Is 55:3 - Chuj San Sebastian Bible

³ Cotn̈ec 'ayin, tzcham wal e maclni eyab' tas 'oj wala', tzeyiclni, sec 'ay e q'uinal. 'Oj in b'ox in trato eyet' 'a jun 'ejmn̈ej, ax wa'n 'el'choc in wach'c'ojlal 'aj wa'jnac in ti wa'n 'a rey David.

Chuj San Mateo Bible

³ Cotan̈ec d'ayin, maclejec val eyab' tas svala', ol ex ajn̈ejec'oc. Ol in b'o junoc in trato eyed'oc d'a juneln̈ej yujto tzex in xajanej, yic tz'elc'och in ti' vac'nac d'a vin̈aj rey David.

Is 55:3 Iomraidhean Croise

Gn 17:7

A jun in trato tzwac' et' tic, yet' smasnil pax eb' en̈tl 'a smasnil tiempo, to a Diosal in, sDiosal in pax eb' en̈tl cha.

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

A Ch'an̈ Schab'l Libro Samuel 23:5

'Ixtnta pax 'oj yutc Dios ya'n swach'c'ojlal 'a yib'n̈ eb' win̈til, 'ix sb'o jun strato wet' 'a jun 'ejmn̈ej, tojl yaj smasnil tas yu'uj, caw wach' yaji. A tz'a'n wac' ganar smasnil, a tz'a'n 'el'chc pax smasnil tas tzin nib'ej.

A Ch'an̈ Schab'l Libro Samuel 7:29

'El cab' wal 'a a c'ojol, 'ac' a yaxilal 'a yib'n̈ eb' win̈til, sec wach' te'n cab' yaj eb' 'a ojltac 'a jun 'ejmn̈ej. Ach tic Mamin, ach wal 'ix alcn jun tic. Yuj a wach'c'ojlal cha, caw wach' 'oj 'ec' yuj eb' win̈tl 'a smasnil tiempo, xchi David.

2 Cr 6:42

Ach Jehová in Diosal, man̈ in a patquilc 'el an sic'b'iln can 'el oj tic, na cot a chamc'ojlal 'a a checb' David, xchi rey Salomón 'a slesal.

Salmos 119:112

'Ix wa'ch in nab'en in yiclni jun tzo'n̈ a checnb'il tic, masnto 'a slajub'.

Salmos 119:175

Tzin nib'j to pitzn in, sec tztac' waln in wach' paxti 'ayach, ax a tojlal a tzcolwj wet'oc.

Salmos 78:1

Ex wit chon̈ab', macljec eyab' in cuynb'il, 'a'c wal 'och e chicn 'a tas tzwala.

Salmos 89:28

A 'in chamc'ojlal 'a 'a, 'ayn̈j 'ec' yet' 'a smasnil tiempo, ax in trato yet'oc, may tz'aj sjelmji.

Salmos 89:29

A eb' yin̈til, 'oj wa'n̈j 'och eb' reyl 'a smasnil tiempo, 'oj b'eyn̈j jun 'opiso chi 'a yib'n̈ eb', ya' sb'a 'ayt 'ec' satchan̈ tic.

Ex 15:26

'Ix yaln Jehová 'a eb' 'ixtic: Toto tzeyiclj tas 'oj wal an Jehová e Diosal in tic, ax eyiclni tas 'oj yal in checnb'il yet' smasnil in ley, toto 'ixta', ma'oj wa' cot yab'il 'a eyib'an̈, 'icha 'ix wutj wa'n cot 'a yib'n̈ eb' 'aj Egipto, yujto an Jehová in tic, an 'oj ex wan̈toc, xchi 'a Moisés.

Pr 4:20

Ach wunnal, chaj ab' in cuynb'il tic, maclj wal ab'i'.

Pr 7:2

Yiclj jun tzo'n̈ in checnb'il yet' in cuynb'il tic; 'icha tzotj a ya'iln sc'ul yol a sat, 'ixta tzotj eb', sec 'ay a q'uinal.

Is 51:4

Ex in chon̈ab', macljec eyab' tas 'oj wala': To a 'in cuynb'il 'oj wac' sb'eylb'oc jun tzo'n̈ xo chon̈ab', 'icha wal sacq'uinl 'oj 'aj 'a scal eb'.

Is 54:10

An Jehová in, caw yel tz'o'ch in c'ojl 'ayach. Wach'xam 'oj jelmjoc eb' lum niwc witz tic 'a yet'ul, ax scot eb' lum tzaln c'acpil, palta a 'in chamc'ojlal 'ayach, may b'a'n̈ tzjelmji, may pax b'a'n̈ 'oj in ju in trato b'ob'il wuj et'oc, yuj cha, 'ay junc'ojlal 'a qui cal, xchi Dios.

Is 54:8

'Ix cot wowl 'aych jun tiempoal, yuj cha, xin c'ub'n 'el in b'a 'ayach, palta yuj in chamc'ojlal 'aych 'a jun 'ejmn̈ej, yuj cha, 'ix 'o'ch pax in c'ojl 'ayach, an Jehová in a colmal waji.

Is 61:8

A Jehová a tzaln 'ixtic: A tojlal a chi tzin nib'ej, chacb'il 'el eb' 'elc'm wu'uj yet' eb' milm cham 'anma'. Caw yel 'oj wac' 'el'choc tas tzwala, to 'oj wac' spac eyico', ax in b'on pax in trato eyet' 'a jun 'ejmn̈ej.

Jeremías 30:9

An Jehová in, an 'oj in yac' servil eb', yujto sDiosal in eb', ax ya'w pax servil eb' 'a jun yin̈tl can David, atn jun 'oj wa'ch reyal.

Jeremías 32:40

'Oj in b'o jun in trato yet' eb' 'a jun 'ejmn̈ej, to man̈x b'a'n̈ 'oj woch wan in b'on tas wach' 'a eb'. 'Oj wa'ch in b'a 'a snab'en eb' yic wach' caw 'ay wel'ch 'a sat eb', sec man̈x 'a b'a'n̈ 'oj yi'l sb'a eb' 'a in tz'ey.

Jeremías 33:26

An̈jtona may b'a'n̈ 'oj jelmjoc jun in trato yet' eb' yin̈tl Jacob, yet' eb' yin̈tl win in checb' David. Yowlal 'oj in sic' 'elt junc yin̈tl David cha, ax ya'n yajlil 'a yib'n̈ eb' yin̈tl Abraham, Isaac, yet' Jacob. Yujto caw tz'o'chn̈ej in c'ojl 'a eb', yuj cha, 'oj wi'xq'ue'ch eb' jun 'ejm xo, xchi Dios.

Jeremías 38:20

Yuj cha, xwaln 'ixtc 'a winac: —Mamin rey, ma'oj ajx 'och 'a yol sc'ab' eb'. Yiclj wal spaxti Jehová 'ix wal 'ayach, sec 'ixta 'oj aj a colchji, caw wach' 'oj 'el'chi.

Jeremías 50:5

'Oj sc'anb'c 'ec' eb' jun b'e tzc'och 'a Sión, axta 'oj 'at eb', ax yaln eb' 'ixtic: Meltzjcoyc 'a Jehová. Junxn̈ej tzon̈ 'ajc yet'oc, qui b'oc junc qui trato yet' 'a jun 'ejmn̈ej, man̈x 'a b'a'n̈ tz'at satc'ojlal cujec, 'oj schic eb'.

Ez 16:60

An tic, nann̈ej jun in trato wa'jnac yet'oc yic 'unn to, ax ticnec, 'oj in b'o junx in trato yet' 'a jun 'ejmn̈ej.

Ez 34:24

An Jehová in, an tzin 'och sDiosalc eb'; ax junc yin̈tl in checb' David, a 'oj 'och Yajlil 'a scal eb'.

Ez 34:25

'Oj in b'o jun in trato yet' eb', ax scan eb' 'a junc'ojlal wet'oc, ax wi'n 'el smasnil tas 'ay smay 'a sat lum lum tic, sec tzaljc'ojlal 'oj scajx eb' lu'um, ax sway eb' 'a junc'ojlal.

Ez 37:26

'Oj in b'o in trato eyet' 'a jun 'ejmn̈ej, ax e can 'a tzaljc'ojlal 'a jun lugar cha. 'Oj wac' q'uib' e b'isl 'a smasnil tiempo, ax wa'n b'ox watut 'aj 'oj waj cajn 'a e cal.

Lv 18:5

An tzwala to tze b'eylb'ej in checnb'il yet' in ley. A mach 'oj yiclnoc, 'oj 'ajxoc sq'uinl yu'uj.

Am 5:4

Meltzjan̈c 'ayin, sec ma'oj e chami.

Am 5:6

Ex wit israelal, meltzjan̈c 'a Jehová, sec ma'oj e chami. Toto ma'ay, 'oj ya' cot c'ac' 'a yib'n̈ smasnil qui macb'enec. May junc dios 'a Bet-el 'oj stac' ya'n tupoc.

Mt 11:28

Tzann̈j ex 'icha to tz'el eyip e munlji, yet' ex 'icha to caw 'al eyaj yuj eyicatz, cotn̈ec 'ayin, 'oj ex wac 'iljoc.

Mt 13:16

Palta ax xo tic, caw wach' eyico', yujto tzeyila, tzeyab'n paxi.

Mt 17:5

Wanto spaxtin Pedro cha, 'ix 'eml jun 'asn caw tzictzni yilx 'a yib'n̈ eb'. Xlajw cha, 'ix alx 'emt jun paxti 'a scal 'asn cha, 'ix yaln 'ixtic: —Atn jun Wunnal tic chamc'ojlb'il wu'uj, caw tzin tzalj yet'oc. 'A'c 'och e chicn 'a tas tzyala, xchi.

Jn 10:27

A eb' wico', tzya'ch eb' schicn 'ayin. An xo tic, wojc eb'. 'Icha e no calnelu tz'och tza'n yuj yilmal, 'ixta tz'ajch tza'n eb' wu'uj.

Jn 6:37

Jantcn̈ej eb' tz'ajx 'ayn yuj qui Mam Dios, 'oj jawc eb' 'ayin. A eb' tzjaw 'ayn cha, ma'oj in pechl eb'.

Jn 7:37

A wal 'a yol slajw q'uin̈, ata caw sin̈n̈i tz'aj eb' 'anma'. Yuj cha, at 'a yol slajw q'uin̈ cha, atta 'ix q'ue lin̈n Jesús 'a sat eb'. Caw 'ip 'ix yal 'elt 'a scal eb' 'ixtic: —Toto 'ayx tze nib'j tze chaj e q'uinl 'a jun 'ejmn̈ej, cotn̈ec 'ayin. 'Icha tzeyutj ey'un a yuj e tacn̈ti'al, 'ixta 'oj e yutc e chan jun e q'uinl chi 'ayin.

Jn 8:47

A eb' yic Dios, tzya'ch eb' schicn 'a spaxti'. Palta ax xo tic, man̈ ex yico'oc Dios. Yuj cha, matz yal e c'ojl tzeya'ch e chicn 'a 'a, xchi Jesús 'a eb'.

A Tas Sc'ulejnac Eb' Schecab' Jesús Hechos 13:34

Yaljnac can pax Dios, chajtlto 'oj yi'x q'ue wan Jesús 'a scal eb' chamnac, sec may b'a'n̈ 'oj c'a sniwnal. Yaljnac can 'ixtc 'a Chan̈ U'un̈: 'Oj wac' 'el'choc in wach'c'ojlal 'aj wa'jnac in ti wa'n 'a rey David, xchi.

Ro 10:5

A Moisés aljnac cani, tas yowlal tzcutjec qui b'a, toto tzqui nib'jec tzon̈ 'ochc wach'l 'a sat Dios yuj jun ley cha. Yaljnac can 'ixtic: Toto 'ay mach c'uxn tzyiclni smasnil tas tzyal ley, 'oj scha sq'uinl yu'uj, xchi.

A Ch'an̈ Carta D'a Eb' Hebreo 13:20

A Dios 'a'm junc'ojlal. A 'a'jnac pitzwc pax Cajlil Jesucristo 'a scal eb' chamnac. A Jesucristo, 'icha 'Ilm Calnelu yaj 'ayn̈ec, caw niwn yel'chi. Yuj schiq'uil, 'ix 'el'ch jun strato Dios 'aycn 'a jun 'ejmn̈ej.