Is 53:2 - Chuj San Sebastian Bible

² Yujto 'ix snib'j Dios to 'ix q'uib' jun schecb' cha, 'icha junc te wolte tz'ejm sch'an̈lyib' 'a lum tacn̈ lu'um. A jun cha, man̈ nib'b'ilc wal yilxi, may wal tas wach' yilx 'a 'a.

Chuj San Mateo Bible

² Snib'ej Jehová to a jun schecab' chi' sq'uib' icha svol junoc te te' tz'em sch'an̈al yib' d'a taquin̈ luum. Man̈ nib'ab'iloc yilji, malaj tas vach' squiloch d'ay.

Is 53:2 Iomraidhean Croise

Is 11:1

'Icha junc te yib'te tzwolni, 'ixta 'oj 'aj spitzw chan̈ jun yin̈tl Isaí.

Is 4:2

A 'a jun tiempoal cha, 'ay jun yin̈tl David 'oj pitzw chan̈ yuj Jehová. A jun cha, lajn 'icha swol junc te te'. A eb' 'oj can to 'a yol schon̈ab' 'oj tzaljoc chan̈ eb' yu'uj, ax stzalj pax eb' yiln yelx wul smasnil sat yawb'en 'ay 'a slu'um.

Is 52:14

Til wal mach 'oj sat sc'ojl yiln 'ochi, 'oj jelmjoc yilx sat, man̈x lajnoc yilx 'icha yilx 'anma', 'oj juwc yilx yuj tas 'oj 'aj cha.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Jeremías 23:5

Tzyaln pax Jehová 'ixtic: 'Oj jawc jun c'ual, ax wa'n 'och jun yin̈tl David reyl 'a in chon̈ab'. A jun cha, caw tojl snab'en. 'Oj sb'eyc'ojloc smasnil eb' chon̈b' 'a stojlal.

Zacarías 3:8

Tzcham wal ab'n ticnec ach Josué, ach tic, sat ya'mal 'och sti eb' 'anma aji. Cham wal ab'n yet' eb' 'aych yopiso et'oc, yujto ax tic, ch'oxnb'il eyaj yuj jun mach wan sjawi, atn jun in checb' 'oj 'eltoc 'a scal eb' yin̈tl Isaí, 'oj 'ajxoc sb'ic Swol.

Zacarías 6:12

Tzaln 'a 'ixtic: A Jehová tztac' yuj smasnil, a tzaln 'ixtic: 'Ay jun in checb' 'oj 'eltoc 'a scal eb' yin̈tl Isaí, 'oj 'ajxoc sb'ic Swol, 'oj yic' wal yip 'a 'aj 'ayc' cha, 'oj sb'ox chan̈ sjel watut.

Mr 6:3

Yujto a win tic josmte winac, yune 'ix María. Yu'tac sb'a yet' Jacobo, José, Judas, yet' Simón. 'Ayc' pax eb' yanb' quet'ec 'a tic, xchi eb'. Yuj cha, ton̈j 'ix somchj 'el snab'en eb' yu'uj.

Mr 9:12

Yuj cha, xyaln pax 'ixtc 'a eb': —Yel toni, yowlal tzb'ab'l jaw Elías cha, sec tzna sb'a eb' 'anma'. Palta ¿tas tzyal 'a Ch'an̈ Un̈ wuj an 'Ochnc in 'Anmal tic? Ata tzyala, chajtlto 'oj wab' syail, 'oj in patquilx can 'el yuj eb' 'anma'.

Lc 2:7

Ata x'alj jun sb'ab'l 'une 'ix. Sb'an 'och 'ix nip 'a jun 'unn cha. Xlajw cha, sc'otn 'ec' 'ix 'a yol jun sjucb' no chej 'aj tzwa no', yujto caw man̈x 'a 'aj x'aj eb' 'a mesón.

Lc 9:58

—A no wa'ax 'ay yet'l no 'a yol n̈aq'ue'en, ax no ch'ic 'ay so no 'aj tzwayi. Palta an xo tic, wach'xam 'Ochnc in 'Anma'il, may jac wet'l 'aj tzin wayi, xchi Jesús 'a 'a.

Jn 18:40

Yuj cha, 'ix 'awj chan̈ eb' smasnil 'ixtic: —A jun winc tic, matz qui nib'j on̈. A win Barrabás, a win tza'l 'a libre, xchi eb' 'a winac. A win Barrabás cha, 'elc'm winac.

Jn 19:5

'Ixta to b'i'an, 'ix 'elt Jesús 'a sti'. An̈ja 'ay q'ue jun q'uix chi 'a sjolom, yet' jun q'uic'mucnac pichl cha. Ax win Pilato cha, 'ix yaln pax 'elt win 'ixtc 'a eb': —Yaj winac, xchi.

Ro 8:3

Yuj qui tu nab'enalec tic, matz tac' qui yiclniec tas tzyal ley yic Moisés. Yuj cha, may yopiso jun ley chi on̈ scolnec. Palta ax Dios on̈ colnec. A 'a'jnac cot Yunnal, wul ya'nc 'och sb'a 'anma'il. Lajn sniwnal 'icha quic an̈ 'ajmul on̈c tic. A 'ix wul cham yuj qui mulec. A yic 'ix cham yet' sniwnal, 'ix ya'n ganar 'a yib'n̈ maysch'olnil, sec wach' man̈x 'a yaln maysch'olnil chi yic 'ayn̈ec.

A Sb'ab'el Carta San Pedro 2:14

Tzeyiclni pax jun tzo'n̈ xo eb' yajal, yujto 'ac'b'il yopiso eb' yuj eb' rey cha, yic tzya'n 'och eb' syailal eb' matz yiclni ley cha. Tzyaln pax eb' wach'l eb' wach' sb'eyb'al.