Is 53:4 - Chuj San Sebastian Bible

⁴ A xcutjec qui nani, to a Dios 'ix 'a'n 'och syailal cha, sec tz'ijx can 'ejmi. Palta 'in to man̈ 'ichcta', 'in to a qui yailalec, a 'ix 'ajx 'och 'a yib'an̈, a 'ix yab' syal qui jeloc.

Chuj San Mateo Bible

⁴ A co naani to a Dios tz'ac'anoch yaelal d'a yib'an̈, syac'anpaxcan d'a emnaquilal, palta man̈ ichocta'. A co yaelal a on̈ tic ol ac'jococh d'a yib'an̈, ol yab' syail co q'uexuloc.

Is 53:4 Iomraidhean Croise

Salmos 69:26

Tzin spech b'eyc'oc eb' an tzin ac' cus tic, tzin sb'uchn pax eb' an tzin ac' lajwc tic.

Salmos 69:27

A eb' tu tas tzb'o tic, 'a'ch jun tzo'n̈ xo tic stzacb'oc smul eb'. Man̈x 'a cab' yaln eb' yic 'a colnb'il tzac'a.

Salmos 69:8

'Icha xoj comn 'anma waj 'a eb' wu'tac, caw man̈ in 'ojcab'ilc yuj eb', tic pax to junn̈j in nun yet' eb'.

Is 53:10

A Jehová a 'ix 'a'n yab' syail, 'icha wal yaj snani. 'Ix ya'n sb'a xajmb'al-l 'a yol sc'ab' chamel, sec tz'ajx lajwc smul smasnil 'anma yu'uj. Yuj cha, pitzn 'a jun 'ejmn̈ej. A jun cha, til wal 'oj 'aj yin̈til, ax ya'n 'el'choc Jehová tas nab'il yuj 'a yib'an̈.

Lv 16:10

Ax junx no chiwo cha, pitznto cab' no', tzya'n 'och 'a wojltac, tzyaln 'ejm smul eb' chon̈b' 'a yib'n̈ no', tzlajw cha, tz'actx can 'at no 'a cusltac lum yet' smul eb' chon̈b' cha.

Zacarías 13:7

A Jehová tztac' yuj smasnil, a tzaln 'ixtic: 'Ijx cab' q'ue wan q'uen espada yuj smilx cham jun mach 'icha yilmal in calnelu yaji, to junn̈j yaj wet'oc. 'Oj milx chamoc, ax sactzic can eb' 'icha 'in calnelu yaj cha. Ax eb' 'icha to may yip 'oj canoc, 'oj woch 'ac'ojlal 'a eb'.

Mt 26:37

Xlajw cha, xyi'n 'at Pedro yet' eb' yunnal Zebedeo schawn̈il yet'oc, 'ix syamn 'och scusi, caw 'ix 'och pitz'n cuslal 'a spixan.

Mt 8:17

'Ixta sb'o Jesús, sec tz'el'ch tas yaljnac can Isaías, atn jun schecb' Dios 'a pecti', yic yaln can 'ixtic: 'In to a qui yailal, a 'ix 'ajx 'och 'a yib'an̈, a 'ix yab' syal qui jeloc, xchi.

Jn 19:7

—Palta an̈ tic on̈, 'ay jun ley 'aycn 'ayn̈ on̈. Yuj jun ley cha, yowlal 'oj milxc cham jun winc tic, yujto 'ix yalch sb'a Yunnaloc Dios, schi eb' 'a winac.

Ro 4:25

Atn jun 'ajxnac 'och 'a yol sc'ab' chaml yuj qui mulec. Xlajw cha, xpitzw paxi, sec tzon̈ 'ochc wach'l 'a sat Dios yu'uj.

Gl 3:13

'Ay cot ton yowl sc'ojl Dios 'a quib'n̈ec yuj jun ley cha, palta a Cristo on̈ colnec 'el 'a yol sc'ab' yowl sc'ojl cha. Yujto schajnac 'och yowl sc'ojl Dios 'a yib'n̈ qui jeloc. Yujto tzyal 'ixtc 'a Ch'an̈ U'un̈: A junc 'anma tzq'uet'un̈n 'a spenc te', 'ay ton cot yowl sc'ojl Dios 'a yib'an̈, xchi.

A Ch'an̈ Carta D'a Eb' Hebreo 9:28

An̈jtona Cristo, jun 'ejm wal milxnac xajmb'alil, sec wach' caw niwn on̈ec tz'el qui mul yu'uj. A yic 'oj jawc 'a scha'ejmal, man̈x yujoc yi'n 'el qui mulec ax sjawi. Palta yuj on̈ scoln an̈ec wan qui tan̈wni sjapxi.

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.

A Sb'ab'el Carta San Pedro 3:18

Yujto a Cristo x'ab'n syail. Cojn jun 'ejm xcham yuj qui mulec. A Cristo caw tojl snab'en. An̈ec xo tic, caw man̈ tojloc qui nab'enec, palta a xyab' syal cujec, yic tzon̈ yi'nec 'at 'a Dios. A yet' sniwnal xchami, palta ax yic 'ix pitzw paxi, pitznn̈ej yespíritu yet'oc.

1 Jn 2:2

'Icha tz'aj junc xajmb'al, 'ixta x'aj scham Cristo stojloc qui mulec. Man̈ yujocn̈ej qui mul an̈ec tic 'ix chami, palta yuj smul smasnil 'anma 'a yolyib'n̈q'uinl tic.