Is 53:10 - Chuj San Sebastian Bible

¹⁰ A Jehová a 'ix 'a'n yab' syail, 'icha wal yaj snani. 'Ix ya'n sb'a xajmb'al-l 'a yol sc'ab' chamel, sec tz'ajx lajwc smul smasnil 'anma yu'uj. Yuj cha, pitzn 'a jun 'ejmn̈ej. A jun cha, til wal 'oj 'aj yin̈til, ax ya'n 'el'choc Jehová tas nab'il yuj 'a yib'an̈.

Chuj San Mateo Bible

¹⁰ A Jehová tz'alan icha tic: Ol vac' yab' syail in checab' icha yaj in naani. Ol yac'och sb'a silab'il d'a yol sc'ab' chamel yic tz'ac'jican lajvoc smul masanil anima. Yuj chi' ol pitzvoccan d'a juneln̈ej, ol yil eb' yin̈tilal. Yuuj, ol elcanc'och tas nab'il vuuj.

Is 53:10 Iomraidhean Croise

Salmos 110:3

A yic 'oj a'nc owal, mun xoj 'oj wul ya'ch sb'a eb' a chon̈b' et'oc. 'Icha wal tz'aj 'ejm chicb'chan̈ 'a yic sq'uin̈b'ial, 'ixta wal 'oj 'aj sjaw ewin quelmtac 'a a tz'ey 'a lum tzaln yic emmquilal.

Salmos 147:11

palta 'a eb' yiclum tzyutj sb'a 'a 'a, eb' tzya'ch sc'ojl 'a schamc'ojlal yic tzcoln 'el eb', caw 'ay yel'ch eb' 'a 'a.

Salmos 149:4

Yujto a Jehová tzyij stzaljc'ojlal 'a quib'n̈ec an̈ schon̈b' on̈c tic, ax ya'n qui tzaljc'ojal an̈ 'emmquilal queq'ui, yujto a tzon̈ colnec.

Salmos 21:4

'Ix sc'an najtxb'oc sq'uinl 'ayach, 'ix a'n jun q'uinl 'ay 'a jun 'ejmn̈ej 'a 'a.

Salmos 22:30

Ach Cajlil on̈, a eb' quin̈tl b'a'n̈ on̈, 'oj yac' 'ejm sb'a eb' 'ayach, 'oj alxoc 'el ab'xil yuj eb' 'a eb' 'anma tot 'oj 'aljoc.

Salmos 22:31

A eb' 'oj 'aljoc 'a yic b'a'n̈ cha, 'oj alxoc yab' eb' a tojlal, yet' tas a b'ojnac.

Salmos 69:26

Tzin spech b'eyc'oc eb' an tzin ac' cus tic, tzin sb'uchn pax eb' an tzin ac' lajwc tic.

Salmos 72:17

B'inax cab' sb'i win rey 'a smasnil tiempo, ya' sb'a 'ayt 'ec' c'u. Smasnil nacion̈ 'a yolyib'n̈q'uinl tic, scha cab' eb' yaxilal yuj winac, yal cab' eb', chajtlto wach' yic eb' yuj winac.

Salmos 72:7

Niwtj cab' junc'ojlal yet' tojlal 'a yic stiempoal 'aych win rey yajlil, masnto 'oj satl 'uj.

Salmos 89:29

A eb' yin̈til, 'oj wa'n̈j 'och eb' reyl 'a smasnil tiempo, 'oj b'eyn̈j jun 'opiso chi 'a yib'n̈ eb', ya' sb'a 'ayt 'ec' satchan̈ tic.

Salmos 89:36

A eb' yin̈til, 'oj 'och eb' reyl sjelc 'a smasnil tiempo ya' sb'a 'ayt 'ec' c'u.

Is 42:1

Tzyaln pax Dios 'ixtic: A jun tic in checab', an 'ayn 'och yet'oc, an in si'jnac 'eli, caw tzin tzalj yet'oc, 'oj wa'cn 'och Wespíritu 'a 'a, sec 'oj sb'oyaj eb' nacion̈ 'a stojlal.

Is 46:10

A 'a yictax pecti', waln cani tas 'oj ujc 'a slajb' c'ual. Waln cani to 'oj ujc tas nab'il wu'uj, 'oj in b'o smasnil tas tzin nib'ej.

Is 49:4

Palta xin nan 'ixtic: Nab'an̈ej in munlji, nab'an̈ej x'el wip, may jac tas 'ix wij 'a 'a, xin chi. Palta wojtac to checl yaj jun tic 'a sat Jehová, a spac wic yuj jun tic, ata 'ayc' 'a yol sc'ab' Dios.

Is 53:12

Yujn̈ej cha, ax ya'n Dios jun yopiso 'a scal eb' niwn yel'chi. 'Ay yaln yic yet' eb' x'a'n ganar owal, yujto 'ix ya'sb'a 'a yol sc'ab' chamel, 'icha tz'ajx 'och 'a yib'n̈ eb' maysch'olnil sb'eyb'al, 'ixta x'ajx 'och 'a yib'n̈ jun xo. Caw yel 'ix ya'cn 'och sb'a 'a yaln̈ smul smasnil 'anma', 'ix leslwi yuj eb', sec tz'ajx lajwc smul eb' cha.

Is 54:3

yujto 'oj lewnb'oc slugar cha. 'Oj yi'cn 'ec' slum eb' 'anma cajn 'a stz'ey 'a swach' c'ab' yet' eb' 'ay 'a stz'ey 'a surito; ax eb' yin̈tl b'aq'uin̈, a eb' 'oj cajnoc jun tzo'n̈ xo nacion̈ 'aj sictac yajcn jun tzo'n̈ chon̈b' cha, xchi Dios.

Is 61:9

Caw wal 'oj b'inaxc eb' eyin̈tl 'a scal jun tzo'n̈ xo nacion̈ b'aq'uin̈, ax smasnil 'anma 'oj 'ilnoc 'och eb', 'oj nachjoc 'el yuj eb' chajtlto an Jehová in, an tzwac' in wach'c'ojlal 'a eyib'an̈, xchi Dios.

Is 66:22

Yujto 'icha wal yilx jun 'ac' satcha'an̈ yet' jun 'ac' yolyib'n̈q'uinl 'oj in b'o', to 'oj cann̈j 'a jun 'ejmn̈ej, 'ixta 'oj 'aj e b'inax yet' eyin̈tl 'a smasnil tiempo.

Is 9:7

A 'oj 'och sjelc rey David, 'oj can sjelc 'a yopiso cha. 'Oj yac' yajlil 'a yib'n̈ smasnil 'anma 'a junjn lugar. Yu'uj ax scann̈j yolyib'n̈q'uinl tic 'a junc'ojlal. 'Oj yic' yip yopiso cha, ax sb'eyc'ojlwi 'a stojlal, ticnec yet' 'a b'aq'uin̈. A Jehová tztac' yuj smasnil, 'oj yac' 'el'choc jun tic, yujto nab'ilx yu'uj.

Jeremías 32:41

Yet' wal in tzaljc'ojlal, ax in b'on tas wach' 'a eb'. Yet' smasnil in c'ojol, 'a caw syelal, ax wa'n 'aj cajn eb' 'a jun nacion̈ tic, xchi Dios.

Ez 33:11

An Jehová in, an tzwal 'ixtc 'a eb': Matz in nib'j to tzcham eb' tz'och smul, palta to tzin nib'j to tzjel eb' sb'eyb'al, sec pitzn eb'. Ex israel, 'actjec can jun tzo'n̈ e b'eyb'al cha, sec ma'oj e chami, xchi Dios.

Ez 37:25

'Oj e cajx lum lum wa'jnac 'a win in checb' Jacob, atn lum 'aj 'e'nc cajn eb' e mam eyicham. A pax lum 'oj e cajx yet' eb' eyunnal yet' eb' eyin̈tl b'aq'uin̈, ax junc yin̈tl in checb' David, a 'oj 'och eyajloc 'a jun 'ejmn̈ej.

Dn 9:24

'Oj 'ec' 70 seman 'a yib'n eb' et israelal, yet' 'a yib'n̈ jun a chon̈b' to yicn̈ej Dios yaji, masnto 'oj lajwc 'ec' tenmtaquil yet' maysch'olnilal, ax yajx lajwc smasnil mul. Atta 'oj jawc jun tojl b'eyb'al 'a jun 'ejmn̈ej. A yic cha, 'oj 'el'choc tas 'ilb'il yuj eb' schecb' Dios 'a waychil, yet' tas alb'il can yuj eb'. 'Ixta to b'i'an, ax yajx 'och yopiso jun sic'b'il 'el yuj Dios.

Miqueas 7:18

Mamin Jehová, may junc xo Dios lajn et'oc, yujto ach tic, ach tzac' niwnc'ojlal smul jaywn̈ xo eb' a chon̈b' tic xcani, tz'atcn satc'ojlal stenmtacl eb' o'oj. Man̈ 'ayc 'ec' yowl a c'ojl 'a smasnil tiempo, yujto tz'el 'a a c'ojl a ch'oxn pax a chamc'ojlal.

Sofonías 3:17

A Jehová e Diosal, a 'ayc' eyet'oc. A spoder tzex colni. Caw 'oj tzaljoc eyet'oc. Yuj schamc'ojlal 'ayex, yuj cha man̈x 'a tas 'oj e na'. A yuj stzaljc'ojlal cha, ax e b'itn cha'an̈, 'oj schioc.

Zacarías 13:7

A Jehová tztac' yuj smasnil, a tzaln 'ixtic: 'Ijx cab' q'ue wan q'uen espada yuj smilx cham jun mach 'icha yilmal in calnelu yaji, to junn̈j yaj wet'oc. 'Oj milx chamoc, ax sactzic can eb' 'icha 'in calnelu yaj cha. Ax eb' 'icha to may yip 'oj canoc, 'oj woch 'ac'ojlal 'a eb'.

Mt 17:5

Wanto spaxtin Pedro cha, 'ix 'eml jun 'asn caw tzictzni yilx 'a yib'n̈ eb'. Xlajw cha, 'ix alx 'emt jun paxti 'a scal 'asn cha, 'ix yaln 'ixtic: —Atn jun Wunnal tic chamc'ojlb'il wu'uj, caw tzin tzalj yet'oc. 'A'c 'och e chicn 'a tas tzyala, xchi.

Mt 3:17

'Ix yab'n eb' yalx 'emt jun paxti 'a satcha'an̈, 'ix yaln 'ixtic: —Atn jun tic Wunnal, caw chamc'ojlb'il wu'uj, caw wal tzin tzalj yet'oc, xchi.

Lc 1:33

A 'oj 'och syajlilc eb' et israelal 'a smasnil tiempo. May b'a'n̈ 'oj lajwc jun yopiso cha, xchi jun ángel chi 'a 'ix.

Jn 1:29

Ax 'a junx c'u, 'ix yiln sb'a Juan to wan sc'och Jesús 'a 'a, yuj cha, xyaln 'ixtic: —'Iltec, a jun wan sjaw tic, 'icha yopiso junc quelm calnelu, 'ixta yopiso yuj Dios, yujto a tzwul 'i'nc 'el qui mulc qui masnil 'a yolyib'n̈q'uinl tic.

Jn 12:24

Wal yel tzwal 'ayex, q'uinloc 'ay junc 'in̈t trigo tzcan 'a yib'n̈ lu'um. Ton̈j tzcann̈j 'ixta'. Toto tzmucxi, 'icha to tzchami, palta a yic tzpaq'ui, caw niwn sat tzyac'a.

Jn 13:32

Toto tzin ch'oxo to niwn yel'ch Dios, an̈jtona 'oj sch'oxl paxi, to niwn pax wel'chi. Yajn̈ej ax sch'oxn 'eli, to niwn wel'chi.

Ro 6:9

Yujto cojquec, ye'xn̈ej pitzwnac can pax Cristo 'a scal eb' chamnac. Man̈x 'a b'a'n̈ 'oj cham jun 'ejmoc xo, yujto man̈x 'ayc 'och 'a yol sc'ab' chamel, caw man̈x 'a yel'ch spoder jun chaml chi 'a 'a.

Ro 8:32

A Dios ya'jnac 'och Yunnal 'a yol sc'ab' chaml cujec qui masnil. Wach'xam Yunnal, palta ma'ix scolo. Yujto ya'jnac cot Yunnal cha, yuj cha, cojquec to c'uxn 'oj yac' smasnil tas wach' 'ayn̈ec.

Ro 8:8

Yuj cha, a eb' tzb'eylb'an stu nab'enal, caw matz tac' sb'on eb' 'icha tznib'j Dios, caw matz tzalj yet' eb'.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

Gl 3:13

'Ay cot ton yowl sc'ojl Dios 'a quib'n̈ec yuj jun ley cha, palta a Cristo on̈ colnec 'el 'a yol sc'ab' yowl sc'ojl cha. Yujto schajnac 'och yowl sc'ojl Dios 'a yib'n̈ qui jeloc. Yujto tzyal 'ixtc 'a Ch'an̈ U'un̈: A junc 'anma tzq'uet'un̈n 'a spenc te', 'ay ton cot yowl sc'ojl Dios 'a yib'an̈, xchi.

Ef 1:5

Til wal schamc'ojlal 'ayn̈ec. Yuj cha, yictax pecti', snajnac cani, to 'oj on̈ yunnalquec yuj Jesucristo, yujto 'ixta x'el 'a sc'ojol.

Ef 1:9

'Ay wal jun tas snajnac can Dios, to tzb'o 'a yolyib'n̈q'uinl tic 'icha tznib'ej. May xon mach 'ojtnac jun tic 'a pecti'. Palta ticnec, a tz'a'n cojcoquec 'el tas tznib'j tzb'o cha.

Ef 5:2

Qui ch'oxc qui chamc'ojlal 'a junjn c'u, yujto 'ixta on̈ yutj Cristo on̈ schamc'ojlanec, yic ya'n cham sb'a cujec. 'Icha no calnelu milb'il cham xajmb'alil, wach' sjab' 'a Dios, tzalj yet'oc, 'ixta x'aj Cristo smilx cham cujec.

2 Ts 1:11

Yuj wal jun tic, tzon̈ leslwi eyuj 'a junjn c'u on̈. Tzqui c'an 'a qui Diosalec eyuj on̈, sec caw wach'x 'a sat, yujto a 'awtjnacx 'och yico'oc. Tzqui c'ann pax 'a on̈, sec tzyac' spoder 'ayex, sec tze b'eylb'ej smasnil tas wach' 'icha tze nib'ej. Ax e munlj pax 'a 'a, yujto tzeya'ch 'a e c'ojol.

A Ch'an̈ Carta D'a Eb' Hebreo 2:13

Yaljnac pax 'ixtic: A Dios yipc'ojlal yaj wu'uj, xchi. An̈jtona', yaln pax 'ixtic: 'Ayn 'ec' 'a tic yet' eb' wunnal xyac' Dios, xchi 'a Ch'an̈.

A Ch'an̈ Carta D'a Eb' Hebreo 7:27

Man̈ lajnoc 'icha eb' sat ya'mal 'och sti eb' quit chon̈b'ec 'a Dios. Yujto a eb' cha, yowlal tzyac' eb' jun tzo'n̈ xajmb'al 'a junjn c'u. Tzb'ab'l 'a'j eb' yuj smul, tzya'n pax eb' yuj smul eb' yit 'anma'il. Ax Jesús, jun 'ejmn̈ej ya'jnac xajmb'al-l sb'a yuj qui mulec, yic ya'n cham sb'a.

A Ch'an̈ Carta D'a Eb' Hebreo 9:14

Toto 'ixta yopiso schic'l no noc' cha, ocxom wal schic'l Cristo. A Yespíritu Dios 'ayc' 'a smasnil tiempo. Yu'uj, ya'jnac sb'a Cristo xajmb'al-l 'a Dios, 'icha junc xajmb'al may spaltail. Yuj cha, a schic'l chi tzsacb'tzan qui nab'enec 'a jun tzo'n̈ maysch'olnil tz'i'n cot chaml 'a quib'n̈ec. Yuj cha, a ticnec, tztac' ca'nec servil Dios pitzan.

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.

Apoc 1:18

Pitzn in. Wach'xam in chami, palta pitzn in 'a jun 'ejmn̈ej ticnec. An tic, yajl waj 'a yib'n̈ chamel, yajl pax waj 'a jun lugar 'aj 'ay spixn eb' chamnac.