'on a nib'b'en cha, caw wal chab'il o'oj. An̈ xo tic on̈, 'ix 'och wal qui mul 'ayach, ach owx 'och 'ayn̈ on̈, caw wal niwn xo tiempo xc'ojl yoch qui mul on̈, palta ¿tzam stac' to qui colchj on̈?

Is 65:7

'Oj stuplajwc eb' smul cha, yet' pax smul smam yichm eb'. Caw wal tenmtac eb', 'ix laj sn̈usn eb' incienso 'a lum jolmctac witz. 'Oj in b'eyc'ojloc eb' b'ab'el, ax wa'n spac yic junjn eb'.

Jeremías 10:11

(Ex wit israelal, alc 'a eb' chuc chon̈b'al 'ixtic: A jun tzo'n̈ comn dios, man̈oc eb' xb'on satcha'an̈ yet' lum lum tic, yuj cha, yowlal 'oj satcn 'el eb' 'a yolyib'n̈q'uinl tic. Man̈x 'a junc 'oj canoc, xe chi 'a eb'.)

Jeremías 10:14

Smasnil eb' 'anma tzya'ch jun tzo'n̈ yechl yipc sc'ojol, caw may snab'en eb', may tas yojc eb'. A eb' tenm q'uen cha, caw tzq'uixw 'el eb' yuj jun tzo'n̈ yechl tzb'o cha. A jun tzo'n̈ tzb'o eb' cha, may jac yel'chi, may spixan.

Jeremías 10:15

A jun tzo'n̈ cha, may jac yopiso, smoj wal ton̈j tzb'uchx eb'. A yic 'oj jawc yailal 'a yib'n̈ eb' yuj Jehová, 'oj satl eb'.

Jeremías 51:18

A jun tzo'n̈ cha, caw may jac yopiso. Smoj wal ton̈j tzb'uchx eb'. A wal yic 'oj jawc jun c'ual, 'oj satl Jehová jun tzo'n̈ cha.

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.

Mt 23:5

Yujn̈ej to tznib'j eb' wach' 'a sat eb' 'anma', tzcob' sb'onc eb' jun tzo'n̈ tas wach' yil eb'. 'Ay jun tzo'n̈ tz'um 'aj tz'ib'b'il 'och jac spaxti Dios, tzya'ch eb' 'a sc'ab' yet' 'a snan̈l sat, caw niwc tzyutj 'och eb' stz'ib'ul sec wach' eb' snan 'a sat eb' 'anma'. Ax sjucn pichl eb' tzya'chi, yel xo wal caw jucn yajch sti yuj eb'.