Is 52:2 - Chuj San Sebastian Bible

² Q'uen̈ec pax wan ex 'aj Jerusalén, ma'c 'el pocc 'ayex, to 'oj eyemx wocn 'a e despacho eya'n yajlil. Ex 'aj Sión 'icha to 'ayx 'och can presoal, 'ijec 'el e b'a 'a yaln̈ jun 'icha yugo 'ay q'ue 'a yib' e jaj cha.

Chuj San Mateo Bible

² Q'uean̈ec vaan ex aj Jerusalén, maq'uequel pococ d'ayex, ol ex emxoc c'ojan d'a e despacho eyac'an yajalil. Ex aj Sion, ex ix ex xid'ec' d'a ch'oc nacional, iq'uequel tas tzec'b'iloch d'a e jaj.

Is 52:2 Iomraidhean Croise

Is 10:27

A 'a jun tiempoal cha, atta 'oj yi'l jun eyictz 'aych 'a eyib'n̈ yuj eb'. 'Icha tz'aj yijx 'el te yugo 'ay q'ue 'a scal sch'ac junc wacax, c'un xoj yeli, yujto wan xo laj sc'a'i, 'ixta jun eyic cha.

Is 14:25

'Oj in satl eb' asirio 'a sat in lu'um, ax wa'n lajwc 'el eb' 'a lum jolmctac witz, lum 'ay 'a yol in macb'en, ax wi'n 'el yailal 'aych yuj eb' 'a yib'n̈ eb' in chon̈ab'. Man̈x 'a pax b'a'n̈ 'oj 'ixtxoc eb' in chon̈b' chi jun 'ejm xo yuj eb'.

Is 29:4

Caw 'oj 'ijxoc 'ejm Jerusalén, 'icha to 'oj can t'ocn 'a sat lu'um, ax 'a sat lum chi 'oj paxtinc cha'an̈, toxn̈ej 'oj wulwnoc spaxtin 'a scal pococ, axn̈ej 'a yol lum 'oj paxtinc q'ueta, 'icha junc mach tzpaxtin yet' spixn junc chamnc 'anma'.

Is 3:26

Ax smasnil eb' 'aj Jerusalén, 'oj 'oc' eb' yuj scusc'ojlal, yujto sch'ocxoj eb' 'oj canoc.

Is 49:21

Tznan 'ix 'ixtic: ¿Tas yaj jun tzo'n̈ 'unn tic? ¿Tom wic eb'? Tom tztac' yalj wune yic 'ac'tb'iln can in ch'ocj 'a junc chuc chon̈b'al? ¿Mach 'ix q'uib'tzan jun tzo'n̈ eb' tic jun? ¿'Ajtil xcot jun tzo'n̈ eb' tic? xchi 'ix. 'Icha 'ix 'ix cha, 'ixta aj ach Sión.

Is 51:14

A mach tz'ixtx 'a nab'an̈ej, yajn̈ej ax scolxi; ma'oj cham 'a preso, ma'oj yac' pax wejel.

Is 51:23

Ata 'oj wa'x 'a eb' tzlaj ex 'ixtn cha, atn eb' xlaj aln 'ayx 'ixtic: E'n̈ec teln 'a sat lum tic, ax qui b'atj 'ec' 'a eyib'n̈ on̈, xchi eb' 'ayex; ex 'ec' teln 'a sat lum cha, ex ste'wtan̈n eb' 'icha pococ, xchi Dios.

Is 60:1

A Jehová a 'ix aln can 'ixtic: Ex 'aj Jerusalén, a ticnec q'uen̈ec pax wa'an, caw wach' eyico' yujto tzcheclj pax chan̈ in sacq'uinlal yet' in tzictznil 'a e cal.

Is 61:1

A Yespíritu Jehová Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a', tzlaj wa'nc can b'oxc sc'ojl eb' ya yaji, tzwaln 'el yab'xil colnb'il 'a eb' 'icha preso yaji.

Is 9:4

Yujto ach 'ix a satl jun chon̈b' 'ix 'i'n 'at eb' a chon̈b' tic 'a 'icha presoal, eb' x'a'n 'och yailal 'a eb' a chon̈ab'. Ach 'ix a satl eb' 'icha 'ajnc satl eb' 'aj Madián 'a yic pecti'.

Jeremías 51:45

Ex in chon̈ab', 'eln̈ect ta', colc 'el e b'a 'a yowl in c'ojl tzjaw 'a yib'n̈ jun chon̈b' cha.

Jeremías 51:50

Tzyal Jehová 'a eb' israel 'ayc' 'a Babilonia: A machx 'oj eyac' ganar e yel 'a jun chaml 'oj ujc cha, 'ixquec 'eloc. Man̈ ex cancn ta'. Wach'xam najt 'aycn e lu'um, palta 'a'c 'och wal e nab'en 'ayn an Jehová in tic, nac cot pax Jerusalén.

Jeremías 51:6

'Ixquec 'elc 'a Babilonia tic, sec ma'oj eyamchj c'och e cham yuj smul eb'. Atn wal yorail tic in pacn 'a eb' 'a 'icha wal tas smoj schan eb'.

Ez 34:27

'Oj ya'x te 'awb'ente sat, til wal sb'al lum lum chi 'oj yac'a', caw junc'ojlal 'oj can eb' 'anma chi 'a sat lu'um. A yic 'oj in coln 'elt eb' 'a yol sc'ab' eb' 'aj 'aych mosoal cha, 'aj to man̈ yico'oc sb'a eb', ax yojcan 'el eb' to an Jehová in, an tzin col eb'.

Zacarías 2:6

A Jehová a tzaln 'ixtic: An ex wac' sactzic can 'at 'a smasnil yolyib'n̈q'uinal. Ax ticnec an tzwal 'ayx 'ixtic: Ex 'aj Sión, 'eln̈ec mu'c 'a jun nacion̈ 'a 'aj 'ayx 'ec' 'a stojlal norte; 'eln̈ec 'a Babilonia 'a 'aj 'ayx 'ec' 'icha presoal, xchi Dios.

Lc 21:24

Nan̈l eb' 'oj milxc cham yuj owl cha. Nan̈l xo eb' 'oj 'atcn 'a 'icha presoal, ax spojx can 'ec' eb' 'a junjn chon̈ab'. A eb' man̈ israeloc cha, caw 'oj 'ixtxoc can 'el Jerusalén tic yuj eb'. 'Ixta 'oj 'ajoc, masnto 'oj lajwc jun tiempoal 'aj tzyac' eb' yajlil 'icha yaj snan Dios.

Lc 4:18

A Yespíritu Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a'. Tzwul waln 'el yab'xil colnb'il 'a eb' 'icha preso yaji. Tzwul in jacn pax sat eb' matz uj yilni; ax eb' 'aych junc tas 'a yib'an̈, tzwul wi'cn 'elt eb' 'a libre.

Apoc 18:4

Xlajw cha, xwab'n yoch junx paxti 'a satcha'an̈, 'ix yaln 'emt 'ixtic: —Ax xo ex wico', 'eln̈ec 'a stz'ey jun tzalx 'ixl cha, sec man̈ ex locnoc 'a jantcn̈ej maysch'olnil tzb'o'o, sec ma'oj jawc yailal 'a eyib'n̈ yet'oc.