Is 53:11 - Chuj San Sebastian Bible

¹¹ A yic tox xlajw 'ec' jun tzo'n̈ yailal chi 'a yib'an̈, ax stzalj pax yiln 'och spac jun syailal cha, to man̈ nab'an̈ejoc. Til wal eb' 'oj 'ojcan el jun schecb' Dios cha, 'oj 'ochcn eb' wach'l yu'uj, yujto a 'oj 'i'nc 'el smul eb' 'a yib'an̈.

Chuj San Mateo Bible

¹¹ Ayic toxo ix lajviec' juntzan̈ yaelal chi' d'a yib'an̈, ol tzalaj yuj spac jun yaelal chi' to man̈ nab'an̈ejoc ix yab' syail. Tzijtum eb' anima ol ochcan vach'il yuj yojtacanel in checab' chi' eb', yujto ol ic'joccanel smul eb' yuuj.

Is 53:11 Iomraidhean Croise

Is 42:1

Tzyaln pax Dios 'ixtic: A jun tic in checab', an 'ayn 'och yet'oc, an in si'jnac 'eli, caw tzin tzalj yet'oc, 'oj wa'cn 'och Wespíritu 'a 'a, sec 'oj sb'oyaj eb' nacion̈ 'a stojlal.

Is 45:25

Cojn 'ayn an Jehová in, ata 'oj yic' eb' yin̈tl Israel tojlal, 'oj yac' eb' tzaljoc sc'ojl wu'uj, xchi Dios.

Is 49:3

'Ix yaln 'ayn 'ixtic: Ach yin̈tl Israel in checb' 'aji, ojn̈ej ax checlj 'eli to niwn wel'chi, xchi.

Is 52:13

Yuj cha, xyaln Jehová 'ixtic: A jun in checb' tic, 'oj sta'n̈j yu'uj, yel xo wal niwn yel'ch 'oj 'ajoc, 'oj b'inaxc 'a scal 'anma', ax yijx chan̈ sb'i.

Is 53:12

Yujn̈ej cha, ax ya'n Dios jun yopiso 'a scal eb' niwn yel'chi. 'Ay yaln yic yet' eb' x'a'n ganar owal, yujto 'ix ya'sb'a 'a yol sc'ab' chamel, 'icha tz'ajx 'och 'a yib'n̈ eb' maysch'olnil sb'eyb'al, 'ixta x'ajx 'och 'a yib'n̈ jun xo. Caw yel 'ix ya'cn 'och sb'a 'a yaln̈ smul smasnil 'anma', 'ix leslwi yuj eb', sec tz'ajx lajwc smul eb' cha.

Is 53:8

'Ix yij 'at eb' 'a preso, sb'eyc'ojlan eb' sec tzsatli, toc 'ayt eb' yit chon̈b' 'ix 'och 'il yu'uj. 'Ix 'ijx 'el 'a yolyib'n̈q'uinl tic yuj smul eb' wit chon̈ab', yuj eb' xyab'n syail.

Dn 12:3

A eb' caw jelan, eb' niwn sb'isl 'anma tzjucb'tzej 'a tojl b'eyb'al, a eb' cha, caw wach' yilx 'oj 'aj eb' 'icha yilx satcha'an̈, caw tzictzni yilx 'oj 'aj eb' 'a jun 'ejmn̈ej, 'icha stzictznil c'anal.

Dn 9:24

'Oj 'ec' 70 seman 'a yib'n eb' et israelal, yet' 'a yib'n̈ jun a chon̈b' to yicn̈ej Dios yaji, masnto 'oj lajwc 'ec' tenmtaquil yet' maysch'olnilal, ax yajx lajwc smasnil mul. Atta 'oj jawc jun tojl b'eyb'al 'a jun 'ejmn̈ej. A yic cha, 'oj 'el'choc tas 'ilb'il yuj eb' schecb' Dios 'a waychil, yet' tas alb'il can yuj eb'. 'Ixta to b'i'an, ax yajx 'och yopiso jun sic'b'il 'el yuj Dios.

Mt 20:28

'Ixta pax in an 'Ochnc in 'Anmal tic, man̈ yujoc wajx servil in jawi, palta yuj wa'w servil. In jaw wul wac' milxoc cham in b'a, sec wach' til wal mach 'oj colchjoc wu'uj, xchi 'a eb'.

Lc 22:44

Caw wal x'och pitz'n cuslal 'a spixan, yuj cha, caw yelc'ojlal xleslwi. Til wal x'el yalil, 'icha yem niwc tz'uj, 'ixta x'aj yel schic'l yaliloc, x'em 'a sat lu'um.]

Jn 12:24

Wal yel tzwal 'ayex, q'uinloc 'ay junc 'in̈t trigo tzcan 'a yib'n̈ lu'um. Ton̈j tzcann̈j 'ixta'. Toto tzmucxi, 'icha to tzchami, palta a yic tzpaq'ui, caw niwn sat tzyac'a.

Jn 16:21

Q'uinloc 'ay junc 'ix ticnec, wan yalj yune'. Tzcus toni, yujto 'aych 'a syailal. Palta ax yic tox 'ix 'alj yune cha, man̈xtzac sna cot syailal cha, caw tzalj paxi, yujto x'alj jun 'unn chi 'a yolyib'n̈q'uinl tic.

Jn 17:3

Caw yel cojn ach Dios ach, a eb' 'ojtnac ach, an̈jtona yojc in pax eb' an checb'iln cot oj tic, atn eb' chi 'ay sq'uinl 'a jun 'ejmn̈ej.

Ro 4:24

Tz'ib'b'il can pax cujec. Yuj cha, tzyaln Dios to wach'n̈ec pax 'a sat, toto tzca'c 'och qui c'ojl 'a 'a. A 'a'jnac pitzwc pax Cajlil Jesús 'a scal eb' chamnac.

Ro 5:9

Al ticnec, wach'n̈ecx 'a sat Dios, yujn̈ej to xcham Cristo qui jeloc. Yuj cha, yu'uj, ax qui wach' colchjec 'el 'a jun niwn yailal tot 'oj jawc yuj yowl sc'ojl Dios.

1 Co 6:11

'Ayn̈ec 'ixta cutjnaquec qui b'a 'a yic yalan̈. Al ticnec, 'ic'b'ilx 'el qui mul 'ayn̈ec. 'Ac'b'iln̈ec xo yico'oc Dios. A tzalni, to wach'n̈ec 'a sat ticnec. 'Ixta tzon̈ 'ajc yuj Cajlil Jesucristo ticnec, yet' pax yuj Yespíritu qui Diosalec.

2 Co 4:6

A Dios yaljnac can 'ixtic: A 'a scal q'uic'q'uinl tic, pitzw cab' sacq'uinal, xchi. Caw a 'a'jnac cot sacq'uinlal 'a qui pixnec, sec yuj jun sacq'uinlal tic, tzcojcanec 'eli, chajtlto caw niwn swach'l Dios. A 'a Jesús, ata tzcheclj 'el swach'l Dios cha.

Gl 4:19

Ax xo, 'icha to caw wunnal ex. Caw niwn tzwab' syal eyu'uj, 'icha junc 'ix caw tzyab' syail, yic tz'alj yune'. An̈ja 'ixta 'oj wab' syal eyu'uj, masnto 'oj wach' lajnb'oc e nab'en yet' Cristo.

A Ch'an̈ Carta D'a Eb' Hebreo 12:2

Ca'c 'at qui nab'en 'a Jesús, yujto a tz'a'n ca'c 'och qui c'ojl 'a 'a. Yu'uj, caw tz'acn tzcutjec ca'n 'och 'a qui c'ojol. 'Ix yab' syal 'a te culus. Ma'ix sna jab'oc toto q'uixweltac x'aj schami, yujto yojtac, a yic tzlajw yab'n syal cha, caw tzaljc'ojlal yico'. Ax ticnec, wocn 'ejm 'a sdespacho Dios 'a swach' c'ab'.

A Ch'an̈ Carta D'a Eb' Hebreo 9:28

An̈jtona Cristo, jun 'ejm wal milxnac xajmb'alil, sec wach' caw niwn on̈ec tz'el qui mul yu'uj. A yic 'oj jawc 'a scha'ejmal, man̈x yujoc yi'n 'el qui mulec ax sjawi. Palta yuj on̈ scoln an̈ec wan qui tan̈wni sjapxi.

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.

A Sb'ab'el Carta San Pedro 3:18

Yujto a Cristo x'ab'n syail. Cojn jun 'ejm xcham yuj qui mulec. A Cristo caw tojl snab'en. An̈ec xo tic, caw man̈ tojloc qui nab'enec, palta a xyab' syal cujec, yic tzon̈ yi'nec 'at 'a Dios. A yet' sniwnal xchami, palta ax yic 'ix pitzw paxi, pitznn̈ej yespíritu yet'oc.

A Schab'il Carta San Pedro 3:18

Yowlal tze wach' 'ojquej 'el Cajlilec, atn Jesucristo qui Colmalec. An̈jtona', caw tze wach' chaj swach'c'ojlal 'a junjn c'u. Niwn cab' yel'ch Cajlilec ticnec, yet' 'a smasnil tiempo. Ya' cab'i'.

1 Jn 2:1

Ex chamc'ojlb'il wu'uj, tzin tz'ib'j 'at jun tzo'n̈ tic 'ayex, sec man̈xtzac e b'o maysch'olnil. Palta toto 'ay 'aj tzqui b'oc maysch'olnil, 'ay jun tz'a'n 'och qui tic 'a qui Mam Dios, atn Jesucristo. A jun cha, caw tojl snab'en.

2 Jn 1:1

An tic anciano in. Tic tzin tz'ib'j 'at jun in carta tic 'aych Wanb' sic'b'ilch xo 'el yuj Dios, yet' 'a eb' one'. Wal yel 'ay in chamc'ojlal 'ayex. Man̈ in cojnoc. Jantcn̈ej eb' 'ojtnac jun cuynb'il caw yel, 'ay pax schamc'ojlal eb' 'ayex.

2 Jn 1:3

Tzin nib'ej a qui Mam Dios, yet' Cajlil Jesucristo, atn Yunnal, tzch'ox swach'c'ojlal yet' sjunc'ojlal 'ayx ta'. Yujto cojtquec 'aj 'ay jun cuynb'il caw yel, 'ay pax qui chamc'ojlal.