Is 57:1 - Chuj San Sebastian Bible

¹ A yic tzcham eb' 'anma wach' snab'en, ¡toc 'ay mach tznan eb'! A yic tzsat 'ejm eb' wach' snab'en cha, toc 'ay mach tznachj 'el yu'uj, to a yic tzcham eb' cha, to tzcolchj 'el eb' 'a yol sc'ab' smasnil yailal.

Chuj San Mateo Bible

¹ Ayic scham eb' anima vach' spensar, malaj mach snaan eb'. Ayic satem eb' vach' sb'eyb'al chi', malaj mach snachajel yuuj to ayic scham eb' chi', scolchajcanel eb' d'a scal yaelal.

Is 57:1 Iomraidhean Croise

A Ch'an̈ B'ab'el Libro Yic Yab'ixal Eb' Rey 14:13

Ax smasnil eb' chon̈ab', caw 'oj cus eb' yu'uj, ax smucn eb' jun 'unn cha. Yujto cojn jun yin̈tl win Jeroboam chi 'oj mucxoc, cojn jun 'unn chi wach'tac 'a sat Jehová qui Diosalec an̈ israel on̈c tic 'a scal eb' yin̈tl Jeroboam.

A Ch'an̈ Schab'il Libro Yic Yab'ixal Eb' Rey 22:20

Yuj cha, 'oj a mucx 'a junc'ojlal 'a 'aj mucn eb' a mam echam, man̈x 'oj el smasnil yailal 'oj wa' cot 'a yib'n̈ jun lugar tic, xchi Dios, xchi 'ix Hulda cha. 'Ix meltzj eb' schecb' win rey cha, yic tzwul yalnoc eb' 'a winac tas chi xit' yab' eb'.

2 Cr 32:33

A yic xcham Ezequías, ata 'ix mucx 'a jun panteón 'ay q'ue 'a yib'n̈ jun tzo'n̈ xo panteón 'a 'aj mucn eb' yin̈tl David. Smasnil eb' 'aj Judá yet' eb' 'ay 'a Jerusalén, caw wach' 'ix yutj eb' smucni, ax jun yunnal tzcuch Manasés, a x'ochcn reyl sjeloc.

2 Cr 34:28

An 'oj wac' 'el'choc, to junc'ojlal 'oj aj a chami. 'Oj a mucx 'aj mucn eb' a mam echam. Man̈x 'oj el yailal 'oj wa' cot 'a yib'n̈ jun lugar tic yet' 'a yib'n̈ eb' cajn 'a 'a, xchi Dios, xchi 'ix. Xlajw cha, xmeltzj eb' schecb' win rey, 'ix wul yalnc eb' spac tas xit' sc'anb'j cha.

2 Cr 35:24

Xlajw cha, xyi'n 'elt eb' schecb' 'a yol scaruaje cha, 'ix ya'n 'och eb' 'a yol junx schab'l caruaje. 'Ix yi'n 'at eb' 'a Jerusalén. Ata xchami. 'Ix smucn eb' 'a yet'l eb' smam yicham. Smasnil eb' 'aj Judá yet' eb' 'ay 'a chon̈b' Jerusalén 'ix 'oc' eb' yu'uj.

Salmos 12:1

Mamin Jehová coln̈ 'el on̈, yujto man̈x 'a mach te'n tzyutj sb'a 'ayach, man̈x 'a pax mach yiclum 'a qui cal an̈ 'anman̈ tic.

Salmos 37:37

Tzcham wal cochc q'ueln 'a eb' wach' snab'en, caw wach' 'oj 'el'choc eb', yujto a junc'ojlal tzsayc' eb'.

Is 42:25

Yuj wal cha, 'ix cot yowl Dios, xya'n 'och yailal 'a yib'n̈ eb', 'ix jaw wal jun niwquil owl 'a yib'n̈ eb', 'icha wal sn̈ilchj te c'ac', 'ixta 'ix 'aj sjawi; palta man̈ yujoc cha 'ix sna sb'a sc'ojl eb'.

Is 47:11

Palta a yic 'oj jawc tas man̈ wach'c 'a eb'an̈, man̈x 'oj stac' a coln a b'a yet' tas cuyb'il oj cha. 'Oj jawc cusc'ojlal 'a eb'an̈, palta ma'oj stac' a tenn 'och wa'an; a wal yic man̈ nanoc o'oj, ax sjaw tza'njoc yailal chi 'a eb'an̈.

Is 47:7

'Ix aln 'ixtic: An tic yajl in 'a smasnil tiempo, xa chi. May wal jac xa na 'a yib'n̈ jun tzo'n̈ tic, ma'ix nachj 'el o'oj tas 'oj aj 'el'chi.

Is 57:11

¿Mach cob' jun tzo'n̈ nacion̈ chi 'aj tz'ex xiwi? Yuj cha, in eyactn cani, in eya'n sat 'a e c'ojol. An tic ton̈j sictac waji, toc 'ay tas tzwal 'ayex.

Jeremías 18:11

A ticnec, al 'a eb' 'aj Judá yet' 'a eb' cajn 'a Jerusalén, chajtlto an Jehová in, wan in nani tas 'oj ex wutc ax tic, yuj tas 'oj wutc wa'n 'och yailal 'a eyib'an̈. Yuj cha, 'actjec can e tu b'eyb'al, b'oc e b'eyb'al, xchi Dios, xa chi 'a eb'.

Jeremías 22:10

Man̈ ex 'oc' yuj schamlil rey Josías, palta 'o'n̈ec yuj win Salum, atn win yunnal winac, yujto 'ix 'ijx 'at 'a jun 'ejmn̈ej, man̈x b'a'n̈ 'oj meltzjoc, man̈x 'oj yil slum 'aj 'ix 'alji.

Ez 21:3

Al yab' eb' to an Jehová in, an tzwal 'ixtc 'a yib'n̈ eb': An tzwala, to tzin 'och 'ajc'ojlal 'ayex. 'Oj wic' q'uet wespada 'a yol yet'ul, ax in miln cham eb' 'anma wach' snab'en yet' eb' maysch'olnil sb'eyb'al. 'Oj 'el yich scham eb' 'anma 'a stojlal sur masnto 'oj c'och scham eb' 'a stojlal norte.

Miqueas 7:2

'Icha te sat 'awb'ente cha, 'ixta waji, yujto man̈xtzac 'ilchj junc 'anma wach' sb'eyb'al, tojl snab'en 'a sat Dios 'a yol qui chon̈b'ec. A eb' wit chon̈b' cha, cojxn milj cham 'anma tznib'j eb' sb'o'. Tzlaj yac' 'ejm junjn eb' sch'an̈ yal 'a yol sb'e.

Malaquías 2:2

Ax tic, yowlal 'ay cab' wel'ch 'a e sat yet' eyopiso. Toto ma'oj eyicloc, to 'ixta', 'oj ex in catb'oc can 'eli. 'Oj wa'cn 'och e alj wach' paxti 'a catb' paxti'al. Wal yel, a jun eyopiso cha, tox xin catb'ej cani, yujto may yel'ch in checnb'il 'a e sat.

Nm 23:10

Lajn eb' 'icha wal lum pococ, ¿may junc mach tztac' sb'isn eb'? ¡Comnoc wal tzin cham 'a junc'ojlal 'icha jun tzo'n̈ 'anma wach' snab'en cha! xchi win Balaam 'a sat eb' 'ayc' 'a stz'ey cha.